敏華冰廳 (荷里活廣場)

营业中

休息中

太興品牌既敏華出品一向都穩陣，但都有失手既時候。話說早餐叫咗一份鹹牛蛋治，盛惠$22 , 烘底加1蚊，算合理，但唔包飲品 。份鹹牛蛋治等咗足足15分鐘先上枱，好明顯係即整嘅，應該會好新鮮，上到枱時賣相都ok，幾吸引，但一入口就出事啦🙈蛋又老又嚡，鹹牛肉餡少，加上鹹度好似落咗成樽鹽咁🤦‍♀️諗住烘咗底既方包應該唔會出事啦，點知頭尾2塊方包油到不得了，應該係烘之前落咗好多牛油所致😂成份鹹牛蛋治又鹹又油，最尾食咗2啖放棄咗🤦‍♀️🙈🙈

今日去左敏華食早餐早餐都幾抵食，雖然早餐款式唔算多，叫左五香肉丁麵 炒蛋多士餐。 食物份量足料，多士又厚又脆。抵讚不過值得提既，鍾意飲奶茶既朋友，如果選擇飲涷奶茶就會比較抵飲。 雖然要跟餐+3蚊 先有涷奶茶，但係相比熱奶茶，涷奶茶大杯好多，而且係無冰架 唔會因為冰溶咗而影響奶茶既味道。而熱奶茶就相對細杯好多 至於奶茶既味道就有代大家評價一下，個人認為奶茶味道就一般，無特別出眾既地方。連鎖型式經營既餐廳，早餐質素不錯。 環境同服務員態度良好。 上餐速度都好快，岩哂趕時間既打工一族

我係超鐘意食麵嘅人，所以出街食早餐，我都偏向鐘意食茶記！之前食開新蒲崗敏華，直至我知道鑽石山會開分店，簡直心心眼。我其實都係常客嚟㗎！必叫「沙茶牛肉麵」，少少辣，但就好夠味！同平時嘅沙嗲牛肉麵唔同㗎！每食一口麵，都有滿滿嘅沙茶牛肉味！我揀嘅係牛乳炒滑蛋配多士，佢呢個多士脆脆地，唔會好硬，搽啲牛油，再配埋炒蛋一齊食，真係好match，好好味！飲品必試佢哋「奶茶 / 咖啡」，因為無冰，就唔怕飲得愈底就愈淡啦！

呢個假期除咗上堂，我都冇特別安排節目比自己，諗住休息吓、執下間房... 簡簡單單渡過一個週末。不過一聽到有朋友喺附近，#小秘書 又忍唔住走落商場搵佢哋😅 本來有人話剛剛做完運動，要食得light啲，不過大家又冇咩頭緒，盪吓盪吓就嚟到 敏華冰廳。大家望咗個餐牌好耐，似乎都無咩興趣。不過揀咗咁耐，唔幫襯就起身走，好似樣衰咗啲🤪 大家唯有硬着頭皮叫咗個 #即食麵餐🍜 估唔到話要食得light啲嗰個，似乎仲未夠喉... 最後仲要多加多兩隻 #蛋撻 做 #飯後甜品🥳 ... 減肥？都話咗食埋今餐先算㗎啦🤪講返啲食物，件 #厚多士 似乎係成個 #常餐 嘅靈魂，搽上厚厚嘅 #牛油 一齊食，特別滋味🥳 不過個 #沙嗲牛肉公仔麵 就只係一般，大家都食淨晒喺度😅 個 #酥皮蛋撻 都OK嘅，剛剛出爐勝、勝在夠熱辣辣🤤 不過喺茶記食個Tea都要$60埋單，就似乎貴咗少少喇😏

最近突然好饞茶餐廳的常餐，今天特地和朋友決定試試這間有名的文華很多人排隊，我們選擇在門口的自助機買好行街都等了很久，不過味道就沒有讓我們失望啦黯然銷魂飯作為他們的招牌，叉燒肥而不膩，蛋又有流心，和豉油搭配白飯真的夠香。編輯文字的時候看到這張照片又餓了...不過希望餐廳的自助機可以有少飯的選項，這個份量對我太大了，最後米飯剩了蠻多有點浪費熟悉的沙茶牛肉麵，味道一如既往的不錯，搭配炒蛋，最驚喜的是厚多士，稍微烘底，好讚啊我們還叫了一份馬來亞咖央多，雖然邪惡，但味道著實十分驚喜總的來說還是比較有質素的茶餐廳在門口等餐時看到服務員姐姐端著招牌菠蘿包和蛋撻，都好想下次來試下

飛甩呀女系列天來，今去同老公去咗鑽石山荷里活廣場食午餐🍽，叫咗個常餐：沙茶牛肉公仔麵🍜雙腸配滑蛋及多士🍞朱古力☕️平時沙嗲牛肉公仔麵就食得多，沙茶牛肉公仔麵🍜就唔係間間有得食，沙嗲與沙茶係有分別架🧐，唔知係咪小食沙茶，所以特別覺得好味😋炒蛋🥚的確好滑，多士🍞仲好鬆脆，平時茶餐廳啲多士我唔係咁喜歡食，嫌佢”林”晒有薄，呢度啲多士就真係好鬆脆👍配埋杯朱古力一流😁食飽咗之後，竟然比我聽到餐廳廣播：新鮮熱辣出爐嘅酥皮蛋撻即將出爐，哎呀😣，食唔落添，下次夾啱時間再嚟😋

之前好耐同阿媽去食下午茶😋見咁多人排隊，所以就決定入去食喇！😋😋😋敏華冰廳蛋達好好味，價錢便宜，好有蛋香味同埋係酥皮蛋達黎。跟住之後帶咗個榨菜肉絲雞翼公仔麵，都幾好味，加$3要鮮牛奶，呢個價錢來講真係好抵！一個茶餐有齊晒所有嘢！另外仲叫咗呢個鹹牛肉蛋治，好厚，好味😋餐廳環境乾淨，服務態度好好，喺茶餐廳或者冰室來講，呢間好好！！難怪敏華冰廳越開越多冰室🤪👍🏻大家真係可以去試吓佢個下午茶！

今天中午去lunch, 叫了個茶餐，漏了片多士，通知了四個人，無人理，到第五個時，沒心機聽什麼事，竟然成個餐再上...太太叫了個雙蛋豬扒，一分鐘內送到，食落去，件豬扒鞋到不得了，好明顯係之前有單，cancel 了，放涼咗，加熱就上枱。後來攞單去比錢，唔夠cash, 八達通又唔夠錢，個櫃面竟然話你一定要比錢，態度好差，都痴線. 好似會食霸王餐咁。我問老婆攞八達通比。真係慶過火屎

終於開啦！ 對茶餐廳情有獨鍾的我 又多左個選擇啦！冰鎮奶茶好味 但朋友覺得偏甜左小小 好大杯 抵飲 😂暗然銷魂叉燒飯 叉燒好juicy !!!!真係好好味 ！西多士上的心形牛油 😂😂😂 有必要嗎 😂 有趣🙉有趣🙉

鑽石山地鐵站附近要搵間茶餐廳真係唔易，停課過後回到鑽石山就發現荷里活廣場側多左間敏華，店舖唔係好大，但樓底夠高，可以在這裡享用個寧靜早餐，敏華架茶餐食左好多次，早餐都係第一次試，有10多款，總有一款你歡喜，件軟多士真係唔錯，再配埋杯茶記奶茶好緊要，之前在荷里活廣場跟本冇選擇，早餐只可以食McChai, 大快Wood, 對於奶茶精嚟講朝早唔飲返杯茶記奶茶係會冇靈魂的，疫情期間，仲要唔駛搭枱，very good. 趕時間架，可以在門口自助外賣機落單拎返公司食。

荷里活廣終於有茶餐廳了，和老公睇完電影便在商場逛街醫肚，因為我們用餐時間比較早，人流未算太多，稍微等候，便有座位了。餐廳新開張 ，所有用品都很新淨，餐廳裝修光猛，也貫徹了他一貫的裝修風格。黯然銷魂飯招牌菜當然不能錯過，四塊厚切梅頭肉叉燒，厚肉多汁，肉邊焦脆香口，充滿脂香，荷包蛋還有兩隻，配埋帶香蔥油味的甜豉油，一口接一口就清碟了。香煎芙蓉蛋飯芙蓉蛋飯也值得一試， 餡料足，有叉燒絲、韭黃、芽菜，火腿絲......芙蓉蛋金黃色，充滿蛋香，不油不膩，大大一碟，也吃不完，唯一美中不足是略嫌少了點甜豉油。

落單錯漏極多，改到第四次賬單金額才正確，途中侍應極不耐煩。我叫咗2個酥皮蛋撻，過咗10分鐘，門口侍應準備好蛋撻，同另一個侍應講，塞比佢地食住先！我認為這個服務態度極不理想！

最近 #敏華冰廳 喺 #荷里活廣場 開咗分店，每次假期經過都大排長龍。呢日比較早放工，就約埋 #屋企人 去食個 #早飯 先返屋企🥢 本來仲有5分鐘先cut下午茶單，不過咁啱坐近廚房，見到 #茶姐 將一盒又一盒嘅 #雜扒飯 打包... 心裡大叫一聲「我又要跟佢」🤤滿心歡喜等待嘅時候，覺得餐廳又熱又焗，咁啱仲要坐喺廚房側邊，未食已經吸晒啲油煙落肚😅 #雜扒飯 比我想印還要巨型，豬扒、雞扒、午餐肉、香腸... 仲要配埋啲 #薑蔥蓉 送飯，真係肥死人😂 好彩有大食嘅爸爸喺度，佢一個人已經可以幫手食大半碟落肚🤪 而我就嫌個豉油汁得個咸字，一啲都帶動唔到胃口，再配埋薑蔥蓉真係有啲古怪，我諗呢碟飯就只係食肉獸先識得欣賞😉

令人非常失望！已經給了兩次機會了！門口接待的四眼哥哥非常冇禮貌！坐位安排差劣！食物一般！現在已經這樣態度，環境好時會否變成澳牛架！九龍灣果間服務及出品好好多！唉！

位於荷里活商場的敏華冰廳開始營業只有個多月，今日特意到來試試。餐牌上的食品名字都充滿著懷舊味道，令人想起兒時到冰廳的回憶，感覺非常溫馨。我選了黯然銷魂飯試試，賣相非常吸引，但其中一塊义燒是全脂肥油，我向主任反映後，他非常有禮貌幫我更換，態度非常好，令我印象深刻，下次會再光顧。黯然銷魂飯非常好味，义燒是半肥瘦，流心蛋清香撲鼻，米口感好。