新同樂魚翅酒家 (已結業)

一行十人，喺中環搵地方食Lunch，去邊好？ 去陸羽對面個間新同樂？好呀！食得方便快捷啲，每人一個Set？ 好呀！不要太複雜，每人6道菜就算，有點心，燉湯，兩個主菜，一個主食加一個甜品？好呀！價錢每位$200，簡簡單單一餐？好呀！開飯啦，唔錯喎，話哂都多年米芝蓮星級餐廳，咁既價錢，想點？要讚的就是做得一個靚甜品埋尾， 煎堆殼裝著熱辣辣嘅流沙，仲有芒果粒， 集清新、香甜、煙靭於一身， 回味無窮！

前幾日在groupon買左隻新同樂狀元裹蒸糉，昨日在中環店換領。見到實物真是嚇了一跳，groupon明明寫住重約900g，但實物細到唔使去秤都知道偷工減料。於是，我就去附近街市秤，果然，這隻號稱有900g重量的粽子，實得580g。打電話去新同樂中環店，店員話質量問題佢地控制唔到，叫我去groupon退貨。且不論味道好與不好，光是這種不負責任的行為已經讓人大感失望。接下來又是一輪和groupon搞退貨的痛苦。

上個禮拜小肥由中環行路返屋企時，路經士丹利街「新同樂魚翅酒家」個門口，發現餐廳正在推廣緊兩款「美饌套餐」 ，每位價錢分別為$368及$468。見後者有蟹、有蛇、仲有鮑魚食都幾抵，所以就約埋幾位長輩，搞咗個迷你大食會聚餐。屬星級中菜廳o既「新同樂」室內裝潢及餐桌o既舖排都好有格調，潮中不失大方，潔淨企理。每個座位餐具齊備。葉形o既筷子座的骰雅致，但綑有啡邊o既筷子就好似殘舊咗少少 。XO仔訂座時已預先訂埋七份$468套餐，七點半鐘人一到齊食物亦隨即送上。 大閘蟹粉配脆多士：第一道餸上枱時只屬和暖，蟹粉因為唔夠熱所以帶有腥味 ，加上多士偏硬，貴為星級食肆，似乎唔係好夠火喉喎！ 花膠竹笙三蛇羮：蛇羮每煲仔都預先喺餐桌旁以大火加熱後先上枱 。每位食客都各自有一碟三款o既配料，相中由上之下為菊花、卜卜脆、及檸檬葉。蛇羮係就係好夠熱辣辣，可惜羮底勁稀，味道欠奉，唔多足料 。 花雕蛋白海蝦球：蒸蛋白尚算滑口，花雕味都好香濃，不過面頭隻海蝦球就淡而無味，又嚡又老 ，極為失色！ 高山鮮羊腩伴蝦籽柚皮：羊腩煲同蛇羮一樣，都係由服務生喺客人面前加熱過後先呈上餐桌供食用，熱力十足。羊腩軟

叼母親大人的光又有幸到星星食府一遊今次到新同樂試試中菜大師傅的巧手對粤菜一向没什麼要求但越來越多中菜餐廳標榜自己的精緻考究然而太新派的總是只有看頭要吃得好而環境又不將就確是要到經典名店才找得到 招牌的乳豬做得考究，脆皮下釀彈牙蝦膠很巧手，若去掉肥膏更加好(8/10) 上湯翠蔬也吃得刁口，竹笙鮮菌浸没半點肥油 (7/10) 柚皮星斑火候拿揑得好，醂而滑溜手藝高 (7.5/10)草本牛尾砂窩有幾好，好在入口特別豐腴沒半點膻，軟滑之餘皮彈甘香高墊底的冬菇與麵筋更是至寶，沒讓主角獨領風騷 (8.5/10)不來個蛋白杏仁茶怎能走，香濃之餘口感豐厚，現叫現煮一絲不苟 (8.5/10)--------------------四十多年的老店果然實力厚不賣浮誇賣味道就夠到新同樂一遊後很滿足地走

新同樂，2011年被《米芝蓮指南》評為最高榮譽的「三星」，食物質素不容置疑。這次和友人兩人午餐，主攻點心。酥皮馬蹄糕　酥皮鬆脆，馬蹄足料，又不會太甜，熱食味道不錯。玉蘭帶子餃　帶子清甜、蝦鮮美，加上味道出眾的羽衣甘藍（kale)，這道玉蘭帶子餃單是材料已經「無得輸」。火腿焗燒餅金華火腿加春蔥為，即叫即焗。雖然味道不如想像，火腿也略為乾身，但仍是不錯之選。中午雖然點得不多，但服務也沒有因此差了，作為「三星」食府，非常値得一讚！

現在的新同樂，已經是由第三代的長孫經營，祖業能夠世代相傳，尤其經歷經濟起跌及關店開店的轉移，確實難得！身為偶而光顧的老主顧，從廣東道的老店開始，一直非常欣賞新同樂的點心，可惜近年多在香港區活動，尖沙咀店只光顧了晚飯兩次，得知中環店開張大吉，馬上訂位午膳，且看水準如何？ 新店位於陸羽對面，選址是否刻意讓陸羽貴客多一個選擇呢？說過來，兩間食肆走的路線好不一樣，客路不同，相信競爭不大。論環境，這兒無疑比較出色，前身為茶餐廳，門面卻又寛閣足夠，入口先經過玻璃門，也許用意增加私隱。燈光柔和，裝飾亦是暖和格調，並非十分豪華但舒適，大廳內以四人小桌為主，空間合理。打開餐牌，似乎著力推廣套餐，由每位三百多元起的商務餐至數千元之鮑翅餐皆有。小菜方面，款式並不很多，廚師推薦的幾款鎮店小菜，皆有創意及材料上乘，非常吸引，但因為有數款已經於尖沙咀店嚐過，是日只想重溫燒汁乾逼牛肋骨。點心項目放於最後數頁，亦是貴精不貴多，價錢頗貴，每客$60至$80左右，有註明每客份量或是每件計。周六一時，部分客人尚未到，廚房閒著，我們點了的牛肋骨竟然比點心先到。 嚐過此道菜，方知何謂一試難忘，而色香味俱全，也許是此道菜