批&撻專門店

营业中

休息中

同家人行完街🛍，回家途中已經係午餐時間，假期好少食正餐，就買批&撻返屋企食。本來淨係買個美式肉汁螺絲粉，同埋個白汁焗雞皇長通粉，見到鮮奶撻又好想食於是就買埋啦，返到屋企仲係暖暖哋美式肉汁螺絲粉，幾乎去親都係食呢一款，因為入邊嘅螺絲粉口感彈牙，肉汁都好開胃佢係用蕃茄汁，蘑菇，粟米，上面用一層厚厚嘅薯蓉焗住，薯蓉本身有微咸，撈埋肉汁一齊食，有蕃茄嘅酸甜味，真係惹味又開胃開始左第一啖，就好想成個食晒，搞到我唔記得影肉汁同螺絲粉個樣，哈哈白汁焗雞皇長通粉，白汁稍微欠缺豐富嘅味道，佢係好單調嘅鹹味，好彩面有一層芝士鋪住，但係都係要熱食先至好，芝士開始凍嘅時候，係會成塊乾硬咗食起上嚟都幾唔方便，因為”畢”一啖芝士就成塊起咗出嚟...做唔到一口長通粉一口芝士嘅味道，雞肉係足料嘅如果洋蔥再多啲就更好。但係芝士嗰部份真係要改進……鮮奶蛋撻，呢款蛋撻真係買幾多次都係好食嘅，佢個皮係曲奇皮，入面嘅鮮奶蛋香滑，奶味同埋質地都做得唔錯，但係個皮可以再整得好食啲，口感同味道層次可以再提升

✨好耐無食依間［Pie & Tart］專門店，之前食過好幾次，基本上都唔太差🤷🏼‍♀️，熱辣辣咁點樣都ok既，有時遠遠都會聞到🥳，真系唔餓都變餓，女人就系咁就好易增左肥😂❗️.今日咁啱要去買野經過，望吓望吓，最終我買左叉燒批，因為未食過，予左唔會好驚喜，味道一般般，下次會再試下其他😎。

紫薯撻 $12無論係色香味都會覺得係嚟自紫薯本身嘅天然味道，唔會覺得好甜，再加上瀑布式嘅流心，係正嘅黃薑奶撻 $9店員極力推介所以就比面買一個試下。頭嗰幾啖都覺得幾好食架，真係聞到又食到薑嘅味道但係食到一半就覺得冇咗陣薑味，愈食愈唔夠薑有d後勁不繼嘅感覺。不過薑味嘅撻都幾特別，Interesting ，都值得一試。鮮奶撻 $9基本上每次去批&撻都必買呢款，中學時代回憶之一淨係回憶分都值得比100咁多年都咁好味，水準始終如一

我記得好多年前喺尖沙咀度第一次食Pie and tart ，當其時我隱約記得一個鮮奶撻都是$8，9蚊左右，估唔到今時今日都是一樣，一個鮮奶撻都係唔使$10，今日喺地鐵站度等人，見到間野心思思想試吓，所以就決定一試，咁我當然唔會要一個咁少啦！我就要左一個鮮奶批，再加多個蘋果批，兩個加埋都只係$20幾抵食，一攞上手都感到熱辣辣，咁當然我就急不及待搵個地方坐低食咗佢，鮮奶批好重奶味，正，蘋果批好足料，裏便好多蘋果，味道就正常啦！，我仲見到佢有好多意粉，價錢都係$19 ，好抵食，下次認真可以試吓

<雞批🐔 $14>雞批🐔係鮮奶撻🥛以外，最受歡迎既款式之一👏🏻 外皮唔算好厚身而且幾香幾鬆脆👀 餡料份量幾充足，雞肉被白汁滿滿覆蓋住🤤 當小食/下午茶☕️無得頂呀👍🏻 相信大家都不時有食🍴 仍然保持水準既😄<蘑菇批🍄 $14>至於蘑菇批相對上比較「冷門」🥶 不過絕對沒有比下去💪🏻 面頭用左一層芝士去酵焗🔥 入面同樣有滿滿既菇菇餡料🍄 (感覺上好似健康左🙈) 頭幾啖會有少少食緊迷你pizza🍕既感覺😳 可以試試既😉 Pie & Tart暫時都無咩伏野既🤣

在荃灣港鐵站內等朋友一起去行街，聞到一股濃濃的烘焙香味， 可能是剛好 有新鮮的食品出爐， 被香味吸引的我便 買了兩個雞批， 正好和朋友一同分享。 外皮脆脆酥酥的， 雞肉餡料飽滿， 調味適中， 作為下午茶之選食完也不會覺得太飽，不錯。。

噚日(12-5-2019 Sun),同拜祭完,返到荃灣路過,佢竟然話要食一個好好食嘅撻.=.=”就係$12.00嘅日式流心紫薯撻.買咗即食,呢個熱騰騰,舀嚟睇,真係流心嘅,食落,我覺得味道怪怪地,可能因為都加咗芝士,同紫薯味麻麻地夾,撻皮就係鬆脆嘅,就係咁.抵食係1.5分上次食評: https://www.openrice.com/zh/hongkong/review/%E5%A4%9A%E6%AC%BE%E7%89%B9%E8%89%B2%E6%89%B9-e2959871

今日突然心血來潮 ，好想食焗長通粉。就平平哋係揀咗個$19的焗長通粉。本身對佢都冇乜期望，但估唔到難食到一個點！這個芝士白汁雞皇焗長通粉，最大問題係啲白汁凝固咗好似一個漿糊。表面上的芝士是沒有太大問題，只係凍會有啲硬！所以結論都係食返佢嘅招牌鮮奶撻！

🔅🔅🔅食飯前仲有兩個鐘見個肚又餓餓地喎即刻打算搵個小食咁啱出荃灣地鐵站遠處飄來陣陣香氣原來有間Pie&Tart🔸見到各式各樣蛋撻口水已經準備湧出心大心細咩都想食最後揀左個鮮奶撻🔹<鮮奶撻> 竟然個撻仲係熱架咬落去酥皮好鬆脆鮮奶好香好甜好滑捨不得很快就吃完用膠匙慢慢筆鮮奶食😂最後才一口把酥皮吃掉飽腹感還好可以頂一陣🔸呢個價錢來說質素挺不錯飯前或飯後食一個不覺膩對於我來說罪惡感不算大😆😆😆😆😆🔅🔅🔅

批&撻專門店(#pieandtartspecialists ）荃灣港鐵荃灣站TSW11-----話說B仔今日自己一個去左荃灣行街街🤷🏻‍♀️ 行完有d餓 臨近dinner時間 自己一個又唔知食咩好 好彩係港鐵站見到有心愛ge pie and tart🥳可以填下肚先 返屋企再食飯😂由於港島真係好少pie and tart ..B仔又好耐無食 而且又撞中佢地新鮮出爐ge時間 😋所以真係覺得好好食😭好食到要打呢篇全香港人都知ge食評（唔好同我講你未食過）😭pie and tart 啱啱出爐ge鮮奶tart（$8）真係好好食啊😭濃郁ge牛奶味 加埋熱辣辣又香脆ge牛油曲奇底 真係好令人感動 大家都可以去撞下佢新鮮出爐😂-----B仔整體評價：9/10個👍🏻B仔抵食程度：7/10個👍🏻B仔環境評分：外賣😋B仔味道評分：10/10個👍🏻（新鮮出爐無得輸）B仔回頭機會：10/10個👍🏻-----IG：swallowhongkong 跟住我一齊吞食香港啦！#swallowtsuenwan

藍苺鬆餅 ($12)一拎上手 第一感覺係會唔會太抵😻😻😻 12蚊但係超級大個超級重手!!面頭重係脆脆地㗎❤️ 食muffin永遠最愛食烘到脆脆地嘅地方😛藍苺味唔算出 但整體黎講好食 呢個價錢冇得輸❤️會再買!!

昨晚收工經過 Pie & Tart, 又未諗到晚餐食乜, 於是就買咗個焗白汁雞皇長通粉, 加多個酥皮海鮮批返屋企同亞女ㄧ齊食。回到家已急不及待開餐。個長通粉焗得金黃色的, 上面ㄧ層芝士特别香濃, 長通粉唔會太淋, 白汁唔會太鹹, 與通粉個比例剛剛好, 份量細細的, 啱晒我。至於個酥皮海鮮批, 驟眼望去好似酥皮湯。 砌開之後, 原來𥚃面除了有海鮮之外, 還有長通粉。個酥皮做得很酥化, ㄧ路 meet, d 皮就ㄧ路甩出來, 師傅嘅工夫都好到家。除了在餐廳吃到長通粉外, Pie & Tart 又係另類選擇。

成日經過pie and tart總有間係左近，聞到香味但次次都唔肚餓。今日咁岩經過荃灣MTR Station，肚餓去左pie and tart買左個鮮奶撻，原來係超好食既。係我最喜歡既曲奇皮，食完一件真係好想食多件!!店子亦有其他不同的撻，下次一定要試下其他!PIE & TART既店真係買少見少，根本就係童年回憶。一個普通既牛奶撻都已經好好味，仲要係熱辣辣嫁。奶不算甜唔錯，一直KEEP到中學時期既味道。

我好鐘意食焗飯，焗意粉之類嘅食物。如果我突然想食焗意粉，但又唔想咁heavy，我就一定會去pie & tart買一個批。貪佢細細份，一個人食哂成個罪惡感都無咁大(好似係)))呢間分店正正就係荃灣地鐵站B出口，地理位置非常方便。好多人搭完地鐵就去買，所以啲批相當新鮮今次一次過同朋友仔買左三款，包括丹麥海鮮批，千層肉醬闊條麵同埋肉醬螺絲粉批，我就揀左食闊條麵其實如果唔係好肚餓，我諗女仔可以當午/晚餐都無問題。闊條麵上面有一嚿薯蓉，非常之綿密，幾香，闊條麵都OK，我個人偏好硬身少少嘅麵，呢個就淋左少少，不過小問題。肉醬份量好足，啖啖都食到，值得一讚，肉醬味道偏甜，加上拉絲芝士:螺絲粉味道同闊條麵差唔多，因為個汁係同一個黎。而海鮮批就係白汁配長通粉。兩位朋友仔都大讚好味。下次再試下佢地既其他出品!

今日過開嚟荃灣, 經過批&撻, 鍾意佢批嘅選擇多, 仲有凍餅及生日蛋糕。買了姨甥女嘅最愛朱古力鮮奶 tart 及我嘅最愛雞批, 另外買了ㄧ個特濃朱古力孖鬆。個朱古力鮮奶 tart 好香朱古力味, 反而唔覺有鮮奶味, 中間嘅朱古力漿唔會太 "削", 曲奇皮好味, 雞批比起其他店舖嘅雞批大, 中間嘅餡料都好足好 juicy, 雞肉夠大粒, 加上個皮有 d 酥化, ㄧ邊食ㄧ邊掉下來, 至於個孖鬆, 超大個, 有好多朱古力粒粒, 可惜個蛋糕底唔覺得有好濃嘅朱古力味, 但整體都好食嘅。