手造甜品(滿記) (已結業)

芒果累糯米好難食, 又杰囉...芒果布甸天加冇驚喜!!我諗我以後都唔去食了!

去開尖沙咀,突然想黎個掃街行動,主題係...甜品!咁岩見到新港下面有滿記,諗住試下係咪真係咁特別...我叫左個凍既湯圓+腐竹白果薏米糖水,結果...都係媽咪煮既好食d^_^!湯圓太厚皮,咬極都唔開,腐竹味好香,白果就好似唔駛錢咁,成8,9粒,但我想搵粒薏米都好難!好似其他食家咁話,大家去食都係為個名姐,唉,但確實唔係真係好特別,價錢又貴dd,都唔算抵食架喇!

芒果Pancake 普通, 未食過西貢果間, 但呢間冇我想像中咁正囉!反而楊枝金露, 都OK, 不過$20 就貴左D 囉!

食左佢個白雪黑珍珠$24. 係一種好似西米o既生果種子o既糖水. 糖水裡面加左好多什果, 糖水加左呍 呢拿汁, 唔係好甜, 好清涼, 好味!

我上個星期六(28/8)同d朋友食完飯因為想食滿記既榴槤pancake所以專登過黎食點知令我有d失望d cream冇錯係好似西貢o個間咁滑但係d榴槤肉就好似硬左少少(不過唔知係咪同唔當造有關)真係令我有少少失望不過不得不認同係比起發記既榴槤pancake仍然係好d

經常在尖沙咀新港中心,遊戲機店流連的我,下一層FOOD FOURT的食物,不是每間也試過,但起碼五間或以上曾光顧,這間也不例外,但並不是每款甜品也都品嘗過,只試過下列數款......榴槤班戟:綠色皮的外層,已令我有點卻步,不過基於愛好榴槤,姑且一試,嘩,好後悔叫左呢個,因為個D忌廉,多都死呀,雖然入面有榴槤肉,但完全比D忌廉掩蓋晒,都唔知我係叩榴槤班戟定係忌廉班戟囉~~榴槤布甸:呢個比起班戟好好多,面層既布甸好滑,底層又有絲絲榴肉,雖然唔係好多,但都OK既~~楊枝金露:呢個都幾足料,不過有一個致命傷,就係唔夠凍喇,大佬呀,我而家係要凍既楊枝金露,唔係要暖喎~~,你比碗個味道咁曖昧既野我,仲要收我廿四蚊,係咪過份左少少呢!!紅豆沙豆腐花:雖然兩者都做得唔錯,豆花夠滑,而紅豆沙都做得幾好,不過,又係出現同上款出現同一問題,要凍的不夠凍,要熱的,又是不夠熱,唔係幾好咁囉~~此店的總部,應該是西貢的滿記吧,雖然從未踏足,不過觀乎它的食評,似乎比分店好幾倍喎~~希望各分店,可以加把勁改善食品我質素與溫度,不要損害總店的口啤啊!!某日行經旺角,看見它有獨立分店,而且有個榴槤特區,有個叫做榴槤忘返,

佢個榴槤布甸cream太多,榴槤又少,同西貢啖啖榴槤差得遠,楊枝金露同一般糖水店差不多,人地賣$18,佢賣$24太貴啦, 真係唔抵,我唔會再去

我都食過佢個芒果豆腐花, 都覺得唔掂, 只不過將d芒果打成蓉, 再配d好普通o既豆腐花. 唔值廿幾蚊!

今晚0係呢度食甜品,試0左個芒果豆腐花,同榴槤pancake.前者23蚊,後者19蚊.個芒果豆腐花極唔得,d豆腐同百福豆腐花係冇分別,有分別的話只在於佢貴好多!!!一d都唔抵!!!23蚊食百福... 口2榴槤pancake就ok啦,但都唔值19蚊囉,d榴槤唔知加0左d咩去撈,有d爽爽地,個cream就几好味,好似有小小焦糖味咁,塊皮綠色就几恐怖... 個pancake好食過個豆腐花,但2樣都唔抵食...我唔會再試

下下平均要廿五元一個甜品.真係幾好賺~!!

今晚o黎食o左芝麻糊($15)同楊枝甘露($24)；老實講，芝麻糊滑得o黎唔夠香，楊枝甘露太杰，收得人咁o既價錢其實真係唔多值~~或者有人好喜歡呢度D班戟；但好可惜，小妹唔多識欣賞。呢度用o既食具都幾fancy；環境方面，雖然嚮foodcourt裏面，但坐得幾舒服，也總比西貢店來得寬倘。

Hi, 各位姊妹們,昨天7月7日下午食完lunch, 同Stella 行開中環娛樂行一樓見到間新開張食店, 原來係西貢滿記既手造甜品第四間分店, 真係好啦! 於是入去試下, 食左份芒果Pancake 同飲左杯Perrier 荔枝冰. Pancake 多肉皮簿. 荔枝冰清涼透心!!! 重同靚事頭婆方太傾計. 佢話今次係中環甲級office 大堂開既新店同尖沙咀新港中心, 海港城或銅鑼灣時代廣場既分店有D唔同, 除左有堂食同Take-away 外, 重做Delivery Service 照顧D 坐係中環offices 歎冷氣既O.L.姊妹同fans. 老闆娘仲話下星期開始重提供各式各樣三文治同沙拉,直情fit 晒我地健美一族啦!!!得閒快D去試下啦! Website: www.honeymoon-dessert.com 或www.handmade-dessert.com。中環娛樂行一樓(Tel: 2868-9799, Fax: 2868-3990)