放肆一番外賣壽司刺身專門店 (已結業)

三文魚手卷， 填肚一流， 因為飯好大舊， 對比三文魚只有一片， 比例有點不妥， 但三文魚夠凍， 感覺好新鮮， 飯偏酸， 但飯唔會卷到死實實， 紫菜好脆口， 但食落唔太大紫菜香， 中規中矩吧

陪老婆去葵芳行街,當然佢有佢睇衫褲鞋,我有我睇電子產品啦,去到一樓見到ㄧ間開了不久的壽司刺身店,啱晒,剛好有ㄧ點肚餓,ㄧ入去看到十分多選擇,而且CP直非常之高還有店內有幾個企位可以比客人在店內進食的,店鋪面積比ㄧ般外賣壽司店大,本來我想點多幾樣吃,但ㄧ來老婆説不是太肚餓,二来,過ㄧ會要回家陪母親食飯慶祝母親節,所以不可以吃太多,只點了一份甜蝦刺身,ㄧ份名稱不太記得,只知是青瓜卷上有各式各樣食材,有海膽,蟹子,蟹膏,呑拿魚蓉,太多打唔晒,總共有八款食物款款都十分新鮮美味,下次會再來試試其他食物

第一次寫食評魚生真係由細食到大 因為媽咪都係壽司師傅所以新唔新鮮對我黎講一食就知呢間手卷舖真係好正 又新鮮 軟殼蟹手卷大大隻又多汁👍🏻👍🏻芝士蟹子手卷又足料👍🏻👍🏻放肆手卷啲魚生又新鮮👍🏻👍🏻因為我會買三文魚煲粥俾女女食每次都買定二三日 三日後既三文魚一樣咁新鮮👍🏻試過係第二啲舖 第二日就變味😣店舖空間對比起其他手卷店大又有枱 真係食得舒服好多唔洗好似其他舖咁要迫係門口或走廊人撞人咁食

放肆一番是一家最近在葵涌廣場一樓新開的食店。這家食店主打日本料理，價錢相宜，上次經過，我點了一個吞拿魚丼，賣相非常好，吃起來口感十足，吞拿魚蓉十分鮮甜美味，配以醋味白米飯，更是一絕。如果叫套餐的話，更有汽水送，十分超值，所以這一間日本食店一直都是我外賣的首選，非常值得一試。

要在葵涌廣場開小店確實不易, 每每見到有小店新開張, 小妹一定會主動來光顧。始終一間新食肆的來臨, 同時意代著上一間的結束。有點悲傷吧! 無他的, 在競爭非常激烈的葵涌廣場, 食肆琳瑯滿目, 汰弱留強, 除了要用心制作留住食客的"胃", 更要應付高昂的租金, 小妹當然要支持一番。蔥吞拿魚拖羅丼 $49小妹其實本來不吃肉碎(豬牛羊), 奇怪的是對魚類有免疫, 偏偏最愛就是食切碎的吞拿魚魚蓉。一打開外賣蓋, 嘩, 非實足料呀, 拖羅魚蓉充滿著整個飯, 上面飾以蔥碎及三文魚籽, 魚蓉下加有紫茶碎。 魚蓉鮮味非常, 雖不能談上肥美十足, 但啖啖魚香, 齒頰留香,正呀!! 以49元的價錢, 物超所值!蟹籽沙律 $19沙律份量同樣非常足料, 青瓜絲爽脆, 與坊間用同一價錢, 恐怕只有1/4份量。店家足料用心制作, 價錢公道, 下次定必再道光顧。

呢間舖係茶芝味😋對面 開左幾個月左右 之前見到一直想試 見佢好似平同用料相對高級❤️加拿大海膽手卷都係$39 其實好抵 喜愛海膽既朋友可以試下試左佢既海膽三文魚手卷 一拎上手就感覺好有份量而且海膽用既係韓國貨 好食又大塊好滿足❤️店內有多種醬料可以自己隨意加💓😃而且店面較大 就算係店內食都唔會話好迫

幾年無寫食評 ，今日我竟然為左呢間鋪頭寫番！ 前幾日食過一次 已經覺得高過同場一班以上！ 今日點知叫左個火炙 特盛皇帝刺身丼 ！竟然賣58！！傻的嗎！？ 出面過百蚊都未必有呢個質素 ！ 果pat蟹膏係私伙野 留意番 三文魚特厚特鮮 蟹棒唔係次貨 池魚有油光 雖然右口魚小左d 不過hkd58 仲想點！ 飯香軟綿！ 誇d講 本人日日都係出街食 ， 但係呢個價位 呢個質素 味道 ，Sorry 我係出面未遇過同試過禁超班 ！唔好覺得我講野誇張 ，因為連我老婆都認同老實講

行經葵廣一樓，咁啱見到有間新開主打手卷既壽司外賣店，見海膽手卷半板做緊特價$30，就買個來試下睇下咩料，點知有驚喜，海膽足有半板，鮮甜，無苦澀味，而且見佢飯輕硬適中，醋味又唔太酸太甜，就試下佢的壽司，買個壽司a$48有10件，其中有兩件花之戀已經值回票價，一試就知係手握既壽司，同機器做好放響雪櫃賣係兩回事，而且壽司用料都幾厚，$48呢個價錢無可挑剔總結店舖環境唔錯，響葵廣好難搵到有舖可以舒服咁企響度食，醬汁多選擇，食物質素高，可能店舖位置少人行，而且新開，感覺較冷清，大家行經試下就可以感受到佢地既誠意。

今次真係你阿媽大減價益你阿爸系列！$30就是得食海膽啦！相信呢度賣嘅手卷系yumyum食過至抵食嫁啦😊海膽半板，夠哂足料，排到滿滿的😁見到都養眼！新鮮，食落又有啲鮮甜creamy～而加拿大海膽亦唔係成日有得賣，適逢11月係加拿大海膽當做季節，小店先會賣！加拿大海膽大有海水味，微甘亦creamy😊😊😊手卷勝在價錢唔貴，而且大大份！相比其他小店，飯嘅份量起碼多一半🤤簡直係窮人恩物😆😆😆！

在葵芳長大，在葵芳工作，係葵廣留下既腳毛，無一萬都有幾千😂基本上每間新開食店或小食店都嘗試過，但無乜邊幾家俾到我第一次就激讚既地步今次呢間「放肆一番」，剛開無耐，仲要開係人流相對唔多既一樓，最早期都對佢無乜期望。皆因葵廣既日式魚生店很多，但出名既大約就只會幫襯二樓大滿足或地下問卷。剛好今日行經見肚餓，舖頭內人亦唔多，姑且一試。個人每次幫襯新既日式魚生小店，都會揀最貴既魚生飯一試，真係值唔值咁貴，一食便試得出有無下次。入店叫了「放肆魚生丼」，用得店名來命名，理應是招牌菜了，盛惠$78大元，不過不失，不算太貴，也不是以平取勝，有些許期待。飯來到，有三文魚x2, 油甘魚x2, 珍寶赤蝦x2, 帶子x2, 玉子x2, 海膽及三文魚籽，剛好覆蓋整碗飯，份量夠。急不及待試食，海膽及帶子很鮮甜，沒有很重的海水腥味，三文魚及油甘魚算是厚切，也很大塊，咬落去很滿足，啖啖肉到最喜歡的赤蝦，真的對得起珍寶2字，快追得上虎蝦的size😋蝦頭的膏也是十分鮮香，沒有腥臭味，正。由於事先無諗過打文分享，因此只有一張相片，但食完認真覺得應該為呢間有誠意的小店推介，所以很趕急地寫了呢篇食評，推薦大家去葵廣一樓試試呢間有