故鄉俱樂部 (已搬遷) 新店位置

行完小長城落黎會經過我黎長洲必食既野~我好鍾意食紅豆餅呢~就算o係市區行街好多時都會買..講真唔係間間既質素都好~而且都賣得幾貴~..有d甚至索價$10/個..買左4個~只係$15咋~~襯熱先試左大半個~分左少少比媽媽..佢話入面似紅豆沙咁起晒沙…我就覺得蛋皮夠薄…紅豆夠多~不過就略甜左d~就算過左幾個鐘後搭船食~凍左但餅皮都冇硬…黎長洲佢會係我必買item!!下次會買多d~因為就算番到屋企用微波爐叮番熱都依然好食…嘻嘻~

由沙灘行番去大街方向，發現有個好突出的牌仔宣傳紅豆餅同壽司，雖然唔係太餓，不過0係男朋友仔介紹下都係去左買一個紅豆餅。4蚊一個，暖暖地，唔係太甜，紅豆餡好多，個皮軟軟，幾好味! 食完都唔係太濟^^ 店子小小，老板娘仲走左出去打招呼，親切呢!

今日下午三時入到去.. 買左四個紅豆餅. 好熱. 到出煙個隻. 一樣咁多紅豆. 個皮好薄, 今次係第二次入去. 反而覺得今次紅豆過於甜... ~~~好似水準... 不是keep得定咁.

今日放咗工後,同同事入咗長洲食食食,我當然要帶佢地去故障俱樂部啦!! 試下我每次黎長洲都必食既紅豆餅。喜歡呢度既紅豆餅真人真料,有好多紅豆粒粒喺裡面,又熱又軟,Yummy!!順帶一提呢度既手卷都好好食,我最鍾情蟹子蟹柳手卷,張紫菜脆卜卜,加上特製蟹子醬,好味道!!

今日的長洲搵食之行, 除左食海鮮餐, 就是要食另一主角, 紅豆餅是也.好彩今日長洲不算是好多人, 我地去到前面只是有四, 五位人客在排隊, 只是係等了一會就到我地買啦. (我前面有位客人買了八十隻紅豆餅呀, 所以店員用了較長時間黎包裝這八十個紅豆餅!! )而我都買了一打, 紅豆餅到手了, 立刻食, yeah!!! 攞上手還是熱辣辣的, 外皮沒有我想像中咁大味, 阿妹話今日食外皮比起她上次來有點不同, 但都ok啦, 但個紅豆, 真係何其多紅豆及何其香甜好味!!! 真是很讚啊...雖然買了回來給爸媽做手信, 不過焗到扁了, 所以都係即買即食好d !!!

長洲之旅 -- 第二站我地的第二站就係巨型魚蛋旁邊的紅豆餅$4/1個, 拎上手仲熱架!!開頭睇樣以為會好厚皮, 點知又唔係喎!個皮好薄, 個餡好多, 而且仲有一粒粒紅豆係裏面鋪頭兩位姐姐好nice, 成日都講"多謝晒", 仲好好笑容好味!! 臨離開長洲都忍唔住食左個

見到咁多食評, 好有期望去試.. 叫了腸仔手卷, 香腸蟹柳手卷同紅豆餅手卷麻麻... 覺得貴左d, $1x 好既就係好多飯, 同即製, 紫菜好脆^^紅豆餅.. 好食呀! 拎上手仲熱, 紅豆不太甜, 味道剛剛好去長洲可以再食~

好耐冇去過長洲啦,去之前當然要睇下有咩野好食啦,上到op,見到好多人都話呢間好食,於是就試下,睇下係咪真係咁好食....我就叫左紅豆餅,而朋友就叫左腸仔手卷紅豆餅$4炸,勁平!!好香蛋味...紅豆蓉吾太甜,岩岩好...而朋友就話腸仔手卷手卷好好味,我望到就覺得佢好大件啦上船之前我仲特登走去買左4件$15番到屋企用微波爐叮番熱都仲好好食,,正!!

長洲一遊之旅特意來找尋紅豆餅的蹤影,沿路都有一些可愛的指示,要找這店子比想像中易點了一個紅豆餅,盛惠四元,好廉宜,拎上手時仲係暖笠笠的,紅豆餡非常之多,因為紅豆餡較為低糖,所以食落唔會覺得好"漏"下次來長洲,走唔甩食個紅豆餅先

以前黎呢到只係會食佢個紅豆餅 紅豆話甜唔甜 熱辣辣就最好味對佢個手卷就無乜大興趣 因為覺得手卷唔會特別得去邊今次肚餓既關係 試左腸仔蟹柳手卷最欣賞佢係即叫即整 咁紫菜食個陣就仲係好脆 唔會好似市面個d淋哂 一d都唔好咬飯的味道剛好 有一d好似沙津醬既野整體味道唔錯 不過的確無乜特別但係又會令人食完想再食

長洲又一必到之處紅豆餅︰熱辣辣、香噴噴，略嫌外層太軟不夠質感，但紅豆蓉很多，而且甜而不膩，味道剛剛好!手卷︰試了一個蟹子沙律蟹柳手卷，即叫即做，紫菜卜卜脆，蟹柳很大條很好吃，久違了的港式手卷!好好吃!!!!買的時候正值附近學校放學時間，很多學生家長都在買，走在街上還看到很多小朋友都在拿著一個手卷邊走邊吃，真的是名不虛傳

本諗住去哩間野買紅豆燒餅黎試下. 但朋友們非常細心已幫我地買了一人一個品嚐我唔係一個鍾意食紅豆既人, 但哩間野既食評咁好, 真係好難唔叫人去買返個黎食.燒餅係用腸粉紙包住, 既環保又懷舊, 拎上手熱辣辣皮薄咸多, 真係超多紅豆! 紅豆有點似紅豆糕既味, 唔會好甜, 紅豆蓉中夾著粒粒既紅豆碎個皮聞落去仲有好香既蛋味唯一不足既係如果可以烘耐d 外皮烘脆點就仲正, 依家咁渣上手咁林會渣到凹.

曾幾何時"食紅豆餅"是去長洲的指定動作吃一個不夠,還要額外買多三四個回家慢慢歎一年又一年紅豆餅的味道愈來愈差最初的差是可接受的現在則是超出容忍範圍了皮的部分又乾又韌,不如以往一咬即開紅豆餡只是紅豆乾,既無紅豆味,又無甜味,吃著吃著,不太知道自己在吃甚麼過往一直對它不離不棄,今日就覺得何必浪費金錢,吃一些不好吃的東西?人怕出名豬怕肥,好吃的東西出了名就落得如此下場嗎?

到長洲一遊，當然係食食食啦。剛食完大魚旦，行幾步就到紅豆餅店。買了一個紅豆餅。熱騰騰的！個餅皮好軟熟，是由頭到內都好軟熟，而唔係外脆內軟。個餅皮基本上無味，連少少甜味都無。整個餅的甜味全靠個紅豆餡。紅豆淋淋的，又不會太甜，味道不錯。但無咩特別之處，試一次ok的。

故鄉茶寮日本婆婆的壽司，我發現原來同行的大食之友竟然未食過﹗不過老實講我都好似十年八年無食過﹗紅豆餅食家超喜愛，豆餡軟熟細膩，熱辣辣甜蜜蜜，佢只係俾左一啖我食，之後成個自己食哂﹗婆婆的壽司，港式口味加腸仔、蟹柳蟹籽，我最鍾意係佢既紫菜夠哂香脆，個日本飯既壽司醋亦都做得味道岩岩好。雖然睇落好似好鬼無聊夾腸仔，不過次次來到呢度都大排長龍，就知佢出品真係十年如一日都咁有水準，哩姓友人仲食完一件之後自己食飯前再偷偷地返去再整多件，味道之好真係令人難忘啊﹗長洲更多好野食:http://hk.myblog.yahoo.com/smallsmalllin/article?mid=18843