文記車仔麵 (福榮街)

营业中

休息中

本來我對車仔麵係冇咩興趣，一心諗住行過深水埗食x仔三哥米線，元州街果間，點知竟然結業，唯有往福榮街方向搵食。我見平日，仲要一條街有三間咁誇張，三間都仲有人排隊，我就搵間短啲排，睇下係咪真係咁好食先。等左10分鐘左右，入到去好似人地食拉麵咁，仲有塊板仔劃野食，我第一次食唯有參考下人地點寫跟住差唔多試下啦，結果我叫左個幼麵+蘿蔔+冬菇+雞翼，個秘製湯底微辣，對我而言依然辣，嘩！但係正架個湯底，簡直係精華，食左咁耐x仔，真係想轉轉口味，而且出面車仔麵啲湯底真係冇咁正，行過經過可以入去試試🤣🤣絕冇hard sell

無論中午定係夜晚，都會見到文記車仔麵有一條好長嘅人龍，今次我係下午黎，都等左10分鐘左右，可見佢係深水埗是頗具人氣🤣🤣🤣🤣....一條街就開咗三間文記車仔麵，我去個間應該係新分店，所以環境都係較乾淨🤣🤣🤣🤣呢度係雞翼、手打魚肉、清甜蘿蔔嘅粗面，價錢再視乎你揀咩餸蘿蔔清甜冇喳，絕對推介，雞翼肉很嫩，而且瑞士汁味濃，不錯，至於魚肉，一啲都冇腥味另外仲有炸魚餅，冇諗過$25有個咁大舊🤣🤣🤣🤣

要數車仔麵，文記一定榜上有名！文記車仔麵被列入2018年米芝蓮街頭小食推介🎖，可想而知呢間車仔麵絕對唔簡單🧐！你幾時見過有一間車仔麵係一條街有三間舖咁架勢先得咖😱！9點幾10點去到都仲人潮不斷，小妹簡直甘拜下風！文記有14款麵底以及超過50款餸任均選擇，最岩我呢d大食又貪心嘅人！兩碗麵底都簡左油麵($8)，軟硬適中，幾好味！*️⃣瑞士雞中翼($12)，好入味又軟腍，個皮好食到想encore多份🤤！*️⃣柱候牛腩($12)，都幾軟腍😋，肥瘦平均，而且都幾入味！*️⃣玻璃辣魷魚($12)及辣汁螺肉($12)，新鮮爽口彈牙，夠辣又惹味👅！*️⃣滷水豬大腸($10)，新鮮彈牙又乾淨👍🏻！*️⃣南乳豬手($12)，煮到好腍好入味！👌🏻*️⃣陳皮魚蛋($8)，已經好少舖頭有陳皮魚蛋🤩，童年回憶簡直翻曬黎！*️⃣蘿蔔($9)，幾甜不過有少少渣🤨，下次未必會叫！*️⃣墨魚角($12)，自家製彈牙又爽口，必食！📝舖頭營業時間去到1點，以後食宵夜又多一個好地方！

車仔面一向都受香港人愛帶，相類似的店鋪開到周街都係。 去完一年一度嘅電腦節梗係要呢度隔離呢間，打蛇餅嘅車仔麵， 店員服務都算周到，幫你帶位，主動招呼你。 佢哋唔會落味精，全部都係原汁原味，呢間係我食過喺香港，最好食嘅車仔麵。嚟得呢度食嘅人都係非常之好耐性，喺門口度等住，慢慢排隊，一啲都唔會怕熱 ,守秩序。 有啲人排咗20分鐘隊最後都只係買外賣take away基本上，呢個位置好難睇唔到佢，因為每次 都好長龍， 最近佢哋兩間 文記車仔麵搬埋咗一齊白色招牌嗰間係總店第一間分店， 一般都會比較多啲人等， 已經係第n次去食，平均叫兩餸30蚊叫三餸40蚊叫四送50蚊加飲品加12蚊識食嘅朋友仔通常都係嗌招牌食品餃子鳶鴦 以及牛柏葉每次都係必食嘅千祈唔好，唔記得加辣，因為呢個先係佢哋被制最吸引嘅地方。 唔加辣嘅情況之下食落會好似食緊豬腸湯， 唔鍾意呢種味嘅人， 都要注意啦， 因為我曾經試過冇加辣，，，， 最後中咗招， 加咗啦就可以撳住d味。點解話呢間係速食呢最主要原因係，因為，食咗十分鐘通常就已經食完， 冇計啦食物咁好食梗係食得快。

米芝連都推介嘅車仔麵，點都要試一試，今日就同同事黎文記食lunch，最後𠴱間鋪比較少人排，所以就去咗𠴱間，鋪面裝修有d似日本拉麵鋪一坐底就即刻叫野食，整咗碗牛膀，墨丸，通菜瀨粉，腩汁，沙嗲汁（微辣），都只係35蚊車仔麵黎講通常都係得油麵幼麵嗰，但呢到除左一般車仔麵有嘅麵底之外，重有d比較喺麵檔粉見嘅麵底，蕃薯粉、銀針粉、瀨粉另外，菜嘅選擇亦都唔少，啱曬平時多肉少菜嘅上班族平時車仔麵檔嘅牛膀比較淋身，但呢到嘅就比較硬身，有口感👍🏼👍🏼墨丸同通菜冇乜太大驚喜，朋友叫左腩肉，試左一塊，韌到咬唔爛，差d吞唔落肚🤢另外，由於本人唔係好食得辣，微辣沙嗲都已經夠過癮，食到流鼻水😹😹枱面亦有好多款醬汁比客人自己加，值得加分

聽聞呢間車仔麵好出名，早就想試下，可惜每次都見好多人排隊。 今次女友話一定要試，唯一走去排。又唔係等太耐，15分鐘左右有位。 職員ok嘅！不過啲嘢食唔係吹到咁好食。 特登排隊嚟食唔係咁值，佢得兩樣係可叫幾好嘅，豬腸，瑞士汁雞翼。 但係太多地方都有呢個水準……傳媒同食評力量真大。仲有呢度辣汁都唔係咁惹味，叫大及中辣，嗰匙辣酱都一樣係咁多。而且唔夠辣……一路食一路覺得平平無奇，女友食完都覺得失望，典解特登坐車嚟食？？？

中學時候曾住係深水埗一段時間，文記車仔店當時已經街知巷聞。第一次認識文記車仔面係我哥哥帶我去的。當時嘅文記裝修係比較舊，但服務已經很好。係面口手指指落單後俾埋錢搵個位坐低，阿姐就會拿俾你。雖然經過多年的文記，而家又裝修完，落單嘅模式都好不同，但味道依然！我來到文記好鐘意叫油面，可能係阿哥初次帶我來就係食呢隻面嘅關係掛！我覺得比其他面好食！不得不讚他的滷水豬大腸和雞翼，滷味十足！豬大腸洗到好乾淨，完全冇怪味！而雞翼的肉冧冧地！加埋腩汁一齊食，嗯～非常滿足

今日好豐富 叫了牛孖根 魷魚 魚肉 西洋菜餃 微辣 沙嗲汁粗麵，嘩！好大碗呀🤗要試下好唔好食。先試下個湯底，不錯，好香的沙嗲味，不會太鹹。秘制牛孖根 每件樣子分明，吃落好稔滑，有嚼口，好入味。玻璃辣魷魚非常正，原本冇味的魷魚經他們處理後變得爽脆好味。手打魚肉很新鮮，沒有腥味，魚肉實淨。原本吃了西洋菜餃，但可能不合時，沒有供應改了白菜餃也相當好味。食車仔麵我鍾意吃粗麵，我覺得是最理想的配搭。車仔麵的神粹是將你喜歡的食物和他們包含著不同調味汁料加埋一齊，變成你自己的獨有。車仔麪加上汽水，有時要為吃辣降溫，有時甜味更特顯車仔麵複雜的味道。👍🏻值得再來的店舖🤗🤗

今日要去黃金買電腦，所以就決定去最近好紅文記嘅車仔麵朝聖！去到已經係晏晝嘅三點鐘，只需要等15張飛，由拎飛到坐低大約等左半個鐘。因為等得太耐我哋將佢既招牌菜大部份都點左，實在太餓了，上湯花膠辣魷魚酸齋等等。（呢三樣都一定要點，花膠12蚊實在超值，辣魷魚俾既份量又多，同埋無諗過酸齋係會咁夾😅）佢有幾款湯底揀，我就揀咗腩汁少辣，個湯底好入味唔會太辣，佢枱面仲有超級多醬俾你揀，值得推薦嘅係好大樽嘅辣菜甫，好惹味，又有咬口。配埋杯咸柑桔好完美啊😋

🇭🇰🇭🇰🇭🇰🇭🇰🇭🇰米芝蓮 車仔麵☕️黎到美食集中地深水埗食完合益泰立即去左後面街既文記今次叫左一碗花膠，水餃，魷魚加埋沙嗲汁油麵講真湯底真係一般，有點稀稀的但個嗲汁都算做得出色魷魚做得亦入味，水餃就冇咩特別想講花膠就冇欺場，對得住$12呢個價另外一碗走汁魚肉，螺肉，牛孖筋可能走左汁就有小小失色價錢係地區黎計算中上但冇計，有一半都食緊地租☕️總括而言值得到訪既平民車仔麵好食指數：7.5 / 10抵食指數：7.0 / 10回頭指數 : 7.0 / 10文記車仔麵🏠: 深水埗福榮街121號地下。。。。。。#drunklatte_深水埗 #drunklatte_麵食#drunklatte_飲食

車仔麵嚟講，呢間算係我食過最好味嘅一間，次次嚟都好多人排隊，不過等候時間唔算耐！佢嘅河粉好好味、多數會配雞亦、牛腩、魚蛋...最重要其實係佢嘅汁，有辣汁、咖哩汁，兩者都咁好味，不過怕辣嘅你就唔好落咁多，因為都真係幾辣，食車仔麵當然要配佢嘅凍奶茶啦，食飽飲埋杯凍奶茶...真爽🤩🤩

今天沒有去福榮街121號的文記總店，試下隔壁119號的第一分店。車仔麵是我喜愛的街頭小吃，還記得學生時代 在學校附近有小販賣車仔麵，當時的衛生環境當然是不行，但現在的車仔麵講衛生、講味道，還要講創新。叫了一碗豬大腸、雞腎、雞腳、豬紅 銀針粉配腩汁，首先講下豬大腸，十分新鮮，滷得很入味 帶著適量的脂肪、有嚼口 但沒有不好的豬味道，值得推薦。腎片很好味，爽爽的 。看上去雞腳好像還未夠稔身，但吃起來有咬口稔得剛剛好。豬紅質感糯糯的，要靠湯汁加味。我怕辣所以要腩汁，我選銀針粉因為我喜歡將粉加上湯汁一齊吃特別好味。碗麵份量好多，吃得飽飽的😋文記車仔麵得到米之蓮街頭小食推介是實至名歸，吃完你想下次再來。跟餐加9元便可享受一杯凍檸茶。

第一次嚟食，聽講係非常厲害嘅車仔麵。自從男友同佢朋友食過一次之後，不停要我陪佢再去食，日日提夜夜提，聽到我就黎生耳繭了～☠️所以今日就同佢去食啦！睇下佢有咩本事搞到我男友中晒毒！！佢嘅瑞士汁湯底好濃好滋味佢又唔係平時嗰種好甜嘅豉油味（平時茶記啲瑞士汁好甜）豬大腸應該係我人生食過最軟嫩，好似食緊豬腳嗰啲皮咁瑞士雞翼好入味，肉質唔鞋麵筋就差少少白蘿蔔非常非常非常鮮甜芝心丸中間嘅芝士拉絲油麵煙韌都幾大碗架 好足料我哋另外亦叫咗豆漿同埋甘蔗汁豆漿唔會太甜 新鮮好飲甘蔗汁就相反超級鮮甜 好解渴 不過飲品佢都係比細支裝建議大家早啲去食因為晚飯時段超級多人排隊 要等好耐先入到座我哋等廿幾張飛嘅時候索性去咗隔離舖食甜品😂慢慢嘆個甜品 食完都仲要等不過又真係好食寫到依度我又開始肚餓。。。死啦可能我同男友一樣中咗毒。。。

其實食過好多次，今次終於有機會寫文記食評。第一次係男朋友帶我黎食。今次我帶左我吃貨fd 一齊黎試，佢一直尋找緊驚為天人嘅車仔麵。我就話一定要帶佢試呢間！我每次黎要食佢嘅瑞士汁雞翼，鹵得入味，甜味好出，肉質又唔會太韌。另外必點蘿蔔，清甜多汁，炆到冧哂，中和番車仔麵嘅濃味。仲有必食韮菜餃，大大隻，肉同菜比例岩岩好，都好出色！仲有不能不提佢嘅秘制辣醬，辣得黎香，混入湯入面，甜中帶辣，完全停唔到口！ps. 唔食得辣嘅朋友就唔好落啦，因為真係幾辣，朋友唔食辣，食到流哂鼻水😆笑死我！！

見到d人係咁話文記好食咁咪試下Omg 條隊真係好長，天氣熱到暈仲要等成20分鐘先落單可能期望過高啦！根本唔係果回事😣D野食全部調味勁濃勁味精唔係好知自己食緊咩野。其實配料都好Standard ... 豬腸係值得一讚，洗得好乾淨。🙊但排隊排到咁 ， 不了