新五龍粥麵茶餐廳

营业中

休息中

今日食下午茶諗唔到食乜好, 經過新五龍茶餐廳諗住未食過又試一試佢 照舊是試豬扒先,點叫咗一個豬扒米粉,味道就不過不失, 不過呢佢啲 豬扒散件上, 感覺碎收收賣相一般,整體60分,未必會再試

我尸口巾服務態度差到好開心見到每一個樓面 (特別男人)個樣 我都以為佢破產定唔知我係咪殺左佢家人首先 8個人嘅位係無嘅 問可唔可以加位 佢問翻我轉頭問佢係咪唔洗行喎 如果想俾人幺小下面嘅 請去 ps蝦仁炒蛋有蝦屎 第二ps食緊 急不及待打comment!

喺附近返工第一次去光顧，叫了一客早餐，質素普通平平無奇。反而侍應待客的態度令人嘖嘖稱奇，為什麼態度這麼奇差的餐廳能夠在這地方生存這麼久。侍應幫我和同事下了單後就從櫃子中拿出餐具，然後用一種厭世的態度及眼神放下，之後還「不小心」地踼了我朋友一下。之後我問同一個侍應額外拿一杯熱茶，他態度奇差地跟我說：「吓？要收錢哦！？」我自問自己都係喺香港地長大，從來未聽過茶記嗰杯洗餐具既茶要額外收費。呢一間茶餐廳真係祝佢好運，個人而言永遠唔會再去食，大家除非想去受氣建議大家行前幾步去新濠江茶餐廳，食物質素一般但最緊要係老闆娘同夥記服務態度好。

呢日晨咁早要去西環，趁重未夠鐘，想揾d野醫吓肚先，行過見倒呢間新五龍。門口有個飲食雜誌推介嘅牌，諗住都唔會差得去邊掛，於是宗左入去。睇d餐牌都好多野食喎。集中精神睇吓d早餐先。唔食公仔麵囉，清清地就叫個豬扒雪菜肉絲米粉加杯熱檸水喇。米粉嚟喇，豬扒有兩小件，味道都OK亦唔靱。雪菜正常野，no comments。肉絲尚算嫩滑。有條生菜我最like,成碗米粉健康好多檸水正常嘢no comments too呢度除左d阿姐侍应外，其餘男侍應大部份都係長者，好，俾d長者繼續貢獻及融入個社會34蚊一個米粉早餐連杯飲品，都OK嘅，不過不失咁喇。

隔咗17年又再次嚟到香港玩。第一次嚟西環海味街，行過呢間舖見有大大嗰字写住「秘制雲吞麵」，於是行入去想試返碗雲吞麵，点知伙计D服务态度非常之差，不但愛理唔理，講嘢又粗聲粗氣，点餐时仲呼呼喝喝，完全一副赶客嘅姿態，認真冇晒胃口。嗰老世可以縱容D員工咁嚟招呼頋客，可想而知佢哋對食物嘅要求亦都唔㑹好到去邊。所謂嘅「秘製雲吞麵」亦都好重鹼水味，或者呢D就係「秘制」嘅意思？咁嘅餐廳永冇下次！亦不推荐其他人去光顾，免得嘥钱仲要買氣受！依家想起都好後悔點解當時冇起身走人，仲要Chok住條氣食埋佢。

因為工作需要⋯每兩個星期都會嚟附近開會⋯因為太就腳所以都入去食佐幾次野⋯由於呀頭話食⋯都唔會因為難食而拒絕⋯惟有每次揀樣最唔伏既野食⋯今日揀佐紫菜4寶面！ 一啖紫菜就食到沙下次就咁食湯面算了

樓下有間茶餐廳，雖然唔係話好出名，不過佢勝在夠平，所以好多時早餐都會係果度搞掂霖著唔洗行咁遠搵野食，哈哈哈哈，本人懶店入面嘅環境就一般般啦，不過都算乾淨....點咗個早餐套餐，有腸粉同魚片粥，鮮蝦腸粉好滑不過入面啲蝦覺得唔夠大粒。上面啲汁甜咗少少魚片粥嘅魚片好多，骨比較少，不過最衰入面落咗薑，唔鍾意食吖！揀薑揀得我好辛苦豬扒包，豬扒好多汁好嫩，兩個人一人食咗一半，埋單嘅時候一共都唔洗100蚊超抵啦，唯一覺得唔滿意嘅就係啲阿姨嘅服務態度

路過見環境闊落，於是入咗去醫肚當中金錢肚最為突出，一上枱已有五香味漂過嚟，入味，軟硬適中，香料應該落得幾重手，因為少少三片金錢肚已附有半片香葉同一粒豆蔻。應該係自家製嘅雲吞好唔得，乾憎憎扁踢踢又無味，賣相其差。條菜好老好多渣。

每次午餐想去哪裡吃都想到發瘋，唯有隨便選一間。新五龍食物的價格比對面街市上的食肆貴，但份量比較大。午市套餐送例湯或油菜，還有餐飲，食物選擇比較多。涼瓜牛肉飯 - $43今日下午的套餐不適合我們的口味，唯有散叫。碟頭飯$43，加了杯熱飲加$9，加起來相對於套餐的價錢。味道還是不錯的，起碼是新鮮熱辣。這是很便宜的面餐，$35可以選三款食物，和車仔面差不多。選了叉燒，牛腩，冬菇，冬菇超級迷你的。總括來說，還是不錯..

可以喺返工前去茶餐廳食個早餐確係賞心樂事，奈何揀錯咗茶餐廳就冇得怨人。是日去西環開會，特登早啲到去附近嘆個早餐。平時好怕啲油煙味好勁嘅餐廳，經過呢度見環境唔算差又有卡位，所以就入去充吓電。入到去發現好多食客都係國語人。早餐來來去去都係得幾種，沙嗲牛係我嘅favourite，雙併埋豬扒，配熱檸水。雖然係簡單麵餐，都要等約8分鐘。碗麵睇落冇嘜唔妥，但食落得人驚。麵條型狀方及扁，一嚐之下發覺毫無麵味且粉中又帶少少「膠膠地」，配合埋冇嘜味嘅湯，真係食到心情都差哂。豬扒有四件，件件大骨，唔知係咪調味料好貴，豬扒亦係冇嘜味，好彩沙嗲牛肉尚可接受。真係驚嘆點解可以煮啲咁嘅嘢出嚟！

六月上旬‧大雨在附近有飯局，早了點來卻遇連天大雨，最好就找個地方坐坐兼可做點文字工作，來了這裡。進佔卡位，有電視又光猛，不錯。只要了杯熱咖啡，幾苦，不過也濃郁，勝在夠醒神。至少寫了近千字才離去。

So far this place has the best beef chow fun I've had in my short time here. Really good portion size and not too greasy (but greasy enough)! They keep it nice and cool in the restaurant too, so it's perfect during the middle of the day.

29th MayWas around Centre Street in the morning again. I was determined to search for a piggy bun for breakfast before work, and yet after walking along the long Des Voeux Road West I could find none. Frustrated, I headed directly into the last chaa chen tang i spot along the street, and that being the New Five Dragon Restaurant right opposite to Lin Heung Kui. It resembled Sun Chiu Kee, a large chain chaa chan tang which i really dislike. Anyhow i was left with no choice but to eat there.There

LUNCH 前同同事去上環，做完工作D野見天口咁熱，求其搵間近的醫肚去左呢間見個 SHOP 幾新淨就入左去午餐有5-6 項揀，有乾炒牛河、冬茹雲吞炒麵等等同事叫左個雞扒腸仔炒旦反，我本來都想叫，見佢叫左就叫個大澳炒飯冇問同事果個O 唔OK，我果個就唔錯，都幾香，不過唔知 "大澳" 左係邊，只係咸咸香香咁大大碟食得好飽個午餐包個例湯或菜 + 飲品 ($38, 凍飲 $2)我叫左個菜，蠔油菜心冇咩特別，個奶茶淡少少只係個價錢係上環黎講都幾貴...食物又唔係好OUTSTANDING~

已經是第二次光顧此店。第一次光顧, 覺得這間店平平無奇; 這次點了份常餐, 吃後大失所望...餐包普通貨色, 未能評分, 硬要說的話就是略嫌太少牛油吧...?奄烈蛋漿像是給稀釋了, 顏色偏淡, 雞蛋淡而無味, 就連火腿也亳無味道。還未吃完已見碟上非常油膩。沙嗲牛肉通通粉完全沒有彈性, 像是在吃沒味道的粉糰, 是一般茶記貨色, 也罷。不過那個沙嗲牛, 就連丁點的沙嗲味(或是其他的調味)也沒有! 然後那些肉塊, 入口即溶, 根本已經沒有了肉類應有的口感!!熱檸茶茶底不靚、檸檬也很差。這個茶餐盛惠$32。剛好前幾天光顧了長沙灣的新華茶餐廳, 吃了個包含沙嗲牛肉麵的常餐。今天吃完了新五龍的常餐, 才發現新華是多麼的美味...