新光宴會廳 (已結業)

新蒲崗無乜野食，在Openrice找到新光宴會廳，想不到復活節假期多人北上，酒樓仍很熱鬧，我們10人叫咗6人餐加鴛鴦炒飯和干燒伊麵，套餐的燒雞和燒鵝都很不錯香脆肉嫩，套餐的其他菜式和湯羹各方面都不錯，炒飯和伊麵都比酒樓的平均質素稍佳，大家都吃得很飽和很開心。唯炒飯和炒麵等得比較久，要我們催促了三次才上枱，其時其他菜式都已經吃完，這是比較有遺憾的事情。最後出場的壽包也挺受歡迎，人均消費155元，性價比也是甚高。

12月24日平安夜日子，揾食肥華和靚媽要到，新蒲崗譽港灣，買抵食煙三文魚，所以順道在此間酒楼，飲早茶，從正價點心紙上，見到此店有肥華飲早茶，至愛點心之一，鋒巢芋角供應，梗係成為本餐必食之選，可惜今餐呢個美食，外觀未見鋒巢，食落口温度又唔夠熱，雖然味道肥華尚可接受，但已影響咗評分，俾個C+評分佢都不為過。反而今早在此店特價點心紙上，所點嘅食品，熱度正常，味道亦有B級水準，加上此店待客員工，對客有笑容有禮貌，為此店爭取到不少茶客好感，值得一讚👍👍👍

提早食年夜飯 7點入座 8點都仲未有任何野食上菜一個鐘頭內催左幾次又催埋經理 話開枱得個講字 話好多人十幾圍啱啱上菜 多人多到隔離空左兩三張枱😂10個人俾張枱又細 坐到逼一逼 阿姐擺低野掃晒周邊d野俾d杯竟然仲可以有唇膏印 污糟到不能接受絕對差評 唔會再黎

女朋友父母上星期黎過，覺得食物不錯，剛巧伯母生日，約了再來這裡食晚飯當慶祝生日。他們上次食咗羊腩煲，話伯伯食完即刻生痱滋，今次冇叫羊腩煲，叫咗臘肉炒芥蘭，牛柳粒，金菇蒸魚，片皮鴨，賽螃蟹。份量都夠，片皮鴨略嫌不夠熱，大致上味道都不錯，大家評價都好，晚飯來說價錢也不算貴，人均$150左右。是日房間都被預訂，不過walk in都有位，雖然茶樓格局較舊，不過小小範圍有兩部電視看，今餐整體都滿意。食完飯可以去旁邊Mikiki行下或者食糖水。

今日同阿媽黎飲茶,連埋家姐一齊黎3個人當飲早茶,叫左幾款點心試下佢酒店係最傳統個種,仲係落紙仔寫單,自己用圈數量先黎一個老人家最愛既胡椒豬肚湯,咸菜夠酸,胡椒湯夠辣,豬肚夠爽口奶黃包,一客3隻,一人一隻唔洗爭,咬開奶皇係流沙餡,有蛋黃既咸香蝦餃皇,一客4隻,薄皮而透餡,通透既餃皮包住2隻蝦仁,咬開爽甜鮮味煎釀茄子,一人一件,茄子切片釀魚肉,兩面煎至脆口再淋豉油汁,魚肉幾彈牙茄子淋身吸汁即拉叉燒腸粉,皮身夠薄,餡料係切成細碎既叉燒肉餡,再落甜醬油,味道唔會太差略嫌唔夠飽,叫多碗叉燒飯試下,明爐叉燒有7片,搭條菜比你,叉燒邊位有微焦,個汁夠甜肉鬆軟性價比高,阿姐落單快手有禮貌,連鎖式始終都係好服務D茶位加一 平均一個人$70平均消費$70評分7/10新光宴會廳新蒲崗寧遠街3-23號越秀廣場5樓5/F, Yue Xiu Plaza, 3-23 Ning Yuen Street, San Po Kong

今日與同事返工來到新蒲崗，午餐來到新光宴會廳，見到餐廳都很多人，裝俢整潔雅緻。煎釀茄子煎釀茄子都比較大件，茄子與鯪魚肉非常夾，很香口也很腍滑。蠔皇鮮竹卷蠔皇鮮竹卷裡面餡料感覺比較少，味道也較淡。鴨腳扎鴨腳扎，腐皮帶點韌，鴨腳蒸得夠腍，但蠔皇味感覺不是很夠，整個鴨腳扎顯得為較淡口。揚州窩伊麵伊麵裏面有冬菇、菜心、叉燒、肉片及鮮魷...等。湯底都較清甜，伊麵連湯食味道都不錯。鮮魷味道較淡，肉片較為入味也不錯。

新光宴會廳喺新蒲崗越秀廣場，前身係富臨嚟㗎。我近排就成日食新光啦點解🧐因為有一日，因為新蒲崗好多地方都滿座要等位，所以就走咗去新光度食晏晝飯啦，估唔到lunch時間唔使等位就有位啦🥳🥳叫咗個羅漢齋煎面😍嘩碟面好大碟呀 我諗兩個人都食唔曬仲要係48蚊咋👍👍真係超抵呀👍👍👍午餐喺度食真係抵食，仲有40幾蚊嘅點心拼盤，已經飽晒，兩、三個人食百零蚊走得🥰又經濟又實惠又大件夾抵食👍👍👍直得推介

新蒲崗逛完街見越秀廣場，有新光宴會廳，想坐低嘆茶，點左上湯灼水餃有五粒 味道不錯，牛肉球 就粉太多太淋身，麻麻地。蝦餃 蝦肉🦐好爽口，牛肉腸粉 腸粉好滑，真好味，我必食燒賣，都好味。

屋企樓下開左間新光 今日中午同屋企人黎食飯早食飯既關係 唔駛等位 直接坐低😎3個人叫左5樣野蝦餃好大粒 個皮好薄 一d都唔粉 平時好怕食到成口粉 呢到無呢個問題 好多蝦 d蝦無雪味 亦都唔霉 而且唔會話用左好多胡椒 👍🏻鮮蝦菜苗餃同蝦餃一樣咁出色大大粒好滿足☺️潮式糯米卷個包皮蒸到好軟熟糯米都唔太硬但淡左d牛肉腸粉呢個有d失望因為食腸粉要夠熱呢個上到黎都係暖暖地咸水角呢個好正宜家好少食到多餡而且無乜肥豬肉既 即叫即炸very good😁

中秋節同一家人出外提早做節，酒樓每碟野食都好足份量，餸菜外形同味道都可以又唔會太重味精味，最重要唔洗迫得好犀利可以坐得舒舒服服。侍應生都好有禮貌問仲有無需要有需要就開聲。

呢日約左一位同事黎lunch,好耐冇去飲茶食點心了，趁新光酒樓係新蒲崗新開張沒多久，就一於黎呢度試「新野」啦。..叫左一隻乳鴿，好味呀，皮微脆，肉很入味而且不鹹。..炸豆腐也不錯，表層微微脆，裡面是嫩豆腐，有提供泰式辣醬蘸著吃。..鹵水豬手好軟淋，很入味，也不會鹵得太鹹。二人叫這個是否太多了，每人吃四至五件...田園腸粉就比較差了。皮太濕糯了，食落口一pat pat的口感不太好。三條腸粉親密地粘在一起，無人可以拆散佢地...不過我相信是偶有失手吧，下次有機會再來，我都會再試試的。..炸魷魚鬚表面好吸引，炸到卜卜脆，可惜魷魚鬚是沒有味道的，甜酸苦辣鹹，一點也沒有。吃著感受真的得奇怪，如果矇著眼吃的話，我深信沒有人能猜出是什麼食物來的。..點心拼盆，所有點心都好吃呀，燒賣蝦餃都是大大件很飽滿，二人叫這個些牙食真的很合適。唯獨擺設賣相可以更好一些是吧，看上去好像買外賣返到屋企、一打開個盒就見到啲食物fing到亂晒咁。..這裡的食物沒有太大味精感，調味不算重手，各樣野都不太鹹。就是魷魚鬚太誇張...我應該打包拎返屋企，退左外層，再用咖哩煮黎食。

很少會到新蒲崗食晚飯，通常都會吃小店或是地道的麵店。我最愛新蒲崗的是牛雜店，手拉麵，豆漿和六十年代雲呑，在我的認知裡，沒有什麼大店是好吃的。就算關門大吉的得龍，我印象也只是普通。今晚有朋友竟然約食飯，並選址係新光宴會廳，都有很久沒有試過在這些傳統老連鎖店食飯。是有驚喜，佢不是令你叫超級好食，反而就像街坊一樣，親切平易近人。得知新光剛剛裝修又有一些新菜式，一於和幾個朋友去，特別是近來的氣氛差，似乎吃些東西和朋友傾下才不會患上抑鬱。八個人的晚飯，可以吃多一點，一於點個迷你海皇冬瓜盅下下火，帶子蟹柳蝦肉圍邊，$118呢個價，叫好好心機了，而且冬瓜盅料幾夠，下火最佳。蜜桃黑米醋骨，好開胃的貨色，外邊較少見，幾新鮮。我喜歡吃簡單的東西才會顯出功架，龍皇桂花粉絲煲炒得很好，每條也夠熱夠火喉，用上應該是新竹粉絲，特別有𡁻口。龍躉二味有碧綠炒球和清蒸頭腩，我愛魚的朋友也吃得開心，特別是碧綠炒球係最標準的酒樓水準。酒家的傳統菜式，鴻運乳豬拼盆也是精彩，雞、乳豬、叉燒和燻蹄，各有美妙，傳統叉燒燒得好，其他燒味都是處理得尚可。由於簡單同幾個朋友ad-hoc吃飯，選些價廉物美的中餐廳，這自然是最好選擇，又坐得

第一次寫評就要寫劣評，只可以用嬲黎形容。真心而論佢地d點心唔錯，但係服務就超級差，仲要食到一肚氣。中午同屋企人飲茶，張枱未執都算，要企係度成5分鐘先有姐姐黎執位開茶，d黑衫部長完全係扮睇唔到。到左落單叫極都無人黎，d姐姐唔理咁打算叫d黑衫部長，點知佢地見到仲同我對望都當睇唔到，咁佢地係度作用係咩？如果落柯打唔係佢地做，咁佢地連最基本幫手叫人都做唔到！！最後都要我自己出去搵番d姐姐落柯打。落柯打，沖水，埋單咩都靠自己行去叫佢地，佢地只會不停叫你等同等！

是次友儕間的聚會選址在新蒲崗；這裡前身是「富臨漁港」，今年四月底才正式轉為「新光宴會廳」，開業也只約兩個月。各有喜好，不如就各點一款合心水的？迷你海皇冬瓜盅$118～雖說是迷你，其實每人也可分到一大碗，加上配料清鮮，在這悶熱天吃至好不過。鴻運乳豬拼盆$198～乳豬+叉燒+燻蹄+油雞，最愛是誰？當然是肥瘦相間的义燒啦。金銀蛋魚腐勝瓜$78～同樣是一味清淡的菜餚，夏天就是要吃瓜果，勝瓜清甜；具解毒潤肌之效，配軟滑的魚腐，挺合拍。蜜桃黑米醋骨$88～某友人甚喜香口開胃菜，這個以黑米醋調味的排骨酸而不嗆，惹味卻不肥膩，相當不錯！龍躉兩味$288～碧綠炒球～肉厚有彈性，無須花巧，配翠玉瓜清炒便已足夠。清蒸頭腩～都説懂吃魚的一定喜吃頭腩，這一味大部分也落入了女士們肚中，沒辦法，骨膠原效應嘛！豉油皇炒麵$88～炒得乾身且不過油，入味均勻，灑點白芝麻更添香口。價錢大衆化且優惠多多，孖寶有多種不同的拼配；七位以上更可選兩份，做街坊生意，梗要大件夾抵食啦。新光宴會廳地址: 新蒲崗寧遠街3-23號越秀廣場5樓電話: 23260261

友人飯聚，聚腳地就在這間「新光宴會廳」。傳統的酒樓格局，傳統與新派菜式兼備，我們一行八人，四男四女，四對夫妻，點來多款小菜，邊談邊吃，吃得不亦樂乎。「鴻運乳豬拼盆」（$198/例）除了乳豬外，還有油雞、燻蹄、叉燒與青瓜，奇怪地，乳豬竟然不在主位，中間位置竟然留給了青瓜。吃過後，我終於明白為何這拼盆的青瓜為何會霸佔了碟子上的中間位置。因為它實在不錯，爽脆，好吃。相比之下，皮薄肉散的乳豬件明顯地顯得失色。燻蹄與油雞也只是普通，沒有甚麼特別，幸好叉燒肉質軟熟，味道也好，就與青瓜一起，成為這道拼盆的亮點。「蜜桃黑米醋骨」（$88）挺好吃，濃味的黑米醋酸甜好味，讓這開胃菜式輕易贏得我的好感。西為中用的「紅酒腰豆燴牛尾」（$98）也不錯，牛尾燴得十分軟腍，味道亦佳，也是一道好味的菜式。這頓晚飯唯一的蔬菜是「金銀蛋浸時蔬」（$78），用的時蔬是較少用上的勝瓜，簡單的配搭，已是吃過多件豬、牛、雞肉之後的最佳調劑。「海龍躉兩味」（$288）以傳統的「碧綠炒球」配「清蒸頭腩」，「碧綠炒球」的龍躉魚肉我雖然沒有吃到，但「清蒸頭腩」就吃了足足三件，充滿骨膠原的龍躉頭腩皮光肉滑，固然是我喜歡這道菜式的原因，濃郁