影片
上网睇过好多次朋友介绍，今晚终于都可以夹到时间黎试下，《才哥虾面》，你如果以为佢净系卖虾面就错喇🤣，有海南鸡饭，有捞面，有羊肉汤，有牛展汤，好多选择。今晚唔算太肚饿，叫左个招牌《多虾汤面》，一上枱，哇！就咁睇都有6个虾头同6只虾，虾头啜落去仲有鲜味同精华，虾身肉又爽又弹牙，好新鲜既虾，最紧要系己经剥埋壳，唔使食到只手污糟哂👍🏻👍🏻👍🏻，汤底鲜甜又浓郁，个面底可以拣米粉同手打面，我叫左手打面，个面好夹个汤，非常出色❤️，难怪系招牌菜💕💕 朋友叫左个《牛三宝捞面》，唔讲都冇留意，佢个牛三宝冇牛腩，系牛利，牛肚同牛筋🤣，牛利系厚身长方形既，咬落去都几好口感，牛肚同牛筋都炆得岩岩好，又入味又够淋，唔会有阵骚味，👍🏻唔错唔错小食叫左厚切牛利，我一个人食下食下就食清哂😂🤦🏻♀️另外叫左个玻璃尤鱼通菜，啲尤鱼够爽口弹牙，份量好似睇落细细碟，食起上黎都几多咁野饮方面叫左一杯冻蜜糖吉仔水同西洋菜蜜，消热解渴😜😜夜晚唔系太饿，黎食个面加个小食，饮杯野都系唔错既选择👍🏻
继续阅读
和女性友人一齐揾食，发现呢间喺七点左右嘅时间居然无人，开头都心谂会唔会系伏，但因为赶时间所以都入咗去食。坐低后两个人都系叫咗个招牌虾面，面系店家声称嘅手打面。大概等咗十分钟后就有得食咯，有两只虾，几块鱼片，豆泡等配料，而个汤底一饮，原来几鲜甜啊，又唔辣，因为我本身唔食得辣嘅，所以觉得碗面系好食嘅。而手打面食落去有咬口，唔错。 虾就正正常常系新鲜啦。另外仲有芫荽同埋一两条菠菜，正常而唔会过熟。五十八元食一碗几大碗嘅面，抵食。只系座位系比较窄。
继续阅读
商场的连销店已经食到好闷呀😅😅大角咀都有唔少人细小店，这间 才哥虾面 年头开始一路想试都未有机会，听日就嚟试吓拉😀😀餐牌上系主要都系星马美食，虾汤米，虾汤面，海南鸡饭应该系这家店的招牌菜吧😋叫咗虾汤米粉，吸晒汤的鲜虾精华，米粉特别好味，而且配料好多，虾肉爽口弹牙，睇得出用心制作😎😎还有炖汤呢！清炖牛𦟌汤牛𦟌一咬落去肉质系好淋，汤很清甜，住家汤的味道，系连汤料都清晒😂😂听闻老板兼大厨主理，真正做到用心制作，绝对有下次👍😆😆
继续阅读
下就5点几钟经过，见肚饿就入左去啦。虽然店面唔大，但系装修都几干净同埋几特别~系行工厂风架招牌去骨鸡饭$58呢个set既价钱包括左去骨鸡、油饭同埋中汤，而且份量唔少，真系好抵!鸡肉嫩滑可口，而且唔会皮同肉一夹起就分开~超正!椰子汤米线$58椰子鸡汤好足料，好多旧鸡系碗汤到，而且汤系另上既!好细心，汤同面分开就唔会怕浸到太淋啦！而且汤好有椰子味，加上鸡既油香，更加令人回味。玻璃鱿鱼通菜 $30鱿鱼既份量好多，仲要件件都大大块，又烟韧，真系冇得弹!
继续阅读
大角咀角祥街食肆林立昨日全港交通非常混乱，街道上较平日少人但这间虾面人流比旁边的多，与朋友决心一试 店内的座位不多，但装修算新簇比较多的客人是街坊装扮玻璃鱿鱼通菜 - $30通菜鲜嫩、鱿鱼爽口鲜味、酱料惹味厚切牛利小食 - $38份量多，厚切的牛脷意外的软绵绵，入口即溶沙姜手撕鸡小食 - $30沙姜粉腌过的鸡肉很入味加上香脆的青瓜，配合沙姜粉及芝麻酱，非常不错的冷盘爽滑猪颈肉 - $24香茅味浓、份量多口感爽口，底部有几片豆卜吸收酱汁多虾浓汤面(米粉) - $72虾汤的浓郁程度媲美日式的拉面沾面大概五只大虾剪了头和去了外壳米粉更能吸收汤汁多虾浓汤面(手打面) - $72这是朋友吃的，跟我一样，只是面底不同清炖牛展汤 - $58汤的颜色非常清晰，非常浓郁的牛肉味有五大件牛腱，炖得入口即溶豆浆 - $8是用鸿福牌出产的豆浆包装非常卫生，豆味浓郁 总括而言，小店的食物认真价廉物美，特别是在虾方面，给了我意外的惊喜，难怪看到外国人也懂得来光顾
继续阅读