拉斐特 (已結業)

這一間餐廳在油麻地出口便見到，非常方便，不用怕找不到。餐牌一看，價錢合理，在openrice訂座，又有全單7折。好朋友見面，最重要是坐得舒舒服服。開始點餐，朋友叫了晚餐C, 黑豚扒配紅燒汁。 是日餐湯是意大利菜湯， 菜湯味道不錯我們因為很肚餓 侍應願意送我們多兩個麵包。 我叫了餐牌上的龍蝦湯和安格斯漢堡。 龍蝦湯很好飲，有濃厚的龍蝦味道。安格斯漢堡 要五成熟，剛剛好，配菜有沙律，有薯條。份量也足，結果努力吃也吃不完。朋友的黑毛豬扒，也不俗，比想像好味。看起來份量不多，其實吃下去便夠了。因我不是叫餐，本來沒有餐飲和甜品。待應好好人，主動送了餐飲和甜品。我們由7點留至10點打佯才走。全場只有我們一枱，真是一個傾計談心好地方。買單時每人$130.

有兩張的免費下午茶人餐，當然要去試吓啦！食過好多唔同餐廳的下午茶，呢間唔使錢質素算係咁㗎啦！其實我都係第一次同男朋友食下午茶，我每次食都可以食到好飽，因為好多甜嘢，而男朋友一啲都唔夠飽，佢都好少食呢種下午茶，所以佢覺得都幾有趣。但係呢度的設備比較簡陋，呢度的客人多數都係有免費Coupon而黎的。有一家大細，又有情侶，朋友。個餐嘅嘢食唔算多所以好快就食完，佢呢間係間婚慶公司所以佢有其他的項目可以去看。哈哈！

情人節揾食飯地點唔易，所以預先book咗呢間餐廳，貪佢近女友放工地點，加上睇相啲內部環境都唔錯。約咗八點，不過早十分鐘到咗都有位坐，入到場個環境果然幾好，因為佢係婚宴場地都估到應該有呢種氣氛，我正正就係因為個場先揀呢間。埋位坐低，到落單，加送個影相服務，侍應都俾我感覺到好有禮貌，唔錯。首先一黎就黎咗個餐酒先，由小弟加女友都不諳酒性，所以都無乜點飲，故不作評論。前菜等咗陣就上埋，鵝肝慕絲加酒味啫喱，同埋煙三文魚生菜沙律。鵝肝慕絲味道唔算太濃，加上下面麵包又淋晒，如果烘一烘會更佳，酒味啫喱同餐酒情況一樣不作評論。而沙律，可能小弟本身唔太嗜酸，所以覺得個沙律唔太啱口味，不過不失啦。食晒前菜之後等咗到段時間先有餐湯飲，龍蝦湯，味道小弟同女友覺得少少鹹，好彩我地都鍾配個餐包食，都唔太大問題。飲晒個湯再等多段時間先有主菜，主菜方面我地一個點牛一個點豬，兩份都係紅酒汁，配菜有啲天婦羅蔬菜都幾特別。牛扒煎得幾嫩滑，豬扒就味道正常，無咩特別。食完再等多陣就有甜品芝士餅，味道都幾好，而嚟之前本身佢主動有問要唔要落order寫啲字，都算體貼嘅服務。整體間餐廳都係主要享受個氣氛環境，食物無乜好挑剔，但同樣都無

朋友結婚東海集團擺酒，有 offer coupon 可以一班姐妹來拉斐特tea~~Love Cafe 係拉斐特入面一個寧靜既角落。環境都幾舒服，西餐佈局。原本以為 offer 既會好 hea, 但送到黎埋有驚喜！竟然有成個摩天輪擺設，仲要轉得架！咸點：scone, 炸雞， 酥盒 。。。甜點： cake, 奶凍，焦糖燉奶。。。味道呢一般般啦份量非常足夠，兩人一份。我地根本食唔哂。整體黎講，食物不過不失啦~不過作為姐妹開會地點就一流。又夠靜，又唔限時，地點又方便。食物都 👌~~

從openrice 訂座有7折。食物同服務都好滿意，佢哋會每次上一款菜，讓你可以慢慢品嚐，不會一次過放滿成枱食物，墨魚汁飯好好味，雖然餐牌上寫明係雞翼，但上菜變左雞搥，但味道都不錯，值得再去

一直以為拉斐特只做婚宴，那天朋友介紹說尖沙咀有一間叫Love Cafe有西班牙菜吃，到步後才知道是拉斐特，所以裝修不用說也知一定靚，一進去說已見到一面花牆，到達餐廳位置，有很典型的接待處，每桌每椅都鋪設紫色枱布及配襯桌布，每桌之間空間闊落，環境光猛。餐廳Ｍenu設計簡約優雅，有dinner set與散叫餐點。黑松露醬炒鮮菌　$98由於大家都已餓了，友人急不及待地點了黑松露醬炒鮮菌，磨菇切丁，黑松露味道不濃，十分可口，筆者寶寶吃了很多，似乎很喜歡。要注意是上菜後要襯熱快點吃，因很快冷卻。自家製油浸法國鴨腿伴橙香燒汁  $298鴨腿燒至皮脆，口感有點像乳豬，鴨味濃，肉質像乳鴿，配合醬汁絕對畫龍點睛，一試難忘。配菜亦見心思，蘆筍去皮上，孩子也能吃到，茄子脆玉瓜粒的伴碟，味道也很好。伴焗薯仔蘸醬汁同吃，已十分飽肚。西班牙海鮮飯　$168西班牙海鮮飯味道與其他地方吃到的稍微不同，海鮮味不算突出，原隻大蝦以BBQ方式煮熟，故有點乾身，但香味濃郁，燒帶子大大隻，而且煮至熟而嫰滑。筆者前往時，還看到一個扭蛋機，原來是有活動正進行，消費每$300可扭蛋一次，店員會給予代幣，筆者讓孩子試試玩，扭蛋中是英文

Hopeless, i went eat to spanish food.Ordered fideua .來的是angelhair意粉不是fiduea。火都來咪！好心個Chef dont know 就google 咩係fiduea。不知所謂。..Anyway the angel pasta pretending to be fiduea tasted like ketchup spaghetti.I certainly won,t come backSoup same as cha chaanteng.

Cafe位於婚禮服務公司拉斐特油麻地店二樓的一角, 地方不大, 但環境舒適唔會迫. 如果唔係婚展送左張「斐‧嚐愛Afternoon Tea Set」coupon, 都唔知有呢間cafe. 下午茶時段沒太多人, 可以慢慢坐傾下計都冇問題, 惟冷氣太凍.Tea Set食物以摩天輪上桌, 呃like一流. 鹹點包括: 海鮮酥盒、炸玫瑰雞翼、墨西哥卷 - 唔係好夠熱, 味道一般; 甜點包括: 英式鬆餅、tiramisu、brownie、藍莓朱古力蛋糕、焦糖燉蛋、北海道牛乳布甸、綠茶奶凍 - 除左鬆餅較差, 其他味道都ok, 但當然比不上酒店tea set的水準; 另包兩杯飲品. 食物份量全部都係bite-sized, 所以不會太飽, 下午茶黎講已足夠, 但正價要$268就不算抵食了.

原來油麻地地鐵站附近有間love cafe，其實係婚宴專門店旗下既餐廳。今次去左食晚餐，發現都吾差喎！有晚餐既set同埋單點既menu我地點完單仲好快上左餐飽，好餓既我地可以食住醫下肚，帶微溫！先點左烤西班牙黑毛豬鞍配燒汁 $238煎得面頭有少少焦脆，肉吾會好嚡口！愈嚼都會有啲肉汁，側邊仲有好多配菜，薯仔、露荀同炒雜菜。我覺得鋸扒除左牛之外，豬都係一個好選擇。另外朋友點左炸軟殼蟹墨汁意大利飯 $168，我都幾鐘意喎！炸軟殼蟹好酥脆，入面仲有好多膏，仲有我鐘意佢既意大利飯係軟身，仲夾雜左啲野菌，增添口感！整體都覺得吾錯，不過就吾係特別平，但環境坐得幾舒服既，服務都不錯，周不時會加水！

位於油麻地的Love Cafe，是一間主打婚宴的西餐廳。今天香港又有八號風球，晩上獨自來到吃晩飯，四周放滿花朵，感受到新人結婚的喜悅呢。意式芝士焗燒排骨$178晩市套餐，包括: 餐湯，餐包，主菜，甜品，飲品。餐湯質感稠綿，感覺非常足料，配以數粒面包乾，增加口感。主角燒豬排骨，一人享用感到滿足哦。燒排骨約有四至五條骨，以蕃茄醬和芝士調味，有點像肉醬意粉哦。排骨肉質結實，惹味入味，味道不錯呢。配以多件大薯仔，和茄子翠肉瓜沙律，會飽足哦。葡萄牙臘腸雪魚迷你撻$88迷你達一客四件，雖然份量迷你，但總共四件，不能稱為小份量哦。撻以葡萄牙臘腸和雪魚造成，鹹香惹味充足，撻皮鬆化，味得不錯。

今日同友人去旺角行街，友人就推介咗一間係窩打老道嘅隱世樓上西式cafe。拉斐特本身係一個專辦婚禮嘅集團，不過佢留下一部分嘅場地作為餐廳。👰🏻🤵🏻聽完友人咁講，我相信依間餐廳嘅食物質素一定有保證。😚餐廳正門放了一個好搶眼嘅紫色鮮花霓虹燈招牌，途人一睇就知係佈置得浪漫嘅婚禮場地。上到二樓，眼前的都是love為主題的裝飾，💕牆邊就係放滿酒嘅酒櫃～值得一讚嘅係每張凳都套上深紫色嘅椅套，給人感覺高貴典雅，浪漫滿屋嘅感覺。💜睇睇餐牌先～📋由於我哋都唔係太肚餓嘅關係，所以就叫咗一個頭盤同一個主菜，兩個人share食🍽頭盤就係「西班牙煙熏八爪魚($78)」🐙我最愛係佢酸酸味味嘅醬汁，非常醒胃！每一片慢慢咀嚼都食到好香嘅煙燻味，加上佢切得唔厚，唔會話好難先咬得爛～個人小貼士💁🏻：建議食一塊八爪魚之後，就食少少旁邊嘅沙律菜🥗淋上意大利黑醋嘅沙律菜更加開胃，而且啲菜好新鮮好甜添呀！😝主菜就係「西班牙海鮮飯($168)」🍛海鮮材料分別有原隻大蝦，青口，魷魚，帶子～白酒配上切粒嘅青紅黃椒，煮出來嘅飯口感豐富，酒味濃度又不會太過～值得一讚嘅係佢嘅大蝦真係好大隻！🍤總括而言，浪漫嘅氣氛好適合情侶夫婦來談下心，傾下計

和多年老友到油麻地安排婚禮的事誼，真的值得慶賀。 結婚可真是人生大事，原來真的有很多事情要煩惱和處理，恰巧朋友選擇了拉斐特這所婚禮顧問及租用場地公司，解決了不少問題。這裏環境非常舒適浪漫，但要處理的事務實在好得很，因此我們二人到了二樓 Love Cafe 享用一頓遲來的晚餐。二樓 Love Cafe 環境同舒適，是非常療癒的地方。以紫色為主題，總有種浪費的感覺，可惜我們兩位大男生，實在大煞風景。幸好的是食物方面也絕非以情侶或女生為主，也有適合男生們的選擇。德國香腸拼盤 $78雖然沒有請教侍應叔叔德國腸的種類，不過有一些是辣肉腸來的，味道非常惹味，如果可以配上紅酒和白酒，也算是男人的浪漫。不過我們倒欣賞的是旁邊的沙律菜，蠻有心思 和健康的。烤英國羊 T 骨 (200g) $268當 T 骨給端上時，羊肉獨有的羶味搶鼻而來，令人垂涎欲滴。旁邊清脆的蘆筍和粒狀的薯菜和野菌作點綴，色彩繽紛增強了視覺效果。 兩塊厚切的羊 T 骨份量十足，煙靭微彈，肉味香濃，羊羶味恰宜。如女生喜歡吃羊，這也是不錯的選擇。人生大事當然不能草率了事，但膳食進餐也不能馬馬虎虎。這裏剛好能滿足這兩項人生大事，我想下次定與

前排同朋友行完婚紗展，陪佢睇左酒席地點，結婚確定好多野煩，最後朋友決定左擺酒既地點，所以特意去到油麻地既擺酒場地睇下同傾詳細，下午傾到夜晚都傾到累，見到依間cafe餐廳有set dinner供應，見好似唔錯所以二話不說就入左去食晚飯餐廳唔算好大，但勝在環境寧靜，好適合傾計談心，最後我地叫左三款食物大家share食先黎個玫瑰雞翼配美式水牛辣汁，黎到先知係雞搥，估唔到食落酸酸地，辣度唔會太強，幾惹味，食落啖啖肉帶脆口感，再食啖沙律菜平衡返個味道，幾開胃叫左個八吋既帕爾馬風情薄餅，兩個人食依個尺寸剛剛好，拉起有芝士拉絲，食落帶鹹香味，餅底咬落有微微脆食完小食點少得飽肚主菜，依道野菌黑松露忌廉意大利飯既大蘑菇食落好多汁，菇味又夠濃，意大利飯有陣陣黑松露香，飯粒軟硬度適中，好味道

今晚同好友去旺角買少少嘢,跟住朋友話帶我去一間以結婚裝飾為主題嘅特色餐廳Love Cafe拉斐特睇睇，咁神奇！我就去睇睇先。一去到門口就以為自己去左飲,入到餐廳,真係嘩左一聲，直情係婚禮場地咁,好特別!環境就好ok ,唔知食物質素係點先?西班牙煙燻八爪魚, 好特別嘅一款菜,賣相又幾靚！食落去爽口又彈牙,一啲都唔咸，開胃小食幾好玫瑰雞翼配意式美式水牛辣汁, 呢款特色小食又香又辣，非常香口又開胃,好食!帕爾馬風情薄餅; 分成六件，餅底焗到卜卜脆，再加埋,蕃茄 parmaham, 芝士,好重火腿味野菌黑松露忌廉意大利飯未放上枱已經聞到超香嘅味道。食落去好重味,份量剛剛好,無膩嘅感覺,處理得幾好!由餐廳環境到食物水準都算幾高,餐廳設計非常特別再加上4款食物都真係幾好味,同埋好多靚靚影相位 女仔黎到一定狂影 值得推薦俾啲朋友仔

人生中總會有位朋友無事唔會搵你，搵襯你多數都是有事要幫手。但我都習慣了，鬼叫我好人咩。今次佢見我成日幫佢所以請我食飯，我真係老懷安慰終於感受到佢無重色輕友。今次佢帶我去呢間Love cafe真係非常有格調，而且環境都唔錯啱哂情侶去食飯。嚟到我就叫咗個晚餐套餐，有餐湯、麵包、主菜、甜品。而佢個粟米湯都幾香濃，飲完都幾飽肚。麵包亦熱辣辣加埋湯一齊食都唔錯。意式芝士焗燒排骨燒排骨面頭鋪咗大量芝士，睇完賣相真係唔捨得食。而食落肉質嫩滑，加埋芝士相當惹味，唔錯。時日甜品賣相真係好靚，櫻花味和菓子帶香甜，鍾意食甜嘢嘅朋友一定鍾意。