敏華冰廳 (已結業)

食物質素一直下降，不過都已經唔大期望，但願放得落個口，可惜次次漏單，態度惡劣，十問九唔應，個自肋落單次次都漏單，叫極人補返都冇反應，最後次次埋單都唔知枱號，員工態度散漫，今次又有新藉口，話自己太忙，所以唔記得，叫我俾返隻蛋我拎返屋企食。垃圾茶餐廳還有一次，試過佢嘅黯然叉燒飯，真係黯然⋯叉燒哽到飛起，根本咬唔入，飯係凍冰冰，唔知點食，由於近屋企方便所，但係次次都做錯嘢，只好很遠D去其他茶餐廳食野，我以後都唔會幫襯

其實我之前食過幾難食嘅嘢都好都甚少會留食評，又唔係去米芝蓮餐廳食，普普通通過得去就算啦。況且敏華我都食過好幾間，真係未食過一間咁難食嘅。晚市時間點咗個菠蘿冰加叉燒公仔麵，燒味基本上都冇咩可以講，都係一般茶餐廳叉燒又黑又柴，都叫做擺到落口，唯獨是杯菠蘿冰，真係要分享吓。飲落去就剩係得菠蘿肉加水，菠蘿仲要一啲味都冇，問個店員可唔可以換返杯正常啲佢反而問我「有咩問題🫠。佢話菠蘿冰就係菠蘿肉加水」😂即時答佢OK冇問題👍🏻。真心覺得冇乜特別就唔好嚟呢間嘢食啦，無謂刷新下限留返好少少既回憶喺茶餐廳度都好。

黯淡銷魂飯67 一個$67的叉燒飯價格不算便宜，然而質素十分差，叉燒只有四塊，甚至只是四塊散件，我覺得是很離譜的事。先不講份量，始終味道好的話，份量少也可以接受。可惜味道也欠佳，4塊叉燒都是全瘦，咬下柴身，肉質過老🤮味道只有很強烈的又甜又鹹，沒有肉味蛋肉眼所見煎得很乾身，沒有一點流心，整個蛋黃是乾硬的。 之前在別的分店食，還是覺得不過不失。但這次真的很失望，懷疑是過度擴張，沒有控制好質素😥 大概不會再光顧了

之前經常去呢間茶餐廳食嘢, 質素ok. 有一排無食，今日再光臨, 點知食左個油滲炒蛋火腿常餐, 成隻碟D油多到可以倒返出嚟再炒多一次蛋，質素差左好多。59蚊一個常餐竟然甘嘅質素，令人十分失望，希望餐廳檢討。

中午店舖顧客不多，只有小數6-7枱客人。點左兩個常餐。上餐已經唔快，仲要一黎到成碟都係油，件多士索滿油。另一碟炒蛋就有怪味。沙茶牛肉公仔麵就咸左啲。唯一一樣好食係咖吔多

其實我個仔真係好鍾意敏華嘅黯然銷魂飯，每次叫佢決定去食乜嘢，佢都會話要去敏華食，今日又唔例外😂😂😂因為我同老公已經食咗嘢，所以就淨係嗌咗蛋撻兩件再加一個西多士，阿仔繼續黯然銷魂飯！個西多士好正，個牛油係心型嘅❤️😂😂😂而且依家用app 落order，唔怕麻煩，所以黯然銷魂飯改為全熟蛋同埋多汁！不過今日呢間個汁有啲鹹，一定要送飯！阿仔又一個人清咗一個飯👍🏻另外，order咗黑糖珍珠咖啡，如果怕甜就唔建議叫呢個喇！

第一次幫襯 星期日嚟到 夜晚七點鐘 餐牌上 超過一半已經售罄， 即使 晚市小菜 都有好多冇， 叫咗個 土魷蒸肉餅， 肉餅 中間係生的。 叫咗佢一人火鍋 裏面附上嘅生菜竟然係有泥的。 以後都唔會 幫襯 想不到茶餐廳質素咁差