扒王之王 (已結業)

去維園踢波前，唔知食乜好，行尼行去，最終就係揀咗劣食，成日都係咁。門口有個平價D啲嘅餐牌show出嚟，但入到去佢並冇喱個餐牌，而我亦無打算追問，算數，叫咗個約$120嘅牛扒拼煎魚餐。牛扒叫咗7成熟，但用鐵板上到枱已經變全熟，牛扒都好厚，但冇咩肉味，條邊仲煎到好韌！唔好食，煎魚仲差，雖然知道係用雪藏魚扒，但食落D肉係散嘅，而且一路食一路覺得唔妥，完全唔好味，好差，但由於就嚟食完及趕住踢波，向侍應反映過後就埋單走人。一個質素差劣嘅扒餐，比茶餐廳幾十蚊一個嘅仲差，埃......晨早都知此餐廳係劣食，今次真係自作＂業＂。…查看更多

上午11時半前到達, 侍應生說已經沒有早餐供應, that's okay 我們都想叫午餐(後來聽到一老人家反問: 乜假期嘅早餐唔係到11:30咩? 不過侍應生無答佢, 重叫佢選鐵板扒餐)我地只好選了主Menu的行政午餐, 叫得行政午餐咁價錢都唔會係三、四十元就得； 下單後, 等了十分鐘左右, 羅宋湯及熱餐包送上, 再等多陣竟然侍應生嚮每張餐枱擺上是日午餐膠座：午餐A, B, C餐， 最貴嘅牛扒餐都只是$44 哎喲...明知無早餐供應, 點解唔一早攞個午餐膠座出嚟???等咗ニ十分鐘左右, 第一份餐終於派上美國牛扒拼雞扒, 配薯菜及洋葱汁... 牛扒比雞扒細件得多, 各有肉味, 沒有用鬆肉粉鬆過的味道。又再等多十零分鐘左右, 我要嘅午餐亦奉上茄汁焗雞扒飯是比預期好的食物, 全隻碟都舖滿雞扒(唔薄嫁), 雞肉連雞皮都煎得香, 肉滑滑 白飯看似得薄薄一層但所有加埋晒係好飽嫁~ 茄汁酸咪咪少甜, 好開胃嫁餐茶凍飲唔洗加錢不過多謝加一服務費！…查看更多

尋晚係呢頭附近食咗塊乾乾0地又蘇蘇地牛扒, 有d失落 今早突然想起呢度有個牛扒早餐係門口唯一早餐餐牌 : $27, no 10% service charge完全係茶餐廳價錢, 西餐廳質數所以決定要來試試 ...入面人唔太多我坐係窗邊位, 有陽光很好 feel ... 最後, 我都係選咗精選牛扒早餐 :粟米通粉 (走火腿) + 大塊牛扒 + 金黃色抄蛋 + 牛油多士 + cafe通粉個湯底不錯, 有種清香味道塊牛扒有又嫩又juicyd 蒜蓉洋葱汁 太好食囉 ...果然係" 扒王"d 抄蛋係金黃色, 好香雞蛋味 ...…查看更多

　　來到這裏附近，便闖進去吃一頓下午茶，很久沒來這裏了。　　環境依舊優雅，燈光柔和，我要了一個靠牆的位置，想安靜地吃東西和看點書。　　要的是餐蛋麵和熱奶茶。先上的是熱奶茶，很大杯和濃滑，我感到有進步的是，它沒有上次的那杯澀口，我記得去年來過，奶茶是苦澀得入不了口的；稍後上的是餐蛋麵，一隻煎得極漂亮的太陽蛋浮在兩片半圓形的午餐肉上，旁邊還有幾條蘿蔔條配襯，用的是四方形的白瓷碗，碗還被白色花紋的墊紙墊著，再用圓碟托著，很精緻，可惜麵看來很小，而且湯十分鹹。　　侍應的態度十分好，很有禮貌，並且主動，誠懇。很可惜其他食客在高談闊論，破壞了餐廳高雅的氣氛。…查看更多

相比起其他茶餐廳, 扒王之王並不會比列為最平之一的食店. 閒閒地食個龍蝦汁魚柳飯餐也要 $68 + 10%... @#$%$E!但私人而言當你直接去貨比貨的話, 佢扒嘅低價扒質素其實優勝過同化算過好多港式扒房 ~ 例如.花園餐廳 甚至 太平館, Mr Steak, 絕對貴過也差過這邊. 波斯頓餐廳如果要要求食到同一個質素, 也要比這邊起碼貴幾十蚊. 當然平嘢通常唔會有好嘢 - 以前食過幾次扒王的貴價頂級牛扒同黑豚肉, 真是有點兒水準的. 但俾得起二百蚊, 就不如去好少少的扒房好像 Bistecca,Tango 或 A La Maison 食佢的平靚正炭燒牛肉. 扒王之王最吸引的食物, 絕對是它的平民 $58 - 75 range 豬扒牛扒類. 其他嘢, 真係不敢勸你去博. 踩地雷的機會應該甚高! :(…查看更多

都好久冇幫襯扒王, 阿媽今日要去中央圖書館, 所以才來了.上次來已係成兩年前, 仲係食早餐咋...今日叫個午餐喇.問阿哥哥仔, 夏威夷雞扒有咩特別, 佢答係燒汁; 但點解叫夏威夷, 其實佢都答唔出...估都係煎扒吧, 照叫個夏威夷雞扒餐喇, $40; 媽叫個牛柳餐, $58.湯先上, 係幾水卻幾咸的羅宋湯.個包反而幾好食.夏威夷雞扒原來係有片菠蘿, 原來同夏威夷 pizza 係同一樣...煎得ok 喇, 唔燶, 肉都嫩.阿媽的牛柳有d怪, 出面冇乜煎過或grill 過的跡像, 但卻已7成熟, 好似,好似... 好似 係叮熟咁....肉質好采不錯, 唔韌, 少筋, 少肥.起碼唔覺有梳打味.加埋一, 收成六十幾; 當然唔算貴, 但比起出面茶餐廳的 40蚊個什扒餐, 市場定位唔明確.算ok吧, 但個湯真係要搞搞佢.…查看更多

大會操的早上, 送咗小朋友交俾阿sir, 我地去吃早餐, 這間扒王對年青時的我們來說有着一段段酸甜苦辣的往事, 厨師和各侍應生已經人面全非, 以前這店的吉列豬扒早餐是我不二之選, 還有伴碟的牛油粟米, 侍應生總會記得我要加多d多d。早前我試過這店的吉豬, 不論味道、size、質地已經不如以往, 這証明廚師換了:(今次叫這金牌早餐雞蛋不是扒爐煎的, 因此有脆邊。牛扒沒有「拿」過, 應只是鎚過, 但我覺得肉質有點梅梅地而且調的味不好吃:( 牛油麵包鬆軟新鮮, d洞洞濕濕地。火腿公仔麵只得眼見咁多條火腿, 而且淡茂茂:(失望！…查看更多

午膳於扒王，四十餘元一份full-set，都算OK。餐包選用豬仔包，暖暖的，外層脆脆，OK。餐湯羅宋湯濃淡恰宜，都幾好味。主菜肉眼扒一般喇，唔韌，但無乜肉香。連餐飲一杯，吃得飽飽。須帶一提，個別員工態度有待改善。…查看更多

呢間係o係中央附近的扒王之王, 佢個位置真係麻麻, 所以dinner時間都冇咩人食野, 我地入到去仲好多位tim, 2個人可以坐4個人ge位, 而且都好舒服又好靜。佢入而好暗好有情調。如果係拍拖ge都岩黎呀。今日因為男朋友有coupon, 而且我地又唔係太餓, 所以只係叫左一個牛架, 真係幾好依食, 佢d肉好林好滑, 而且調味都好吸引, 有d黑椒, d肉又好入味wo, 再加上佢有d薯菜伴碟, 真係幾正呀, 尤其係因為同男朋友黎, 哈哈~ 佢d service都幾好架, 一叫就即黎, 而且仲會行黎行去幫你加水。good!!!…查看更多

7月1日放假,同朋友行街.見肚餓去左扒王之王食下午茶..完全明白"平"既下午茶...入到去以為佢關左門...原來係未關...跟住嗌左個雜扒餐下午茶.......因為朋友食飽左...諗住個餐share食..叫左佢地俾碗仔....食完野埋哂單都未俾到黎,,,真係嬲....講番個扒餐...份量超細仲要成56蚊(未加一)...食完個set之後覺得完全冇野落過肚:(不過個湯幾好味...:)只係d服務唔太好...奇就奇在.,...咁少人咁寧願既下午茶..可以轉個身唔記得客ge order呢??總之...唔會再去扒王....食tea一d都唔化算...一個細份tea收人62蚊完全唔值lor:(…查看更多

第一次寫食評，多得『墨小姐』指點…今日行行吓街想食個麵，嚟到扒王之王 吉烈豬扒一丁：炸得好有火喉，但個麵啲湯好咸！ 煙火雞豬仔包：啲牛油勁多，好似唔洗錢咁…個包唔熱唔脆，煙火雞得一兩片，少得可憐！:(個厠所好Dirty，不去也罷！…查看更多

　　晚上六點半要上課，時間不三不四，錯過了下午茶的時間，吃飯又太早。見到扒王之王有下午茶餐，於是走去試。　　驚喜的是環境的寧靜，座位很多可以隨意選擇，室內播放著輕音樂，讓人緊繃的情緒可以放鬆，我點了十分傳統的道地茶餐廳食物餐蛋麵，大大碗才２８元，而且服務一流，侍應十分有禮貌，而且上菜快，我帶著一本小說好好地享受了一個不受干援的下午。　　是廉價的高級享受。…查看更多

去到扒王之王, 可以食到一客味道不錯的法式鵝肝牛柳, 包括一份沙律, 餐湯, 餐包同飲品一杯!價格係$118, 要介紹的原因係牛柳的水準很好, 在我第一吓用餐刀切入牛柳的時候, 已經知道件牛柳好正, 因為唔駛用力就已經切開了牛柳, 說實話, 扒王的牛柳係比起花園, 翠華等都好的:)頭盤的沙律就認真一般了, 幾塊沙律菜, 幾粒車厘茄, 配以千島醬, 極其量只係可以講入得口, 好食就唔夠資格, 因為沙律菜都霉霉的:(紅湯幾好味, 餐包都軟熟, 配套係過得去的, 不過主要都係欣賞件牛柳, 配以味道幾好的黑椒汁, 可以令我回味下次會再去幫襯, 因為值得!…查看更多

同朋友吃飯，朋友說累死了，想吃BUFFET，可是我沒胃口。沒有頭緒，走入內街，本來被文輝吸引，但知道朋友累了，便選扒王之王。不明白何以扒王咁多差評，吃過旺角、屯門店數次，個人覺得不錯，近來的龍蝦餐也吃了三次。不過，今天，我明白了:(環境差到．．．想不到銅記的比旺角差！旺角兩間都舒服，可以這兒大門不知那哪兒，明明有兩邊用餐區，坐得迫，但不肯開二區。安排了極細的二人位，Ｄ桌好迫，在旺角店我一個人吃也坐四人卡位，唉！裝修好舊，有D DIRTY，冇氣氛，朋友再睇埋MENU仲暗示要走。落ORDER時沒叫喜歡的龍蝦餐，叫了二個平的：扒王牛扒$72, 雞扒$55實在太明智了，一來冇胃口，二來愈吃愈覺得間野各方面唔掂，唔值食貴。食物普通啦，沒9X元以上的好吃，個人一向認為扒至質素可以的。環境惡劣，跳左二次"錶"，店員仲好似覺得習以為常咁。服務OK，只是不斷催你叫野，最抵死我估到佢地趕時間，果然湯飲少少扒就來了，桌小，放扒+包+湯，OH MY GOD！店員極快擺好後發現原來佢已收左我個湯我這個朋友是個超級隨和的人，都說早知去大家樂／花園好過。講真雖然又不是貴，但我吃過扒王次次都覺得唔錯，今次真係唔值。後來有二個男人來了，一來便要求坐四人卡，唔俾，後來佢地見到四人卡走哂，想調位，又唔俾，話D位留坐的，可是當時已經是十點幾了，事實上都冇新客來過，呢間扒王真係唔掂！…查看更多

不知道扒王之王為什麼會推出外賣飯盒,反正見有很多人排隊買我就買了一盒柱候蘿蔔牛腩飯盒.飯盒如圖中所見份量挺大的.白飯質素一般,有幾舊牛腩,牛腩有點肥、幸好唔韌,蘿蔔煮得很入味,椰菜很脆,牛腩汁鹹了一點、有點油,兩小塊紅蘿蔔冇乜味道.…查看更多