新咪咪車仔麵小食 (已結業)

晌柴湾发现呢间优质车仔面店，已经第四次帮衬，无一次失望。 今次我拣左鱼腐、冬菇、菜肉饺，粗面，云腿上汤，大麻辣。冬菇普通，但鱼腐同菜肉饺都好食。麻辣酱都好香，唔系死辣。 同行人士因为懒得拣，叫个车仔大杂捞公仔面，十几款𩠌，每样一旧，好丰富。 唯一要弹嘅就系油菜份量超级细，散叫非常唔抵。 如果觉得花多眼乱，不妨选择有手指公o个D，真系唔错，尤其推介鹌鹑蛋！…查看更多

拣左自家手打鱼腐、鹌鹑蛋、鱿鱼三样都OK，鱼腐有些葱 几香，个口感都唔错 好味过谭仔果只鹌鹑蛋系卤水既，唔会太咸鱿鱼剪到都几细条 易食 唔会好易整到D汤周围系 几细心𩠌个量都OK 岩岩好个汤就拣左腩汁、沙爹小辣、冇要麻辣酱但对我黎讲都太辣啦~要叫多罐下次叫小小辣附送既自家制酸菜好味阿~我平时都唔食酸菜，几好入口面就拣左幼面 对女仔黎讲都较多…查看更多

腩肉、猪耳、大肠等都卤入味到透晒，而且大肠内脂肪已被割净。卤水咸甜刚好，隐隐带出香料味。调方似乎系独创，系第二度未食过相同嘅味道。车仔面黎讲食过最好食嘅卤水系呢间。…查看更多

平时行过呢段路去答巴士都见好多小食档，每次经过呢间车仔面档见到Ｄ食物系咁放系度对住车来车往既马路真系好唔卫生，所以唔会帮趁，但呢排行过见到Ｄ食物有盖盖住㖞，心念做咩突然咁有良心既，不过都无去研究无去帮趁，因为对车仔面兴趣唔大。呢日放学好肚饿，好想食野，咁就特登行过去兜个圈睇下有咩岩食，心念都系无咩岩架啦，只系行下就算，返屋企食块饼巴啦。经过呢间车仔面，见到有个后生仔系度煮野，Ｅ？以前不嬲都系个亚嬏系度做，而家系后生仔，再望入去，又有一个后生仔系度整紧野，重系靓仔黍呀 噢！原来换左佬细，我一向都支持后生仔做生意既，因为佢地肯去做好过果Ｄ争系识去打机自闭果种，所以平时经过任何铺见到后生仔我就唔多唔少都会帮趁下作为支持。炸饺子我食过唔少，呢个真系超正，外皮唔系脆，系松脆呀~~~ 直到而家果种松脆重我我个脑度呀！ 入面有D肉同九菜，超正！我本来想要咖哩鱿鱼，但无货，个靓仔介绍我炸虾卷 ( 好似系呢个名 )，但普通味，再有得拣一定唔会拣呢个，我要既系少辣汤底，但对我来讲系劲辣啰，食第一啖，辣到食唔落，唯有倒大部份汤，换上清水，但都食到成头大汗，不过沟淡左既汤味乃然好好味㖞 ，我食车仔面一定拣油面，因为觉得油面系车仔面既代表，而且好味过其他面。值得推荐呀～～～～～:)…查看更多

柴湾食车仔面既选择其实唔多，入夜之后就更加少，有时经过见到呢间都几多人买就试下啦～由于铺头细到根本摆唔到坐位，堂食既话就要坐街边，所以多数人所系买外卖既～一望餐牌见到选择都几多下，不过出前一丁要加＄４好似贵左少少‧‧‧通常小弟食车仔面都离不开几样野：肠仔、红肠、牛丸～肠仔、红肠同出前一丁都系正常水准，牛丸就唔够弹牙，软淋淋咁‧‧‧不过要赞既系个腩汁味道出奇好，非常入味～＄２８食碗车仔面虽然偏贵，不过一试无妨～…查看更多