手卷駅

繼續旺中掃街之旅🫶🏻，旺中愈開愈多食店，啲人大部份嚟食野多過行街🤣，今次就試咗幾間人氣店🤓❣️吉列蝦卷 $22吉列蝦卷有4件，味道不過不失，飯有啲鬆散，吉列蝦炸咗一段時間，試過便好了🥸🍽️ 手卷駅 旺角彌敦道688號旺角中心第一座2樓SA30A號舖…查看更多

位於旺角中心嘅一間手卷店，係小熊貓鍾愛嘅食堂之一 🦀 軟殼蟹手卷 $33即炸嘅軟殼蟹十分酥脆，而且好足料，食到中間會食到蟹黃，而且食到尾都仲有蟹肉👍🏼🐟 吞拿魚手卷 $30呢個一樣好足料，上面鋪滿晒吞拿魚蓉，又係食到底都仲有吞拿魚蓉😍 由於新鮮製作嘅關係，紫菜仲係好脆㗎🦪 吉列蠔卷 $27中間係吉列炸蠔，然後有壽司飯包住做卷物～ 每一嚿小手卷都食到蠔肉，抵食之選😋小熊貓試過買外賣返屋企食，然後發覺店舖十分細心。手卷嘅紫菜會另外包裝，所以顧客可以食之前先包上新鮮嘅紫菜，保持脆口👍🏼…查看更多

每次經過旺中都一定會食嘅舖頭！！🥚🥚個人認為必食嘅一定係佢哋嘅厚燒玉子，玉子燒入面包咗啲飯，冇咁單調，玉子燒上面啲醬真係同啲蛋好夾，忍唔住食完一啖又一啖。而且玉子燒每次食都係熱辣辣🥰蛋身又好淋，真係我食過最好食嘅玉子燒，十令蚊就買到快樂。🍣另外覺得佢啲三文魚腩都不錯，舊魚俾得幾厚，都算大舊，重點價錢真係唔貴，好值得一試。之前都食過佢其他壽司，覺得玉子燒一定係必食，但好似唔多人特別讚佢玉子燒出色。…查看更多

旺中掃街之選一定有呢間手卷on list💙💙時關佢真係好抵食又好食🩵炙燒左口魚手卷🩵吉烈蝦卷🩵炙燒左口魚手卷 $30既質素真係抵到爛 好食過壽司郎呀手卷上面有四塊左口魚💙火炙完之後油亮油亮一啖咬落去既時候啲油脂係個口到爆發 啲魚油包住啖飯係超級正 食到第三啖差唔多食完上面啲左口魚有啲sad 點知啲油脂流到去直到手卷食完都仲係個口度真係超級無敵滿足🩵吉烈蝦卷呢個相比係左口魚手卷無咁驚艷 但都係好食之選因為佢上面有明太子醬同仲係有溫度既吉烈蝦🦐店面乾淨企理 吱醬油既時候都感受到店家既用心…查看更多

基本上每次來旺角中心都一定會嚟食手卷駅嘅👇🏻芝士吉列蝦卷$27🤤因為佢比嘅芝士唔會手軟芝士味加埋沙律醬嘅味道都唔會太漏🤤🤤而且佢係用即叫即炸嘅炸蝦整過蝦卷俾你每次嗌都係熱辣辣嘅🤤同埋食得出佢係用真正日本米整嘅！佢嘅飯粒食落飽滿圓潤食落粒粒分明添🤤食落飽肚唔漏💛而且側面會有豉油芥末豉油俾你自己加想落幾多豉油由自己控制😆間嘢喺旺角中心開咗咁耐但質素都冇下降過👍🏻非常建議大家嚟旺角中心可以試吓佢😆…查看更多

收工返屋企前又好，weekend行行下街又好，餐與餐之間成日都有種徘徊飽與餓之間嘅感覺，如果想有適量碳水攝入，唔想食邪惡小食，壽司可以話係perfect池嘅選擇。今日就講下旺中我成日食嘅「抵食小件」小店 - 壽司駅。今次我叫左三文魚小卷（$20），貪佢平得嚟又唔會太多，仲要有三文魚，可以話係頂胃夾抵。啱哂我呢啲一入屋企門口就食飯嘅人。服務方面，由於我買果陣唔係繁忙時間，店家嘅出菜速度可以話係快過澳牛😂係我比完錢嘅同時已經有得食，亦有基本禮貌👍食物質素方面，三文魚算新鮮，唔會似橡筋。亦唔會細粒到好似某連鎖店嘅小卷咁，得指甲咁大🙄總括嚟講，抵。鋪頭門口設有一張枱仔放左各種醬料比顧客自行添加。我加左辣豉油，但唔算辣，照顧返唔太食得辣又想過癮嘅朋友。食完就記得垃圾放入垃圾桶啦。…查看更多

呢間壽司其實食過好多次，喺旺中立食區，有時行行吓街口痕一定係食佢！其實佢應該係手卷出名啲，但係我每次都係食佢哋啲壽司，每次都一定會嗌海膽壽司，其實質素一啲都唔差嫁！…查看更多

呢間位於旺角中心嘅日本壽司外賣店真係好正！除咗有多種壽司以外，仲有炸物、手卷、刺身等多款選擇。呢間餐廳嘅名字叫做手卷駅，真係一個好啱哂嘅名字。今次我試咗佢地嘅吉列蝦芝士反卷，真係好好味，反卷嘅吉列蝦銜着芝士同沙律醬味道好香濃，再加上鮮甜嘅蝦，真係一絕！而且店員嘅服務都好好，好有禮貌又好快捷！而且除咗旺中入面嘅立食區，呢間店仲有一個站立區可以用餐，好方便快捷。如果你唔想揾位坐低慢慢食，就可以選擇喺站立區食，真係好貼心。總括而言，呢間日本壽司店真係好好味，食物都好新鮮，服務又好好，如果你鍾意日本壽司，一定要嚟呢間手卷駅試下佢地嘅食物！…查看更多

旺中而家有立食區，呢個area更多人。不過都好，可以放低食物食唔洗咁狼狽。去開旺中又點可以唔幫襯呢間壽司外賣店呢？呢間嘅芝士吉列蝦卷🍤係我同我女友嘅至愛嘢食出得好快睇相都見到芝士好多好足料又燒得靚！每次經過都會叫呢樣！會繼續無限️♾encore！…查看更多

第一次試呢間旺中人氣掃街壽司，有多款壽司、手卷、刺身，我哋叫左芝士蟹籽手卷、火炙比目魚壽司、火炙三文魚腩壽司，好多人排緊、現場有一張立食枱：1. 芝士蟹籽手卷餸量算多，食到手圈好底部都有仲有芝士蟹籽，紫菜好脆但唔夠香，壽司飯比較淡⋯ 不過$14嘅質素，還好吧2. 火炙比目魚壽司($11)、火炙三文魚腩壽司($12)火炙比目魚壽司 - 比目魚好細塊、壽司飯好大舊⋯ 雖然好滑、火炙味好香，不過不失；火炙三文魚腩壽司 - 三文魚腩好大塊好甜！超抵食，夠新鮮，好好味大推！…查看更多

嚟到旺中，必食手卷！只少食兩份先夠喉！第一樣必食嘅係灸燒蟹柳手卷。上面有滿滿芝士，再加蟹柳！好好食！再加多個螺肉手卷，佢嘅螺肉，係海量級多！真係一啖就會漏哂出嚟！真係唔講得少！其次我會食埋芝士吉列蝦卷！佢嘅芝士滿滿，再燒一燒，好香！吉列蝦勁脆口，唔係擺耐咗翻炸蝦嚟，所以一啖一滿足！真係要試.…查看更多

去旺中點少得炙燒壽司? 今次試呢間個人覺得唔單止旺中第一嘅壽司店, 仲可以砌低好多所謂日本餐廳!!到門口已經聞到鮮味, 見佢成間店淨係專賣刺身類嘅嘢, 食物連埋炙燒都係即叫即做, 就知道佢哋對自己嘅出品有要求。$27 海膽壽司: 💛💛💛💛💛抱住 "27 蚊食到海膽仲想點啊" 嘅心態去試。點知不得了, 超新鮮超 creamy, 有鮮甜味, 完全冇腥味!! 難怪 menu 都有 recommend👍$12 炙燒三文魚腩壽司: 💛💛💛💛唔知食咩嘅話點佢就實冇死~ 鮮甜, 厚肉, 加上炙燒後帶出獨有嘅油脂香味, 冇得頂!$17 炙燒鮮帶子: 💛💛💛💛都係即叫即燒一定好食架啦。俾我嗰陣熱辣辣, 帶子表面 + 層醬燒得好香。因為夠厚, 同下面層鮮甜嘅肉做到溫度同味道嘅對比, 正!今次冇嗌太多嘢, 因為旺中仲有其他非常值得支持嘅小店, 費事食太飽!…查看更多

原隻軟殼蟹手卷 $30每次食呢個軟殼蟹手卷都覺得好幸福🦀出面嘅軟殼蟹手卷一係就唔夠醬 一係就粒蟹細細粒食到中間得番啲飯🤢而呢度嘅軟殼蟹手卷完全冇呢啲問題🍙一拎上手仲熱辣辣 紫菜係脆 加埋個醬同大大舊juicy軟殼蟹🦀行過旺中一定要試啊🌟🤩芝士吉列蝦卷 $25佢嘅炸蝦都係即叫即炸所以食落又熱又脆🦐沙律醬同芝士醬鋪滿成個炸蝦卷 燒過之後溶溶地更加香🤪大細啱啱好可以一舊放落口唔會散開🍤🍤…查看更多

✨行旺中必食壽司每個月都會黎一次旺中幫襯嘅一間外賣壽司店食咗幾年都keep住水準🤩🍣芝士鰻魚反卷（四件）$28大大嚿嘅鰻魚配大大粒嘅芝士🧀每次食完四件加杯嘢飲都好滿足😚評分:9.5/10…查看更多

分享下我有幾鍾意食手卷駅嘅野食！去呢間買嘢食一定超過50次😹因為喺附近返工～一肚餓就會買嚟E下肚😛❤️食得最多就係呢兩款～去旺中掃街值得一試‼️-🥇·《芝士吉列蝦反卷》$25最推介嘅係呢個！一份4件25蚊又抵食～食幾多次都唔會厭～❤️芝士炙燒到半溶狀態，成舊擺入口勁滿足。芝士同個醬好夾💕入面舊吉列蝦炸到好香脆。性價比高！真係好鍾意火炙芝士嘅野食🥹❤️無論係咩食物只要加芝士再燒一燒令味道升昇華10倍!!!!🥈·《火炙三文魚壽司》$8@1呢個又係好好食，不過食得多會覺得有啲漏🤣 三文魚都算新鮮，而且切得好厚，好有口感❤️呢間野無令我失望過🥹💞買過咁多次一樣咁好味，保持到水準～推介指數:9/10上面啲圖係唔同日期去食之後影低嘅每次都好好味💞（以上純粹個人意見，可作參考😛，之後會分享多啲食評出嚟～😋💕）…查看更多