影片
以上资料只供参考，请与餐厅确认详情
依间汤饭店我帮衬过超过十次，因为佢啲猪肉丸真系好食，所以去完都会再去，但最近三次嘅用餐体验真系令我不得不开个帐户为佢写食评。第一次同老婆去食晚饭，汤饭我哋都系每人叫一碗四𩠌，因为肉丸好食，所以依一次我老婆喺四样𩠌入面叫咗两份肉丸，而我系一份肉丸。汤饭嚟到嘅时候，我果碗汤饭只有2粒肉丸，而我老婆果碗有4粒(但平时一份肉丸系有3粒)。咁我向侍应阿姐了解嘅时候，佢话「不嬲都系咁架㖞」，咁我哋以为佢「扣𩠌加价」，所以无为意第二次之后自己一个嚟食，我四𩠌汤饭入面叫咗一份肉丸，嚟到确认系有3粒！即系唔系「扣𩠌加价」啦第三次寻日再同老婆去食多次，同样地汤饭我哋都系每人叫一碗四𩠌，我老婆都系叫两份肉丸。今次就好笑喇，我果碗有３粒肉丸，我老婆果碗有５粒肉丸（如果咁计，应该系６粒啦?）。于是我又问侍应阿姐，阿姐好随便咁问完厨房，跟住同我哋讲「厨房话系咁架㖞」，我真心忍唔住问：「𩠌钱你收我四𩠌，仲要每加一样𩠌嘅𩠌钱就越贵，但你俾得越少肉丸我？唔合理啊嘛？」然后个侍应阿姐劲不爽咁先叫厨房补返一粒肉丸俾我。结论：就算你依间舖要计「双并、三并、四并」嘅缩数，越并越少𩠌我唔怪你，但你次次嘅说法都唔一样，就令人觉得咁做生意好有问题，而且依种服务态度叫人好不爽，唔会再帮衬。
继续阅读
好搞笑，明明打左堆留言，今日睇返唔见左，唔知系系统出错定咩原因。间唔中都有去呢间粥铺到食，有得拣汤饭又有得拣粉面，仲有生滚粥，除左炒粉面好难食，其他质素同价钱都合理，服务态度正正常常。但系自从换左依加个收银同落单阿姐后，个阿姐间唔中会出错，漏单，唔知搞咩一大伦后先过来落单或者收钱。有一次阿姐仲懒醒甘叫我食完就好走，唔好坐甘耐，话出面有人等紧位，当听到距甘讲，同枱唔识既人都望住我，我好错愕，最后埋单个阵我大声话俾阿姐知，我由入来铺头坐低到俾你赶我走，我都只系用左20分钟，我叫左汤饭，我食完汤饭仲有杯野饮未饮，我饮埋杯野，由入座到离座埋单都系用左25分钟，甘都叫坐左好耐？！如果你要求所有客人要系呢个时间完成用膳时间，有本事就贴张纸出来俾每一位客人见到。
继续阅读
炒面、炸両都是不热、咸煎饼甜的、咖啡难饮，最基本都做不到，极差，从未食过如此低质素的粥面店，问店员可否提供一杯开水，都说没有。食品质素如此低劣，咖啡超差。千万不要帮衬
继续阅读
服务俾一星，系因为最低只可俾一星，建议引入美女厨房嘅负分制。牙痛，去咗食白粥，食完叫侍应埋单，叫第一次侍应唔理，第二次嘴脸态度不屑嫌弃，听唔清楚内容，再问一次，竟然大声夹恶「十一蚊啰」，就此我都算，赶住睇医生，亦明白又唔系咩名店、大生意，食饱快啲走，然后唔再帮衬就算。但系俾钱时d钱比人扔，真系火起，同该名有问题嘅店员（同上述侍应为同一人）理论，竟然被闹返转头，万分坚持自己嘅正常及正确，唔讲以为我系嚟打工，佢系老细呀，更加被其他店员「围」，系我旁边叉腰眼超超，好惊呀，疑似恐吓，离开店面后竟然仍然高谈阔论我嘅「问题」、「有病」，大佬，街坊生意，唔系咁呀？
继续阅读
尼间系专食汤饭，但今次叫粥品食。有冷气夏天坐住食舒服。食物亦好快送上。假日午市，坐满哂人。鱼腩粥($40)，鱼腩肉滑，骨大条，方便食。鱼腩量亦多。粥绵，量多，加入姜丝、葱等简单调味，已经好好食。重点热辣辣，暖入心。牛脷酥肠粉($21)，平时食得多炸両，第一次食肠粉包牛脷酥，原来又几夹。肠粉皮属厚，米味重，牛脷酥脆脆，内软，配甜豉油食，亦好味。绿豆沙，估唔到好多渣，完全唔系水浠浠既状态。不过略甜。听到隔离枱落order，原来可以双拼红豆沙。烧卖，过下口瘾。鱼味重，唔会成口粉浆既感觉。整体，简单既粥品，但好考功夫。要整得好食，一d都唔容易。
继续阅读