文記車仔麵 (福榮街)

营业中

休息中

文記平時大排長龍，今日請平日假，3點幾已經到深水埗。3點幾下午茶時間，唔洗排隊，正。要淨餸，無加麵。唔記得呢個咩醬，但好辣。啲餸正正常常。所以之後買左支汽水，$8。

係深水埗搵食 最犀利梗係一條街有三間分店嘅文記車仔麵啦🍜😍每次都要排隊 咁梗係揀定食咩先呢度嘅車仔麵有好多餸揀 當然唔少得要食十大必食推介牌👍🏻有瑞士雞中翼 玻璃辣魷魚 秘製牛孖筋 滷水豬大腸 南乳豬手 等等...😎😎.今次叫咗瑞士雞中翼秘製牛孖筋幼麵($32)湯底有 腩汁 瑞士汁 清湯揀仲可以配辣汁 咖喱 沙嗲汁🥘牛孖筋份量好多 豐富骨膠原 抵食😛.另外叫咗牛肚豬油渣幼麵 ($28)兩樣餸嘅份量都好多 配腩汁 湯底好好味豬油渣炸過 好香好脆😎.瑞士雞中翼 ($30)超鍾意食呢個 5隻瑞士汁雞中翼成碟都係瑞士汁 好多 多到可以撈落啲湯度自家製瑞士汁落咗少少蜜糖 同埋甜豉油撈乜都咁好食🤤🤤必點！.每人最低消費25蚊 但啲餸咁好食 一定會超過下次會再嚟食🤣🤤

聽人講好好食，一直好想試呢個文記車仔麵。平日晚飯時間黎，去到已經超多人係門口等。我等左一個鐘先入得去。有十大必試既餸。我叫左其中三款，冬菇，雞翼，酸齋。湯底好正，叫左個辣腩汁湯底。冬菇細細粒好得意，都好入味。雞翼入味又係必需的，好彩無令我失望。酸齋都唔錯。重口味既朋友可以落埋佢枱上一排滿滿各式各樣既調味醬汁，仲有辣菜莆添。

咖喱魷魚他們的咖喱好特別,適合鍾意食辣嘅人。魷魚好新鮮嫩口, 配上獨特的咖喱簡直好似飛一樣,好食。秘製豬軟骨骨應該超過12小時用唔同嘅滷水汁去慢慢烹調。而能夠做到骨肉分離,咬落去可以聽到樂樂聲。炸魚皮他們的炸魚皮可以見到用紅燈再照，目的令到佢哋更加乾脆。最後效果好似食薯片一樣。一路食嘅時候聽到清脆嘅聲音。美味酸齋做到可以酸同甜平均分佈，令到舌頭可以感受到新奇。尤其喜歡太酸嘅朋友。不要錯過。位置唔太遠 鄰近市區。希望過年年初三同家人再食。😘

朋友極力推薦我食「文記」，讚佢唔係普通車仔麵🍜，每個餸都有佢自己嘅味道，唔係淨係得湯底味，講到咁堅，梗係要試下！😳 同一條街有3間分店，每間分店都大排長龍，你都咪話唔誇張！😮 排咗差不多20分鐘，入到去即刻落單。座位都幾密集，同隔離位好近，雖然算幾迫，但聞到好香嘅味道，令到打緊鼓嘅我不停吞口水！😂·🔸 3餸車仔麵（$42）好多餸揀，花多眼亂，最後揀咗3款「本店十大必食推介」，包括瑞士雞中翼（$13）、自制韮菜餃（$10）、清甜蘿蔔（$9），麵底就揀咗銀針粉（$10）。估唔到呢碗車仔麵係咁好食，終於明白點解d人會肯排長龍！雞翼🐔浸透咗瑞士汁，甜甜的，一d雪味都冇，而且有2大隻，正呀！韮菜餃🥟嘅餡料好足，餃皮厚度適中，有3大粒！蘿蔔🥕係車仔麵嘅好配搭，吸湯一流，又腍又入味，好味！🤤 銀針粉非常爽口，同樣索咗湯，大滿足！😍·🔸 熱檸茶（跟餐半價 $9）價錢唔算特別抵，味道中規中矩，下次可以試下其他飲品。

文記車仔麵聽得多既時候就會好想去嘗一下究竟有幾正深水埗有3間，記得第一次食既時候係要排住隊等買等入座，戈間應該係最原始既一間。第二次就黎左隔離呢間，可以拎飛等位兩間比起，較新呢間會方便少少，拎飛等位，位置無甘逼。入座後以畫既形式去點食物，考慮時間長少少唔會甘急速。揀既野都多少少，例如湯底，辣度鐘意食酸野既我今次就揀左酸齋，大大舊酸齋放入口真係好有感覺另外仲揀左幾款招牌餸：辣魷魚、牛腩、大腸只能說佢既份量真係好多，每一款餸唔會只係比少少唯一個牛腩唔太好食，煲得唔夠份味同林湯底嗌左腩汁，辣度係小辣。食得辣既朋友可以嗌下中辣，唔食得既就唔好嗌辣啦

每次到文記車仔麵都大排長龍，今日也不例外。我地等左十五分鐘到，就入得去啦，其實都唔算話要等好耐既🙈佢有十大必食推介，好似樣樣都好正咁🤩最終我就叫左個鹵水豬大腸、自制韭菜餃、玻璃辣魷魚、豬紅配米粉。而我男朋友就叫左魚片頭、鮮蝦腐皮卷同豬腩肉配幼麵🤗我地兩個仲share左個瑞士雞翼tim😳先講佢既湯底，我叫左瑞士汁湯底配上小辣，真係好好味👍🏼然後佢既豬紅都係幾好的，好入味😋至於玻璃魷魚都幾爽口，所以都推介的！其他餸就一般般，唔算話好特別的。皆因我同我男朋友都好想食瑞士雞翼，所以就叫左五隻瑞士雞翼，係小食黎既！雞翼相當入味，配上濃濃的瑞士汁，真係冇得頂🥰整體黎講我同我男朋友都非常滿意，係有水準既車仔麵，所以都理解點解任何時候都咁多人排隊了🙈😂

以前工作地點係附近，經常去文記車仔麵，午飯時間總要等幾張枱，放工時間去都要等一兩個號碼，而家就更多人排隊。最近忍唔住想再試，當日一個人，即刻有位！以前一個人去都要等，個日真係好好彩，剛剛有一個人走，我就入到！當日食至愛的玻璃魷魚、豬紅、蘿蔔，牛腩汁米線，3樣送都無可挑剔，就算成了米芝蓮都冇變過！第二幅圖是去年年頭食的！連賣相都冇變！仲有招牌餃都好足料！不過有心理準備，坐位較窄，如果一個人去快食，其實都是唔錯的選擇！

好耐冇食過文記車仔面, 都唔記得上一次黎食係幾耐之前既事啦原來而家已經開左分店, 2間舖連埋一齊, 總店係排隊入座, 分店係叫號入座要食就緊係食總店啦, 其實排隊仲快過隔離攞飛, 等左15分鐘左右就有位啦總店係排隊揀餸然後安排入座既係門口既時候已經睇定食乜, 但去到見到排哂D餸出黎既時候又三心兩意唔知揀咩好啦佢有十大必食推介, 大家可以參考下圖以下呢碗叫左蘿蔔，花膠，瑞士雞翼, 三樣都係十大必食推介先講蘿蔔, 已經煮到腍哂, 蘿蔔好甜, 但感覺唔係一般蘿蔔果種清甜, 可能煮果個汁係甜既瑞士雞翼煮得好入味, 幾好味, 但就唔算大隻花膠好大塊, 食落都黏口, 浸埋個湯一齊食都幾好味以下呢碗叫左手打墨魚角，辣汁螺肉，豬紅, 只有辣汁螺肉係推介之一但個人就覺得個螺肉麻麻地, 似係有D梳打粉既味道, 食左一兩粒就冇食到豬紅都煮得幾入味, 唔錯我自己就推介手打墨魚角, 呢個餸個人覺得好特別又好食, 係出面食唔到 (可能係我自己未食過)呢個墨魚角特別既地方係佢好似魚皮餃咁有一層皮包住個墨魚滑,  裡面仲食到粒粒墨魚肉個人覺得呢度既粗面既面質唔太好食, 面條好厚身, 最後個面食左幾啖冇食, 只係食哂D

文記車仔麵 (深水埗)文記車仔麵暫時係我倆食過最最最好食嘅車仔麵！ 個人喜好 雞腎、牛肚、韭菜餃🥟!! 其實每樣餸我地都覺得非常好味，配上佢地秘製嘅醬料，腩汁湯底，葱花粒嘅香，入口每啖都好香好惹味！ 重要價錢非常親民，加個腐乳通菜都係十幾蚊仲好大碗又好食！真係難怪佢係同一條街開成三間都每次大排長龍架！———————————————環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️———————————————📌文記車仔麵 (深水埗)深水埗福榮街123號地下C舖—————————————————————-

文記車仔麵，一條街有三間舖，基本上三間都長期有人龍，而且係三間分開拎飛，排邊間就自己諗啦，不過我通常會排晒三間🤣如果係1-2人，好快會有位，但如果係成班人而又堅持一齊坐就祝你好運！新店係bar 台，其實一齊坐都冇咩用，建議斷開幾個啦！點餐紙係循環再用，抵讚呀！餸嘅種類亦超多！建議食佢推介嘅餸！我最鍾意食玻璃魷魚，係入味的！蘿蔔亦清甜！湯底可額外配醬汁，有三款，不過加左醬汁會好重口味，建議你有良好腎臟先加醬汁！飲品方面，我次次都飲咸檸7，因為唔係咁多地方有咸檸！叫3-4餸+野飲，一個人$6x 埋單，車仔麵值唔值呢個價就自己衡量啦，不過真係好食嘅，行過又唔太多人咪排吓lor！

幾年無返香港，周圍開左超多新食肆，朋友話帶我去見識下，唔好咁脱節試一試深水埗文記車仔麵，乜原來依家食車仔麵都要排隊〜去到門口見到一堆人喺度等緊，嚇一跳，等左差不多20分鐘先入得。 店內是日式排排坐，啲位窄左少少，拎筷子都唔敢太大動作，但好就好在就算一個人去食都唔會尷尬 叫左豬紅蘿蔔，再加雞翼，無懈可擊的組合 <3 蘿蔔最怕又硬又無味，呢間煮得幾入味又唔會太爛飲品叫左杯朋友極力推薦的鹹檸七，鹹鹹酸酸好開胃〜 整體上唔錯，但聽講每次都要排隊

At first I was tentative about going into such a busy restaurant. However, Hong Kong is a very densley populated place so I got over myself. The mouthwatering sweet potato noodles with seaweed, beancurd and beef brisket made for a great dining experience accompanied by a reasonable price. I will be back again!

一去到見到門外反應熱烈😂但sorry😌😌💃🏻我當天係一個人去💃🏻等左5分鐘咁上下就有位，情侶一對對可以繼續等🤣（間中飛起男友的好處😎✌🏼）·😂眼闊肚窄叫左四餸👇🏻蘿蔔、柱侯牛腩、貢丸、魚皮餃我以為會好似平時食果啲車仔麵咁，樣樣得兩粒仔😂點知呢度勁多料，除左貢丸係兩大粒，樣樣都起碼四舊🙈·車仔麵必食既蘿蔔🤤我至愛，好甜好淋又無渣！牛腩炆到又淋又入味🐄😋魚皮餃都比四粒真係好大方🤣可能我平時食開果啲太孤寒，令我得到多一粒半粒仔都好滿足😝貢丸係我最中意果種有香菇的貢丸😋（無香菇果隻貢丸唔好食架😟）·油麵、腩汁湯底、小辣油麵爽口，腩汁湯底好正，我飲哂咁濟😋😋匙羹上面比辣😂小辣係一上枱你就知啫係有幾多，唔夠就自己加料😎港式餐廳必飲👉🏻凍奶茶茶味十足，我好似唔記得叫小甜，但都覺得佢岩岩好👍🏻👍🏻💰HKD49+9·其實我有諗過叫魚皮餃定炸魚皮，但我曾經見過車仔麵店有炸魚皮😈😈而且仲會好好人咁，上枱前已經幫客人放埋落個湯麵度🤣🤣🤣為免瀨野，我最後揀返魚皮餃🥟🥟

第一次食文記係同事帶黎食，食過之後就真係念念不忘，有時去開深水埗都要整翻碗。今次揀咗米粉底，瑞士汁大辣。雞翼：係文記其中一款招牌餸，13蚊2隻好大隻，甜口嘅瑞士汁而且好入味。豬腸：軟淋入味而且清潔得好乾淨，一碗有7 8舊。蘿蔔：清甜無渣。西洋菜餃：係最深得我心嘅一款餸，每一粒餃子相當有份量，大大粒餃子入面包住豬肉餡同西洋菜粒，咬落去好清新而且西洋菜好甜，肉同菜嘅比例啱啱好。但係呢款餸唔係成日有，真係睇彩數。通常係冬天先會出現翻。