扒王之王

营业中

休息中

星期五晚男朋友突然想食舊式扒房，咁啱就搵到重新出現嘅扒王之王🕺🏻先必須要說選址有啲尷尬😹樓下係舊式夜總會，樓上係桑拿揼骨，帶小朋友去真係咪話唔尷尬😂入到去都算多人，但等位都唔洗幾分鐘👍🏻環境都舒服乾淨，空氣都彌漫住扒味（唔知係咪太餓😂）服務講真唔錯，有以前舊式餐廳嘅效率佢哋嘅扒餐都係$200以下，算實惠，包湯、沙律同餐茶。扒可以揀幾成熟、碟/鐵板上、可以揀汁（四揀一）、飯意粉薯菜👍🏻我哋叫咗一份$198頂級安格斯有骨肉眼五成熟，一份$148安格斯西冷七成熟，只能夠講，我哋諗住會中伏嘅心真係完全冇晒！值得一試俾次機會！

其實我係幫佢洗底，邊有d人講到咁差牛扒係好味,但薯條如果用粗薯就好，幼薯炸到太乾,好似用光波爐咁但牛扒係唔錯希望可以用粗薯啦，但見幼薯都有捧場客不如2種比客揀啦

西冷牛扒，呢款牛扒煎得剛剛好，外皮微焦，內裡則保持咗肉嘅嫩滑。每一啖都充滿咗肉汁，真係一啖入魂，水準不失當年。而且，西冷牛扒嘅份量都算多，唔會於油膩。西冷扒嘅外層煎得非常香脆，外層嘅焦香同肉質嘅鮮嫩形成咗一個完美嘅對比。醬汁味道濃郁，香氣十足。醬汁嘅味道非常搭配牛扒嘅肉質，令牛扒嘅味道更加豐富。最鍾意西冷牛扒嘅係佢嘅肉質。我食嘢最緊要係肉質要好，唔係嗰啲乾巴巴嘅牛扒。仲有既係餐湯沙律。餐湯沙律係一款非常清新嘅菜式，佢嘅主角係各種新鮮嘅蔬菜，，每一種都有佢自己獨特嘅口感同味道。而且，佢嘅醬汁非常清爽，可以進一步提升蔬菜嘅味道，令整個菜式更加美味。

早排睇到網上一篇文章，大約意思係"以為已執粒但仍然營業嘅餐廳"!，其中一間餐廳就係扒王之扒，因工作關係，近排經常要落新填地，經過山東街，見到大大個中文書法字嘅扒王之王招牌已經有親切感，再加上係香港風味嘅霓虹光管招牌，回覆返哂嚟啦!餐廳唔係開咗好耐，都係四個月貨仔，不過點都要支持吓啦!上到去，見到條長長樓梯指住要上二樓，嚇死我以為無電梯!我點咗份美國頂級安格斯有骨肉眼，女友小熊點咗頂級西冷，兩份都係7成熟，都係黑椒汁.優點:1, 待應問我地鐵板上定碟上，當然鐵板上，鐵板發出獨有咋咋聲，鐵板夠熱唔係凍冰冰.2, 紅白餐湯雖然質感比較水，但味道唔算淡，合格啦!3, 伴碟用上粟米粒，雖然唔係用上我愛嘅三色豆 (依家D三色豆質素愈來愈差囉!) 但總好過俾半個蕃茄 or 西蘭花 or 椰菜.4, 有D扒房，件扒又醃過，汁又味濃，結果一併埋就過鹹，但今次幫襯扒王之王，兩件扒都無醃過，黑椒汁味道適中唔會過鹹而且惹味.5, 有D餐廳幫你淋D汁上鐵板，但我中意切完件牛扒先上D汁上，扒王之王係後者，夾自己習慣.6, 頂級西冷肉質鬆軟，讚!7, 雖然只係開咗幾個月，但D待應好熟手，服務態度不差.8, 價錢唔係

選址有點問題？但是都去了試食，祇是大廈入口和都比較舊，但舖內裝飾給人感覺舒服，地方大和座位比較多。至於食物質素都唔錯，牛扒OK，但就魚扒比較多骨，上餐時間正常。

「扒王之王」呢個朵簡直係香港人嘅集體回憶，今日特登來試一試呢間新開張嘅老牌餐廳。V.12 美國頂級安格斯西冷牛扒餐 ($148) 見佢寫開張致慶驚喜價，又限量每日30份，今日晚餐時段來都仲有quota剩，就試試佢港式牛扒🥩，識食一定係鐵板上配黑椒汁。個汁可以選擇佢幫我淋，或者我自己淋。經理提示我哋舉起紙巾，然後佢幫我淋，太好了我揀咗7成熟，佢嘅生熟度整得好適中。薯菜方面，薯仔係幼薯條，吸咗黑椒汁就好食咗，不過略嫌有啲炸得太燶。睇餐牌介紹，薯條係用白色嘅真牛油來炸，成本比較成高。配菜就得少少粟米，有啲頹。羅宋湯中規中矩合格，唔會係好稀好淡嗰隻。煙火雞沙律都幾難食。啲沙律菜唔係好爽口，應該擺咗好耐。個沙律汁好似豉油味，好奇怪。啲煙火雞肉好濃防腐劑味。今日上來呢度嘅經歷都幾令我印象深刻，首先係上來呢間餐廳一係要搭一部好窄嘅古舊lift，一係就要行樓梯經過一間夜總會上來，餐廳嘅上下層都是娛樂場所。第二係餐廳嘅裝潢同傢俬都好新淨，但餐具就頗為殘舊及款式唔同，懷疑係二手餐具。隻湯羹嘅柄特別短，第一次用咁短柄嘅西湯羹。同一張檯每個人把餐刀嘅形狀都唔同。食緊途中有隻烏蠅飛來飛去好騷擾，同埋見到有隻小強

#旺角美食 又點估到呢度原來係…朋友話帶我哋食扒 然後一去到見到桑拿招牌 不禁懷疑朋友係想帶我哋食咩扒🧐但抱住人與人之間應有嘅信任 我哋都照跟佢入去原來佢係帶我哋食重開嘅 #扒王之王 上到去又一個驚喜 餐廳同想像中嘅舊式餐廳裝修唔同 風格偏向新式西餐廳 個侍應叔叔重特登放低盞燈喺枱增添情調🧑‍🤝‍🧑我哋嗌咗一日限售30份嘅鐵板 #西冷牛扒 連餐湯沙律餐飲都係HK$148 幾划算一切開果然好鬆淋 係五成熟應有嘅肉質👍最欣賞佢嘅薯條係幼薯🍟不過朋友就覺得啲肉似係加咗梳打粉嘅效果🤨但以呢個價錢重拾 #香港 #集體回憶 都不錯 而且亦都可以坐耐 適合小聚😌📍 扒王之王旺角山東街36號華美大廈A座2樓#香港美食 #香港好去處 #hkig #hkfoodie #扒房 #牛扒 #回憶 #薯條 #旺角美食推介