文記傳統車仔麵 (已搬遷) 新店位置

收工來到呢度食0的野頂住肚餓，見到有張告示貼左出來﹗原來呢間文記老店只係做到下年3月尾，之後就搬去利基大廈的新鋪﹗就味道而言新鋪我都食過，同呢間真係差好遠，特別係個碗仔翅，可能0個面去得慢的問題，食過一兩次個感覺好似食芝麻糊咁，唔得﹗今次食左沙爹魷魚同埋魚旦，再加多個魚肉翅﹗魷魚爽勁彈牙一向都係我成日來呢度既地方，最重要仲係佢個沙爹汁較得好好味，少少辣多多蒜香，一流﹗魚肉翅夠份量，不杰不稀，魚肉又夠多，加少少醋吊吊味食落更過癮，食哂三樣野真係差不多飽哂﹗

地盤工作真辛苦，今日成下午四點先可以食到第一餐﹗攞命﹗都無咩好食，路過呢度就買左五蚊腸粉及燒賣做下午茶餐﹗五蚊有三條，夠哂滑溜不韌牙，加0的辣醬麻醬食一流﹗燒賣很有肥豬肉香，不明白有時出街買串燒賣會有0的係無味的﹗呢度呢0的正﹗10蚊雞﹗頂住先，再開工﹗

頭先食左新舖既炸魚蛋同車仔麵, 所以想試埋舊舖去到好多人排隊, 都等左一陣先到我地嗌左沙爹魷魚魚蛋阿姐聽到後呆左一呆, 跟住就整個款同之前睇既食評唔同, 唔知係咪我地嗌錯野呢辣魚蛋加少少汁, 加 d 水, 再加條魷魚魚蛋就 ok 既, 幾彈牙, 但比較下炸魚蛋出色好多但整體感覺好似麻麻, 加左水個汁變左好稀同淡, 好似湯0甘.. 魷魚無咩味可能呢樣野係新舖既野食黎, 舊舖係無, 又或者係我地唔係好識嗌阿姐專登為我地做出黎﹐所以唔係我地expect 既野下次應該都會去返新舖, 可能風味無咁好不過環境舒適一 d, 同埋感覺上好似有多 d 野食牛頭角真係有好多好多好野食呢清拆前一定要黎多一次 ^ ^

2008-9-10沙爹炸魚蛋$7有4粒、$10有6粒，大粒十分抵食，十分飽肚。鄰舖咖喱辣魚蛋︰$6有7粒，我雖然食咗4粒沙爹已經很飽，都買咗兩串咖喱辣魚蛋味嘗一下，我覺得十分好味，大家可以去試吓啊！

天文台岩岩掛左一號風球，鸚鵡來了﹗睇個天氣圖好似真係打到正喎﹗星期五可能地盤唔洗開工﹗焗得要命的一天，汗流浹背不過經過文記又忍唔住要入來食串魷魚魚旦，呢間野我都已經寫左佢好多次食評，因為呢0的小食實在太好食了﹗魷魚唔洗講爽口彈牙，不過最正係佢個沙爹醬，辣辣地真係好入味，不過食完之後記住食香口膠，因為好多蒜頭太惹味，講野俾人地聞到就唔係太好了﹗店內有冷氣等如無冷氣，不過找到好食的﹗再辛苦也值得﹗

八月十日(星期日)同老公仔吃完cheeseckae cafe,有點飽,所以決定晚上的要吃得比較light 點!打開u magazine,我們就選擇了文記吃傳統的車仔麵!地點不難找,是輝煌再行入點就到,人都算多,不過比較多人外賣,可以是奧運的原故呢!而且地方雖少,但都有電視,很有家的感覺!又有地櫃等,十足在屋企吃的一樣呢!我叫了腸粉,加了很多麻醬,腸粉很滑呢!而老公吃了個車仔麵,要豆腐卜,豬腸,米線,豆腐卜很好吃,滿是豆腐!而且很入味!老公說豬腸都很香!......很有傳統車仔麵的感覺!加了碟腐乳通菜,都不錯!!!!份量十足,腐乳很香!還有得邊吃邊看奧運!!!不錯呢!

六月十二日(四)今日遲左放工所以只約左老婆去九龍灣食飯，本來以為九點先走得，好彩突然有新消息唔使留咁耐～　我提議去鋸扒，但老婆唔太餓所以去左食車仔麵～　聽聞尼間文記老舖就拆所以把握機會去試試～　叫左每人一碗三餸麵(@$22)、煎釀三寶($10)同沙爹魚蛋($6)～牛腩好淋，連樣望落會韌既都淋，但似乎有被化學劑招呼過，牛腩牛味不足，色澤較淡，雖淋及尚算滑但味道未算太好～豬腸軟韌度OK，口感不錯，但未算太入味～雞翼唔知算唔算鹵水，感覺較淡唔太入味，不過雞翼size幾大，幾好肉地～油麵較幼身油麵，口感和粗有所不同，各有所長～　尼度最好既係湯底可以加佢魚蛋果隻沙爹汁，加左汁後配合埋麵更加好食～炸魚蛋$10六粒雖然較坊間貴，但魚蛋確實很足料，很大粒，食落好有口感亦無麵粉感覺，炸得外脆肉軟，非常好吃～炸紅腸紅腸和魚肉都足料，皮炸至微硬，好耐都無食過咁足料既炸紅腸，宜家坊間偏向細舊，無左尼種口感～　終於係度搵番～沙爹魚蛋辣汁造得唔錯，似樂富一間小賣店辣汁，唔算辣但幾香，配合魚蛋和加落車仔麵度都一樣咁正～　$6串就似乎貴左D～　個人都係鐘意康寧小食果種黑色辣汁多D～總括黎講尼間店個人覺得最掂係煎釀三寶

由於牛頭角下村將要拆卸，我地今日黎附近影相，順便食下野。很難想像如果在這裡長大，快要搬走既心情..要左一份沙嗲魚蛋($6)和雞翼尖($4)。魚蛋細細粒入味，沙嗲汁香。翼尖算夠稔，味道不過不失。以後要懷緬大概要到其他分店了。

收工見無咩胃口，經過呢度買包小食回家當晚飯呢度魷魚真係超級爽口彈牙，我食咁多次個質素都keep住係咁正，怪不得一到黃昏時份呢度就會出現人龍，個個唔係等食炸物三寶就係叫魚旦魷魚等，應該係加送呱﹗試埋呢度既螺肉，口感較魷魚失色，不過蘸上佢地自家製既沙嗲汁一樣係可口惹味﹗早知買多個碗仔翅送啦﹗無胃口食完都變得唔夠喉呀﹗

我記得小學個陣時放學後都好鐘意去食齋腸,豬肚,咖喱魚蛋。每次都要落好多料一齊食,好好味知道牛頭角下就黎拆,好唔捨得,好彩係屋企樓下有間分店,都叫有個希望

昨日同男友去食車仔面,雖然佢平均樣樣送都加左大約$1到,但整體都唔算貴,我要左牛丸水餃米($14)男友要左雞扒油面($13)D汁好好味.好香.有小小SPICY!佢地話做到08.12.31就搬啦,有機會大家都去食下啦!(不詔夜晚通常好多人...都係下午時間去食好D )

見到文記又忍唔住坐低食野除左車仔面之外仲有其他小食牛頭角下村要拆啦,文記都仲有另一間分店,好近架咋車仔面真係傳統個隻,出去煮面個樹揀要咩面同"食送"同友記個形式一樣,不過呢d車仔面店買少見少啦"食送"仲有柚皮同酸齋呢d tim@@而我見佢d車仔面真係大大碗,絕無欺場wo~~買左2樣野2份食~~-碗仔翅碗仔翅係杰杰的,唔係出面個d溝稀哂水咁,好足料你睇d色都比出面個d淺,但好夠味架~~我第1次食碗仔翅入面係有火腿架-魚蛋有咖哩汁同唔知乜汁,好香不過其實唔係好辣佢d汁真係比得好多,魚蛋幾彈牙不過無魚味魚蛋完全靠d醬料調味

今天和朋友在旺角做完運動後,正諗緊食乜,我就提意去牛頭角下村食車仔麵,一路聽朋友話好味就去試試.經過大約十五分鐘架車程就來到下村,咁啱去度竟然冇乜人我就和朋友坐係門口,未入去朋友己經急不及待叫了牛柏葉,魷魚,腸粉,煎讓三寶,再來兩支大可樂,一輪急功後,之後就去叫車仔麵.油麵,通菜,螺肉,魚蛋,紅腸,豆腐泡,柚皮(出面真係未食過)加埋辣汁,成為三十一個大洋,嘩叫到唔知價<_>朋友叫了油麵,通菜,豬皮,豬紅,豬腸,酸齋,豆腐泡成為三十個大洋朋友比了幾舊豬腸,豬紅,豬皮,酸齋豬腸-正-竟然有乜異味仲略帶啲甜味豬紅/豬皮-普通酸齋-幾好唔係太甜又唔係太酸ok 我個啲嘢,老實講就唔係話有冇咁特别,不過就好有中學時係街邊掃街架感覺少少建意,本人係好怕熱架人,係短短太約十五分鐘的過程裏,我一路食就一路流汗,如果其他朋友同我一樣都好怕熱架話,就唔好夏天去呀!! 最好買外買會好啲.另外下村會係本年年尾拆,雖然佢地已經係淘大附近開咗間新架鋪頭,不過如果想要懷舊feel 架就早啲去試試呀.

年底將會因牛頭角村清拆而要搬遷(其實分店已經係附近開張, 但始終覺得呢度係最傳統正宗).叫得做傳統車仔麵, 味道的確好傳統, d腩汁, 真係煲幾十年種, 好有風味好難. $4-7一樣, 唔算平, 最特別係- 柚皮! 整柚皮一d都唔簡單, 呢度竟然有! 仲係好香好入味又好淋wo!呢度真係好有特色, 除舖入面賣車仔麵外, 舖外仲有六,七檔車仔檔, 可以買入舖食. 車仔檔有馳名煎釀三寶, 碗仔翅和生菜魚肉, 沙嗲魚旦和魷魚, 朱腸粉, 朱什等, 樣樣都好吸引好想食, 但我已食車仔麵, 所以肚只夠位食"兩溝"魚肉翅, 無令我失望, 杰杰地, 好多魚肉, 味精唔算重, 食飽唔係太口渴.

炸魚蛋係兒時的味道太太太好味了我一次買了$30魚蛋不知道新鋪會不會繼續賣呢？