放肆一番外賣壽司刺身專門店 (已結業)

行經葵廣一樓，咁啱見到有間新開主打手卷既壽司外賣店，見海膽手卷半板做緊特價$30，就買個來試下睇下咩料，點知有驚喜，海膽足有半板，鮮甜，無苦澀味，而且見佢飯輕硬適中，醋味又唔太酸太甜，就試下佢的壽司，買個壽司a$48有10件，其中有兩件花之戀已經值回票價，一試就知係手握既壽司，同機器做好放響雪櫃賣係兩回事，而且壽司用料都幾厚，$48呢個價錢無可挑剔總結店舖環境唔錯，響葵廣好難搵到有舖可以舒服咁企響度食，醬汁多選擇，食物質素高，可能店舖位置少人行，而且新開，感覺較冷清，大家行經試下就可以感受到佢地既誠意。