救世軍卜維廉賓館餐廳 (已結業)

今日明愛搞生日會，選擇了在救世軍卜維廉賓館餐廳吃自助餐。一入到去，並沒有壽司及刺身，有些失望。不過，都不同類的食物：有：魚、炒米紛、炒麵、羅漢齋、菜心、炒蛋、皮蛋瘦肉粥、咖哩雞、燒雞、脆肉瓜及自制格仔餅，湯是西洋菜湯。而最後亦見到有壽司，但只是腸仔及青瓜亦有芝麻糊及生果等。我選了：西洋菜湯、皮蛋瘦肉粥、炒蛋、燒雞、咖哩雞、脆肉瓜、自制格仔餅。吃了少許芝麻糊。其實不錯，咖哩雞、燒雞好滑，皮蛋瘦肉粥都好好味，而炒蛋亦好好味，而脆肉瓜好香瓜味！但芝麻糊則太甜，怕吃了之後會血糖標升！講完食物，則要講服務態度，服務態度卻是九流！有四大罪狀：罪狀一：在第一次拿皮蛋瘦肉粥及弄自制格仔餅時，有個侍應大喝我及其他人：小心危險呀！本來這提醒不是重點，但竟然是危險．為何不留一個侍應在崗位呢？因為有小朋友來吃的！罪狀二：在拿西洋菜湯時，我見湯內的西洋菜已沒有，便同弄格仔餅的那個職員講湯內已沒有西洋菜，誰知那個職員竟無禮貌的說：「是沒有的了，因為好多人在吃！」不叫人放西洋菜下來不單止，竟然這樣對客人說，有沒有搞錯？我立刻跟另一個侍應投訴那個侍應及告知她已沒有西洋菜。罪狀三：喝奶茶時發現不夠奶，便叫附近一個侍應，

吃東西要嚐味道，但環境也很重要，不是說要有富麗堂皇的裝修，也不是要浪漫的氣氛，感覺舒服是大前題。就如這裡，食物絕對不合格，不過氣氛溫馨，加上收費相宜，最適合一家大細過來。晚上有自助餐，不合心水的話也可以散叫，隨你喜歡。猶豫了一會，還是食Buffet，多試幾款食物。地方甚小，食物款式有限，那當然最基本的冷盤、生蠔、熱葷、燒烤和甜品是有供應的，只是選擇不多。先睇冷盤，火腿是超市的現成貨色，沙律吧的蔬菜、粟米粒、車厘茄等大致新鮮，可以收貨。沙律可以，壽司卻慘不忍睹，不論是什麼材料，那件飯糰總是稔稔的黏埋一舊，難吃得很，想完成一件也有點難度，最後都只是吃了頂頭的三文魚便算；刺身只有三文魚一款，並不甜美。喝個湯暖一暖胃，有羅宋湯和碗仔翅可以選擇，前者有很多洋蔥，卻只得酸味，是低水平的港式產品；碗仔翅則淡而無味，好在沒有取太多回來。飲完湯，侍應話有生蠔吃，馬上拿幾隻回來。生蠔是美國產地，很大隻，賣相吸引，起初還對它有少少期望。吃一口，肉質完全不爽口，質感好差，吃過便算。我都係第一次食自助餐只食一隻生蠔咁大把。熱食有雞、魚柳、薯仔雞球、生炒骨、炒飯和意粉，每樣取一點回來。可惜，雞肉嚡口，魚柳不入味，

正值星期六的午餐時間，見比例上笑多過喊，以唔抱希望嘅心態去，諗住冇失望就當佢嬴，結果用膳二十分鐘，絕望離場。環境，多人擠迫嘈吵，(拎野食個陣人迫到俾人撞到，跌左野食落地)。食物，真係好似去左買飛食廿幾蚊三餸飯咁，一煲白飯，炒河，蒸魚....火腿炒蛋......苦瓜唔知煮乜...凍火腿....咕嚕肉....薯餅....咖哩雞....仲有羅宋湯....沙律....睇到樣都唔想食嘅聲稱壽，甜品個邊冇睇...唔想睇。味道平凡過平凡，因為只係食左火腿、薯餅、咕嚕肉同咖哩雞，味道屋村酒樓夜晚廿蚊盒餸九成似。服務還可以，講明唔會搭台....，主動問要唔要多杯凍飲，係咁多。總結︰大食而又喜愛港式三餸飯嘅，俾三份三餸飯嘅價錢去狂食佢，應該都回到本。不過我就唔會再俾七十蚊佢使....留番睇兩場戲好過 (即係你會唔會俾七十蚊俾三餸飯檔口食自助餐嘅問題)。食完兩轉，我都仲要去搵過其他似樣嘅野食...

年廿九晚諗住酒樓同中菜館一定勁多人，大型集團西式食肆都應該FULL，同女友諗住黎呢度，第一就係近佢返屋企，第二就係諗住呢度冇咩人識黎，點知原來係錯o既。六點半去到已經半滿，七點已經full喇。環境方面真係幾細，連埋出面waiting area加檯，我諗都坐唔到一百人，但係就好warm囉，因為地方細，所以服務可以細心o的，而且周圍都掛左好多聖經金句，對於係基督徒o既我地，好有親切感。首先要讚o既係服務，入到去先俾我地坐一張二人檯，經理見我地要有位放袋，提議我地去坐四人檯，坐左一陣先發覺好凍，因為後面係一扇出去攞燒烤食物o既門，o的人出出入入都好凍(當晚好似得十度)，經理見我地好似好凍咁，又主動提出幫我地轉返去原本o既二人檯，仲俾張chair我放袋。呢o的服務，我諗三四星o既酒店都未必有，就算有~~~都唔係佢主動囉，可能仲會附加jip一聲添。可能呢度係基督教o既地方，所以服務都好好多。耶穌話過要彼此相愛嘛。到食物喇，$128 o既自助餐你想有o的咩？？三文魚刺身？？生蠔？？呢度真係俾到你喎。而且好新鮮，仲好過o個o的韓燒o既魚生。不過每次出o既分量都唔多，要吼住出o既時候，後來發現到，原來

早幾年逛街, 睇到卜維廉餐廳樓下的介紹, 覺得價錢ok, 百零蚊, 唔算貴。琴日同朋友上左去食, 因為好耐無來, 想試下。上到去, 地方唔算大, 不過地方還算舒適(有大枱, 卡位, 電視房間, 露天位)於是同朋友一齊入去食, 個waiter 真係好好禮貌, 佢話因為未夠時間, 叫我地入去座一陣, 仲幫我地斟水,後來我朋友話想買書, waiter話會幫我地留位, 叫我地放低d野先, 好貼心。依d先叫真正服務態度。大約6:30pm到,我同朋友上番去, 開始黎左好多人....食物選擇包括:炒飯, 牛脷, 西蘭花, 魚, 雞, 菜心, 火腿, 乾炒牛河, 粟米沙律, 羅宋湯等等..三文魚同生蠔係必食推介, 一個字~~正!!~~~~~~花園門外(露天位): 有手燒串燒, 豬,牛,雞扒, 三款, 格仔餅牛脷同雞扒好夠味, 好好食, 仲有碗仔翅, yummy!!甜品方面:有布甸, 啫喱糖, 自助刨凍, 芝麻糊其中自助刨凍, 好有小時候的感覺.....個女侍應好有禮貌, 收碟速度快埋單都係$256到, 唔太貴唔好睇佢價錢平地方細, 食物質素同服務態度, 拍得住4至5星級酒店服務方面:主動有禮, 我俾

記得細細個放暑假，隔離阿姨帶埋我哋一班細路去D商場西餐廳食D下午茶自助餐，三幾十有好多嘢食，雖然都係D炸魚薯條、什果沙律、雞翼、粥粉飯麵……好快餐食物之類，但已經開心死！依家就唔同晒，食自助餐對香港人哩講都好普遍，仲越食越貴，以夜晚計，三、四百蚊都走唔甩，似樣D嘅都成二百幾、三百左右，所以一家大細食番餐隨時要過千銀！如果仲想百鬆D蚊就食到嘅，城中都仲有幾間，太貴嘅未必捨得去食，而又對食物款式、種類、質素、以至環境都唔係太有要求，其實帶埋D細路嚟哩類廉價自助餐做吓自助餐初哥都幾好架，因為，有二、三十樣嘢俾D細路自己揀哩食，佢哋已經好開心，況且，食三、四百蚊個D，講真佢哋都未必識欣賞，而且，食吓啫喱糖、自己搞吓格仔餅，佢哋已經覺得好過癮！就係班親戚加埋一大棚細路，想帶佢哋食自助餐，又想慳慳哋，所以就揀咗依度，貪佢地點又方便！環境：舊式西餐廳格局，紅色、綠色格仔布，D裝修都仲係好多個年代咁；服務：可能好多會員成日嚟食嘢，所以D經理就主動招呼熟客多D，我哋D生客就好一般；食物：場地所限，擺得出哩嘅款式唔算好多，沙律有6款加4款醬汁、凍肉腸、日式八爪魚仔、螺肉、普通餐包仔同蒜蓉法包、碗仔翅同白湯

起初一進店內就吃了一驚，因為地方很小，和我想像的，去過吃自助餐的酒店或餐廳，環境和氣氛都大大不同。地方雖小，但無論餐桌椅、餐具、擺設等，不但一應俱全，更給人一種完美、和諧、回到家一樣的溫馨感。可能是臨近聖誕佳節，餐廳內佈置得有聖誕浪漫的氣氛外，又不失其溫馨簡樸的格調食物方面，種類應有盡有，味道也好到不能挑剔(除了壽司的飯是機做，不是手造的)，少不了我最愛的三文魚和生蠔，新鮮和肥美的程度可比美五星級大酒店的。衛生方面，餐具和環境都十分令人滿意。地上是一件垃圾也沒有的！對於我這種有潔癖的人是十分重要的一環。服務方面，是最值得一提的一環。可能因為是宗教團體，那裡的員工不但工作有效率，更是親切有禮。無論是從服務生或是廚師身上，你可以感覺到他們發自內心的寬容和善。如果說幸福是可以從食物中體會到的話，那這有如家一樣的餐廳絻對可以腰給你這感覺。賓館網頁：http://boothlodge.salvation.org.hk/CHT/index.htm

平的自助餐,唔係抵食,一分錢一分貸,但重要的是味道OK,質數OK,適合想食自助餐又唔係想吃貴野的人,地方同待應都好,仲有露天位,幾靚嫁!午餐實收@$55,晚餐D野會靚D多款D@$99,DBS VISA九折

同學們聚餐的地點，想不到是這麼「的式」的餐廳，我想可容納45人左右吧！先看食物，有幾款熱葷，沙律、湯麵，少量甜品及放在露台的燒烤！食物不算太豐富…地方細細，待應們相當熱情，跟客人有說有笑，如有新菜式出爐，亦會主動提醒食客。當晚進膳途中，餐廳大燈突然熄了，原來當中有客人生日，待應捧出一個蛋糕，走到那人面前…嘩！何等的驚喜？整間餐廳的人也為他唱起生日歌，so sweet，所以地方細細也有它的好處！好warm呀！

中秋節中午當日因為其中一個朋友話食過dinner唔錯又搵唔到地方可以容納咁多人於是同左一大班朋友去食熱盤為主味道不過不失雖然同一時間出既食物款式唔多但好在佢再補充時係另一款唔會話食到悶加上經理好識做咁多人訂位俾個九折不過落飲品單個女侍應就好唔掂叫八杯野飲黎錯左兩杯而且態度好差好唔願做咁不過以星期六自助午餐都只係４８蚊都好抵既其中最正都係有生滾粥同新鮮即製夾餅食

環境不錯, 晚餐自助餐幾好, 一個平字, 平日只係$90左右, 食物款式少, 不過都有刺身食, 這個價格其實都差不多啦, 仲有BBQ 既食物, 食品味道都幾好, Service 好得, 如出面已沒有刺身個部長會入去拿給你, 好主動. good !

一般,有街邊d pancake,加牛油花生醬樓下見佢介紹有中式老火湯,點知上去變左西湯被騙,都多係炸野,熱氣