敏華冰廳 (PopCorn 2)

餐廳食物款式選擇唔算太多，今日襯七一有折，就過嚟試吓。叫咗佢哋嘅沙嗲牛肉麵😆，味道幾好，湯底好濃郁，牛肉份量唔少🫰🏻，喺咁多人情況下仲可以保持咁嘅質素😋，唔錯。另外試咗佢嘅雞翼，就比較普通，味道冇乜特別😔。飲品方面叫咗個玫瑰朱古力😆，玫瑰味唔算好重，但朱古力都OK☺️，唔會太甜，整體算幾順口。至於餐蛋麵就係一般嘅餐蛋麵。整體嚟講，環境都OK，加上有折，性價比尚可，有機會可以再試其他款。…Read More

今次嘅美食之旅令我驚喜連連，特別係脆皮雞中翼搭配薯條，外皮金黃酥脆，肉質鮮嫩多汁，令人一口接一口；薯條則係香脆可口，完美平衡咗雞翼嘅油膩感，令人心情愉悅。接下來嘅荷蘭煉奶花生醬心心西多士更係甜蜜嘅驚喜。外層烤至金黃，內裡嘅花生醬同煉奶交融，濃郁嘅口感令人陶醉，搭配一杯熱茶，簡直係完美下午茶嘅選擇。蜜汁叉燒湯意粉則係另一種美味體驗，叉燒肉質軟嫩，湯頭濃郁，帶有微微嘅甜味，意粉嘅口感滑順，令人回味無窮。最後，抹茶紅豆冰為整個用餐畫上完美句號。清新嘅抹茶同香甜嘅紅豆，搭配冰涼嘅口感，令人感受到夏日嘅清涼。呢一餐唔單止滿足咗味蕾，更係一次美好嘅享受。#敏華冰廳…Read More

七一旅行好貴，所以留港消費。這家茶餐廳，今天全單七一折，全家係度食午餐。等候四五個字，職員安排入座。各人各點一個餐，有飯有飲品。咖哩雞扒飯馬拉咖哩牛肉飯葱油豬扒煎蛋飯因為點了二份咖哩飯，所以選擇不辣的葱油豬扒。煎蛋二粒，蛋黃仍是Duang呀Duang呀。篤爆蛋黃，讓蛋油慢慢流出來，蛋油撈白飯豉油，正！豬扒暫時無鹼水味。職員向每枱客人推銷出爐蛋撻，十分吸引，加上七一折優惠，平均每件約五個大洋。計落有著數，要了三件做午餐的甜品。最後來一杯熱奶茶做句號。…Read More

唔好去敏華食嘢，如果我今日唔係去咗敏華食嘢，我唔會喺呢度講呢番說話！我叫咗個餐，坐咗10分鐘，嚟咗碟多士加香腸，再等多接近8分鐘，先至嚟杯凍檸茶，我唔知道點解一杯凍檸茶要沖18分鐘，但係我喺出餐位度見到我杯凍檸茶擺咗喺度已經5分鐘冇郁過，唔知係咪要做啲乜嘢嘅儀式或者供奉先可以拎俾我，所以我好想問一問，但係佢哋嘅目光同埋態度令我問都問唔出口，因為我覺得我好似欠佢哋錢咁！其實到而家，我仲等緊我個公仔麵！…Read More

好耐之後都食過敏華，記憶中無咩大問題，連鎖餐廳既質素，諗住簡單醫下肚。叫左兩個餐，一個火鍋一個沙嗲牛肉鍋，前後等了最少4、5個字，追左幾次都係未有，眼見全場都未坐滿，不明白點解咁慢。火鍋仲要過咗3個字先話無湯，要轉，再揀湯底，呢度開始感受到佢嘅速度。附近食客等不同的飯菜，都係奇慢，前後左右個個都追，都有啲食客開始鼓譟。食物方面，火鍋牛肉肥廋半半，湯底普通雞湯，但起碼唔柴，沙嗲牛肉鍋都係淡淡地。但如果要等咁耐食咁既質素就唔會再嚟。…Read More

食物冇問題 係店員嘅態度十分有問題..有個女店員 對食客好串我俾錢嗰陣仲係咁叫我拍啦拍啦 感到受命令 我自助自己都識俾錢啦 冇人叫你過嚟搞事因為店員差而令人唔嚟就唔係太好…Read More

之前買外賣已經特慢, 今日堂食等咗45分鐘勁催都未出齊嘢, 明顯廚房樓面都負荷唔到唔多張枱,總公司應該正視下, 我唔係等一個留言話佢哋超慢！晚飯7点已冇燒魂飯, 其他餸味道又唔係特別好....下次會去第間店....…Read More

呢幾日敏華搞咗個$35叉燒蛋飯活動，帶阿女補完習去食個晚飯，去到門口就已經大排長龍，本身以為要等好耐但好快就有得入座。入到去主要嗌咗兩個$35叉燒蛋飯同凍檸茶，見佢價錢減咗將近一半諗住係迷你版，結果上枱居然係同原價份量一樣，叉燒蛋同埋飯都冇縮水😍個服務員同我講係因為公司想回饋客人比客人用更平價嘅價錢去試佢嘅招牌產品，咁其實都幾好幾佛心，聽佢講下個禮拜都仲有另一個平價活動係食沙茶牛肉麵，到時候一定會支持。整體嚟講無論價錢、味道、服務都好唔錯，阿女都食到舔舔脷，希望敏華之後都陸續會有同類嘅活動優惠返俾我哋小市民🤤…Read More

$35食叉燒蛋飯，筍到爆，仲可以去到夜晚7:30。冇得輸，抵食過三餸飯$35食叉燒蛋飯，筍到爆，仲可以去到夜晚7:30。冇得輸，抵食過三餸飯$35食叉燒蛋飯，筍到爆，仲可以去到夜晚7:30。冇得輸，抵食過三餸飯$35食叉燒蛋飯，筍到爆，仲可以去到夜晚7:30。冇得輸，抵食過三餸飯…Read More

平時七十几蚊的黯然銷魂飯，今期推出35蚊優惠。有著數，一定要試。放工後馬上來到餐廳，職員安排的二人座位。手機下單後，慢慢等銷魂飯來到。黯然銷魂飯     半肥瘦叉，煎荷包蛋，靚白飯，是標準配搭這塊叉燒是梅肉，肉多肥少，唔係肥騰騰豬肉囉！焦香外層包糖漿，肉質不太硬，有肉香。煎蛋似太陽蛋，沒有焦焦邊，伴著几滴豉油增色。篤爆蛋黃，讓蛋漿跟白飯融合，撈埋豉油飯一起享用。幸好白飯不軟身，拌著蛋漿&豉油也没有變軟變爛。最後來一杯熱奶茶作句號。35蚊有叉有飯有蛋有奶茶，抵！可是，七點就賣曬！…Read More

其實之前冇寫開食評，但今日係敏華食午餐職員同我講覺得服務好可以幫手推介一下，特意來表揚一下。今日叫咗個蔥油雞扒飯，加個凍鮮奶，飲品冇乜特別，就係普通維記牛奶，但個蔥油雞扒飯真係不得了。雞扒煎得啱啱好，唔會太燶又唔會太硬，口感軟身，加啲飯汁真係冇得頂。但其實食都其次，主要想講服務，我一個人嚟食入座被安排二人位唔使搭枱，幫我落單嗰個好斯文，亦都好有禮貌，唔知係咪冇開冷氣，我同佢講好熱，佢就入去廚房攞咗杯冰水俾我，食嘅過程中都有問我需唔需要加水，茶餐廳有西餐服務其實都幾罕見，雖然見到有負評都係投訴服務，但我個人感受到嘅感覺其實都好好，有機會一定會再嚟👍🏻👍🏻👍🏻…Read More

已經第二次幫襯呢間敏華冰廳，都改變唔到負評嘅厄運仲要係第六個。又轉咗手嘅文華冰室到而家敏華冰廳，開到成行城市，但點知一間比一間既差。想當年最出名嘅熱奶茶，豬扒蛋飯，今日嚟到popcorn 諗住食個下午茶，去到餐廳門口，阿姐問我幾多位，我搭兩位，點知阿姐指住話可以坐二人位，仲要係搭枱既二人枱，但試問兩人點樣坐到一人位？ 阿姐當時可能發緊夢！到點餐，叫左兩份豬扒煎蛋飯，一杯熱奶茶及一杯熱咖啡， 諗住碟飯會一齊到，點知又係嚟咗一份之後又等咗個十幾分鐘先嚟第二份。 講到食物質素及味道，豬扒又唔熱，又細塊又有啲燶，杯熱奶茶都算係咁啦因為都係一般連鎖店用機去沖嘅，都唔寄望有啲咩港式奶茶味道講真下午茶都要成$65一份餐，可能同系列太興仲更加性價比好食。PS 我都係真實食評（付費），正平/負評都可以係公平公正同埋講事實。而不是官威恐嚇小市民！…Read More

唔會再入嚟食，選擇又少，叫個4寶飯等咗30分鐘，個咕嚕肉直頭等到成個鐘叫佢取消，食物質素又差，唔趕時間又想食垃圾，可以入嚟一試！服務態度又差，只係叫你等，佢都無辦法，…Read More

難得今日放假食早餐，去咗Popcorn敏華冰廳食食咗個五香肉丁米炒蛋多士敏華香肉丁真係好香 好有細個嘅童年回憶返晒嚟 個炒蛋超滑多士係脆㗎好好食 所以如果大家鍾意食牛油多士嘅話，一定要試吓敏華冰廳嘅多士環境簡潔，枱面都好乾淨，我見佢哋侍應執枱都會用消毒藥水噴一噴先抹枱有一段時間冇嚟Popcorn梗係間Popcorn敏華冰廳咁今次嚟出餐又快咗 啲員工又有禮貌又主動 用完之後侍應仲主動幫我開門咁就好窩心下星期帶埋爹哋媽咪嚟一齊食早餐如果大家同我一樣鍾意食懷舊味道，又唔想去啲舊餐廳黐立立嘅感覺 大家真係可以嚟試吓敏華冰廳…Read More

一直都是外卖今天刚好跟老公经过，进去点了2个午餐，一个试沙茶牛肉麵，另一个是麻婆豆腐饭。沙茶牛肉麵有配一个蛋和香肠，配个热饮62元，麵条很有口感，不错吃。麻婆豆腐饭配冰奶茶51元，这个比较有惊喜，很多地方的麻婆豆腐饭都不辣，这间麻婆豆腐饭辣度足够，奶茶没有冰但温度有保持住，比起外面的奶茶味道较浓，蛮好喝。环境乾淨简洁，看起来明亮舒适，点菜跟结帐时职员都很有礼貌，唯一需要改善是应该要允许信用卡支付，希望之后会接受更多支付方式。…Read More