撈得喜火鍋冰室

营业中

休息中

• 撈得喜火鍋冰室 •ʕ·͡ˑ·ཻʔ︎ ————————— ฅ՞••՞ฅ︎烤魚+邊爐任食 $198 per head 加一 (公眾假期同假日+$10)餐廳有雞煲邊爐或者烤魚邊爐揀～今次揀左烤魚～烤魚都有5個口味揀🤭我唔係好食得辣所以揀咗酸菜味～完全唔食得辣嘅朋友可以揀蕃茄味🍅酸菜份量好足🫶🏻餐廳用海鱸魚🐟魚夠大條同好厚肉👍🏻煮多一陣魚肉已經好入味 鍾意酸菜味嘅朋友應該💯基本嘅調味都有齊～但其實個湯底本身已經好濃味基本上都唔使點🤣值得一提嘅係！竟然有涼拌小菜😍我食嗰日就有青瓜、雲耳同埋鳳爪👍🏻全部都好入味 雖然偏辣 但好好食😂食完烤魚之後可以加湯打邊爐🍲邊爐料選擇都好多～牛柏葉、鵝腸、鯪魚球嗰啲唔算話間間都餐廳提供嘅呢度都有🤤香港地好多人都鍾意食海鮮😂呢度仲有任食嘅蜆、蠔🦪同埋蝦🦐😍😍😍一開始好擔心會好快俾人攞晒😂😂但係店家都好好會不斷fill😚蜆夠大粒～蠔鮮味嘅～蝦值得一讚好彈牙同大隻！呢度嘅飲品有店家自己沖嘅水果茶同埋無糖茶～岩曬唔鍾意飲汽水/紙包飲品嘅我～最後再食埋甜品🍧同雪糕🍦甜品係細細杯喺雪櫃自己攞嘅～揀左仙草🤤ʕ·͡ˑ·ཻʔ︎ ————————— ฅ՞••՞ฅ︎餐廳推薦程度：🔆🔆🔆🔆🔅（5個

昨日在元朗跟朋友打邊爐聽說有間火鍋很好吃,對面馬路已經望到佢個巨型招牌！入到去地方乾淨衛生,燈光很光猛！這裏跟一般火鍋店不一樣,先是揀一個鍋底這裏有多款鍋底選擇：青甜椰子雞,麻辣雞煲,重慶烤魚等...我們叫了一個麻辣雞煲但走辣,因為我本人不能食辣嘢,店員都好配合可以不加辣..這個很多地方都做不到！這店的雞煲份量十足...多雞多配料..雞肉非常香滑嫩口..吃過雞煲後加上濃湯開始打邊爐了食物也多款式也有生蠔及貝殼類,飲品也有自家製的,最後每人整多杯香滑雪糕...真係very good！因為我們九點後入座,每位都係$158任飲任食非常超值！

去完元朗按摩之後就喺附近食個晚餐，見到呢條街都係一啲火鍋店就選咗呢一間撈得起餐廳食烤魚🤣🤣呢間餐廳嘅川菜選擇都十分之多，我哋就選咗烤魚微辣😎😎 條鱸魚都非常之大條同埋炸得亦都非常之脆，店家仲好細心咁樣擺咗湯喺枱上面👍👍等我哋食完魚之後可以自行加湯再有一啲配菜除咗基本嘅魚蛋菜之外，呢度仲有少少海鮮，例如蜆同埋蝦可以提供到俾我哋，另外嘢飲亦都有自家製嘅茶同埋果茶😎😎👍人均：200地址：撈得喜火鍋冰室 (元朗)元朗屏昌徑14-48號聯發樓地下9-10號舖

近排一直都好想食烤魚，咁岩經過朗屏就黎左呢間撈得喜火鍋食晚餐。9點後入座$178 任食任飲2小時，性價比極高。餐廳內設有小食區，調料區，飲品，自助火鍋配料。採用新鮮海鱸魚烤魚都有好幾款口味，有辣啲有麻啲任我地揀。全部統一用鱸魚，大條肉厚，只有大骨偏少細骨，食得幾方便，魚身炸得均勻香脆，肉又保留到好滑唔乾。再係湯底度炆一陣，夠哂香口味濃。另外我都見到有傳統湯底同雞煲，下次可以試下。打邊爐配料方面，可以講得上係超值，大蜆，海蝦，蠔仔任食，隻隻都大大隻，配料嘅風格比較港式，牛柏葉，水魷，豬紅，連鵝腸都有。refill 亦都好密，隨時隨地想攞幾多就幾多。另外飲品前菜甜品都係任食任攞，飲品仲有冷泡茶同水果茶。特別推介開胃前菜嘅酸辣雞腳，天氣熱最啱食嘅開胃嘢

趁踏入炎夏前，我決定來「撈得喜」吃一個熱騰騰的椰子雞煲。據說椰子雞煲是他們的特色湯底，而我本身對於椰子這個成分，一直非常喜歡，所以充滿期待，而「撈得喜」的美食亦無令我失望！首先，讓我來談談椰子雞煲的湯底。湯底是用新鮮的椰子肉和雞骨熬製而成，散發出濃郁的椰香。湯底的口感非常滑順，入口後令人感到一陣陣暖意。椰子的香氣也與雞肉的鮮味完美結合，帶來獨特的風味。整煲湯底充滿了豐富的層次感，讓我一口接一口，忍不住一直喝。接下來是食材的部分。這家餐廳提供了多種食材供選擇，包括牛肉、大蜆、蝦和肉丸等。大蜆的鮮美海鮮味道與湯底完美融合，為整碗椰子雞煲增添了海洋風味。蝦的鮮甜和彈牙口感為這道菜帶來了豐富的口感層次。肉丸則提供了肉質的鮮嫩和豐富的肉香，讓整個椰子雞煲更加豐富多樣。而「撈得喜」提供的牛肉十分高質，嫩牛肉片切得非常薄，烹煮後保持了肉質的柔嫩，口感非常好。牛肉丸則有著彈牙的口感，吃起來十分有嚼勁。搭配湯底的牛肉完全入味，每一口都讓我嘴巴充滿了牛肉的鮮香。最令我驚喜的是，雖然這間只是簡單小店，卻亦提供了雪糕任吃。當雪糕的冰涼與湯底的熱情完美融合，這種對比讓我驚艷不已。而「撈得喜」的飲品極具特色，有冷

🐟呢晚同朋友做完facial後, 係朗屏搵咗呢間任飲任食嘅烤魚火鍋放題😋 呢度除咗烤魚仲可以食雞煲~ 我哋嗌咗烤魚, 嘩! 一上枱已經覺得條魚好大條, 仲係度話食完條魚已經飽左😂 條魚係炸得好香口嘅海爐魚, 大條好厚肉, 魚肉鮮甜唔多骨, 唔食辣嘅我哋就揀咗蕃茄湯~ 加埋惹味醬料成個鍋超香口呀! 湯底仲有超多嘅薯仔, 蘿蔔, 芽菜, 蓮藕, 未食其他野已經好飽啦~ 食完之後再可以自助出去拎火鍋配料, 有唔同蔬菜, 肉類, 海鮮, 麵類同飲品~ 最後仲有自助雪糕食添呀!!! 小丸子食到好飽😄😄😄 .📌撈得喜火鍋冰室元朗屏昌徑14-48號聯發樓地下9-10號舖.#hkig #hkfoodie #foodporn #foodphotography #likesforlike #instalike #followforfollowback #yuenlong #hotpot #hkfoodstagram#元朗美食

而家香港嘅放題質素高左好多價錢仲係非常之抵，$198就食到雞煲+打邊爐‼️自家冷泡白桃烏龍茶仲有兩款川味前菜，好好味，辣味十足呢個雞煲一嚟到就有zi zi聲，香味撲鼻我哋要左微辣，辣味好香，唔會有嗆喉feel，不過越食辣味就越突出🌶️雞煲醬夠乾身，勁惹味食完雞煲就加湯打邊爐，一定要食蝦，好鮮甜又大隻口感非常爽口！仲有啲蠔都係必食，粒粒都脹卜卜❤️呢間嘅火鍋料好高質，一啲都唔hea仲有雪糕任食，抹茶&朱古力味都好正，忍唔住食左兩碗兩球雪糕

朋友介紹元朗撈得喜的火鍋放題，多款湯底揀都係二百蚊人頭，極親民，是晚就黎試下先。可以揀麻辣雞煲、椰子雞煲、酸菜魚、水煮魚、名爐烤魚，又或者淨湯底唔要雞或魚，總有一款啱心水。成人$198/位食兩個鐘，$288/位就食足四個鐘，抵😆揀左麻辣雞煲小辣，賣相唔錯呀，開蓋好香😋份量約有半隻雞，連雞頭雞腳都有好均真。食完雞就加湯打邊爐，自助區有唔少火鍋料選擇。蜆、蝦、蠔、肥牛、豬肉片、各類丸腸，蔬菜等，最有驚喜係手打鯪魚肉丸，鮮味彈牙，其他火鍋料不過不失啦。雪櫃飲品有冷泡茶、可樂、雪碧等，仲有嘉士伯、喜力、金獅啤酒，啤酒係最受歡迎的，我見枱枱都飲十罐以上😆最後食埋雪糕，滿足滿足。呢個價錢無投訴啦，咁怪得星期一晚都滿座要等位。

之前聽過朋友介紹，話元朗呢間「撈得起火鍋冰室」食物質素唔錯，趁今日放假同老公入元朗行街，順便過嚟食過午餐。今日叫咗兩個午餐套餐包主食，餐湯及飲品🥢孜然薯仔牛柳粒飯 $58牛柳粒和薯仔切到一口大小，牛柳粒軟淋，唔會韌，加咗孜然粉，微微辣，更加惹味。🥢金湯酸菜魚薯粉 $60上枱有驚喜，真係好大碗，兩個人都夠食。魚肉超多，配菜仲有酸菜、椰菜花、木耳、支竹，大豆芽，薯粉食落口感爽滑，材料豐富。我唔係好食得辣，都可以接受。餐湯:蓮藕，粟米，紅蘿蔔豬骨湯真材實料，湯底清甜，蓮藕爽口，大大嚿豬骨夠淋又好食，飲得出冇味精。凍檸茶凍檸茶茶味濃，檸檬又夠，叫咗少甜，篤爛啲檸檬，酸酸微甜，最好飲。凍齋啡咖啡香濃，沒有加糖，真正飲到咖啡嘅味道，超正。總結裝修簡潔乾淨，燈光明亮，服務員有禮貌。下次會再來，試下雞煲和火鍋。

收工約左朋友係朗屏站附近一間任食雞煲烤魚火鍋食飯西鐵站行落黎5-8分鐘 都好方便呢間餐廳CP值超高首先比你揀雞煲或者烤魚 食完就打邊爐今次我地揀左香辣烤魚 超超超大條 肉身又厚 啖啖肉最特別係魚外皮炸到脆卜卜 好好味出面配料任食 選擇都幾多 有我最鍾意食既鵝腸同豬紅🥰肉類有最基本既豬肉牛肉海鮮方面有蝦有蜆 仲有鯪魚球野飲除左有冷泡茶同紙包飲品最吸引既就係啤酒都係任飲～老闆超好人 有咩需求都好快到 得閒約埋朋友仔黎食晚飯都係一個好選擇👍🏻

叫左雞煲/火鍋食，辣度就揀左Bb辣，好快侍應已經端左一個雞煲, 仲好細心講, 一出煙就要調低溫度, 攪下雞煲, 否則就會痴低。一打開蓋, 濃烈嘅雞煲氣味噗入鼻, 雞既份量都好多, 而且肉質鮮嫩, 再配合洋蔥蒜頭, 索哂濃烈嘅雞汁, 好軟身, 勁惹味🤤🤤🤤食完雞煲, 侍應一早已放低左一壺雞湯, 好讓我捉緊時間, 立即轉食火鍋, 自助吧既款式都多, 而且侍應都好趕快refill食物, 最有驚喜竟然仲有海鮮,🦞蜆, 蠔, 可以任食, 好受歡迎🫶🏻最後仲有個雪糕吧, 可以舀雪糕食，做飯後甜品🍧

平日元朗餐廳晚市8pm都水靜鵝飛🥲 唯獨呢到仍然有人等位。🫣估唔到都座無虛席，我哋都等左一陣8pm入座，下次最好訂定位。每人$198免加一，🥰先叫一個烤魚或雞煲或酸菜魚食先，之後任飲任食兩粒鐘。一上枱心諗咁大煲兩個人點食得晒😅 份量大到有D驚人，魚片量多，配菜好足料，有花菜、薯仔、蘿蔔...出面自助吧任飲任食，有基本配菜同火鍋配料，正常發揮。估唔到連海鮮都有，最驚喜係沙白，又鮮又肥又甜，隻隻都開口，証明新鮮。😎自助吧有兩種牛，其中手切牛係必食，有牛味又有咬口，一出就非常搶手，好彩 refill 得好快。飲品方面，最受歡迎係手搖飲品，有花茶同埋蜜桃紅茶，真心唔差😗 有蜜桃香甜味，又不失茶味，甜度適中。除此之外，仲有大量汽水，紙包飲品任你揀😎食完火鍋仲可以食多幾球做甜品🍧好滿足😌以呢個價錢食到唔差嘅任食火鍋，真係要多幫襯😊

⭐️雞煲放題，真係超多嘢食，首先雞好滑，另外就係個麻辣火鍋底，辣得超過癮😍😍🤗🤗⭐️食完個雞煲之後有勁多嘢食可以揀😍蔬菜類：娃娃菜，生菜、油麥菜、粟米等等丸類：牛丸，芝士丸等等肉類：牛肉，豬肉等等海鮮類：鮮蝦、生蠔等等食飽飽之餘，又可以食個雪糕，真係超級full 同滿足🤗🤗亦都有好多調味配料，可以按自己嘅口味調配👍🏼餐廳嘅位置非常之近元朗朗屏西鐵站，落咗西鐵大概行5分鐘就到，而且我覺得性價比好高，有啲時段價錢仲更加優惠！ 食完雞煲之餘，火鍋料都有超多嘢揀，另外仲有烤魚椰子雞等等嘅火鍋底，推介大家過嚟試吓🤗🤗💙

朋友介紹元朗有間任食火鍋超抵食，仲好近朗屏站，一出行2,3分鐘就到。落大雨都唔怕☔🌧️。先講講價錢，$178/位加一，每2人一份主食雞煲，啤酒汽水任飲，自助吧任夾任食，呢個價錢真心吸引，二話不說衝左入去食啦😎。餐廳話就話係冰室，但坐位闊落，一d都唔逼，環境光猛，亦都衛生乾淨，店員工作亦有戴手套，令食一眾食客倍感安心。之前上網睇過餐廳主打係雞煲，。但我見到每枱都食緊烤魚，經店員介紹原來烤魚係新出，由於味道實在太香啦，我地本身諗住嗌雞煲都改變主要食烤魚！下次要嗌多2個人黎一齊食，咁就可以一條烤魚+一份雞煲啦！🤩烤魚只得一款口味：泡椒烤魚🐟🐟🐟。鮮辣椒份量頗多，但食落唔會太辣🌶️🌶️。辣度界乎小辣-中辣之間。魚係鱸魚，無乜骨，魚肉亦軟滑，吸晒湯汁&辣椒既香氣，鮮甜惹味👍。底下亦配有多款蔬菜，冬瓜，蘿蔔，南瓜，薯仔，芽菜，豆皮等，全部都好適合打邊爐，唔夠既話仲可以去自助吧度自己夾。😚講起自助吧，不得不讚一下，原以為呢個價錢，任食應該無乜野食好選擇。結果我錯了😝！除左有平時見開既肥牛，豚肉片，各種丸類之後，仲有鵝腸，牛栢葉，水魷，豬紅。而且居然有大蝦同大蜆🦐🐚，手切牛，同埋蠔仔🦪！每樣食材都係新鮮，尤

📍 撈得喜火鍋冰室（元朗）呢一間店舖嘅賣點，本人覺得係可以無限添飲水果茶/清甜嘅茶包茶，係店主自家製，清甜解膩，好啱打邊爐或者食雞煲🍲特別係水果茶，入邊真係有水果，同時有咬口！雞煲食落去夠濃稠，有炒過辣椒既辛同花椒八角既麻，帶小小甜味，係有層次既辣，非常入味惹味，唔食得辣既應該要叫bb或者小辣，雞煲上面有大量嘅芫荽同埋洋蔥🧅雞件咬落好嫩滑，食落入味，即叫即炒，雞件啖啖肉🐔正❣️呢一個雞汁當然唔可以浪費，我哋加咗烏冬落去做掛湯，真係特別惹味🥰最後我哋加咗雞湯打邊爐，外邊係有火鍋自助配料，普遍嘅火鍋配料都有，特別推介肥牛，牛柏葉同埋招牌豚肉，肉類以薄切形式，烚一烚就好入味，而且好重牛肉味，入口算腍滑，牛柏葉好新鮮，而且每一塊都好厚身，我最愛😍