挽肉と米

营业中

休息中

挽肉之米！！！要book都唔易吖，早咗個幾星期，仲要係牛角會員先book到2030呢個時間🥲 我去嘅係第二分店，位於海港城，一直行到最篤篤。環境幾舒適嘅，餐廳係開放式廚房設計，通風良好，即使坐滿哂人，都唔會覺得熱/焗，仲可以睇住廚師整漢堡嘅過程。😆不過全場得20幾個位，比較適合1-2個人嚟，太多人就難啲傾偈嚕。挽肉と米套餐 $148套餐總共有三塊漢堡扒，仲包咗一碗麵豉湯同一隻生雞蛋。除此之外，白飯任裝！米飯選用日本米粒粒分明，平時唔食白飯嘅我都忍唔住食咗兩碗🤤 就係咁，俾兩嚿肉兩碗飯打爆咗🥴(我認我weak! 三嚿唔夠食都可以加錢加肉㗎～重頭戲！餐廳會有張 Menu提供建議漢堡扒食法，由淡到濃味咁食。仲有唔同嘅醬汁俾你配嚟食，個人嚟講最鍾意花椒個醬✨惹味又唔會太搶！唔知你又鍾意點食呢？總結！性價比：8/10推介指數：🐾🐾🐾🐾（最多5個🐾）

人去我又去，網上預約不難，入口神神秘秘，點曬野比埋錢（不收現金）先入場，地方比較暗，算寬敞第一次來，服務員詳細講解食法，尤其好多沾料，不過位服務員摩打咁一輪嘴，加上口齒不清，似乎唔太在乎你明唔明，讀完就機械咁笑騎騎，不過總算友善、有禮漢堡肉燒法第一輪猛火seal，第二輪慢烤。冇選項要幾多成熟，可能官方自己有標準，不過客人亦有偏好或者腸胃上需要故此同負責慢烤部份位本地師傅好有禮貌咁，請求可唔可以塊肉烤熱啲（因為地方太暗根本睇唔到入面咩色），點知位師傅即刻黑面，然後教訓話「好似牛扒咁，入面唔會好熱㗎，如果比你入面係熱既，肯定就係番熱先會咁」有求於人，又初次到，唯有猛點頭，係係係，好好好，不過唔等於真係同意佢亂up叫佢師傅已經比面，唔太相信專業廚師會淨烤漢堡肉佢上既第一輪肉，小弟果件內外都熱，家人果件試一口，明顯只暖，一定冇70C（國際安全標準），當然冇人會帶支烤肉溫度計去食野，更重要係，我哋並冇意話師傅做錯野定做得唔好，完全無批評亦無問點解，只係簡單直接請求熱啲其實有幾熱睇你要幾成熟，然後先可以叫overcook，最驚就係乾咗，你有你標準，明既，不過話入面熱就等於番熱，又over咗，原因有

由係中環有依間餐廳開始就一直都好想試佢地既人氣漢堡set 但係每次都係網上搶唔到位終於係harbour city walkin 食到🤩等左大約1個半小時就入到全個set 有三個漢堡，一隻日本蛋，白飯任食個漢堡佢哋自己搓到圓形 先攞去燒第一嚿漢堡 餐廳建議原味食，咩都唔好點漢堡肉質好 好Juicy 一放咗落去口入面 個牛味好豐富 完全係成個口腔都充滿着牛漢堡嘅香味第二嚿漢堡 餐廳建議配蘿蔔泥同埋自家嘅柚子醬呢個配搭中和牛嘅油脂食起上嚟 冇咁漏第三嚿漢堡 就建議配生雞蛋將佢哋撈埋啲飯度食都真係幾match但係就唔可以食太多有啲滯我都唔小心食咗兩碗白飯佢哋個白飯好軟熟我都好想再返去再食非常之建議如果唔使排咁耐隊嘅話 都可以再試一次

這家挽肉と米，開業以來都是排隊長龍店，要吃的話先付款預約或現場排隊，我怕麻煩一直未去試，之前復活節假期很多人出遊，就趁着假期最後一天來尖沙咀店試試。當天11:15到排隊，11；40左右入座。牛肉漢堡多汁，味道ok，原味、加蛋、加蘿白茸三種不同食法食落冇咁寡，唔錯👍🏻飯可以追加，三件漢堡份量對女生足夠，飽飽！但是個人覺得不至於好味到要等超過1個鐘，如果等候人少可以一試無妨。

呢間日本過江龍餐廳出名要排隊嘅「挽肉之米」，真係想試好耐啊，於是就book咗今日喺尖沙咀分店度食！賣相：漢堡扒整得好精緻，金黃色嘅外皮，睇見都流口水！ 口感：肉質超嫩，一咬落去啲肉汁爆出嚟，鮮味十足。調味剛剛好，夠鹹香又唔會太油膩。 配料: 通常會跟雞蛋同自家製醬汁，食落更加有層次，味道更加豐富。 配搭：可以無限添飯，白飯同漢堡扒嘅濃味夾到絕！ 整體嚟講，呢間日本過江龍嘅漢堡扒真係值得推介，無論係口感定味道都好出色，食完仲會心思思想再encore！如果你鍾意日式風味嘅漢堡扒，呢度絕對係必試之選！

呢間餐廳book mark咗好耐，終於有機會一試。是日平日過嚟晚餐，只有一個Menu（ $148 ）：每人有三舊漢堡扒，另加一碗麵豉湯，及任添白飯。另外加咗$35叫咗一杯檸檬梳打。一坐低，職員會細心講解前面每一款調味料嘅獨特之處及如何配合漢堡扒進食，服務周到。漢堡扒亦充滿肉汁，個人認為原味比加調味料更好味。略嫌其中一嚿燒得有啲燶，面頭有少許燒焦味道。總括用餐體驗不錯，性價比算正常，連埋嘢飲加一，$364。

自從挽肉與米開張到依家開左兩間分店，網上一直有人討論到底好唔好食，同值唔值得排咁耐隊去食。今次係用牛角銀會員優先預約，我係早一個月左右預約既，book左尖沙嘴店星期日11:15am，當時睇見時間表都頗爲滿。今日我的1點鐘到店，前面已經有大概20人排緊一條隊逐漸入座，有個哥哥仔企係門口幫忙check in，人就幾靚仔不過態度就唔太積極啦，有幾組客人排左一陣隊先知原來要主動報到，同埋walk-in人士係要排另一條隊既，個哥哥仔都冇set好個指示牌，搞到d客態度明顯有d不滿。等左15分鐘剛剛好11:15分入座，入房前有哥哥仔帶領去點餐機落單俾錢先，然後再推開一大道門入座。餐廳係S型高凳吧枱，聽講有20幾個位置，兩個燒烤爐係正客人前面，距離大概一米半，一入門就見到雞蛋同薄荷檸檬水自取，仲有衣櫃可以自助掛起外套唔怕吸味。入座後感覺係幾舒服既，完全感受唔到燒烤味同埋熱浪，最後離開時成個人都冇咩吸味，呢樣確實抵讚。三分鐘後我既第一粒肉丸上菜啦，連埋半碗飯同埋麵豉湯。第一粒建議原汁原味就咁食，講真食落牛味好淡，肉質出奇地彈牙，少少似牛丸，同埋都幾多汁。但綜合黎講，我覺得真係冇乜特別，真係老麥安格斯包都

餐廳位於港威中心，門面只有一塊黑色布，沒有招牌，不易於尋找。當天我們於5:15pm左右排隊進食，大概只需排隊半小時便可入座。進入餐廳後，要先俾錢，然後店員非常詳細地講解各款醬汁同每塊漢堡扒嘅食法，服務十分周到。價錢為每位$138 +1。漢堡扒非常美味😋，店員推薦三種食法，第一塊應該就咁食，第二塊則應該加自製嘅檸檬汁同埋蘿蔔蓉，第三塊就配搭生蛋食。我最喜歡的食飯就係就咁食，食到漢堡扒嘅肉汁，非常美味！而呢度嘅飯係日本米，同我哋平時食開嘅非常之唔同，好味好多！強烈推薦大家嚟試吓呢間餐廳，俾百幾蚊一定冇投訴，仲有驚喜添。

日本漢堡排過江龍🇯🇵人氣排隊名店開店咁耐人氣依然冇減退🤔其實本身想book ifc 分店但係我冇好早book 定所以得番d 奇怪時間….所以就去挑戰只可以walk in 嘅尖沙嘴分店🤗點知我11點幾去到已經要攞籌攞到2點幾3點先有得食🥲套餐一共有3塊漢堡扒！白飯同埋麵豉湯可以任加！炭燒漢堡扒非常香口，每一舊都肉汁滿滿🥰第一件可以直接大啖食，食到漢堡扒嘅原汁原味！第二件就加入蘿蔔泥同埋柚子醋，酸酸地味道非常清新，可以減低漢堡扒嘅油膩感👍🏻第三件就加入生蛋，令漢堡扒口感更加順滑，生蛋拌飯勁好食🥚 其實係真係幾抵食同埋幾好食🫢不過要等咁耐又好似唔係好值得🤔

漢堡排外層焦脆，內裡多汁，熟度控制精準，口感鬆軟卻不散爛，肉香濃郁。🤤🤤現烤漢堡排會分三次上桌, 每次一塊，客人可體驗不同的風味。第一塊建議原味進食, 第二塊可沾上自家制的蘿蔔蓉或各款自家制的醬汁。第三塊可配合生雞旦🥚食用, 儀式感強. 米飯亦很講究, 選用高級日本米,搭配漢堡排的肉汁是👀靈魂組合。更可無限量添加米飯🍚🍚🍚🍚🍚。在品嚐第三塊漢堡扒時較易有膩感，建議可搭配店家自製🍊🍋柑橘醋解膩同時增添層次感.。

今天享用了一碗令人滿足的「挽肉之米」，這餐飯的亮點在於三塊免治牛肉漢堡扒，每一塊都能以不同方式品嚐，讓整頓飯充滿了驚喜和變化！搭配一碗粒粒分明的白飯，這簡單的組合卻帶來了豐富的味覺體驗。第一塊漢堡扒我選擇原汁原味地品嚐。剛端上桌時，牛肉的香氣撲鼻而來，表面煎得微焦，散發出誘人的焦香。咬下去時，肉質細膩多汁，帶有淡淡的醬油和黑胡椒調味，牛肉的鮮味在口中綻放，和白飯一起吃，簡單卻充滿幸福感。這種原汁原味的吃法，讓我能完全感受到食材本身的美好，沒有多餘的調味，卻一點也不單調。第二塊漢堡扒我點了一些醬汁，店家提供的是日式醬油基底的醬料，帶有一點甜味和蒜香。淋上醬汁後，漢堡扒的味道更加濃郁，醬汁滲入牛肉中，讓每一口都多了層次感。白飯也因為吸收了醬汁，變得更加濕潤美味，鹹香中帶點微甜，和牛肉的濃烈風味完美搭配。這一塊吃起來更有日式料理的風情，讓人忍不住多扒幾口飯。第三塊漢堡扒則是我自己動手加了一顆生蛋，輕輕打上去後，蛋黃緩緩流下來，和熱氣騰騰的牛肉與白飯混合在一起，視覺上就已經讓人垂涎欲滴。拌勻後，蛋液的滑嫩包裹住牛肉和白飯，每一口都充滿了濃郁的蛋香和牛肉的鮮味，口感變得更加豐富。這種吃法讓整碗飯

今日夜晚嚟到位於尖沙咀海港城港威商場嘅挽肉と米,未試過IFC店或日本店,呢次係我第二次光臨尖沙咀分店,排隊等候接近一小時終於輪到我, 呢度係預先點餐結賬,結咗賬先準許入座,點完餐侍應隨即安排我坐唯14個環繞住烤爐嘅枱坐,呢度入到去係昏暗一篇,覺得個設計好型。水呀、蛋呀係要自己出去攞,我向侍應點咗個$148挽肉と米套餐,,套餐附有三舊烤過嘅日本國產漢堡,麵豉洋葱湯,一碗白飯同一隻蛋。自己另叫一杯日本清森縣100%蘋果汁。等咗一陣,第一嚿嘅炭燒挽肉漢堡瞬間就送到我前面塊烤網上面,個烤扒職員温馨提示第一嚿原汁原味要襯熱食,我見嚿漢堡牛肉仲滴緊油,諗漢堡入面都應該幾juicy,於是我無落任何醬汁下,就咁就續啖續啖送入口食裏,每一啖都充滿住炭烤嘅香味,嚿漢堡肉好夠肉汁,唔過鹹,味道恰到好。但我環顧四周,大部份人都係將嚿漢堡點醬汁一齊食。我本來想效法youtuber放隻蛋喺漢堡上面打卡,但結果失敗咗。麵豉湯方面味道除咗似平時飲開嘅麵豉湯之外,最特別係落咗唔少洋葱去煲,呢個湯有驚喜100%青森蘋果汁未道正常總括嚟講,呢個套餐價好合理,味道同服務亦感滿意,唯一我後悔係order時無追加多嚿漢堡,我覺得

這家店讓我非常失望，週末下午一點來到，walk-in等候竟然浪費了整整2.5小時，結果還是進不去。這裡的入坐機制實在有問題，優先讓那些已經訂位的人入座，每15分鐘就來一批訂位客，每有吉位只會先給已訂位客人，排walk-in的客人完全未能有吋進。網上説可以walk-in完全是騙人的。等待的過程中，周圍的人也都感到無奈。經過這次令人沮喪的經歷，我下定決心，以後再也不會光顧這裡了，這樣浪費時間讓人無法接受。

—託弟弟的金會員 book到尖沙咀新開嘅分店點完餐跟手畀埋錢 店員就會帶入座挽肉と米套餐($148)🥩 現烤90g牛肉漢堡扒x3🍚 無限追加現煮白飯🍳 雞蛋🥣 味噌湯 🍽️店員建議咗三種食法:1. 原汁原味2. 蘿蔔蓉同自家製柚子醋3. 配搭生雞蛋第一次食當然跟足喇 枱上仲有其他配料調味料可加漢堡扒燒得幾香 濕潤有肉汁鍾意蘿蔔蓉同柚子醋配搭好似係幾款米煮成 飯粒食落黏身 最後refill咗半碗嚟撈蛋黃醬油⚠️記得跟店員確認出席咗預約 如果唔係變咗no show會扣信用卡錢———————————————————挽肉と米尖沙咀廣東道3-27號海港城港威商場3樓3203-4及3204A號舖

KABU PASS 金咭會員可以優先預約挽肉と米👍🏻👍🏻，都隔咗一段時間冇食，上一次食喺中環嗰間店，今次就預約喺尖沙咀分店。今次尖沙咀嘅成個體驗我覺得非常好，無論服務同埋食物都係，最奇怪係今次個漢堡扒超好味，同上一次比好食好多，上一次舊漢堡扒明明食唔到炭燒嘅香味，但係今次就食到有炭燒香味，而且漢堡扒裏面仲要超級Juicy！爆汁！搞到我好想嗱嗱臨再預約食多次😋。而且我發現咗舊漢堡扒沾香炸蒜碎好好味！唯獨是有一個缺點：就係佢哋冇隔蛋黃器，因為小弟覺得淨係生蛋黃撈飯先至正，如果有埋蛋白就No Good 😊