影片
营业时间
今日营业
11:00 - 22:00
星期一至日
11:00 - 22:00
公众假期
11:00 - 22:00
公众假期前夕
11:00 - 22:00
以上资料只供参考，请与餐厅确认详情
寻日晏昼5点几左右去买杯茶饮，茶冇乜问题，就系有个男职员态度有D奇怪，我买杯冬瓜拿铁+仙草再要个胶袋一共$34，佢一开始冇听到我话要个袋就算了，我后面有再讲话补返，问题唔大。最神奇嘅系当时我系用Cash俾钱，俾咗$40（一张20纸币+两张10纸币），结果个男职员突然俾返其中一张10蚊纸币俾我，一开始我仲以为系有严重明显破损/污迹所以唔收，结果个职员同我讲「Err……张10蚊纸币有D假假哋……」。真系好神奇Wo呢间铺系有验钞机定系员工有超能力识得肉眼验钞？？？而且张10蚊仲系当时啱啱去完惠康买嘢找返嚟嘅钱，唔通系惠康职员俾我疑似系假钞嘅10蚊纸币？？？？如果𠮶张纸币真系假钞，我作为正常普通人冇超能力肉眼验钞真系好蚀抵啊而且按照正常逻辑，边个天才会自制/使用假钞（仲系10蚊）去买杯几廿蚊嘅奶茶，真系好Funny！喺呢间铺帮衬过好多次喇第一次遇到咁嘅情况，第一次见到有咁Pro咁称职嘅职员，值得嘉许！唔好叫功夫茶喇，改名叫功夫银行算，够Pro~
继续阅读
这是我第一次写食评。但是次经验真的十分差劣。我16:00点餐指约5分钟就取饮品，但是我等到到16:10还是未有，于是查询，男员工听到不回应，而女员工亦态度差劣表示还未有，我一直等到16:18才有。明白可能系统和实际操作时间有出入，但是员工态度上可否友善少许，不用好像我欠你钱般。虽然独市生意，但不代表态度可以差劣。再者，我点的是走甜，不知道为什么饮时像全甜一样，极怀疑员工无理会我的要求，因为我经常在不同地区饮同一杯饮料，这是我最差的一杯。
继续阅读
唔知系咪开左唔算耐呢间啲职员本身好似都唔系好熟咁一间舖起码有4个人Lunchtime 去买谂住成班同事一齐饮由买到拎 几乎成个钟因为呢中间不断冲左啲一两杯既而佢哋系唔跟单号同时间追左第一次话差两杯 好，再等等左十分钟都未有系中间既时候 后几个人已经拎左走埋再问 佢话有杯断层再冲过🙃唔追系咪等到其他人都走哂先有？味道以前佢系又平叫做抵饮，依家贵左啦不过味道就一般水果茶叫左走甜，但系都好甜，唔系生果𠮶种甜味⋯⋯另外其他，同事都话 好一般 ，茶底都唔系好出色
继续阅读
终于到星期五喇🤩！咁开心嘅日子梗系要庆祝一下啦🎉，点庆祝🥳？当然就系买杯珍珠奶茶🧋叹吓啦！今日去咗公司附近嘅葵盛东商场，喺葵盛返咗咁耐工📂，终于有珍奶舖头出现，希望佢哋可以长做长有！今日想（相对）「健康啲」💪🏽，于是叫咗黑糖波霸鲜奶🥛。黑糖味道好浓郁香甜，奶都好新鲜，质感软滑浓稠，甜度都好啱我口味。整体味道唔错，绝对值得再光顾！下次想试吓芝士奶盖四季春青茶，期待下星期五嘅来临😎！
继续阅读
某日去探一个独居嘅朋友，首先一齐喺佢楼下买饮品同嘢食🤪🤪🤪。生活艰苦😭😭😭可以饮下水果茶/珍珠奶茶真系小确幸。不嬲饮开手作功夫茶嘅益力多绿茶加仙草但今次想转下口味，拣咗百香翠玉绿茶加仙草走甜走冰。估唔到好好饮，完全超出我预期。虽然走甜，但百香果好香好清新，又有仙草，成件事超夹。唔会淡，正！再加糖可能反而太甜。不过其实我麻麻地啲翠玉🤪，下次睇下可唔可以走咗佢，口感有啲太硬。其实功夫茶真心好抵饮，$30大大杯。
继续阅读