影片
以上资料只供参考，请与餐厅确认详情
好耐冇食铁板牛扒，经过见到扒王之王，就入去怀念一下。见到餐牌，全部都系铁板套餐，有什扒，西冷牛扒，封门牛柳，羊扒和猪扒等等。拣来拣去，决定叫牛柳拼比目鱼，铁板上，薯菜、黑椒汁、红汤。罗宋汤味浓多料，沙律都新鲜爽口。铁板上台后，系自己淋黑椒汁的，叫了五成熟，切开应该有八成熟。牛柳好淋，比目鱼都滑，有黑椒汁的粟米好好味，但薯条太幼身，炸到干晒，感觉麻麻，索了黑椒汁后又可以接受。整体都可以，服务又不错。
继续阅读
见到有呢个美国珍宝牛柳同埋另外一款肉眼扒，咁就问侍应有咩分别啦？佢嘅答案系唔同部位啰。多谢晒我梗系知唔同个位啦。咁我就拣咗美国珍宝牛柳。之后佢问几成熟，我就话三成啦，佢话多筋三成会韧。好啦咁叫5成啦唯有。之后见到有薯蓉焗田螺谂住试埋啦。咁啲食物究竟系咩质素呢？首先𠮶个汤，淡淡地咁冇乜特别。等咗好耐终于有个薯蓉焗田螺出嚟啦，点知啲田螺好咸啲薯蓉焗到死晒硬掘掘。啲薯蓉仲有啲腥味添。主菜牛扒嚟啦，咁个汁要自己倒落去。我就好期待到落去嘅渣渣声。点知倒落去一啲声都冇，块板唔热。块牛扒有牛味嘅。
继续阅读
最近去了一趟旺角的扒王之王，食物虽然不算特别好，但也不至于差。自称“王中之王”似乎有点夸张，让人忍不住想笑。点了两个套餐，虽然送了两杯红酒，但我和女儿都不喝，所以没要。不过，值得一提的是，侍应的服务态度非常亲切诚恳，这在如今已经不多见了。餐厅的环境也相当舒适，让人感到放松。然而，旺角区的晚饭时间却只有三至四桌客人，让人感到有些心酸。最后，我们的两套餐加上一份焗田螺，总共四百四十元，整体来说还算满意，至少用餐过程中没有受到困扰。希望这家店能够吸引更多客人，因为服务和环境都值得好好珍惜。
继续阅读
第一次黎食扒，都系第一次用碟食。坐低落单，嗌完餐，拣埋咩汁，冇覆单就咁行走左后黎出餐先发觉系用碟出，并唔系铁板出。食到一半已经keep唔到原本嘅热度。以为系餐厅唔会用铁板，亦都唔会问碟出定系铁板出，点知…餐厅开始多人，同一个侍应系隔离台落单，明明嗌嘅嘢一样，点解个侍应会问埋人地系碟出定系铁板出？？？今时今日咁样做扒餐厅侍应，最基本问呢个问题都做唔到！细节真系决定成败。希望其他人都唔会遇到呢个情况出现下次唔会再去：）
继续阅读
今日一支公系MK食晏，行过见到扒王之王就走咗入去试下。 我哋依个年纪嘅人，可以话系睇住佢大睇住佢坏少年时代由经常去食变成唔多去食。 今日入去都系抱住一个怀旧嘅心态，本身都冇乜期望。一入去见到环境舒适，座位宽敞，唔会逼夹夹，洗手间亦整齐清洁。员工都系一班中年人士，但系手脚爽快亦非常好礼貌。 尤其系两位经理，中气同干劲都系十足。餐牌款式非常多，有啲花多眼乱嘅感觉最后叫咗铁板蒜蓉牛扒，配意粉加餐饮同餐汤。白汤味道正常，有好多粟米粒 牛扒唔会好似出边咁俾松肉粉乸到腍晒同埋冇肉味。意粉同热华田正常水平。份量绝对足够一个大男人食以咁嘅价钱（HKD 69+10%)食到咁嘅食物质素同埋环境&服务, 绝对冇投诉。将来如果嚟开依边，绝对可以再食。亦希望佢哋俾心机越做越好
继续阅读
您可能会有兴趣的...