文華餅店

营业中

休息中

lunch time 落黎買左個chocolate muffin食,再次放棄唔要blueberry muffin(通常我好中意食果樣野就會成日要返果樣,不過呢排開始會轉下口味~~)個muffin有好多朱古力塊同果仁係面,其實我唔係多中意食果仁,所以好少會揀呢款;d一塊塊既朱古力就幾好味,不過我都係覺得佢既muffin其他味好d~~

飲完早茶，買個strawberry jam doughnut，$12，頗細個，但味道同質地都唔錯，但覺貴少少

文華餅店的強項是西餅蛋糕，個芝士餅當然是無出其右，口感豐富而幼滑，如果有邊度的芝士餅有超過這裡的水準請單聲，我會去試。上星期有個朝早經過已經見佢已整起一盤長方型的cut cake，亦見有人晨早在買緊；鬆餅都掂，用料同賣相都精美，不過話好掂就唔講得。個人又唔覺得個牛角包有何特色，係大個少少，同貴D。其實去一般的港式三文治店都食到熱辣辣的出爐牛角包，當然價錢會平<br />

佢個牛角包真係幾得嫁...佢而家有weekly special, 分別係hot breakfast($25), hot lunch($40), hot tea snacks($15). 個火腿蛋牛角包係佢個hot breakfast. 如果想經濟d, 可以單買佢個牛角包, 有plain, whole wheat, cheese, seed...見d鬼佬最鍾意揀cheese croissant, 鬼婆就最鍾意揀whole wheat...價錢都係$8-$12左右...可以自己夾餡入去都得...p.s. 有一個星期佢個hot snack 係紅豆包, $15一個紅豆包...唔知邊個會食?

出得公數當然可以食好D，尋日朝就叫同事在這裡買幾款包點作早會的早餐。又係四款，有咸有甜，計有火腿蛋牛角包、芝士茶餅、朱古力鬆餅同榛子丹麥酥。不愧是文華餅店，各款包點的賣相係唁同D，當然價錢亦貴D。打頭陣的腿蛋牛角包好多餡料，不欺場，牛角包又香又好食，果然係唔錯，不過價錢亦係最貴，好似話要25蚊一個，去威靈頓街的麵包店買十多個菠蘿包了！芝士茶餅其實係scone，芝士味都幾香，但送咖啡的話不及鬆餅，9蚊一個都幾貴；朱古力鬆餅係我指定要買的，鬆餅面有一塊一塊的朱古力，夠甜又夠香，12蚊一個都唔算貴。用來送齋啡，一甜一苦好配合，正到不得了。不過就幾大個，食完牛角包只食得落半個；榛子丹麥酥幾大個，只試吃了一截，味道都唔錯。

好耐無食文華的American cheesecake,晏畫約左人去睇戲,之前黎買番件食,岩岩淨返一件,真係行遲兩步都無埋,又買了個caramel muffin (平時多數揀blueberry味,今次試下呢款啦)件cheesecake仲係咁好味,又軟軟地我好中意~~其實硬既cheesecake同軟既我都咁中意,但係文華既cheesecake始終係我既至愛~~食完之後好飽啦,一陣仲要同friend食lunch;個muffin留返今日食,嘩~~呢個caramel味原來都好好味架~~真係好好好味啊,平時無留意有呢隻味,真係走寶,其實caramel同cinnamon呢兩隻味既包點食物都係我心頭好,不過文華既blueberry muffin又好好味,所以多數買blueberry or carrot muffin,宜家發現呢隻味咁正,以後都要幫襯呢~~~~~~

本來想買blueberry muffin但見到有咖啡合桃muffin，平時好難得有當然立即買，還買左一個多穀麥包。個muffin除了好多合桃舖係面外，內裡都有好多合桃，反而咖啡味完全唔濃，不過食完好膩。仲有個包內外都有好多粒粒，好有咬口。

想買佢個玫瑰果jam, 但係成$160一罐細細o既, 唔知好唔好食.(上次食high tea時唔知呢個jam o既厲害...所以淨係搽clotted cream...) 如果有人食過,俾d comments 丫!

佢地話唔再出per inch($19)嗰隻cheese cake，只有逐件($22)同whole個人嚟講無謂，因為唔啱口味

呢排好鍾意食pound cakes呀!到處去食好食o既pound cakes, 第一件事就梗係黎返文華啦!因為不嬲都好鍾意食佢地個marble pound cakes! 我上次買o既時候, d朱古力多到有一個corner係朱古力黎嫁!當我叮返熱佢之後, o個個corner就變左做melting chocolate啦!好正嫁!今日一口氣買左marble cake同埋banana butter cake, $15@, 好大件嫁. 佢大約係11:00至12:00 o既時間出爐.今次無咁好彩, 無"melting chocolate corner", 但係都依然好好食!至於個banana butter cake呢, 好香banana味, 都好好食! 不過我就始終鍾意marble cake多d啦!佢通常到下晏就無晒嫁啦!

五星級的蛋糕有五星級的服務水準，係最開心的地方。我最鍾意食佢既各款cheese cake,如果送俾人，仲可以因應個人喜好而有adjustment，例如加多d士多啤利呀咁, 又可以打電話訂定蛋糕，不用頻頻撲撲，加錢送貨呢d就一定有啦！

我今日lunch經過, 見到chocolate croissant, 不過個外觀有少少唔同左, 個名就加左warm係前面...原來佢轉左做下晏先出爐...唔止咁呀, 佢個價錢仲三級跳, 由原來o既$10變成$20呀!!!<br />

今朝黎買早餐, 本身想叫朱古力牛角包, 點知佢話唔再出, 再話想要raspberry jam 酥皮包, 點知佢又話唔再出!逼於無奈要左榛子丹麥酥...我覺得唔好食!再一次証明榛子蓉係要同朱古力混埋一齊先可以發揮化學作用!同意之前o既comment, d榛子蓉太甜,太多!!同埋覺得佢d丹麥酥唔脆, 唔夠日式面包舖o個d好食!唔明點解佢d牛角包就可以做得咁鬆脆, 丹麥酥就唔得!好味o既野就唔keep, 唔好味o既野就留晒o係度, 激死人!

我當然唔會以為palace cafe o既pastries係homemade嫁啦!但係o係文華o既焗爐焗出黎o既pastries(我唔係講slice cake播)又點會o係palace cafe度出現喎?我好sure文華o既whole cake係homemade o既.不過有時有d做法係有d係homemade, 有d係外面送黎o既, 我懷疑o既就係佢地長方形o既pastries係外面工場做, 而whole cake就係自家制o既

文華酒店的糕餅是自家製的，反而palace戲院間cafe有機會不是homemade就真！<br />