影片
以上资料只供参考，请与餐厅确认详情
今日黎左呢间宜安街既新宝打冷。我同朋友两个人叫左3个𩠌，卤水鹅片、蚝饼同埋椒盐九肚鱼因为我地早到，大约6点半，去到有卡位坐，所以坐得都几舒服店舖有两层，就算繁忙时间应该都唔洗点等位食物味道都唔错，椒盐九肚鱼都炸得几脆，而且冇骨，蚝饼都唔会太咸，味道调得岩岩好鹅片又啖啖肉我地仲有叫左几支啤酒，呢几个𩠌送酒都好唔错我地叫左呢几个𩠌已经食到好饱如果下次有机会会再试其他菜式以后系观塘打冷又多左一个新选择啦
继续阅读
搬咗嚟呢边住成年，都系第一次入嚟呢间店。因为门面太唔起眼，同一条街亦都有太多选择。今次想食啲新意思，又唔想行好远，所以就入嚟。午餐都系@$50左右，街坊价。相对嚟讲，个豉油炒面，冇火腿丝都照卖$50，就比较贵。但系因为太钟意食，所以照叫。另外本来想叫啲鸭脚饭，因为唔系间间有。但系老板娘话未够霖，叫我转第二款，okok，转叫牛腩筋饭。个牛腩筋饭真系够霖，亦都好入味，但系更好味嘅，竟然都系碟豉油炒面。冇标榜用豉油皇、头抽，乜乜七七。但系成碟摆喺面前，就一阵豉油香味扑鼻而来⋯ 心谂，有料到㖞，睇埋啲面系乜嘢水准先。啲面入口，软硬适中，干湿程度亦都啱口味。佢唔系靓嘅蛋面，欠咗啲蛋味，但系做面嘅粉应该系靓嘅。但系佢做到干湿度准，同埋豉油香，入口爽绵平衡适中，冇乜肥油渗出来⋯ 已经系近呢几年，我食到最好味嘅豉油炒面，赢过我在五星酒店及大酒楼食过的两次。我肯定会返嚟食豉油炒面。再公平啲讲句，佢个例汤个样似系例水，但系其实都饮得下，有冬瓜味、有猪骨味，唔觉有味精。
继续阅读
今日突然想食蚝饼，所以就走去新宝开餐先！蚝饼大大份，香口脆卜卜，蚝仔份量充足。今日既鹅件好靓呀！肥瘦岩岩好，肥而不腻，鹅肉香嫩入味。最喜欢点埋个酸汁食，开胃又增添几分滋味👍🏻自选卤味，拣左猪头肉同金钱肚。猪头肉系每次必定会叫黎食😋口痕想配搭多一个𩠌，于是就点左金钱肚⋯但个金钱肚唔太岩自己口味⋯下次都系叫返栢叶或者墨鱼好了⋯———————-最近凯汇商场开左啦，有埋停车场，近呢两次揸车过去食饭变得方便左👍🏻（但其实观塘地铁站行过去都系10分钟既脚程）
继续阅读
男人话想食潮州打冷 有间小店佢每次想食打冷都会黎 话想带的去食 所以今次就跟佢过左黎观塘铺内有两层 真系好多人全满黎间店全出名打冷 除左打冷之外 仲有普通茶餐厅有既碟头饭 蒸𩠌 小炒话明专程黎e度食打冷 当然嗌左两个我认为打冷必食既(因为我唔太喜好内脏 所以要我男人将就一下啦🤗)必食 卤鹅片 $98因为系主角同佢影多两张相 咸度甜度适中 皮·脂肪·肉既比例完美 (男人话打冷一定要配啤酒🍺)(好味指数: 😋😋😋😋😋)必食 韮菜猪红 $45韮菜猪红系我既最爱 黎度既猪红好入味 而且完全无腥咪(好味指数: 😋😋😋😋😋)XO酱啫啫鸡煲 $65一程黎到都试下佢个小菜啦 本身想食鲜润啫啫鸡煲 可惜全港🐖🐖😷😷☠☠ 甘虽有食啫啫鸡煲 黎个𩠌就比较逊色 鸡上太多粉 酱料生粉太多太'杰'身 太咸(好味指数: 😋)菜单以潮州打冷或者小菜价钱同其他餐厅差唔多 但佢款式种类比较多 因为两个人食唔到太多野食 下次一定会黎食多次试下其他菜式(👍👍👍👍👍为最高)整体食物质素: 👍👍👍性价比: 👍👍👍推荐指数: 👍👍👍👍
继续阅读
夜晚又要揾地方食饭 星期日晚周围都好多人 唔想等既情况下就黎左宜安街揾夜野 成条街都系叫𩠌食饭既餐厅 就简呢间试试 我地上左第二层 空间较为宽敞 无咁逼即刻叫左几道菜 最钟意椒盐炸豆腐 外脆内软😆啫啫鸡煲既肉质好鲜嫩👍🏻👍🏻对我呢个食肉兽黎讲 一煲都真系唔够食每次去打冷都必食既蚝仔粥 以前食过好多间都好多水同粥 呢间好足料 蚝仔好多！卤水拼盘有少少咸 不过都值得一试👍🏻价钱黎讲算中价 六个人食 每人都只系洗85蚊！
继续阅读
您可能会有兴趣的...