掂丼 (已結業)

因為有啲掛住旺中成日排長龍嗰間小丸子 經過見到呢間啲口味幾吸引所以試下！ 結果都無失望！ 外皮唔會有硬塊，個醬好味，蟹籽都好多！ 入面有粒大章魚粒幾好咬 美中不足可能係如果個餡多少少應該口感會再豐富啲😁👍🏻 等候期間外面有櫈同太陽傘😆🤣支持小店😆

落街買飯見到呢間小食店，門口餐牌手字幾靚，過去望下，後尾揀咗個和風牛肉丼送原味章魚燒，太餓，章魚燒俾我行返去期間食哂了，無影相，章魚燒都算大粒算足料，牛肉份量都唔算太少夠送飯，起碼又多間鋪揀下，遲下路經都會再幫襯

跑完步見到呢間新開小食店，走埋去睇吓餐牌賣乜嘢食，原來係賣小丸子，由於唔太肚餓，所以淨係嗌咗份小丸子試下，都幾多口味，當諗緊食乜味嘅時候，四眼仔老闆怕怕醜醜咁走出嚟，同我推介明太子，但我本身又想食蜜糖芥末，老闆好好人免費比我雙併，俾咗幾粒明太子味我試吓，我本身唔太喜歡食明太子，但我覺得味道幾好，冇明太子嘅腥味，另外佢呢間嘅醬料好足夠，但又唔會太鹹，食完亦唔會覺得好口渴，而且佢入面嘅章魚都幾大粒，值得一試