影片
一行十人，喺中环揾地方食Lunch，去边好？ 去陆羽对面个间新同乐？好呀！食得方便快捷啲，每人一个Set？ 好呀！不要太复杂，每人6道菜就算，有点心，炖汤，两个主菜，一个主食加一个甜品？好呀！价钱每位$200，简简单单一餐？好呀！开饭啦，唔错㖞，话哂都多年米芝莲星级餐厅，咁既价钱，想点？要赞的就是做得一个靓甜品埋尾， 煎堆壳装著热辣辣嘅流沙，仲有芒果粒， 集清新、香甜、烟靭于一身， 回味无穷！
继续阅读
前几日在groupon买左只新同乐状元裹蒸粽，昨日在中环店换领。见到实物真是吓了一跳，groupon明明写住重约900g，但实物细到唔使去秤都知道偷工减料。于是，我就去附近街市秤，果然，这只号称有900g重量的粽子，实得580g。打电话去新同乐中环店，店员话质量问题佢地控制唔到，叫我去groupon退货。且不论味道好与不好，光是这种不负责任的行为已经让人大感失望。接下来又是一轮和groupon搞退货的痛苦。
继续阅读
3707 浏览
上个礼拜小肥由中环行路返屋企时，路经士丹利街「新同乐鱼翅酒家」个门口，发现餐厅正在推广紧两款「美馔套餐」 ，每位价钱分别为$368及$468。见后者有蟹、有蛇、仲有鲍鱼食都几抵，所以就约埋几位长辈，搞咗个迷你大食会聚餐。属星级中菜厅o既「新同乐」室内装潢及餐桌o既舖排都好有格调，潮中不失大方，洁净企理。每个座位餐具齐备。叶形o既筷子座的骰雅致，但捆有啡边o既筷子就好似残旧咗少少 。XO仔订座时已预先订埋七份$468套餐，七点半钟人一到齐食物亦随即送上。 大闸蟹粉配脆多士：第一道𩠌上枱时只属和暖，蟹粉因为唔够热所以带有腥味 ，加上多士偏硬，贵为星级食肆，似乎唔系好够火喉㖞！ 花胶竹笙三蛇羮：蛇羮每煲仔都预先喺餐桌旁以大火加热后先上枱 。每位食客都各自有一碟三款o既配料，相中由上之下为菊花、卜卜脆、及柠檬叶。蛇羮系就系好够热辣辣，可惜羮底劲稀，味道欠奉，唔多足料 。 花雕蛋白海虾球：蒸蛋白尚算滑口，花雕味都好香浓，不过面头只海虾球就淡而无味，又嚡又老 ，极为失色！ 高山鲜羊腩伴虾籽柚皮：羊腩煲同蛇羮一样，都系由服务生喺客人面前加热过后先呈上餐桌供食用，热力十足。羊腩软腍香浓，而且一啲都唔膻，美中不足系煲内o既柚皮又硬又冇味 ，好明显未煮得透，所以完全唔入味。 蟹肉鱼翅灌汤饺：正当大家对头四道菜都抱有不满时，胃口又带点滞，清甜香软o既灌汤饺却又带黎惊喜 ，挽回少许食物分数。不过由于大家进食羊腩o既速度有所不同，灌汤饺又上得急，其中几份入口时已经唔够热，反映出厨房同楼面o既不协调 。 特色鲍鱼酥：鲍鱼酥唔属冰冻，不过亦唔算系暖啰，室温咁上下。香口点心唔够热可以话系大忌，但因众人都唔系好食得落，所以分咗两件，每人试咗一两口都觉得冇乜特别，就决定打包返屋企，自己叮翻热做宵夜好过。 生磨蛋白杏仁露：杏仁露微甜香滑，不过睇黎此份甜美实在黎得太迟 ，未能成功取悦失望透o既长辈！曾经听过几位外藉朋友形容「新同乐鱼翅酒家」为「Chinese Fine Dining」，一直都想揾个机会一试。今次自己亲临过后，发觉餐店除咗环境优雅，楼面及传菜生大多有礼之外，厨房急速上枱o既菜肴当真未见出众，质素甚至偏低，大家真系唔多明解店子究竟如何摘下米之星啰 ！
继续阅读
叼母亲大人的光又有幸到星星食府一游今次到新同乐试试中菜大师傅的巧手对粤菜一向没什么要求但越来越多中菜餐厅标榜自己的精致考究然而太新派的总是只有看头要吃得好而环境又不将就确是要到经典名店才找得到 招牌的乳猪做得考究，脆皮下酿弹牙虾胶很巧手，若去掉肥膏更加好(8/10) 上汤翠蔬也吃得刁口，竹笙鲜菌浸没半点肥油 (7/10) 柚皮星斑火候拿揑得好，醂而滑溜手艺高 (7.5/10)草本牛尾砂窝有几好，好在入口特别丰腴没半点膻，软滑之余皮弹甘香高垫底的冬菇与面筋更是至宝，没让主角独领风骚 (8.5/10)不来个蛋白杏仁茶怎能走，香浓之余口感丰厚，现叫现煮一丝不苟 (8.5/10)--------------------四十多年的老店果然实力厚不卖浮夸卖味道就够到新同乐一游后很满足地走
继续阅读
新同乐，2011年被《米芝莲指南》评为最高荣誉的「三星」，食物质素不容置疑。这次和友人两人午餐，主攻点心。酥皮马蹄糕 酥皮松脆，马蹄足料，又不会太甜，热食味道不错。玉兰带子饺 带子清甜、虾鲜美，加上味道出众的羽衣甘蓝（kale)，这道玉兰带子饺单是材料已经「无得输」。火腿焗烧饼金华火腿加春葱为，即叫即焗。虽然味道不如想像，火腿也略为干身，但仍是不错之选。中午虽然点得不多，但服务也没有因此差了，作为「三星」食府，非常値得一赞！
继续阅读