新南苑私房菜火鍋鷄煲 (華僑商業中心) (已搬遷) 新店位置

新南苑 2019-05-29為慶祝母親節，表揚母親一生付出，無私奉獻，特登帶佢出嚟威威！唔使佢煮飯，等佢有求必應下！呢間野，雖然唔係自助，但係一嚟到，個雞煲係任你隊嘅，食到你滿意為止，先至到戲肉：打邊爐。佢哋嘅侍應好細心，送咗個雞煲嚟之後，提醒我哋要分別搞四次，我哋唔記得咗，佢仲會幫我地同埋提醒我哋添！我哋一共食咗四部先至開始打邊爐！第一款海鮮：凍蟹呢個凍蟹每人有半隻，都算係幾新鮮，雖然冇蟹膏，但係蟹肉本身都算鮮甜同厚身！第二款海鮮拼盤呢個拼盤有聖子、大花甲、鮮魚片、帶子、海蝦，一人都有一隻嘅份量,食得又開心又滿足,海鮮求啲乜嘢啊,就係新鮮兩隻字！開始打邊爐啦！我地叫左一大咋火鍋料，如下：龍躉片、魚皮餃、冰豆腐、牛柏葉、水魷魚、蟹棒、響玲、鮮雞件、脆骨腩、枝竹，佢有個凍櫃放着啲蔬菜啊，任你夾，又新鮮又唔孤寒！飲品方面：有個勁大嘅雪櫃裝住超多唔同種類嘅紙包，樽裝，罐裝飲品仲有酸梅湯添，屈機到一個點。當我地以為食晒所有嘢，諗住捧住個肚走嘅時候，佢問我地夠喉未，夠就再上甜品，又香又滑又唔會太膩，小小甜啱啱好嘅北海道3.6牛奶奶凍呢度啲侍應,真係十分熱情,服務又周到,好似知你諗乜咁樣，自動自覺

一入座就有人招待 食左雞煲先 超香超好味 偏辣 但比較乾身既 唔係好濕果隻雞煲 我地encore 左一煲 如果你食得落 無限encore都得 不過我地留肚食其他野 佢有送小量刺身都好好味 其他野食種類都幾多 詳細同一般打邊爐差唔多 幾岩一大班人聚會傾計 飲品任拎 我飲左三杯 飲到糖尿病就黎 overall 值得推薦

大雨天天氣帶涼, 打邊爐死粉朋友即時約飯局, 今晚選了她的心水旺角新南苑八時未到已經滿座, 門口位也開始排隊, 似乎很受食客捧場今晚點選的海鮮半放題套餐非常香的雞煲, 雞肉彈牙, 調味香濃惹味, 好好食, 還可以多叫幾次, 單是吃這個已經半飽了吃了香濃的雞煲, 接著就是海鮮套餐, 先來的是凍肉蟹肉質爽嫩而且算新鮮, 沒有一般火鍋店那種好似放置了很久的口感鮑魚蟶子帶子, 都是大路的海鮮選擇其中紐西蘭蟶子比想像中的大隻, 非常爽甜, 即使下了鍋一段時間也沒有被其他食物味道掩蓋海鮮的甜味這個牛頸脊味道非常濃郁, 是晚亮點

一家大細好高興出黎食飯，就係為左同母親大人慶祝母親節，為她訂左呢間任食雞煲火鍋，一次過滿足哂兩個願望，的確佢真係捧住個肚回家，母親大人表示：滿意！滿意！呢間食雞煲係有步驟，保持80度，要隔一兩分鐘攪一次，一共攪四次，就可以食啦，好惹味，唔係好食得辣既我都辣得好過癮呀，我哋一共食咗四部先至開始打邊爐！貼心位來了，佢唔係直接係雞煲落湯底，係會捧兩個全新既自選湯底火鍋，咁就唔怕食番哂雞煲既油。未打之前黎一碟凍蟹俾我地過一過冷河先，每人有半隻，蟹肉鮮甜又多肉！之後個海鮮拼盤有聖子、大花甲、鮮魚片、帶子、海蝦，份量按人頭供應，海鮮又大隻又新鮮，仲叫左一大堆火鍋料：龍躉片、魚皮餃、冰豆腐、牛柏葉、水魷魚、蟹棒、響玲、鮮雞件、脆骨腩、枝竹，蔬菜就可以係冷櫃任夾，多款又新鮮又衛生，有個簾蓋住個冷櫃。飲品都係任飲唔嬲，係雪櫃有好多款任君選擇，紙包、罐裝、樽裝水、椰子......隔離仲有一樽樽涼茶可以成樽拎埋位慢慢嘆。最後甜品，又香又滑又唔會太膩，小小甜啱啱好嘅北海道3.6牛奶奶凍，一流！值得一讚係侍應真係服務好周到，自動自覺，最重要係有晒笑容，又同你講下笑，呢下難得！絕無浮誇！

有位識飲識食既朋友勁讚呢間餐廳既雞煲火鍋半放題超正，直到呢晚終於有機會親身感受一下其真面目。餐廳有獨立房間和大廳座位滿足大家既需要，無論內外位置都坐得舒服。獨立醬料區既乾淨整齊，款式多樣又新鮮。蔬菜是不可能缺少的一環，有助平衡整頓豐富的雞煲海鮮火鍋盛宴。雪櫃飲品任飲，還有自家製涼茶飲料，非常解渴！雞煲辣度任選，雞滑野味，一煲唔夠喉可以追加，食到您夠先轉火鍋又得，不過都係建議留肚食海鮮煲，因為實在太美味了，只怪胃的空間太少。轉了火鍋，先來個大大的肉蟹先，凍食膏蟹係可以好美味喔，滿滿的蟹膏佈滿蟹肉面，正不停口。登登登登！主角來了，這個海鮮盛盆超級豐富又新鮮，有超級聖子皇，肥美大花貝，新鮮鮑魚，帶子，海蝦，魚片肉。還有手工灌湯餃，很好味但小心燙！安格斯牛永遠係火鍋絕配，牛質鮮嫩香濃。還有其他指定食材任叫任食，不怕您不夠飽，只怕您自己叫停。自家製飲品！整體而言，這家雞煲火鍋放題是我食過很不錯的其中之一，下次可以再和朋友來食。

聽說這間雞煲是近排人氣之選，環境夠大夠闊落，設有自助調味料區(設有八款不同的調味料)，自助飲品區，飲品款式都頗多，最欣賞有椰青水。另有自助選菜區。今晚的海鮮火窩半放題套餐，二個人可以揀一個雞煲或一個高級火窩湯底打邊爐，如果三人以上即可免費享用雞煲。來到這裡當然選擇雞煲吧。下單後好快速地有雞煲上枱，侍應們會好細心地睇火睇時間，定時就會打開雞煲來翻炒數次，中途還會放入油條，油條吸收了雞煲的精華。等緊雞煲的同時，會有雞腳花生及冰鎮海鮮提供。這裡的雞煲用上黃油雞，醃得入味，皮脆骨軟，爆香後更惹味，少辣適合我不好辣的人。食完雞煲後，以為會好似其他餐廳一樣直接加湯落煲打邊爐，原來他們會直接換上新煲，加入當日指定的湯底(蕃茄粟米湯)，這樣就可以減低湯底的油膩，對我們怕肥的女士來說要給一個讚。在打邊爐方面，套餐已包了生猛海鮮併盤(有鮑魚，蟶子，蝦，帶子，硯及脆魚腩)，賣相十分吸睛，鮑魚仲是活生生的，感覺很新鮮，仲包了一隻熟蟹。還有本地手切牛頸脊，外面單點一碟價錢不便宜，食落口感比肥牛更爽口彈牙，簡單淥幾十秒就食得，十分嫩滑。另外有2隻小籠包，都是第一次食吧，熟了就好像平時食的蒸小籠包一樣，入面還有湯汁

今天同朋友慶祝生日,就一定要去打邊邊慶祝一下原來宵夜時段仲抵食.$178先黎個招牌麻辣雞煲招牌麻辣雞煲-放埋油炸鬼都幾得意又幾夾,雞好嫩滑又入晒味花膠蟲草椰青湯底-花膠都多,同埋椰青放入去煲真係第一次試,都幾得意同好味道海鮮拼盤鮑魚帶子海蝦勝子魚片海鮮好新鮮好味道,肉質靚過平時任食好多本地手切牛頸脊-牛香味濃,肥瘦平均,唔會太油膩小籠包-入湯煮8分鐘,熱辣辣食咬入去D湯咇晒出黎飲品櫃-好多飲品可以選擇仲有我最愛既椰子水,椰子水有益又好味道凍蟹-好新鮮好正既凍蟹,肉質確實一流菜櫃-好多選擇又夠晒新鮮炸魚皮午餐肉龍躉片脆鯇片芋絲質素都唔錯,特別係龍躉片脆鯇片好香魚油味甜品-食少少甜滿足埋甜品胃

今日同朋友慶祝生日,一大班人黎到新南苑私房菜火鍋鷄煲店員好快就安排好就座仲俾埋放袋既椅子整個海鮮火鍋放題,先要個招牌麻辣雞煲招牌麻辣雞煲-香口好味,雞又入晒味先黎一個雞腳花生食住先,個汁都唔錯混下醬先原來晚上9點半後真係超抵再黎一個花膠蟲草椰青湯底花膠蟲草椰青湯底-個湯底唔錯又唔會好肥,用黎碌菜更加係香甜海鮮拼盤-鮑魚-好爽口好味道帶子-鮮味十足海蝦-肉質好好,口感一流勝子-鮮味十足魚片-好味道本地手切牛頸脊-油脂分佈平均,仲好香牛味小籠包-熱辣辣咁連埋個湯好好食炸魚皮菜-好新鮮個人特愛生菜鮮蝦雲吞/魚皮餃-幾好味海蝦-肉質好好午餐肉-火鍋食午餐肉特別好食墨汁墨魚丸-都幾好食龍躉片-爽口彈牙,仲好厚身好有魚香脆鯇片-同樣爽口彈牙甜品-食完火鍋食返個甜品特別開心

突然間朋友想打邊爐, 就相約我來到~ 新南苑 食晚飯打邊爐。 店地方寬敞, 並有幾間VIP房。**選擇 海鮮半放題火鍋套餐 $268/位 起 *店有自助區,分別有調味料、菜、飲品、涼茶, 都是任飲的。**多款湯底選擇,我地二人最後選擇 <鮮蟹窩花甲湯底> 這湯底好多料,當然有蟹及花甲,菇､蘿白及蕃茄等,  果然啖湯好鮮甜不油膩。** <生猛海鮮拼盤> (6-8款) 有龍蝦､聖子皇､元貝､生蠔､脆鯇片､脆鯇腩､蝦,  十分豐富新鮮,見到都流口水。龍蝦啖啖肉,入口彈牙鮮味; 大大隻的聖子食到爽彈的肉質,  整體其他海鮮十分新鮮,回味無窮。** <本地手切牛頸脊> 牛頸脊放入湯中輕涮, 入口牛肉油香味重,有嚼口好鮮嫩。** <丸類及餃類拼盤>   想不到涮小籠包, 外皮十分軟腍, 別有風味。** 任食配料都好多選擇,黠了幾款任食配料 ,味道不錯。**最後送上甜品 牛乳奶凍入口順滑好奶的,不會太甜的。

今晚一班朋友聚一聚就去左旺角的新南苑私房菜食晚飯，餐廳內部好大，有各種各樣葛醬料，仲有兩大個飲品櫃，蔬菜櫃，可以選擇葛嘢非常多！尼度最出名就係雞煲!而且雞肉都煮得好入味葛，雞肉唔會話好老而比較硬，仲有脆卜卜油炸鬼一齊煮，又香又好吃！點上一份火鍋以及生猛海鮮拼盤，邊打邊爐邊將滴海鮮放入去滾，斎體住就已經想留口水了，滴海鮮肉質夠厚，淡淡肉，好鮮甜！而且仲有多款火鍋配料任食，配埋大量鮮菜供應，非常抵食！鐘意吃海鮮葛朋友不妨來試一下啊!

天氣轉涼，朋友提議打邊爐，我又想食雞煲，大家就決定再幫襯旺角新南苑，7點到達，差不多已滿座，員工先來一碟小食，有花生，小蕃茄和白雲鳳爪，開胃好味! 跟著介紹食法同解釋收費，我們揀了小辣雞煲，員工主動幫忙煮雞煲，香氣撲鼻，品嘗完雞煲，就到打邊爐了，肥牛肉味濃郁，海鮮盤內有生蠔，帶子， 象拔蚌，鮑魚，海蝦及聖子等，極體而言，海鮮款式頗多，而且非常新鮮，值得推介。於openrice投票更每人多送1隻聖子，正!

上星期收工,同左幾個同事落左mk食野,諗住吹下水,順便八下近來公司有乜野動作!呵...一班人吹水最好緊係打邊爐啦! 不過又嫌齋打邊爐無隱,所以就想揾間有雞煲食既! 咁就一于去新南苑啦,有雞煲又有得打邊爐!正! 不過平日呢度都幾旺下,都等左一陣先有位坐底! 剛好今次有4個人,可以叫個雞煲!二話不說當然叫左個小辣雞煲先! 勁多芫茜同辣椒,好惹味,雞味好濃好惹味!望落雞都幾多下,而且啖啖肉,好好味啊。食完雞煲原來仲有得添架喎,不過今次唔添啦!因為想食下其他野! 不過打邊爐之前估唔到仲有其他野食!每人仲送多半只冰鎮龍蝦喎!oh....好味啊,d肉好彈牙啊,不過最surprise既係,竟然有膏架,d膏都好甜下添! 好好味!食完龍蝦後,講多無謂,打邊爐最實際!湯底方面,就揀左個4式湯底,芫茜皮蛋/番茄/沙嗲/麻辣,樣樣齊,而且麻辣湯好拱鼻,聞到都好刺激!邊爐本身包左生猛海鮮,仲有本地手切牛頸脊,都係樣樣新鮮。海鮮有好多款：帶子/魚片/鮑魚/聖子/鮮蝦/白蜆!樣樣都好大粒好新鮮,不過咁多仲海鮮,最好食都係鮑魚,鮮嫩彈牙,好好食! 帶子同魚片好甜,放清湯就好不過! 白蜆配番茄湯, 麻辣聖子,沙嗲鮮蝦!

呢排成日都想食雞煲，今晚黎開旺角，就book新南苑同朋友煲一煲佢🤤一坐底，就黎左碟雞腳，簡直係救命雞腳，因為我同班frd都好餓，即係啪左隻，都幾入味，連花生都入味👍🏽好快雞煲就黎啦，d侍應相當快手🤩煮左一陣，食得！開蓋！香味湧住出黎！我地叫左個小辣，因為有朋友唔係咁食得辣，我就覺得可以再辣d，但味道係幾好幾惹味！d雞都幾滑！而且分量超多！我地4人好似食極都仲有咁！而我覺得最正嘅係佢跟埋油炸鬼，吸左d汁，仲脆卜卜，超正！😋侍應問我地要唔要encore，但我地驚太飽食唔到打邊爐野食，所以就無encore la! 我地揀左個4色火鍋湯底，因為有選擇困難症😅等緊湯底時，佢上左個冰鎮龍蝦，每人半隻，size都幾大架！一反轉，有膏架！好香好好味呀！😋😋😋肉質好彈牙！相當新鮮！可惜呢個無得encore! 🤪食完龍蝦，個湯底就滾起啦，剛剛好！其實都幾細心，每次要等時，就會有d煮熟嘅食物上枱，而質素係好嘅！講番個邊爐，梗係落左海鮮先啦！今晚有6款海鮮！蟶子，馬刀貝，鮑魚 帶子，蝦同魚！我大部分海鮮都用左清湯個度煮，驚湯底搶左鮮味！係明智嘅選擇！因為d海鮮好鮮味呀！我最喜歡係蟶子同馬刀貝！鮮！juicy！

有朋友推薦這家任飲任食的雞煲火鍋 這天就來一探究竟 首先我們點了一個不辣的雞煲 因為有朋友不能吃辣 在煮雞的時候我們就去拿醬料和飲品 飲品的種類很多 還有椰子水和有汽檸檬水這些比較少有的 蔬菜也是自取的 種類算多 而且新鮮 雞煲煮到差不多的時候 就可以把油炸鬼放進去 沾了醬汁後又脆又惹味吃完一煲原味後我們又點了一煲辣的 雞煲還是辣的好吃點然後就是海鮮拼盤 首先是即食凍蟹 很大隻 而且多膏多肉 其他的海鮮亦新鮮多肉 而且處理乾淨附送的本地牛頸脊油脂分佈均勻 肉味濃 不會切得太薄 吃起來口感很好任食配料亦不馬虎 普遍質素都不錯 較特別的有墨汁墨魚丸和小籠包 沒想到小籠包也能打邊爐 而且熟了之後皮不會穿 還能保持著裡面的肉汁總括來說是非常滿足的一餐 人均大約三百元 但食物質素比某些單點的火鍋店還要好呢

星期6晚約左8個朋友食飯book左8點，喺旺角行完街都係得7點，而且大肚唔行得太耐，所以7:30pm就上呢間新南苑諗住睇下門口有冇位等下算朋友，點知一上到去，門口仕應就問我留左幾點，佢冇未夠鐘都冇所謂俾我入去坐先，仲叫我同老公拎嘢飲先，食住雞煲等朋友都得，嘢飲就不飲，但雞煲就等埋朋友先食啦。。。佢個雞煲同出面唔同，有切左一片片嘅油炸鬼，哇，原來加左落雞煲係勁好食，油炸鬼本身又香又脆，再吸埋雞煲嘅香味真係唔多食，我地叫佢泥多三碗油炸鬼都掃哂，估都估唔到佢變左主角另外食完雞煲就可以叫佢上海鮮火鍋，唉，不過大肚婆，只可以每樣試啲，食左幾隻蝦，勁鮮甜，其他海鮮就等下次生完再食