抬頭族 (已結業)

樓上cafe一向唔預好食，但未遇過咁強差人意嘅。落單落錯落漏又嚟多咗，幾個人嗌同一款食物相隔等待嘅時間可以係接近半個鐘。要意粉，但出咗薯菜，理由係意粉需時。咁晚餐得四款選擇，全都係意粉，何以又寫上去呢？（後黎見客仔想要返意粉，就補整返）呢晚只有兩枱超過10人嘅大枱，唔算多人，餐牌有十多款小食同四款意粉，要整唔難。呢碟香煎帶子黑松露意粉，等咗兩個鐘，唔講以為去咗食法菜，等都等到飽咗。首先講個帶子，無香煎過，兩邊唔脆，肉質又靭，完全不合格。見人地po呢款麵有三隻帶子，而眼前呢碟只有兩隻，omg！麵嘅味道係靠譜嘅，夠香濃，但麵質就一pat pat，麻麻地。叫咗呢杯柚子soda，又係等咗兩個鐘。本身係叫荔枝soda, 但兩個鐘後先被通知無晒荔枝，多謝晒。

Good food with a cute cat!A very comfortable place for gathering, partying or homework discussion!

同班朋友行完山就找了一間在銅鑼灣鬧市中帶點寧靜的heads up cafe環境舒適 仲有隻很可愛的貓咪玩點了帶子墨魚汁意粉,帶子外脆內軟👍🏻 意粉軟硬適中朋友點了全日早餐有頗多遊戲玩 果然係悠閒好地方 總括而言 值得推薦大家可透過這cafe 在一餐飯中不做低頭族 專注地聆聽身邊人的想法和感受大家互相交流 !!enjoy your time with friends

舊同事生日，主角指定去呢到，初時都唔為意，以為普通樓上cafe，上到去先知原來cafe有規矩，希望客人放下手機，享受食物同與朋友相聚既時間⋯⋯當然，唔覺意拎左出黎玩2下，唔會有大懲罰既。我地叫左炸薯條、肉丸、帶子松露醬意粉、all day breakfast 、帶子墨魚汁意粉，肉丸上檯係熱辣辣，「之之」聲果種，雖然肉丸係行貨，不過熱辣辣又加埋d芝士都唔錯；3個主菜，松露醬意粉最香，上碟時陣陣松露香，帶子都無乜雪味，不過份量就細左d，4個人分就唔係好夠 ; all day breakfast反而份量都唔細，係小食唔多選擇既情況下，叫個all day breakfast一齊share仲好。飲品我地都點左特飲梳打，我果杯係叫仲夏夜之夢，其實係士多啤梨梳打，都偏甜，不過有d士多啤梨籽，飲起上黎有d野𡁻下。其實cafe都花左好多心思，因為「沒收」大家既手機，驚你地悶/無話題，所以都準備左好多board games/畫簿/自製問題簿比大家玩，其實無手機既生活都一樣可以好歡樂。

以前用手機，真的是為了打電話，頂多在太無聊的時候，開部機黎玩為食蛇。現在用手機，打電話的少了，用來 whatsapp，facebook，打機，聽歌，影相，已經係一機搞掂晒。亦因為這樣，令到今時今日的大部份手機使用者，坐車篤篤篤，食飯篤篤篤、返到屋企都篤篤篤，人人都對著手機溝通，少了 face to face 既 communication，變成了 face to facebook 既 communication。有見及此，好多餐廳食肆都主張食客們放下手機，要求客人們增強人與人的溝通。我在日本遇見過這樣的餐廳，而且是連鎖的洋食店。近日，我在某樓上 cafe 的搬遷啟示，發現該址會開另一間有特色的樓上 cafe，主題是用餐時不能使用手機。而在一個無所事事的中午，我隻身來了，這一間叫《抬頭族》(Heads Up Cafe) 的咖啡小店。 一到門口，就立即要你抬頭。餐廳的名稱高高的掛上門頂上。(誤)。不過，單是這樣的簡單燈箱，簡單的門面，就令我知道，這餐廳的主題，除了不讓人玩智能電話之外，也給人一種簡單悠閒的感覺。 入內，地方就是幾張長檯，幾張凳，簡簡單單的地方，三五知己來聊天，是最好的不過。

放底手機後,當Before Sunset(中文唔記得了)遇上天空之城是非常危險的事,因為整個場也沒時鐘也沒有人提你佯已打,咁就在此傾了6小時~噢！這裡真邪惡,叫人放底手機享受枱頭望著人雙眼的樂趣,挑戰人與人之間的互動,好離譜的Cafe!

天時暑熱，約左人食飯未多鐘，又想幫襯下啲小店，見到街邊有個用黑板粉筆寫的cafe牌好似好特別咁，點知要行上3樓，好彩一入到去冷氣開放仲要夠凍，如果唔係真係會掉頭走。坐底後店員問我飲咩喎，第一次去鬼知有咩好飲咩，跟手佢介紹左杯嘢叫“天空之城”二話不說問係咪凍嘅先，佢話係凍我即刻話好啦，一杯粉藍色嘅嘢好快黎到，原來係荔枝藍莓梳打。店內主張放低電話，多同身邊嘅人溝通，自己一條毒L走上去有鬼人同我溝咩，見話唔好用咁多電話咪同店員吹下水囉，呀佢地又幾好吹喎，仲要差到我約左人都差啲遲到添。原來佢地新開張無耐，係幾個舊生仔一齊開的。呢個地方可以encore。

今日經過見到一間新開嘅cafe....就行咗去3樓睇一睇！入面環境舒適，仲播緊歌！當時大約五點幾，所以就唔係好多人～叫咗幾個嘢食，最記得嘅事叫咗一個 carbonara，因為用咗天使麵幾好食 ～飲品方面就叫咗一杯柚子梳打！好靚同埋都幾好飲，唔會太甜！環境方面，入面隻好舒適！有一啲關於溝通嘅art decoration，非常特別，去提醒大家唔好睇咁多電話～總括嚟講呢間cafe都好正，唯一有小小進步嘅就係要有牙籤😂p.s. 個咖啡師幾靚仔🙈，整完飲品之後會係度睇書，非常文清！我估佢應該殺死唔少少女客戶🙊

某天辦完事 在銅鑼灣亂行亂走偶爾發生原本postcard cafe的店不同了很喜歡一個人到cafe靜坐寫作的我決定上樓一看究竟每次走上這三層樓梯也有點吃力不過就當做運動吧一進門內 是非常小清新的裝潢正合我這種偽文青的心意一坐下來 發現原來這家店是有主題的原來是不能用電話當下我有點愕然 本來坐下來的用意就是想要好好在電話中寫好新作呀不過既然如此 我就試試自己不用電話會怎樣我點的餐是All day breakfast 餐 是自己到櫃面取的 很有反樸歸真的感覺問准店員 他可以讓我拿電話拍下食物照片很大堆頭的all day breakfasthashbrown一向是我的最愛可惜蛋略嫌熟了一點點 喜歡吃腸仔的我 非常非常喜歡那個Veal Sausage (應該是? )後來店員送上飲品這種顏色也太美了吧這杯好像是叫天空之城值得一提的是 後來店員看見我一個人陪我玩了一回那種用線和紙杯弄出來的傳音筒很懷念呀我覺得這間cafe是一個package 不能單從一方面去評論下次會考慮帶朋友上來考驗一下那些機不離身的人

周未約了朋友在銅鑼灣看電影，這天早早便出門不想浪費這難得的假期。午飯過後，走走逛逛突然收到朋友的電話說會遲到。天氣炎熱，眼見尚有一個多小時，經過這間新開的樓上cafe便決定上去坐坐避暑爬了三層樓梯，看到一扇雪白色的門，門後的室內佈置簡潔明亮，最重要的是冷氣充足，頓時暑氣全消。可能是下午三四點的關係，客人不算太多，只有兩三人，店內靜靜的，很舒適。因剛吃完飯，所以只點了一杯hazelnut latte。坐下來後看看四周的佈置，再問問店長，發現原來這是一間鼓勵大家不用手機，專注溝通的cafe。可能是人手不足的關係，上餐/ 飲品的速度不算很快，店內整個節奏都慢慢的，人也可以好好放鬆下來。Hazelnut latte有個漂亮的拉花，看得出咖啡師的心機 飲品不會太熱，溫度剛剛好，最重要的是不會太甜，亦有濃濃的榛子味道。總括而言，很滿意這杯熱飲，唯一的小建議是，咖啡的味道可再重一點點。坐著坐著，聽聽歌，跟店長聊聊天，時間過得很快，不過一個人時不能用手機真的有點無聊，建議店𥚃放一些可供一個人消磨時間的玩兒。下次一定會再帶朋友回來試試午餐或晚餐，看看食物的質素如何。

撐過3層樓梯後上到嚟，咁熟口面嘅？同之前間postcard cafe間隔一樣，不過多咗啲裝飾及更加親切！牆上貼住啲爛咗嘅芒貼，每張檯上面都會印咗啲字，提醒大家唔好成日掛住睇電話。現代人個個掛住睇電話，就黎唔識面對面溝通，約得出嚟食嘢，不如大家收埋部電話睇少陣啦仲夏夜之夢 (+$15)即係士多啤梨+蜜桃梳打，徘徊在似酸又甜之間，啱晒夏天飲！番茄羅勒鴨胸螺絲粉 ($52)鴨胸排排企喺黃色盤入面，上面舖滿芝士，正呀！但係唔多覺有番茄嘅？啱啱焗好嘅螺絲粉硬度適中，柔韌香脆，口感非常好；由於煙鴨胸夠晒味，所以整體都唔需要太多調味，加埋芝士已經夠晒香又夠鹹忌廉白汁意粉配帶子 ($58)意粉口感煙韌，原粒帶子唔算鮮甜但質感彈牙，白汁十分香濃，但整體都輕盈清爽，唔覺得膩Cappuccino (+$15)一杯非常標準嘅Cappuccino，一份Espresso，加上熱牛奶，最上面係一層細緻綿密又堅挺嘅泡沫，同咖啡融為一體，好似絲咁柔順；濃郁奶香中滲出淡淡嘅咖啡甘香服務負責落單嘅店員充滿陽光氣息，斯文有禮貌之餘，仲會坐埋一角靜靜睇書，肯定殺死晒啲女顧客啦😂....

今日（尋日）下晝同個朋友係銅鑼灣Hea.....見到一間新嘅Cafe，所以就行左上去試～地點就喺銅鑼灣廣場斜對面，真係鬧市之中嘅一點寧靜～入到去見到間cafe有好多好得意嘅擺設，環境舒服我地點左好少野，淨係咗一杯凍飲叫做「天空之城」（好似冇記錯），非常特別～好清新，有荔枝味，但係又唔會太甜，今日咁熱好啱飲！同叫左帶子墨汁意粉～有啲蒜頭味，所以好啱鍾意食蒜頭嘅我！總括來講我覺得啲嘢食好食，地方就腳，環境舒適，同埋真係比到一個地方你同朋友靜靜地坐低傾計，而真係唔用電話咁樣傾計😝！下次會去試夜晚