敏華冰廳 (荷里活廣場)

营业中

休息中

😓今朝去食早餐，個侍應幫完隔離枱個叔落單，咁我就叫佢幫我落單，佢好悔氣一句叫我自行掃code落單，然後走咗去，之後我叫第二個侍應幫我，點知都係同樣態度同回應。我心諗駛唔駛咁呀！唔可以好聲好氣講嘅！最終都有個侍應幫我落單。啲嘢食到咗，第一個我叫佢幫我落單個侍應攞俾我，我忍唔住問返佢，而家係咪唔會幫人落單㗎喇！佢話“唔係！我諗住你哋後生女識自己落單，有啲阿叔阿伯唔識，所以先幫佢哋落，仲話有時佢哋好忙，所以幫唔到我。”但我望嚟望去都係得幾張枱，我係度諗佢究竟忙咩呢！😂

之前在這餐室吃過一次超大雞扒飯，念念不忘，雞扒大大件，肉嫩多汁，很滋味。昨天再去吃超大雞扒飯55元，今非昔比，雞扒不再是大大件，變成正常份量，味道變成難吃，雞肉硬，味道過咸，價格亦已上漲，令人失望。黯然銷魂飯59元，水準仍可接受，今次落單時刻意要求荷包蛋改為煎熟蛋，食物上枱後，賣相吸引，煎熟蛋一大片，叉燒四大件。煎熟蛋外層有少少香脆，內層沒有過熟。兩件肥叉燒入口即溶，甘甜香口，很滋味。兩件瘦叉燒很硬，不合格。白飯稍硬。自家調味頭抽醬汁美味，與雞蛋及白飯一起，美味。總結：今非昔比，價格上漲，質量下降。

今日去拜完車公廟, 同奶奶去咗鑽石山食早餐。經過見到見到敏華，睇吓個餐牌見到12點可以食早餐就行左入去。兩個人食左$86 人均消費$40算平敏華嘅奶茶係最好飲，因為個茶系一早雪咗先，唔使加平👍👍👍香滑濃郁

唔知大家有冇發覺集團式嘅茶餐廳或者食店，其實質素都係有參差㗎，有啲會好好，有啲差到貼地，不過今日唔講呢樣嘢啦！話說早兩日我屋企人去敏華食早餐，咁食完早餐就打包一份俾我啦，咁食完之際收拾好啲外賣盒，突然間眼前一亮，見到一啲似曾相識嘅嘢，一見到白色的杏霜像是帶着神秘，然後再望吓竟然寫住，風繼續吹，西多會嚟！再望落去真係不得了，呢一個膠袋突然間升值左，因為好多粵語流行曲嘅情懷，真係要喺度土生土長，同埋好熟悉粵語流行曲嘅人，先至會有一份歸屬感，雖然沙嗲牛肉麵依然係沙嗲牛肉麵，雖然個炒蛋係乾左啲，件多士都唔係好脆，都因為外賣嘅，但係見到呢個膠袋，原來比我有好多美好嘅回憶，咁我對敏華呢一間餐廳又多咗一份喜感！要讚一讚呢位設計師，用咗粵語流行曲你做包裝，好有創意，我鍾意！我愛廣東話！我愛粵語歌！我愛酥皮蛋撻，講完！下面玩下估歌遊戲先🤫🤫👏🏻👏🏻👍🏻👍🏻圖1）紅色跑車-太極樂隊圖2，3）終生美麗-鄭秀文圖4）風繼續吹-張國榮圖5）在水中央-林子祥圖6，7）激光中-羅文玩完啦！😂😂😂By the way 唔知呢一樣嘢使唔使拎版權嘅呢？😂😂😂😂

去開荷里活，又想飲奶茶，茶癮起，就聯想到敏華冰廳。入到店內，地方整潔，座位都坐得舒服。依家會用掃QR code 手機下單，都方便既。但有時反光，唔係好掃到個code.叫左個沙嗲牛肉米拼炒滑蛋雙腸及歐式軟多士，配熱奶茶。常餐黎講，唔算平，都成五十幾。可能連所集團吧，定價都會貴啲。沙嗲牛肉都有4-5塊, 米粉軟硬適中, 炒蛋都炒得幾滑, 腸仔都feel 到佢煎過兩下既。奶茶香滑，真係一流。整體來說，都幾好。可以再幫襯。

琴晚同屋企行完荷李活廣場，食飯時間周圍都好多人，於是兜咗去後面間敏華冰廳。食物選擇少，一心想入去食叉燒，7點就已經話無咗，呢個都唔緊要，可以叫其他。我哋都未開口話點餐，有個靚仔服務員就過離好不耐煩地同我哋講叫自己掃碼點餐。點完餐一陣過嚟同我哋講無咗叉燒，咁我叫距幫我取消，我再點其他。再過一陣距上咗杯鮮奶俾我，再一陣又上咗雙腸煎蛋多士俾我，呢d全部都係我剛才取消果個叉燒米粉跟嘅餐🤣，我同靚仔講唔係已經取消咗嗎？距有點噁咁同我講話唔係距取消，係果邊（我估應該係收銀處）話已經取消咗…..最後當然叫距全部攞走。呢個靚仔對隔離檯幾個女人➕小朋友態度更加差，距地話唔識點餐，叫距幫手點，然後距唔理距🤣，咁當然另一個啊姐頂上啦！之後唔知咩事叫個靚仔，個靚仔話距唔知，叫距地穩其他人🤣今時今日咁嘅服務態度真系唔得囉😅

凍齋啡冇甜叫佢加返，夠膽死加羮沙糖落去算數，基本茶餐廳沖茶水平都冇，水吧都唔知係咪求其搵個路人甲臨時拉夫去做。侍應仲要駁咀話冇乜人飲凍齋啡，所以只會沖定凍咖啡，凍齋啡係即沖。雖然佢好大條道理咁，但唔明落砂糖而唔係落糖水有咩point好兜。真係完全接受唔到凍飲落砂糖。叉蛋飯足足等足半粒鐘，三催四請先攞嚟。唔想嘔血者切勿光顧。樓面侍應好似發緊夢，又騰騰雞雞咁，好似聽唔明廣東話，可能要講譚仔話先溝通到。

呢間店越做越差，已經貴，選擇唔多。早餐時段幫襯，入去坐低卡位，侍應仍然係冇咩禮貌，態度麻麻，有時真係似受氣食早餐。算啦，冇計。過左陣，聽到後面枱兩男士話等咗糯米雞好耐，再唔上就取消。然後侍應話要再等多5分鐘，顧客非常不滿，又突然侍應有兩隻糯米雞放上枱，聽到顧客食到一半話凍嘅，點食，離晒譜然，後即是走了。我都點左份餐蛋三文治，一望見灰色，有黑點，一打開中間見到好多未洗鑊的鑊屎。呢間店真好無誠意，又貴。

星期日在敏華冰廳吃下午茶， 今次到鑽石山荷里活廣場分店， 店內環境整潔， 座位舒適。 每次都是吃這裏的常餐或暗然銷魂飯， 今次就點了兩個常餐🍜☕， 價錢不算便宜，大約💰港幣五十幾至六十幾不等， 但食物質素是幾好的👍🏻。 牛肉和豬潤都好腍， 尤其是豬潤牛肉米粉的湯底非常香濃， 薑味十足🤤， 飲多幾啖都不會口渴。 厚多士🍞香脆可口， 太陽蛋🍳和腸仔🥖的賣相都幾靚。 還有我最喜歡的茶走☕， 煉奶是分開上的， 這點值得一讚👍🏻。雖然不算抵吃， 但味道和賣相都值這個價錢， 所以我都幾喜歡敏華冰廳😊。 敏華冰廳地址: 鑽石山龍蟠街3號荷里活廣場1樓101A號舖

已經喺非繁忙時間來食早餐，叫太陽蛋唔駛反咁簡單都可以隻蛋散哂，揾塊多士冚住就上俾客我太太要全熟煎蛋，只係整爛兩隻蛋黃，煎到一pat嘢咁，呢啲就叫全熟煎蛋究竟呢間連鎖茶餐廳有無品質管理？

我自己嚟試過早餐覺得平平哋都可以嘅，阿仔喺呢頭返學，放咗學叫佢同啲同學試下啦，結果........ 就係唔會再有下一次先講等候上餐時間，過了20分鐘仲未有食物送到， 餐飲跟汽水，但係室溫無雪唔凍嘅， 都唔緊要，見到人哋跟冰上但係阿仔同啲同學就咁放低咗罐汽水就算， 叫咗幾次先肯畀杯冰佢哋。幾個麵餐最終等了二十五分鐘仲要漏咗一份， 最後嗰份好似冇乜煮過咁就上枱， 硬到都食唔到， 荷里活廣場選擇何其多， 其實做得咁差真係唔會返轉頭👎☹

因為今天放假，不用太早起身。平常上班就會隨便吃個麥當奴就上班。因為今天是閒日，所以就選擇了開了不是很久的這家敏華（因為星期六日，早餐時間都好鬼多人）。入到餐廳，坐位比想像中的多，環境跟裝修還算ok。第一時間叫了我最喜歡的沙爹牛肉面跟熱奶茶。沙爹牛肉的分量算多，味道亦不過不失。但面就太淋，不是我喜歡的硬身那種。奶茶亦是一般味道。中途佢會響鐘說有新鮮蛋撻出爐。作為蛋撻控的我一定要試一下的但酥皮蛋撻也沒有想像的鬆軟好吃，亦沒什麼蛋味。不過以這個價錢又真的是不能要求太多。

叫杯凍檸茶等左15分鐘當中叫左一次幫忙有冇漏單，15分鐘後到了。無言。。。。。。我叫凍檸茶走甜就來了一杯走冰，當時諗算吧就飲一飲算，但一飲就覺得啲茶淡到一個點就好似細個去冬菇亭大排檔嘅一壺好淡好淡(接近水)嘅茶，天啊30幾度諗住飲杯冰凍嘅凍檸茶姐。後來我叫佢換比我，都肯換嘅，不過來一杯凍檸茶Original(好L甜)囉🤮。。。。。。。重點係全場得5枱客(星期5 6點半入去)

炒蛋好咸、豬膶超難食（好噁心）、牛肉都麻麻😶比較好食係塊多士同咖啡都ok。我問個阿姐 腸仔係咪煎架？佢問我係咪第一日出嚟食嘢，腸仔更係炸㗎啦，邊有煎架，好笑🤣之前食過新蒲崗分店都冇咁差。

2021-01-28下午4點來食下午茶！點了一個叉燒米粉！居然俾d又梅又黑叉燒！要求更換！點知又係果d又黑又梅！食完米粉飲埋杯嘢！埋單走人！冇下次🤬🤬🤬🤬🤬