敏華冰廳 (海趣坊)

今日天氣好，又溫暖又有太陽，把握時機，沿着河邊跑下步，最後到屯門碼頭海翠商場，出咗一身汗，當然要食飯充飢啦！必定要去敏華冰室！我每次都會叫暗然銷魂飯！即刻叉燒煎蛋，好似睇緊食神咁叉燒夠厚又夠淋，充滿蜜汁，咸咸甜甜咁，依到嘅叉燒肉梅肉做，肥瘦適中，食到肥肉時，d肥肉係爽口㗎！一d罪咎感都無😂😂而且d飯係用金鳳米，煮得剛剛好，米飯夠乾身有咬口，撈埋d蛋汁，真係一流，而且秘製葱油先係個重點，包保你成碗飯都食清光最抵就係50幾蚊個餐，有個無敵大海景相伴食飯啊！…查看更多

今日下午茶落左去屋企留下間敏華食，長期都要排隊，我本人覺得敏華底食過翠華，價錢比較便宜。今次選擇叫左新鮮出爐嘅酥皮蛋撻熱辣辣，真係可以一個拍到兩件蛋撻，還有叫左西多士，佢嘅麵包整得比較脆口，我較喜歡食煎炸野，所以覺得好正👍🏻👍🏻👍🏻，杯奶茶係每間茶餐廳嘅精粹，佢嘅奶茶就冇翠華咁好飲喇🤨綜合黎講敏華嘅價錢係合理，我都成日幫襯佢嘅早餐，下次要試下佢嘅王牌暗然銷魂飯，我見隔離枱食，叉燒個邊好脆😋😋😋…查看更多

係附近返工，有個同事話想介紹話好食所以就走左去食。我午市時間食，都幾多人，等左10分鐘左右。之後安排左坐卡位，環境幾好，呢間仲要望住個海。跟住就點餐啦，緊係試佢個招牌黯然銷魂飯。其實姐係叉燒煎蛋飯😂叉燒：有4-5舊大大舊，不過講真，真係一般，又肥又燶，黑到好似舊炭咁。蛋：正正常常啦。飯：都大大碗。總括：一般般啦…查看更多

【食物質素普普通通  茶餐廳質素 冰廳價錢....】LUNCH HOUR 嗌左個特餐 羅宋湯牛肉通 $50 (特飲再+6) 50蚊個LUNCH SET來講，牛肉份量真係好少但勝在在個羅宋湯湯底好濃郁。不過羅宋湯料來講都真係少左啲。搞到成個水平好一般，唔值呢個價錢。重點係，個湯底應該岩岩熟好，好熱呀 LOOOOOL 吹左好耐先食，都熱親個咀。雜果賓都係咁，不過不失。但其實我見隔離位食既LUNCH SET 雜扒雞扒飯餐份量係超多！！！價錢都同我呢個差唔遠，如果再有下次，會食飯餐。但我諗食物水平都係普普通通，畀多十幾蚊，都係食冰室既裝修同GIMMICK野 Sosad…查看更多

去咗呢間餐廳試咗佢嘅招牌「黯然銷魂飯」，的確唔係淨係叉燒前蛋飯咁簡單。首先佢嘅叉燒係做到真正嘅「半肥瘦」，比起一般茶餐廳或者大排檔嘅肥極都瘦叉嘅叉燒口感豐厚得多，叉燒的蜜汁、流心蛋的蛋漿、頭抽加上葱油，拌著白飯一起吃，令人回味無窮。而且價錢合理，值得一試！…查看更多

平時行開呢邊, 都係過隔離"杜文活"食頹飯的,難得今日得兩個人排緊隊,幾大唔放過。店內寬敞舒適, 光線充足, 地方整潔, 冇一般茶記果種喧鬧, 冇打衝鋒嘅傳菜, 冇粗粗魯魯呼呼喝喝嘅樓面, relax一流。點咗招牌菜黯然銷魂飯, 凍奶茶, 將四四方方類似咖啡粉樽當杯用, 自動走冰,  茶味一流(抱歉無影相)個飯有大大件香軟半生熟煎雙蛋, 加咗豉油之後, 講真已經食咗半碗飯, 叉燒有四大件,  鬆軟入味, 略咸好餸食, 配埋靚米, 真係平靚正之作。…查看更多

今日放工黎到海趣坊食飯由於男朋友極度推薦敏華嘅雜扒飯而佢又叫左我好多次去食所以今次就夠佢試下八點左右去到9成滿座 但幸運地我地2人都坐到卡位坐得幾舒舒 而且唔會有一般茶記種「污糟」感覺 大致乾淨企理睇餐牌猶豫左一陣跟唔跟男友食雜扒飯因為我本身鐘意食茶記米粉多d但經佢男友淨說一於試下佢嘅雜扒飯因為我地個位見到廚房係即叫即煎相信係想將最juicy最嫰滑嘅扒帶比食客所以我地都等左成廿分鐘先有期待已久一試覺得確實唔錯 扒真係好厚而且夠入味熱辣辣好惹味特別係塊豬扒真係好出色但未去到我男朋友吹捧到神枱咁誇張😹可能係個飯唔夠乾身 同埋個汁我唔太好 所以扣左少少分男友杯雜果賓治幾好飲總結的確唔錯但等廿分鐘真係有少少耐…查看更多

最近我鍾情冰室，今日到了敏華冰廳，依然都要排隊，等了10分鐘左右就有位了！我叫了叉燒湯通粉、炒滑蛋雙腸、牛油厚多士；及五香肉丁公仔麵。叉燒通粉湯底是雞湯，忍不住想喝掉！叉燒較簿，小朋友較易入口！炒滑蛋雙腸炒蛋分量多，真材實料，沒有加水。整體上，我都非常滿意，服務員態度亦很好，很有禮貌，很細心！…查看更多

閒日食個早餐都要排隊?開門開7點，7點50到已經有人龍，有冇咁痴線啊！慶幸1位易攞位，不過都排咗10分鐘，入座後才發現有好多吉位，根本就係伙計安排係故意製造假象，等外邊的人以為這餐廳好受歡迎。味道坦白講一般，炒蛋嚟講就略勝翠華，但比澳牛遜色，當然伙計態度不錯，好過澳牛，最低限度唔會趕你走。至於佢地推介嘅忌廉雞湯火腿通，已經叫咗扣底(諗住飲吓湯)，失望嘅，因為幾淡，食過土瓜灣嘅一冰廳，佢個忌廉湯底好濃，所以幻想得太多，換來有點唏噓的感覺，總括嚟講係ok嘅，不過要排隊就扣分。…查看更多

香蛋撻 沙嗲牛麵 嫩滑炒蛋多士送完仔女返學 肚子有點餓 原來未食早餐 架車到碼頭搵食 見到一間要排隊的茶餐廳 心想 水準一定好高排到十多分鐘才發現要搭枱 正在猶豫是否吃這間早餐 還是到翠華餐廳食 低質素食物 原來已經到我們可以入座 要搭枱早餐例牌沙爹牛肉米或五香肉丁米或火腿通 今早食的沙爹牛肉米 味道不錯 米粉嘅質感良好 湯底滑的 牛肉味道鬆香炒蛋略咸 牛油餐包也很好吃額外要多一隻蛋撻 每30分鐘出爐一次 熱辣辣的蛋撻 蛋汁夠滑 餅底也很香脆奶茶水準亦好 有茶味下次會再幫襯 …查看更多

平時食《沙嗲牛肉》比較多〽️哩個《沙茶牛肉》味道就比較偏惹味+濃味少少+少少花生味🥜牛肉肉質偏淋，喜歡濃味既朋友可以一試‼️另外不得不讚嘅係多士🍞做到外脆內軟，不錯👍🏻👍🏻👍🏻 （5❤️為滿）推薦：❤️❤️❤️❤️抵食：❤️❤️❤️服務：❤️❤️❤️…查看更多

今日去左 #敏華冰廳要排隊先有得食，排20分鐘左右會去食係因為朋友個朋友話呢度既沙爹牛麵係全港最好食，咁去開附近就順便一試沙爹牛麵，估計佢用福字麵，正常味，比出面食的偏辣少少，單食塊牛肉就係咸左d，完全感受唔到朋友所講的【全港最好味】個常餐跟個炒滑蛋反而有d驚喜，好香，好滑，濃蛋味，呢個常餐要48蚊，實屬無下次相反個【敏華黯然銷魂飯】我就覺得值，53蚊個D飯係用靚米，食落特別看個叉燒又juicy，好似話現場燒，而且是半肥瘦style，唔係一舊肥一舊瘦，係似人地雪花肥牛果中半肥瘦叉燒，大大舊，啖啖肉，加打孖2隻流心蛋，蛋黃漿配頭抽加靚飯，特別開胃因為要分半個常餐俾個女食，所以叫多個新鮮出爐酥皮蛋撻，我先可以唔空虛，新鮮出爐一定好食，個蛋都香同滑，不過，個人更喜歡餅皮最魕是朋友叫左個叉燒通粉，個通粉湯底有誠意，我女都追住人地個通粉食，如果要食常餐，建議叫叉燒通更好…查看更多

今日放工唔想煮飯，諗起成日嚟呢度都只會點豬膶米常餐 ，今次一定要試鎮店之寶黯然銷魂飯，等左一陣個飯就到，外觀感覺都差差地，揭開隻蛋見到大大舊叉燒，姐姐懶得切多刀，食落口個叉燒汁超級鹹，叉燒仲要「鞋颯颯」，平時常餐個炒蛋係超香超好味，但呢個煎蛋好差，煎得唔夠燶，「軟瀨瀨」咁， 蛋白未夠熟！ 今次中伏了！如會再幫襯的話，我只會選擇豬潤米線常餐！…查看更多

平價版黯然銷魂飯！灸燒又厚切嘅叉燒好有驚喜，麥芽糖味幾重，比一般嘅蜜汁叉燒更香口！再加上兩隻半熟流心蛋，我最欣賞係個蛋邊，煎得好脆好香！仲有個秘製汁用黎撈飯都幾好味👍🏻連熱飲都只係$50，（ 杯奶茶都唔錯）CP值高過係酒店食成兩舊水一碗～唯一敗筆係，佢無洋蔥同菜芯，唔能夠稱為正宗黯然銷魂飯～～～…查看更多

又到放工搵嘢食嘅時候啦， 求其搵間茶餐廳醫肚啦！新開嘅文華冰室大排長龍，咁就試吓啦！叫了個煎蛋葱油豬扒飯及常餐A4，豬扒夠霖，葱油好香，常餐A4嘅炒蛋炒得非常香，連對鷄蛋好有要求嘅老公都讚不絕口，豬潤牛肉湯米都幾好，如果再多啲疆味就更好。…查看更多