手卷駅

营业中

休息中

想食壽司，又驚貴，又驚唔新鮮?咁你就一定要試吓手卷駅啦🍣位於旺角中心美食區～非常方便👍🏻店舖有提供免費酒精搓手液非常細心🥰我同朋友一人叫咗一個手卷我叫咗火焰三文魚手卷🐟而佢叫嘅軟殼蟹手卷🦀兩個手卷嘅味度同溫度都掌握得好好～凍冰冰嘅壽司飯同時都保留倒軟殼蟹同火焰三文魚嘅溫度十分推介😍👍🏻食完之後可以喺附近嘅小食店繼續食😊如果下一次我喺旺角附近嘅話我一定會再嚟🤩

黃金軟殼蟹手卷💛 $28呢間手卷應該唔少人食過🤤 小編就最愛佢既軟殼蟹手卷 脆卜卜 啖啖肉 仲有少少蟹黃😍 舊飯亦都暖暖地 加埋沙律醬好惹味好幸福😇 仲有芝士乜乜卷同玉子燒都好好食!!😋

依家食壽司嘅選擇真係少之又少再加上係旺角呢一區想食到平價又新鮮嘅壽司更加難上加難因為喺旺中覓食，發現咗好多人排隊嘅呢一間手卷店就即管一試店內選擇好多，主打做年青人生意價錢亦合理去到旺角中心當然係掃街，所以今次都係試咗四件三文魚壽司+1個帶子手卷出奇地好食，雖然要企喺度食而且店內亦都好多人，但老實講我冇諗過喺旺角中心搵到一間咁高質嘅壽司店！事隔兩日我忍唔住又再去食今次再試埋佢嘅火焰三文魚同鰻魚芝士卷，非常好味再配埋唇茶真係無得輸

最近好中意食壽司，但又唔食得元氣為左支持黃色經濟圈，當然要拒絕藍店支持黃色小店！呢間小店貼左好多不同既文宣，當然要懲罰下佢！今次一個人叫左個厚燒玉子，燒左口魚手卷。個厚燒玉子真係好厚，中間仲夾左少少飯，面頭配上特製醬汁，簡直想食完一啖再一啖，叫得一件都唔係好夠😂再黎就係燒左口魚手卷，望落去十分足料，應該有4塊左口魚，$26有咁多件左口魚的確抵食！食落口油脂味十足，當然同日本既冇得比，但呢個價錢我絕對收貨🤣🤣

係旺中行街真係會街到肚仔餓，今次想食個early & light dinner ! 所以就選擇左「手卷駅」既吉列蠔卷喇😄依到主打shushi同手卷，價錢都只係$20-30，但即叫即整，十分用心喔❤️❤️等左5-10 分鐘左右，吉列蠔卷就出現係我手上喇！摸上手隔住膠盒都feel到熱辣辣，入面既蠔有適當份量既炸粉 又有蠔味，千島醬，飯既份量亦係大大件，一拎上手就覺得好抵食了😊😊😊店員都係後生仔女，有少量企位享用美食，唔錯喔😍👍🏻

呢間良心小店真係超驚喜同男朋友一齊叫咗紫芋薯餅、芝士三文魚同芝士蟹棒手卷個薯餅係超好食！直頭可以話係我食過嘅數一數二我哋掛住食，連相都唔記得咗影好多時食手卷啲紫菜都好易淋但呢間係少見地又脆又好食應該係保存食材有道下次嚟旺角一定會再食

今日岀旺角買電話卡 因為趕時間 所以求其係旺中諗住買個小食當午餐牆上既Menu已經附有相旁邊有個位可以企係到食 仲有醬汁可以俾你自己落吉列蝦卷 ($20)實物同相中既都差不多 睇落都幾吸引 不過食落就好一般 塊紫菜好硬 好難咬 炸蝦d炸粉就已經佔左一半以上 無乜肉食 不過就勝在熱辣辣

大食會唔食生嘢, 但卻偏偏超級鍾意食海膽。 次次去壽司店一定會嗌海膽類嘅嘢食。 無論係生嘅焗嘅炒嘅, 大食妹都食過, 可以話係半個海膽專家。<海膽手卷$50> (好味: 4.5/5) (抵食: 4/5)作為一個好嘅海膽最緊要係鮮甜、無苦澀, 手捲駅嘅海膽手捲正好符合呢兩個條件, 令大食妹一試難忘。食完一次再食一次, 而家大食妹已經係佢半個熟客仔。手捲駅嘅海膽有少少冰冰哋, 雖然手捲嘅份量唔係好大, 但係啖啖都食到海膽肉。推薦海膽控入坑

自從朋友介紹食左一次兩個月內已經食左3 4次係專登去食不是順便哦第一次去心諗 旺中小店壽司有幾好食呀朋友勁誇張話好食又抵食間唔中仲會心思思想去食而家的我終於明白 真係好好食呀天呀芝士鰻魚卷 ($26/4件) 已成為我的最愛❤️鰻魚加了芝士好夾好出 加上鰻魚汁還有綿綿的米飯 成件事好和諧！芝士吉列蝦卷都唔錯大蝦炸得很惹味 好濃的蛋黃醬再炙一下飯粒唔知點解咁好味試一次會愛上的！雖然細細件 不過呢個好飽肚女仔建議兩人share吃吧仲有至愛的炙燒左口魚裙邊 ($11/1件)呢個係因為本身做法好吃但起碼唔哂下下要去連鎖的元x壽司度食嘛如果再厚切小小就perfect

每次經過旺角中心呢邊行街都一定會行呢個商場，點解？就係因為呢間手卷鋪頭！以前呢到都無固定一個位置有賣野食，幾年前終於有啦！細細地一間即叫即整既壽司同手卷，無坐位得企位，豉油wasabi豉油沙律醬仲有枝唔知咩醬都係任你落，總之就超級好味，今日同啊媽買左我最中意既火炙芝士吉列蝦卷同埋吉列蠔卷，飯同料既比例非常好，而且面個層火炙芝士沙律醬既份量都好足，食落口非常creamy, 感受到濃郁既吉列層配合埋醬個種油膩感，簡直perfect! 至於蠔卷單配少量醬同豉油已經好夠味，大力推介經過一定買！😋😋😋😋

旺角中心呢幾年多左好多小食店因為係旺角附近返工所以都食過幾次手卷駅勝在價錢唔貴 質素都隱定三文魚反卷最平推薦 三文魚都算肥美CP值最高!油甘魚手卷要$30平時出街無特別叫油甘魚之前見到貼左個牌出黎於是就試下 原來油甘魚好好食所以今次再叫多一次佢地d手卷見到師父係由底包魚生我個人幾中意呢個做法雖然面頭咁樣望落無咁大堆頭但一直食到落尾都有魚生不過今次食好似d飯小左細舊左不過整體上仍然係算抵食既見另外有個午餐set 都好抵不過我就未試過

自從離開左中學已經好少去旺中、新之城呢啲地方係最近朋友係呢度開左間舖先有機會再次踏足旺中黎探佢之餘順便食下嘢《鰻魚手卷》好足料，啲鰻魚塞到滿一滿，由頭到尾都食到鰻魚飯同鰻魚比例岩岩好《芝士吉列蝦卷》可能本身個人中意食炸蝦，所以只要有炸蝦就咩都好味《厚燒玉子》好好好味！啲蛋熟得岩岩好唔會過老！大家經過都可以去試下呀

次次去旺中行街，朋友都一定會幫襯呢間手卷店😂次次見佢食到咁滋味，自己都忍唔住又同佢一齊試下🤣👉🏿✨芝士玉子燒 Hkd 15 💸📌對於玉子燒仲買緊15蚊，真心算平架啦！係其他地方，買到三四十蚊都會有人幫襯🌚佢呢個玉子燒係勁full勁滿足，入口蛋味香濃！加埋啲芝士同沙律醬一齊食，都好邪惡下架🤩最正既係入面居然會有飯粒係到，軟綿綿咁，超好食呢！😋👉🏿✨吉列蝦卷 Hkd 24 💸📌呢款同樣都係有芝士係面，炸蝦外脆內軟，蝦肉又彈牙，一嚿放晒入口就最正😍價錢又平又食到好西，真心ok😊

係旺角行街行到累，唔想食太飽就黎左旺中醫肚火炙芝士吉列蝦卷吉列蝦應該係一早炸好的，每份應該只係用一隻炸蝦，所以只有中間兩件卷先有多d蝦食到，頭尾兩個卷都係得d炸粉。收到order後店員係卷物上面鋪上芝士再用火槍燒一燒就完成，所以好快有得食！件件蝦捲都好豐富既材料，睇到已經流曬口水每啖都食到炸蝦、醬汁、芝士！好滿足！味道好夾，熱辣辣！雖然只係平價卷，但都用上珍珠米，而且起碼有兩種芝士，醬汁酸酸甜甜，中和了炸蝦和芝士的油膩感！

經過旺角中心，肚有啲餓，要食翻啲熱辣辣既野食暖下肚😈係二樓既手卷駅買左佢地😍😍😍 1️⃣火炙芝士吉烈蝦卷🍤🍣$24熱辣辣脆脆地既蝦肉，加埋火炙芝士🧀同醬，香到🤤🤤🤤每啖都好滿足！秒清！😂2️⃣芝士玉子燒😍🧀$15又係火炙芝士系列🧀🧀🧀喱舊秒清唔到，太熱😂未食已經聞到雞蛋香十足🤤食指大動🤩裡面包住左啲飯，唔會似普通玉子燒得蛋咁空虛😌依家天氣咁凍，好想無限encore食佢啊🔥