影片
食物水准很低。早上跟老公第一次帮衬呢间茶餐厅，点了两份早餐。可惜。。。米粉太硬，未煮熟。雪菜 煎蛋冻的。雪菜 肉丝 只有一条小肉丝。咖啡极甜。冻柠茶极甜。食到一半，都真系食唔落去，中途就走了。。不会再光顾。
继续阅读
洋葱猪扒估计松肉粉落很多肉质唔韧可以但无肉味个汁很油.鸡扒不是太熟透, 味道很雪. 咖哩斑腩饭, 一般. 煎蛋, 很差连蛋白都未熟.生炒骨肥肉多外皮粉厚汁太浓, 非常难食, 饭硬到难以形容. 连肠仔都可以煎焦.沙嗲牛肉通粉无牛味得沙嗲味, 非常难食, 泡面太淋感觉好似放了十分钟得杯面一般.最重要要讲的系服务, 这里的低劣服务绝对可以令一个脾气很好的人或心情很好的人变得暴躁.
继续阅读
附近工作,午餐时间系大角咀真系好难揾餐厅食餐好!!因为中银 汇丰 同其他学校都放午餐...本人多数都周围去试唔同既餐厅~写多D食评比各位欣赏!!今日去左新发茶餐厅食午餐,因为望入去都颇多人!! 但学生居多,原来学生有优惠!!一坐底 待应好快行埋黎问我食乜野...其实我餐牌都未睇....袋都未放好....我话睇睇先...好采都冇比面色我睇....招呼系好....但咁样我觉得唔似系招呼~似赶客多...叫左个咖哩斑腩饭 冻奶茶.....同白汤!!落单唔洗10秒...白汤到了!暧暧的 有点粟米 也算不错!!饮完汤 等左5分钟 待应先拎碗咖哩斑腩黎....拎黎果时左手除左拎住我碗野之外...仲拎住碗白汤...一只手拎两碟野.... 系醒系劲就冇问题...但放底我碟野之后...D白汤漏哂去我碗咖哩度...待应系见到...但扮唔知....走左去...!!我叫其他待应黎...其他待应好似扮睇我唔到....搞错丫...咩餐厅黎?? 坐系门口果位收银阿婶见到都唔理我...算喇...当自己黑仔啦今日....先试试咖哩...OK好味....斑腩....9成系粉黎....WHAT IS THIS? 咖哩送饭算...食左半碟顶唔顺....最后饮埋杯呢餐叫最好味既冻奶茶算...话就话好味....7成系冰...又系揾笨之作.!!冇下次了~当我今日黑仔吧~
继续阅读
第一次食去新发食早餐时系叫个沙牛面，点知啲面系用泡面，已经好唔满意。第二次食，俾多次机佢，叫咗个鸡扒火腿餐，谂住难食极都有个普，点知块鸡扒真系令我大开眼界，炸到干硬晒，劲深色，得两啖肉，好似番炸咗好多次咁，劲难食，完全系唔想你再帮衬咁，咁大间舖头有咁嘅质数，实在太可怕，永久blacklist！
继续阅读
某天早上，就在离家不远的这间茶餐厅吃了一顿港式公仔面早餐，本来只是平凡的一餐，无甚特别值得一书，但这天这间茶餐厅的服务效率，却令自己留下负面的印象，相信以后自己再也不会到来吃东西。是这样的，这天第一次来到这间离家虽不太远，但自己一次也没有光顾过的茶餐厅吃早餐，吃的是简单的自选三拼公仔面早餐，所叫的三𩠌是较普通的午餐肉和较特别的扎肉与冬菇，而叫的饮品则是冻柠水，谁不知这间茶餐厅竟连这样简单的东西也搞错，先是女伙计把冻柠水写成冻柠茶，再是厨房把午餐肉变成了煎蛋，令这份简单的早餐无论饮品还是食物都需要更换，实在令自己感到有点好笑。其实，这平凡的港式早餐虽然不是什么美味，味道都算正正常常，但这间茶餐厅的服务效率既是这样的低，在它附近又有多间大同小异的茶餐厅，那又何需再来呢？随便找另一间相信都不会一再的出现这些乱子吧！
继续阅读