拉麵Jo (已結業)

我都算係一個拉麵控, 元朗既拉麵店我都食過哂, 知道呢間上年開又得到米之蓮, 成日都想黎試吓, 今晚就決定咗成呢間啦!二人套餐揀2個小食, 2碗拉麵, 2杯飲品揀咗牛舌, 好味又唔硬, 爽口! 煎餃子, 煎得未咁脆, 但餃子汁係幾好既!最後拉麵黎喇, 湯底係特製蒜油豚骨拉麵, 都幾好味既, 不過唔係我中意既味道, 份量亦多, 但腩肉比較硬, 我來過一次已經满足了!

💁‍♀️慕名到這店光顧，半開放式的店舖🌈下午茶套餐選了迷你豚骨拉麵$58、炸八爪球、可樂，當然要加一呢🐙八爪魚球外脆內滑，但要快吃🔰先試一口豚骨拉麵湯底🥣，果然香濃好喝，其豚骨湯底不愧奪得米芝蓮美譽🔰喜歡拉麵是幼身🍜，個人喜歡吃淋的，該麵質雖不是淋，是有嚼勁那種，但也是好吃的🔰薄薄一片的叉燒🐖，肥瘦參半，肉質嫩滑得入口即溶，美味🔰香嫩叉燒+幼身拉麵+濃郁豚骨湯底，三者之間各在其位，變成一碗好吃的拉麵🤩💬希望每次都品嚐到這水準的拉麵😋

成日路過都聞到好香 見今日人少少終於忍唔住要坐低試下😂叫左個套餐 特製級拉麵🍜小食煎餃子🥟辛辣味沾麵 同埋鰻魚韭菜煎蛋🍳拉麵冇乜特別 湯底算濃沾麵係比較實正既讚崎烏冬跟餐既白菜豬肉餃子都熱辣辣脆卜卜個鰻魚韭菜煎蛋就相對一般 鰻魚有少少腥(我對腥味比較敏感)不部全部野都係新鮮滾熱辣咁上菜既👍🏻👍🏻杯綠茶都唔錯 茶葉有煎炒過既味道🍵整體來說 都可以既服務態度方面唔似平時嘅日本餐廳似快餐店哈哈 可能太忙🤪

兩個人 一人叫左一碗拉麵 一碗醬油 一碗蒜油兩個小食 一份雞軟骨 一份小丸子先講拉麵 麵質係偏硬既 因為我食開偏硬 所以我ok 但係個湯底真係一般 兩款都係偏重口味 醬油得個咸字 食唔出有醬油既味道 蒜油嗅落都幾香 不過我蒜油麻麻小食方面 小丸子佢係叫做炸八爪魚球岩岩黎係熱辣辣 但係入面粒八爪魚真係細粒到不行 大概得2-3mm大粒 所以都係麻麻炸雞軟骨 除左冇乜咸味之外 都還好總括黎講 以食物質素黎講 係還好既 不過有少少唔值依個價～～完！

價錢算幾合理係呢個商場內 拉麵都好食不過元朗區內有好幾間小店都好味過佢 但勝在位置方便d 餐廳大d 推介蒜油味 香濃d 整體食材味道都ok 唯一覺得麵身有d遜色 唔係師傅問題 軟硬度岩岩好 係麵身缺乏左少少彈牙口感

無食一排，依排天氣凍又想過黎食熱辣辣既拉面啦！本身睇menu 都係想叫面類，點知原來依家出埋飯，有咖哩/鰻魚飯，男友就決定一試我既慢煮先上，每一次睇依個擺法都覺得好治癒感慢煮豬肉，豬肉會有少少蘇味架，所以驚蘇就叫番其他種類水準keep 到～～只係個面質我無甘鐘意幼面，有得揀會更加好除左主菜個豬扒之外，個咖哩其實好足料，有好多薯仔，蘿蔔，牛肉粒豬扒肉質實左少少，無甘鬆，但炸粉都算薄咖哩唔會好甜，一d 辣都無，反而味道係岩岩好，偏港人口味薯蓉都加左好多料一齊攪，口感好滑，唔會滯，因為有加d 沙律醬一齊，會令人開胃d 添除左面，估唔到飯類都甘出色，下次要試埋鰻魚先得！

放假出街睇戲前同朋友去食左個米芝連拉麵，其實好耐之前我都有食過銅鑼灣個間，印象都唔差。首先係佢餐牌上面個牛肉飯其實好吸引，但無理由係拉麵店食牛肉飯架嘛！拉麵同沾麵有上面兩頁既選擇。朋友叫既博多拉麵，好多芝麻。。。適合喜歡芝麻既朋友，就唔太適合我。我試左一啖個湯底，我覺得味道ok既，但朋友話太油。而且佢係配幼麵，我就唔鐘意幼麵啦，但朋友就話好好食。我叫既沾麵，醬汁味道唔錯，都唔會話好咸。而且佢既粗麵唔會煮到好林，都有咬口。但係肉呢，就真係差啲啦。首先可以見到佢肥既部份多，然後瘦既部份好鞋。。。仲鞋過煲湯啲肉。而且又薄又細件。。。我比較想唔要肉換半粒糖心蛋翻黎。。。

今日放假自己一個人去午餐，係yoho mall行下行下想食碗麫，就揀咗呢間我未試過既拉麫店啦～～今日想食啲濃味既嘢食，打開menu，揀咗呢碗蒜油豚肉拉麫一黎見到有溏心蛋食，二黎有濃味既蒜油🤤食落係細身既拉麫，彈牙好味！食到底仲有驚喜，原來有一粒細細既鵪𪂹蛋，個湯濃濃的，又唔會太咸既～～講起宜家又有啲肚餓啦

晚餐過來食拉麵，點咗一個蒜油豚骨拉麵同埋一支日本蜜桃汁。拉麵一來到，勁香嘅蒜香味同埋豚骨湯底嘅香濃味就飄過來，即刻就流嗮口水。先飲一啖湯先，豚骨湯底非常Ｄ濃香，鹹度適中。再加埋拉麵同濃湯一齊食落去，哇勁爽！拉麵煮得啱啱好，口感非常Ｄ好。豚肉大大片，好Ｓｏｌｆ，吸收咗香濃嘅湯底，真係太好食啦。食完拉麵飲蜜桃汁，蜜桃汁幾好飲，有好香嘅桃香味，甜甜嘚仲有桃肉喺裡邊。呢餐食得好滿足。

見呢頭開左間新既拉麵店，不過最多人食既竟然係沾麵，店員都幾熱情招呼，唯一可惜既係可能新店開張，有唔少想試既野食都係即將推出。小食只揀左蔥花牛舌試下，煎得岩岩好唔會太乾太熟，加埋檸檬汁吊味更加惹味，細細碟根本停唔到口好快就食哂。而鐘意食辣既我就叫左個特製辣味沾麵，好搞笑既係入面仲有張紙教人點食麵，而最滿意既係有好多塊叉燒肉，唔會手緊比得幾塊，個湯就又香又辣，加上用燒到好熱既石鍋裝住，上菜個陣仲係滾架，食到後尾湯汁仲係暖笠笠，就算係夏天咁熱都忍唔住吮完一啖又一啖，真係過足辣癮🤩

今晚我特意去拉麵Jo品嚐其店内推介之特製豚骨拉麵。這拉麵確有口感，它配合其知名的濃郁豬骨湯底及配菜，我認為這真係一碗可口的拉麵，心中不甘擁出幸福的感覺。對這拉麵，我已拜服其到位的廚功，我除了把碗麵食晒，及把其湯底飲盡外，我再也找不到有什麼可以挑剔的了。整體上，我認為這店唯一可以提升的地方是門面服務，例如日本式之服務生微笑，及奉上一杯温䁔的茶，咁這餐在此時此刻就完滿了。

拉麵Jo聽過好多次，但都未食過，前排朋友話想食，就比佢拉左入黎依間野食見到份menu,一簡就簡左特製豚骨湯拉麵，另外再叫左兩樣小食特製豚骨湯拉麵，碗拉麵一黎到我就試左個湯先，驚喜既係個湯底幾岩我，濃得黎又唔會太重口味，又滑，要知道有D拉麵既湯底濃得濟愈食會愈膩。 麵既軟硬度都適中，另外D配菜都唔錯，糖心蛋個蛋黃好流心，值得回頭再食。朋友叫左担担沾麵，我都試左一口湯，辣得黎幾好食，不過我生飛滋，飲完超級痛！就放棄左再試！小食大阪風薯條，我同朋友都覺得好好食！值得推薦！鐵板豆腐，味道都可以，仲意食豆腐的話可以一試。

性價比超高！DIinner $160都食到飽嘅米之蓮餐廳！😃我認為呢間不是傳統的日本拉麵店而是Fusion 既日本拉麵店，但係我好鍾意！佢奉送嘅唔係冰水而係好特別嘅茶，飲完之後會有淡淡的回甘。好奇之下我問咗侍應究竟係咩茶，答案原來係：烏龍加觀音。聽完之後覺得....好奇妙嘅組合但係又出奇地好飲wo～我地點左低溫叉燒麵同辣味沾面+明太子蛋卷，總括嚟講三個字：冇得彈！低溫叉燒麵- 個湯底好味道到清碗！超香濃豬骨湯底味，拉麵質感彈牙有口感。完全食唔到有任何鹼水味！仲有勁多肉完全滿足到我呢啲鍾意食叉燒既吃貨。明太子蛋卷-熱辣辣好新鮮，我覺得佢似即叫即整！同埋似用日本蛋！蛋味夠香同埋蛋味夠濃郁！辣沾麵 - 最正係入口即溶嘅豬腩肉❤❤而汁同埋麵我覺得ok啦～我個人比較鍾意口感QQ既麵質感。 我多數食拉麵都會加麵🤣🤣但今次冇加都夠飽(叫唔到round 2 😝)，可能我太鍾意飲佢個茶，最少清左5、6杯侍應都好主動幫我加茶！（唔使叫）服務可以稱得上主動積極，有問有必答唔會hea你～埋單每人$160，咁嘅價錢食到咁嘅質素真係冇得彈～ 果然係平民都食到嘅米之蓮餐廳！

食好野唔一定貴先好，有哩間極級推介既平民價好食米之蓮餐廳餐廳唔算好大，但啲員工都幾好禮貌。 好多時我哋唔使嗌都會自動幫我地斟茶。同埋有時會同我地傾下計，我地食完又會問我地啲野食ok唔ok。今次叫左低溫叉燒麵、辣味沾面同明太子蛋卷，係好食既，會係食唔停，就算食到飽都會想食。我覺得低溫叉燒拉麵最好食。佢個湯就係好出名既超香濃豬骨湯底，配合埋佢正宗品質既拉麵，好match! 我好中意哩個麵質，因為軟硬適中又彈牙。而且有爆多叉燒鋪碗邊，好吸引!而辣沾麵我就覺得普通左啲，但都好正。個辣係接受到既，唔會過辣 (我平時都中意食辣，可以食3小辣到)，但個麵質我就一般，因為個口感係比較硬啲，如果有人中意食硬既麵，咁就岩晒啦~哩個沾麵最正既賣點係有入口即溶嘅豬腩肉❤同埋個沾麵既汁係可以加湯，之後當湯飲👍🏼明太子蛋卷熱辣辣，有好香既蛋味。 佢有豉油一併送上，但本人認為唔需要豉油都得，因為本身明太子既味都已經足夠。埋單每人$160~以米之蓮餐廳黎講加上佢既服務同質素，真係冇得輸😋

作為住元朗既拉麵fans，Yoho mall開左新既拉麵店又點會唔試下🙈所以今晚就同老公去食飯啦餐廳位置唔算好多，如果夜市建議早少少去就唔需要排太耐拉麵店計都算幾多選擇，除左有唔同湯底既拉麵，仲有唔少小食揀，最重要係有我最鍾意既明太子玉子燒！😂一定要試下啦除左明太子玉子燒，我地仲叫左每人一碗麵同薯仔沙律🥗老公最重要食薯片沙律，每間日式料理店其他都有唔同既製作方法，呢間就偏多沙律醬同比較少配料😅但味道都唔錯主角就當然係兩碗麵啦！辣味豚骨拉麵係老公點既，湯底唔算辣，豚骨味都幾濃郁👍🏼而且配料都好足，以男人既食量計都唔會唔夠😊我既就係低溫叉燒拉麵，我食過咁多拉麵都係第一次食呢款😍侍應話叉燒唔係未熟，只係低溫煮出黎就係咁既，放落湯度就會再熱少少💕另外不得不提就係半熟玉子啦，真係好好味，拉麵必配👍🏼整體都唔錯，幾新鮮既配搭最後又點少得我既最愛，哈哈😂等左好耐，見到咁多明太子真係好開心💕玉子燒同明太子既組合真係無得輸，大家都可以試下㗎👏🏻