才哥蝦麵 (已結業)

和女性友人一齊搵食，發現呢間喺七點左右嘅時間居然無人，開頭都心諗會唔會係伏，但因為趕時間所以都入咗去食。坐低後兩個人都係叫咗個招牌蝦麵，麵係店家聲稱嘅手打麵。大概等咗十分鐘後就有得食咯，有兩隻蝦，幾塊魚片，豆泡等配料，而個湯底一飲，原來幾鮮甜啊，又唔辣，因為我本身唔食得辣嘅，所以覺得碗麵係好食嘅。而手打麵食落去有咬口，唔錯。 蝦就正正常常係新鮮啦。另外仲有芫荽同埋一兩條菠菜，正常而唔會過熟。五十八元食一碗幾大碗嘅麵，抵食。只係座位係比較窄。