影片
更多
2025-05-12
290 浏览
友人知道我喜歡食天婦羅，叫我經開呢區可以去試吓。店內面積精緻，似係以日式海產市場作主題裝飾，天花掛上魚網，牆上貼滿海產圖畫，座位多面壁而坐。架上提供多款調味料，食冷熱烏冬/蕎麥麵可自加調味。食厭咗普通煎餃子，又可以試吓雞皮餃子 ($48)。用鷄皮代替餃子皮，開初都擔心會否一咬就會好多油，其實經過炸後，本身嘅鷄油已經”迫”咗出黎。點埋個餃子汁食，入口係外脆中又帶點嚼口，而餡料就係餃子餡，夾住一條黎食都幾過癮。每款定食，都包埋龍蝦味噌湯及前菜主菜係蒲燒鰻魚丼 ($88)，份量相當大碗。半條蒲燒鰻魚，兩邊圍住蛋絲及幾片醃蘿蔔，賣相不俗。梗要將蛋絲，鰻魚及飯結合，一啖放入口先食到蒲燒汁嘅甜味，繼而係燒鰻魚嘅軟嫩，再有白飯嘅滿足，多少少蒲燒汁撈飯就好味。呢度仲有自選天婦羅定食 ($30)，可以選擇白飯/冷熱烏冬/蕎麥麵，加少少錢可另轉香蔥牛油飯/冷酢橘烏冬。可選食材主要為海產/鷄肉/牛肉餅及蔬菜類。每款都吸引，尤其係海產類，配以冷蕎麥麵，所以就叫咗廣島蠔 ($20)，鮮帶子 ($20)，黑虎蝦 ($13)，半熟蛋 ($13)，皇帝蟹棒 ($13)及四季豆 ($9)。趁熱食就由鮮帶子起動，唔算太大
店內面積精緻，似係以日式海產市場作主題裝飾，天花掛上魚網，牆上貼滿海產圖畫，座位多面壁而坐。
架上提供多款調味料，食冷熱烏冬/蕎麥麵可自加調味。
食厭咗普通煎餃子，又可以試吓雞皮餃子 ($48)。
用鷄皮代替餃子皮，開初都擔心會否一咬就會好多油，其實經過炸後，本身嘅鷄油已經”迫”咗出黎。點埋個餃子汁食，入口係外脆中又帶點嚼口，而餡料就係餃子餡，夾住一條黎食都幾過癮。
每款定食，都包埋龍蝦味噌湯及前菜
主菜係蒲燒鰻魚丼 ($88)，份量相當大碗。
半條蒲燒鰻魚，兩邊圍住蛋絲及幾片醃蘿蔔，賣相不俗。
梗要將蛋絲，鰻魚及飯結合，一啖放入口先食到蒲燒汁嘅甜味，繼而係燒鰻魚嘅軟嫩，再有白飯嘅滿足，多少少蒲燒汁撈飯就好味。
呢度仲有自選天婦羅定食 ($30)，可以選擇白飯/冷熱烏冬/蕎麥麵，加少少錢可另轉香蔥牛油飯/冷酢橘烏冬。
可選食材主要為海產/鷄肉/牛肉餅及蔬菜類。
每款都吸引，尤其係海產類，配以冷蕎麥麵，所以就叫咗廣島蠔 ($20)，鮮帶子 ($20)，黑虎蝦 ($13)，半熟蛋 ($13)，皇帝蟹棒 ($13)及四季豆 ($9)。
趁熱食就由鮮帶子起動，唔算太大粒但幾厚身，無渣仲幾鮮甜。
隻廣島蠔炸完都仲咁大隻，$20隻相當抵食，蠔身夠飽滿幾有蠔味。
天婦羅蛋印象中比較少見，呢度仲要入口係半熟流心狀態，蛋黃汁好creamy。
所有天婦羅嘅炸漿都夠薄身，唔會食到一口粉都未食到主角，仲要即叫即製，入口夠熱度同唔油。
雖則佢呢度係有炸菠蘿伴雪糕呢客甜品，但就成日都將呢客芝士年糕 ($38)，由小食變為甜品。
入口熱辣辣，炸至外香內軟，香甜軟滑嘅芝士配合煙韌嘅年糕外皮，食得快先可以食多一粒，哈哈………
仲有其他特色天婦羅如龍蝦，九肚魚，花尾龍躉，活虎蝦等，有待下次。
张贴
