新大笑爺茶餐廳

“新”大笑爺，應該都新咗好耐啦呢度好有趣，咩時候都有幾個熟客吹水食嘢，放工返到嚟雲疊，快靚正有人情味就響呢度我都係熟客，例湯係大碗少少嘅🤣唔使擔心，大家都可以添嘅小店就係可以有唔同嘅要求，我食呢個薑蔥霸王雞，一定叫勁多蔥半隻雞$88有飯跟埋，細食嘅話兩個人都夠，但係我食少啲澱粉質，對我嚟講就啱啱好！味道正正常常啦，入得嚟食嘢，就係有份人情味，同夥計老闆有講有笑，忙完一日講吓笑話輕鬆吓食吓，舒服晒！😊…查看更多

歐陸早餐 星期日早上輕鬆一下，來一份歐陸早餐!火腿和煙肉有煎過，有誠意!怎可以沒有茄汁焗豆?好多茄汁焗豆!美中不足的是，豬扒有一股「雪」味。多士的果占好多，不用加錢，好開心!「茶走」水溜溜，味道不如我想像。…查看更多

新大少爺餐廳在此地區已經多年，確實有一定街坊支持，自從轉了主廚，食物確實有水準，皆因主廚鑊氣十足，有一定水準，而且價錢收費比附近的茶餐廳平宜了一點。雖然餐廳地方不大，座位不多，環境也不算很舒適，但有一份街坊的感情，無論老闆或員工都很熱情。茶餐廳主打午飯套餐，早餐、下午茶或其他常餐等，晚上還有些小炒餸菜，一般的附送例湯，例湯味道不錯，絕對沒有味精，咖喱醬汁都有其吸引力，中式酸菜魚、水煮牛或蒸魚，都有不少棒場客。這次就嘗試了時菜肉片炒麵 HKD48，配上例湯和飲品一杯，凍飲需加HKD3。例湯節瓜豬排湯味道清甜，凍檸檬茶沒有茶的苦味，也算還好的。最感意外就是時菜肉片炒麵，炒麵脆口之外還帶點鑊氣，加了點汁的麵帶點點脆口又有點點淋口，口感很滿足。肉片嫩滑，時菜又夠爽口，整個炒麵不用加任何醬汁已好夠味道，整碟炒麵吃完很滿足。…查看更多

都有好多年無去呢間開餐，最近呢幾日經開一試就愛上，以前食過呢間幾次都覺得好普通，特別係呢間D辣既食物 和小炒 好野味 鍋氣足 份量大，一定要試下佢個秘制招牌魔鬼咖喱，香辣十足 撈白飯一流，食得辣先好叫。我今日挑戰佢個辣子雞丁，非常野味，雞丁唔會太油 香脆辣 少少麻 咸度適中，非常香辣 可以去挑戰一下。…查看更多

垃圾 300幾蚊叫咗個外賣晚餐🥣😅第一樣椒鹽鮮魷，本身見到外賣平台4.3分，仲好大期望諗住試下新野，同埋心諗啲菜式咁簡單，都唔會太差掛。結果嚟到個椒鹽鮮魷淋嘅都算啦，啲炸粉仲要未炸開，成碟冇味，從來未食過咁難食嘅椒鹽鮮魷。😅第二樣係回鍋肉，冇諗過竟然用煲粥嘅肉片嚟炒回鍋肉，聞所未聞。啲油多到呢，唔講以為食緊水煮肉。😅第三樣咕嚕魚，又唔酸唔甜，唔知食緊乜，不知所謂。😅第四樣西炒飯 白飯都好食過西炒飯 完 垃圾 …查看更多

叫左幾次，味道算係ok既，所以先再叫外賣（經網上外賣平台)，叫左兩盒早餐。魚柳上面痴左一隻烏蠅，初時以為係炭灰or炭屎, 細心睇 有翼 有觸鬚。就算吾係烏蠅都一定係其他昆蟲。打返電話去餐廳，有個女人聽電話，講返件事佢聽，佢好似覺得我呃佢咁，態度仲要好到不得了，問返我：咁你宜家想點？ 我話你送返一盒過黎囉，佢話無人送外賣。 咁你問返我想點托咩，最後又比左個男人聽，最終打去網上外賣平台 refund。我吾係為難佢，你話細隻d我當睇吾到 new開佢都算，今次咁q大隻，仲要個女人講電話d態度。衛生問題非常嚴重…查看更多

估唔到呢間茶餐廳轉咗幾次手，今次轉咗一班有熱血嘅人手上，終於可以俾個Like佢雖然小菜款式唔多，但試過多款都好好食！最抵讚係份量多，優錢又合理⋯食得辣嘅朋友可以試魔鬼咖喱大辣再加辣！超正最抵讚係份量多，優錢又合理推介街坊鄰居可以去試下…查看更多

荼餐廳炒粉面最緊要有獲氣佢做到由奇個炒飯真係炒到粒粒分明夠乾身係其他餐廳真係好小廚房佬會去炒到咁個咖哩都好好味魔鬼咖哩味夠岩哂喜歡食辣嘅人濃馬來咖哩清淡得黎吾會無左咖哩味…查看更多

咁啱放假起身想食嘢，梗係揀樓下食開間大笑爺啦。佢先前轉咗手諗住味道會唔同哂，點知質素不變，啊姐仲熱情咗！你睇下個餐，咁先三十幾，抵食好味推介！最好食係個肉餅，轉奶油，豬都係加三四蚊。…查看更多

一般住宅區的茶餐廳，相信它的目標群組大都是街坊食客。這間也不例外，開業大約半年，相信係「頂上一手」，餐廳名稱只加了個「新」字，陳設作少量翻新，菜式大多照舊。食品比上一手稍為遜色，略微偏油，但以街坊茶餐廳來說，尚可接受。以往通常會食佢個「車仔麵」下午茶餐，因為夠飽，個別有D餸會分碟上，唔洗咩都浸落個湯，轉「新」後，都與上手一樣。但自頂手後已少去食！原因係「貨不對版」、阿姐服務態度差劣(如題)！之前已有幾次不快經歷，但見幾個月也無幫襯又唔知食乜好，先諗住比多次機會佢啦！點知…… :( 首先，佢個「車仔麵」下午茶餐係寫明有3餸1麵、配餐包、配茶/啡。(店鋪內的牆身都係咁寫！)正路應該會出現的食品會有︰1)3餸1麵、2)一杯飲品、3)個包。即係是但一樣無，作為食客，係咪會expect 落單嗰個人會同返你講某樣嘢賣哂，叫你轉過另一款或用另一樣差不多的食品代替？這都是常識吧！不快經歷一(好多個月前的weekend)︰叫咗呢個餐，碗麵都食完的時候，發現個包仲未有，便問個伙記(阿姐一號)，佢一邊抹枱，一邊回答說：「無呀，送哂！」跟手閃走咗，不了了之，我心想︰「送哂？乜唔係話配架咩？可以送哂？又唔早講？」正當因為個肚好空虛而灰緊的時候(因為expect有，但突然發覺無咗……)，阿姐一號同我後面枱的中年男士落單，他也叫這個餐，個阿姐一號今次有同佢講個包賣哂，仲提議可加1元轉多士烘底！ 我心諗︰「What?可以咁架咩？做咩1分鐘前唔係同我講呢D對白嘅？」咁我當然第一時間問返阿姐一號︰「係咪可以轉多士？」佢猶豫咗一秒，帶點不肖地話︰「…係，要加1蚊喎！」我秒回︰「加1蚊囉！」 --->點解無包唔早出聲？我要行量我自己的食量而叫咩食架！同埋點解男性食客同女性食客會有唔同服務&待遇？食個Tea都要性別歧視？不快經歷二(幾個月前的weekend)︰今次早咗起身，諗住食個lunch。去到門口，好似無位，因為舖位細細，在門口睇睇情況先入去。有個女伙記在門口位置(阿姐二號)見到我「莊下莊下」問我︰「你多幾個？」我話1個，佢即刻話︰「無位呀！」完！佢眼裏帶有不肖，完全係趕客的態度。我也二話不說、頭也不回地走了！ ----->我真係唔係好明，黎食嘢姐，好似黎貼錢買氣受咁… 所以之後都無去該店食嘢。不快經歷三(就係上星期日)︰諗住比多次機會佢，睇下服務水準有無提升。我都係叫咗嗰個餐，今次係阿姐一號落單。同一時間又有一個中年男士同枱，所以一齊落單。佢都係叫麵餐但同我嗰個有D唔同，落單時大約2:45pm(注意︰下午茶時間2:30pm才開始、阿姐一號無同我講係無包！！)。好快阿姐一號攞咗碗沙嗲牛肉米線放低，我同中年男人都諗緊孰誰，(因為我叫3餸，之前有講有時D餸會分碟上，我唔確定我D餸係會一齊上定分碟上，更加無為意中年男士叫了咩餸)，個阿姐一號又唔講係咩餐，只講係沙嗲牛肉米線(其實有用眼看都會知囉！)，跟住中年男士用糊疑的口吻回應︰「應該唔係我地嘅。」我估他都知我叫3餸麵，而嗰個麵連3歲小朋友都知係1餸的。跟住個阿姐一號攞返去，應該係check單。期間，阿姐二號問佢做咩，個阿姐一號就好勞氣，並大大聲說︰「佢話唔係佢架喎！3餸咪係佢架囉！」跟住拎返碗麵過黎，又大大聲+不耐煩地說︰「你叫3餸！其他分開上囉！」我忍無可忍回佢話︰「你都無講！！」之後剩下嗰碟兩餸黎咗，又見無咗個包，我就即刻話還欠一個包，佢又話「送」哂。我又忍不住話︰「送哂？」心諗︰「早又送哂、遲又送哂？係咪根本係無呢樣嘢？」我話︰「我要轉方包！」佢行開扮問得唔得(其實之前試過有個男伙記轉比我，我知係得嘅，但共通點係都無事先話比我知已「送」哂！)，咁最後當然有轉比我！阿姐一號問我會否加1元轉多士，因為氣上心頭之下，我1蚊都唔豪比佢！ ------->正常攞個餐去個食客度係咪都會講下係乜嘢黎呀？何況係搭枱客？仲要嗰張單係佢自己落嘅！總結，呢D咁嘅服務態度，我真係吃不消。仲有，我唔知這間茶餐廳有沒有違反商品說明條例！嗰個餐根本就寫明個餐包係配個3餸麵，而唔係「送」的！正常茶餐廳係寫「送例湯」大家都知這個例湯送完就止。有冇人接受到你叫個早餐︰雪菜肉絲米配火腿奄列、配茶/啡，原來火腿奄列「送」哂，跟住又唔早講，等你不了了之，或者等你出口問嗰時先話「火腿奄列送哂啦」，仲要好似係你作為食客嘅問題？這間茶餐廳就咁成為我的頭號 食肆！…查看更多