手作之店

营业中

休息中

呢間雪糕店可以話係由細食到大，口味超多選擇，次次嚟都選擇唔同口味。今時今日呢個價錢真係冇得輸，也不能要求太多，香芋味一如既往好香，係我最鍾意嘅口味。牛奶胚芽味有驚喜，有點似好立克味

今日嚟到手作食雪糕，我揀咗筒裝，兩球雪糕。我揀咗曲奇同豆腐味，曲奇味有好多曲奇碎，好足料。豆腐味好清新，好似食緊豆腐花咁，甜甜地，好正。雪糕筒都幾脆，就算啲雪糕溶咗落去都唔會漏。

好耐無食過手作之店嘅雪糕因為無論工作定係屋企附近都無分店不過最近去咗megabox 溜冰順路就去咗食杯雪糕喇要左兩個升級大單球雪糕（即係雙球）一個牛奶麥芽味，一個阿華田味雪糕嘅質素幾好唔會好快溶，舀起嚟係黏身嘅阿華田味都幾足，不過感覺同朱古力味相似牛奶麥芽就甜甜地，麥芽味都幾香不過兩者加埋一齊食就會被濃味嘅蓋過呢款較淡味嘅雪糕下次食我都會嗌牛奶麥芽味但就會配一啲淡味啲嘅例如豆腐味一齊食喇另外店員幾有禮，服務態度幾好

食過唔少間手作，向來有保證。男朋友想食石板街，見唔到有，問店員先知原來已經冇左呢隻味-阿華田味，濃郁。荔枝味，淡而清新。-最鐘意手作加大只需要+1蚊，大大球，個筒又脆

雖然手作並唔係啲咩好高級嘅雪糕 不過我覺得佢好食過阿波羅 其中我以為兩種比係最真實最好食 - 白桃 榴槤 白兔我相信好多人都接受到 偏清新唔係太甜 女仔應該會好鍾意 榴槤就當然係鍾意食榴槤嘅人先鍾意食啦 榴槤應該裏面就冇㗎喇 不過味道超出 可以攞嚟止吓瘾先

晚飯時間路過手作之店，見到新推出阿華田雪糕，本來打算晚飯後才試，問問店員幾點關門，店員說8:45-9:00，看看時間，現在8:30了，即是要先吃雪糕再吃晚飯啦😂阿華田的產品從來都是吸引的，還記得小時候媽媽出街買餸，我們用匙羮偷偷吃一匙阿華田粉，所以後來推出阿華田機智豆也成為我最愛的零食之一😍$15小球，$19大球，加$6多一球，所以我們點了2球大的還有其他口味為表示我對阿華田的熱愛，我們2球都是阿華田味，可惜令人失望，雪糕是滑的，但阿華田味不足，比起麥當勞的阿華田味新地還差太遠了😞

放假帶三小鬼出Megabox睇戲，未夠鐘比佢哋見到呢間雪榚店，店面好細，兩個雪櫃入面企兩個店員，味道都幾多，欣賞係可以叫細球！小朋友唔會食太多都得！可以揀脆筒同紙杯，佢哋都係紙杯穩陣啲！店員小姐逐杯𢳂好再收錢！可以八達通比方便！小球$12！石板街雪榚：好濃朱古力味，因為呢盒雪榚剛剛開封，雪榚較實，果仁同棉花糖都較實，口感一般！味道唔過甜！榴槤雪榚：呢款單球價錢以外要加錢！肥髀食，不過無乜榴槤臭味！呍呢嗱雪榚：軟滑牛奶香味！呍呢嗱味唔強！ok!雪榚味道Ok, 無乜驚喜，店員有禮斯文，唔會急趕！簡單嘅味道