新城潮州飯店

营业中

休息中

剛在宵夜時段叫了乾炒牛河， 回到家吃簡直讓我驚訝， 落單紙竟然與牛河一起炒， 起初吃時不為意， 越吃越不對勁，最後竟發現一張落單紙混了在一起炒， 怪不得一路吃河粉一路有紙張的口感， 我希望不是因為快關店所以廚師整蠱我， 我真的不是蓄意幫襯，只是因為四處的餐廳也關了， 希望這位廚師下次不要這樣對待客人， 我真的不相信在炒的時候看不到這樣大的落單紙 ， 這落單紙完全和牛河混合在一起。 另外牛河淡而無味，只有油， 辣椒醬完全沒辣味， 真是可怕的一頓宵夜

潮州打冷離唔開蠔仔粥蠔餅 但我因為一個人食唔到咁多嘢 所以就揀咗鹵水鵝嚟試 唔識講嗰啲咩肥瘦適中呀啲肉質好嫩 單憑感覺 配一個*妹*即係潮州粥 已經好好味 好有家的感覺 雖然我係特意搭的士過去試 但係我覺得物有所值 下次我會再試埋蠔餅同埋蠔仔粥 唯有再肥多十磅啦🤦‍♂️

-講起打冷當然諗起潮州菜～呢間鋪頭都算系老鋪得尼系好味又足料既鋪頭🏠——————————————————————#招牌小炒皇 $88小炒皇係我呢間鋪嘅至愛，真心炒得有鑊氣之餘，又大大碟，材料都好多，韮菜炒得好爽，蝦乾🦐幾大隻，仲落埋魷魚🦑魚乾🐟菜圃、腰果同西芹，食落好香口同多重口感！好味指數：9.5/10#蠔仔粥 $58（碗）雖然系一碗但都幾大碗，配埋其他餸夠哂兩個人食！又系幾足料既粥，因為除左落左蠔仔🦪、冬菇同魷魚🦑之餘，仲加入左咸魚，令成碗粥食到蠔仔鮮味仲有咸香味👍👍好味指數：9.1/10#蠔餅 $58價錢唔貴，唔算好油，外脆內軟，材料配合得均勻，食落唔會淨系食緊麵粉既感覺，唔需要點任何醬汁就禁食已經夠香口！好食指數：8.8/10#潮州鵝片 $118肥瘦均勻，食落幾juicy亦唔會太咸，要讚既系鵝片下面墊住d豆腐幾好味😹夠淋身同滑身！好味程度：8.2/10抵食程度：8/10回頭度： 9.3/10——————————————————————📍地點：新城潮州飯店 (九龍城)九龍城衙前塱道30號地下🈺️營業時間：星期一至日18:00-04:00☎️電話：27169949#美食#相機食先 #九

九龍城除咗泰國餐廳雜貨店多 排第二嘅 潮州菜館當之無愧 “㗎忌冷 去打冷” 去間低調老店 懷緬一吓-🦪潮州蠔餅 ($68）蠔仔細細但隻隻飽滿 沾麵粉炸香後 件頭超大 香脆可口帶鮮腥蠔味 嘴舌油膩卻滿足-🥣咸菜豬肚湯 (每碗 $58)飲碗湯冲淡油膩最啱 下料充足 一半湯一半料 胡椒味後勁凌厲 越飲越醒神-🦢潮州滷水鵝 ($118）性價比高 咁嘅價錢竟然有咁多件鵝肉 只有街坊良心老店先做得到 -🍤秘製雙料蝦 ($188）雙料即豉油王同椒鹽 大蝦先用豉油腌製 味道十足 再用椒鹽炒香 魔鬼組合難以抵擋-🐟🥬豆鼓鯪魚炒油麥菜 ($68）豆豉鯪魚同油麥菜 出奇地搭配 完全冇違和感-🥔反沙芋 ($88)外表樸實 極講求㕑師快炒功架 外層沙糖鬆脆甜滋滋 裏面嘅賓郎芋頭粉嫩極緻 一咬即化-📍九龍城衙前塱道30號地下 新城潮州飯店

喜歡吃潮州菜的絕對要來這裏試一試! 吃過一次, 真心推介, 這裏的所有菜式也很地道和好吃😋。晚上來到的時候, 已經裝滿了人, 很熱鬧。蠔餅 - 我會推薦這個菜式~ 即叫即製, 外層超級香脆, 裏面的蠔仔分量多, 是地道的潮州菜式。豬肚湯 - 豬肚配鹹酸菜, 喝完感覺很暖胃, 胡椒分量剛剛好, 飲落令人開胃的。反沙芋 - 每條芋頭都被薄薄的白砂糖包著, 充滿芋頭香, 有外脆內軟的口感。金銀蛋浸時蔬 - 大大碟, 鹹蛋和皮蛋分量多, 我喜歡它切成粒, 大大粒, 更有口感, 時蔬很鮮甜。涼瓜肉鬆煎蛋 - 這個非常好吃, 超級推薦!! 我吃了半碟呢! 煎蛋裏面的涼瓜分量多, 又不苦, 煎蛋煎至微微焦脆, 充滿蛋香, 不會煎得過老。

超有特色而且好食嘅潮州打冷🤩糖醋麵 $68好少食到糖醋麵！呢間嘅糖醋麵煎成心心呀❣️係招牌菜之一！好得意呀🧡個麵幾脆，不過如果再脆啲會更正🤣高手反沙芋都係一道好特別嘅菜式！比較少見到～出面有層砂糖，然後芋頭外脆內綿，入面好好食😍只係砂糖可以少啲，宜家甜咗少少🙈海蜇手撕雞 $88好吸引呢😍味道唔錯，好香麻油味～椒鹽炸蝦 $88蝦隻好新鮮，炒得惹味👍🏻潮州蠔仔粥 $58好多蠔仔！味道好清、芫荽味濃🤣個粥嘅米粒粒分明而且有好多！潮州鹵水鵝片 $118唔錯，幾好食😋鹹菜胡椒豬肚湯 $58足料，好飲呀🤤

同阿仔黎開九龍城搵野食，阿仔只喜愛食麵，我又想食少少，最緊要有魚，諗起潮州菜，但唔想去創發，上網搵到呢間啲人話幾正，決心去試下。其實呢間野啲野真係好食，又唔貴。不過最差既印象就係佢個椒鹽脆豆腐，佢水牌有分水豆腐同脆豆腐，應該叫得脆豆腐就係用滑豆腐細細粒，佢黎左呢個樣既不特止，仲話係咁既，我問佢水牌2種豆腐既分別，佢仲無啦啦找個油鹽水醬過黎，真搞笑佢個白飯魚冇乜用炒，好似淨係乾炸原條白飯魚咁，唔會食到成啖粉，幾好正常野佢係英倉黎，唔貴，肉質好食過普通倉魚好多，鐘意食魚既一定要叫心型兩面黃係佢地既主打，好香口，一定要嗌俾身邊人食代表心意下次要同蝦子餅黎試😍😍

炒蜆食沙多過肉，蠔餅得粉唔見蠔，啲嘢攤到凍晒先周圍逐張枱問係邊個嗌，最離譜係埋單又亂計錢，一定計多冇計少，糾正佢會俾面色你睇，開口埋口話唔知唔知，俾人篤爆扮痴扮傻，衰過黑的，已幫襯超過十年，以後冇交易，拜拜

呢間潮州菜味道好又抵食，唔介意店面舊左d，地面跣d，無咩service，只望食餐平民價高質潮州菜既，不防一試！必食推介：煎蠔餅，夠晒脆口熱氣😋。炒蜆，無沙勁惹味。心形雙面王，配埋糖醋一齊食，甜甜酸酸既脆麵餅，真係食到心花怒放🌹。炸大腸，又一超脆爆熱氣推介，真係要冒住喉嚨痛既風險試下佢，正！唔少得既當然係佢地既滷水鵝併豆腐，無食到唔好話俾人知你去左食潮州菜呀！如果唔會對芋頭過敏既，記得一早order定佢地既反沙芋，勁正既飯後甜品！

一班人最好不過就係去打冷，可以食到多ᗪ唔同既菜式星期五放工後一行6人就去試一試呢間位於九龍城抵食既潮州打冷，之前其實電視都有介紹過呢間潮州飯店，就係比蠔仔餅反沙芋糖醋麵吸引而來蠔仔餅，潮州鹵水鵝片～蠔仔餅煎得好香口，蠔仔都好大隻蒜香骨～炸到金黃色既蒜粒及排骨好香口鹵水小併椒鹽九肚魚～非常香口反沙芋～反沙芋唔係好多地方都食得到，脆脆白沙糖包住軟軟既芋頭又香又脆口真係好好食，而且份量都好多潮式糖醋伊麵～糖醋麵都唔係好多地方可以食得到形象整到心形🧡一樣，一上檯個個都電話食先炒通菜炒芥蘭仲有好多菜式都好想試，下次一定會再黎食

九龍城有不少潮州食店，甚麼檔次也有，每位八百元一頓飯，至四十元一客午餐也有。潮式飯菜，當以「打冷」等為傳統。以「打冷」而論，個人喜好是新成。來的人是街坊，令氣氛比較舒適，如果你明白我指的是甚麼氣氛。沒有太江湖的人物，沒有彼此鬥認叻的高談闊論，沒有看著門口自己非法停泊的車，卻在喝啤酒的司機。在新成，有親切的家庭式招待，絕不怠慢，是閑適。從前老闆娘親手煎蠔餅，現在也是老闆娘親手，只是不是原來的老闆娘，換代交棒了，但心德是有傳授的，一樣的美味。乾煎䱽魚連翅邊魚骨也脆的，但肉身又保持鬆軟，一流。滷水很有水準，當中是有香料的，那是對滷水的最基本要求。新成做得恰到好處，因為不是每個人也接受香料的，所以他們用的分量是輕量的。另方面，他們的炒粉麵也相當有水準，例如沙嗲牛肉炒河。潮州粥很夠熱，這很重要的，當吃了些肥鵝肥腸下肚之後，一口熱粥會令你不覺得膩。啤酒價錢是很合理的，他們最貴的青島啤酒大瓶裝也只廿四元。很愉快的一次晚餐經驗。

黎九龍城成日唔係食泰國🇹🇭野就係牛肉包，今次就試下食下潮州野😋人多抗冷其實好開心，不過今日得兩支公，所以就只能揀兩三款。成日行過呢間見佢門口煎蠔餅好香，所以心思思想去食！今日終於恨到啦！地方就係舊啲，而且我地要坐到最入，隔離就係一大堆雜物同埋個生哂銹既舊雪櫃，的確感覺就麻麻。不過黎呢啲老舖就預左😂男友必點鵝🦆腸，腸係好肥美都洗得乾淨，如果有啲豆腐墊一墊底會更好。唯一可惜係個鹵水汁淡左啲好食！煎🍳得好香，蠔、蛋🥚粉既比例好好，比起泰式既其實分別唔大，呢個有啲蔥花香，多啲麵粉，蠔都夠多同香！兩個人輕易食哂呢個份量！因為見一碗就45蚊，一窩就75🍲咁梗係叫一窩⋯點知大到咁！🙊😅足料大份，但真係唔哂、我地每人食左三碗都仲有一半😣😂蠔仔都係足料，最重要係佢落唔少大地魚，夠香！亦都有好多塊大大塊既冬菇，飽肚又好食！只要忍到地方舊啲唔係好fancy既話，呢間新城都值得食🤗😋

今晚食宵夜，黎左九龍城尼間「新城潮洲飯店」食潮洲菜。好記得幾年前住九龍城既時候，自己一個人黎食蠔仔粥的往日風情。今日，叫左三碟菜。豆醬汁烏頭，蠔仔粥，腐乳炒通菜。豆醬汁烏頭好正宗，睇到烏頭條尾就知啦。條烏頭肉滑，有淡淡的檸檬味。好特別，好野味。推薦！ 必食！另外，佢既蠔仔粥都好出名。必食的蠔仔粥，足料！仲有個腐乳炒通菜好大碟，都係$50。成餐的食物都好滿意好滿足！仲有店內的人情味不是間間都有嫁。。。

落住大雨嚟到九龍城搵地方食晚餐，見到呢間潮州菜館冇乜人幫襯，儘管如此都決定走入嚟試吓，疑似老闆娘走嚟招呼我地，好好介紹菜式又健談，係咁同我地傾計，因為只有兩個人唔敢叫咁多餸，叫了炸雙棗(蝦棗、蟹棗)，蠔仔粥，韭菜蜆仔肉，蠔餅。全部都好重口味，不過全部都好好食。韭菜蜆仔肉放落去蠔仔粥度，勁足料變得超有口感，蠔餅同炸雙棗都整得非常脆口，尤其蟹 棗勁好食，咬落去有蟹肉絲的。最後埋單時，老闆娘又同我地傾計，叫我地記得再嚟，仲收平我地幾蚊，哈哈

出九龍城揾食 1個人嘅午飯 都好多選擇諗吓"方榮記"$30 碟頭炒粉麵飯熱茶任飲”再諗食”魚旦粉" 依家要$35 都唔飽仲有黃明記 每況愈下越食越差……决定再食"新城”…… 之前食過3餸飯 印象好好 再食就唔係咁正飯餸菜多少份量 按老闆娘心意 ……今次去食 老闆娘好急好趕時間咁點菜稍一猶豫 即刻不停催促 要咩要咩……見小妹女人仔 份量全部縮細 (睇倒隔離比較)其實平時好親民 唔夠飯可以叫大飯嘅3餸飯 + 例湯+ 熱菜蜜 $34 價錢經濟菜脯炒蛋2片~細細塊 炒得香 切雞3件 ~ 但微波爐叮過就嚡拾拾肉碎炒茄子~ 大油膩過晒火 軟綿綿 偏甜(放棄)白飯~ 細碗 夠熱 軟熟嘅 例湯~ 唔係老火靚湯 白蘿蔔清水味湯唔夠餸 蘿蔔都變成主角