新咪咪車仔麵小食

柴灣食車仔麵既選擇其實唔多，入夜之後就更加少，
有時經過見到呢間都幾多人買就試下啦～
由於鋪頭細到根本擺唔到坐位，堂食既話就要坐街邊，
所以多數人所係買外賣既～

要坐街邊

一望餐牌見到選擇都幾多下，不過出前一丁要加＄４好似貴左少少‧‧‧

餐牌選擇頗多

通常小弟食車仔麵都離不開幾樣野：腸仔、紅腸、牛丸～
腸仔、紅腸同出前一丁都係正常水準，
牛丸就唔夠彈牙，軟淋淋咁‧‧‧
不過要讚既係個腩汁味道出奇好，非常入味～

1

腸仔、紅腸、牛丸一丁麵

＄２８食碗車仔麵雖然偏貴，不過一試無妨～