扇火鍋

营业中

休息中

觀塘嘅亞太中心食店林立，唔少都係放題，而我哋喺午飯時間就揀咗位於2樓嘅日式火鍋放題。喺門口㩒咗飛仔，等咗大概五分鐘就入座，兩位亦比四人座，好寬敞，我哋到達大概2點，都有七成滿客人。火鍋有套餐，60分鐘，90分鐘啱選擇。兩個人只可以揀一種鍋底，揀咗壽喜燒，不過無生雞蛋跟湯底。問咗職員最平同第二嗰種嘅分別係前者比較肥，我哋聽到後二話不說揀咗最平嗰種$129另加$20任食牛舌。雖然平不過肉嘅質素我好滿意，加單後幾分鐘就送到，唔會第一碟好之後嘅質素唔同咗，三款我哋都有叫到尾，而且飲品有啤酒類，性價比好高。醬汁配料。隔離有咖哩牛肉同飯。牛肉有啲肥，不過入口唔油膩，又嫩。餐單寫有豚梅肉，豚腩片，但再問下豬只有一款，同樣唔鞋，唔肥。加$20追加牛舌放題，好薄，有牛味，唔韌又爽口自助區：有我鐘意嘅芝士魚腐，入口軟淋。蔬菜類比較少，對我嚟講無所謂，蔬菜我只會食少量。烏冬，芋絲，拉麵，公仔麵，如果有薯粉更好。飲品類都可以，啤酒唔需要加錢。甜品有雪糕及乳酪，另有啫喱。

經常在觀塘區搵食，呢間鋪都經過好多次了，因突然想打邊邊，又甘啱經過，所以試下。老實講，真係去一次就夠了。環境是不錯的，價錢對應返相應的牛肉都尚可，但自助吧可供選擇的類型非常少，野食吾算吸引，算是不過不失吧。而令我印象最深刻的莫過於該店分秒必爭的態度:實在令人不敢恭唯！臨夠鐘前15分鐘催埋單我明白，但一夠時間，就即刻過黎執枱，連俾我地執野既時間都冇就催人走，實在令人感覺吾好，講真，都吾差在果两三分鐘吧？

放學同班同學一齊食飯，有人提議食一人一鍋，於是黎左呢間扇火鍋試下，夜晚7點已經好多人喺門口等位，等左半個鐘，終於等到，但係得一張4人枱一個鍋比我地5個大人，由於太肚餓，已經唔想等就照入去！5個大人坐都唔算好迫，係得返一個鴛鴦鍋一齊食就爭咁啲，之後見到隔離2張4人枱拍埋坐14個大人，即時覺得自己好鬆動🤣呢度肉類係任叫，叫幾多份上幾多份，蔬菜同烏冬果d就自己出去夾，我覺得選擇唔算多，還可以接受，飲品都係任飲，選擇都超多10種！食完如果仲有時間的話，可以食埋軟雪糕🍦可惜用餐時間太短同埋服務態度勁差！入座後計90分鐘其實食得幾趕下，可能之前太肚餓，一次過淥好多野，食到尾開始食得慢，侍應過黎提過一次就快夠鐘，諗住唔好浪費食物，食埋鍋入面果啲（我地已經冇再落新食物）可能係我地慢，又可能真係仲有好多未食，個侍應第二次出現，只係講左一個時間已經到，之後「直接將成個鍋拎走，冇笑容，冇講唔好意思」我地都嚇窒左，咩料？冇禮貌到咁既地步？十個嬲，呢間冇下次！

第一次嚟食呢間火鍋放題，一開始我哋最早嚟到冇人，跟住之後就已經滿晒座，仲有人喺出面等位😮放題選擇得牛肉，但係出面可以夾雞肉、魚、豆腐。我哋揀咗$179嗰個（小童$99）。一人一鍋🤗有唔少湯底揀。啲牛肉係出奇地比想像中靚同埋高質素😱見到佢啲花紋係好平均地分佈，同埋一啲都唔肥😋。佢切到好薄，係連老人家都話好腍👍🏻竟然牛肉味都好重😮👍🏻真係好抵食😍豬肉都唔錯又係好腍，肥嘅部份自然比較多，但係都已經算瘦👍🏻又唔韌。任飲罐裝飲品，好多選擇🤩仲有任食乳酪雪糕或者雲呢拿雪糕🍦啱晒兩種唔同人嘅口味👍🏻強烈推薦大家嚟試吓👍🏻記住book位😉因為排隊嘅話就排好耐。食咗一個半鐘之後侍應冇趕我地走，但係就俾咗張單我哋買單先。我哋就醒定咁快啲食完離開🤭。

銷售員A終於可以和同事，一嘗午餐快閃打邊爐之樂趣。扇火鍋午餐打邊爐有不同選擇，如果食量大的，有時間的，可以嘗試$99 90分鐘放題，牛肉及其他所有食物飲品皆為放題。另外一個選擇就是$69 一碟牛肉再配其他食物飲品放題。由於銷售員A和同事時間及食量所限，我們選擇了$69 一碟牛肉，但其實配上其他食物放題，午餐來說已經是非常滿足。扇火鍋食物質素可算屬於中上，以定價日式牛肉火鍋放題來比較，絕對可以一試。三人一鍋: 蕃茄湯底午餐一碟牛肉，份量大約有8片左右銷售員回頭指數:4分

一直想同朋友嚟個lunch打邊爐，朋友同佢同事食過呢間覺得幾好，佢話好多戈人要book位，我哋上個星期book定今日位。今日去到我又覺得仲有好多位喎，應該唔book都唔使等嘅。叫左個99蚊餐，要豆腐湯底（第4白雪雪嗰個）, 拎左d丸少少菜，整體其實無咩特別，同平時連鎖十下十下分別不大，肉幾新鮮嘅，個芝士豆腐幾唔錯，有平時鍾意飲嘅韓國鑵裝忌廉鮮奶，飲品種類算多，食咗朋友話好好食嘅乳酪雪糕，幾清甜嘅，但對我嚟講無左我鍾意嘅酸味，兩個人共食咗5杯。

今日經過觀塘同朋友上咗亞太中心食扇火鍋 我哋order咗個冬陰公鍋，味道濃郁落咗鍋底選擇之後職員就拎相關配料上枱， 下面菜籃係冬陰功裏面嘅配料，可以依自己喜好加適量嘅配料入去， 自由度非常大!!!職員會先用肥豬肉起鍋，之後煎香墨魚筒、蝦， 令到成個鍋更加香濃好味望到個色澤已經垂涎三尺 湯底香濃而且辣味酸味可以自行調教， 食到咁上下加湯亦都係加返冬陰功湯唔會越食越淡任叫牛、豬，仲有出面自助吧嘅不同食材，選擇非常多每樣都食唔到一款 牛肉用咗上級穀飼牛，肉質嫩滑，牛舌切得好薄夠爽口整體食物質素唔錯，冬陰功鍋夠特別，而且自由度好大，唔鍾意食辣嘅朋友都啱

上年食過嘅冬蔭功鍋，估唔到今年扇火鍋都有得食！最鍾意佢嘅DIY鍋底，辣度可以自己控制，酸酸辣辣夠晒開胃，加埋美國榖飼牛同泰國奐啤任飲，未去泰國都可以頂住癮先～只要喺推廣期間 ( 2019/07/29 – 2019/09/29) 惠顧主餐牌$219或以上之放題套餐 就可以享用夏の美鍋 冬蔭功鍋，仲可以參加埋泰Be Happy大抽獎 頭兩名有機會贏取雙人來回曼谷商務艙機票連5星級酒店四日三夜添，快啲嚟食飯之餘又碰下運氣啦！#夏の美鍋 #冬蔭功鍋 #扇火鍋 #ShabuSen

平時打邊爐食開的湯底來來去去都是那幾款><今次終於可以享受到另一風味的打邊爐la 嘗試過香濃的冬陰功火鍋過後真的愛上了這個口味ar~這裡的泰式冬陰功鍋是 $219 per 1位^^，價錢非常合理ar因爲牛肉是澳洲上級長期穀飼牛
+加多款泰國蔬菜盤
***HAAGEN-DAZ雪糕任食已經無得輸haha
可以免費任飲泰國象啤~真係可以飲盡食盡！一人一鍋職員教導我們用和牛油脂顆粒炒下個鍋先，讓鍋夠熱再放冬蔭功配菜,大蝦魷魚一起爆香放煎香，最後倒入冬蔭功湯滾起就可以了真的聞到非常之香^^酸辣開胃冬蔭功湯底火鍋
青檸才是精華放了可以吊味感覺好醒胃，可以不一定要到泰國餐廳先有得飲冬陰功湯^^澳洲上級長期穀飼牛，肉肥瘦適中~好嫩滑，牛肉味香，索曬湯的鮮味。另外，重有任食豚肉和牛舌呀！當然不少得乳酪雪糕和其他甜品，最喜歡可以自己擠出^^感覺真的很滿足今日~~

冬陰功鍋 $219 / 1位想吃冬陰功不一定要到泰國🇹🇭餐廳，在日式火鍋店也可吃到😀。扇火鍋推出了冬陰功鍋🍲，惠顧$219以上的放題便可享用🤗。惠顧冬陰功鍋還可免費任飲象啤🍺。這裡是一人一鍋，你可根據你的個人口味選擇湯底😉。-冬陰功湯底中放了大蝦🦐、魷魚🦑、薑和香草。湯底酸中帶微辣，肉類就算不點醬汁也很美味。-這個套餐可任點響鈴🔔、蟹棒、餃子🥟、魷魚🦑，是自助吧沒有的🤣。-飲品可到自助吧自取。打邊爐配料也有很多選擇，例如：魚🐟、雞肉、雲耳、脆皮腸、豆卜、羽衣甘藍🥬、粟米等等（數不完😂）最後一定一定要吃它的乳酪雪糕🍦，非常美味，又消膩🤣。

放假就是要吃好東西啦!因為超想食牛肉! 近近地去左觀塘扇火鍋打個邊爐。每一次食呢類既日式牛肉火鍋， 我最中意就係食壽喜燒, 甜甜地就夾牛肉既肉味我地叫既套裝係中價錢既澳洲和牛， 因為媽媽唔食牛，所以我地無叫到日本和牛個隻既價錢。牛肉都好靚，唔會全部都係脂肪同筋   十分好食!仲有其他既菜呀，雞肉等等都唔錯!個度有雪糕食 (普通及乳酪) 真係超滿足!

我生日梗係去打邊爐！平時做gym成日經過既扇火鍋 終於試到喇！我地簡左今期流行：泰式冬陰公湯底好快就上齊啲材料，店員會教我地炒個湯底，首先用一舊和牛脂肪爆香啲蝦、尤魚同香料先，再倒啲湯落去，本來以為佢唔會幫手，但佢落手落腳咁幫我地又好積極咁介紹，係呢個同時，我偷偷留意了佢既名牌 我地食既係，澳洲上級長期穀飼牛餐，有埋牛舌、豚肉牛肉肉味濃，厚薄適中，油花都靚。更正既係牛舌，爽口juicy出面自助吧都好多任食配料，要推介芝士豆腐，入面好多芝士，口感冇芝士丸咁彈，係比較似豆腐既口感店員既小推介係冬陰公湯底配公仔麵，果然正！最後好想讚下呢位店員，佢由我地入座就開始服務我地，態度好好，醒目，食生日蛋糕時，佢拎住蛋糕背住我地幫我地點埋candle，神秘地一個轉身，好開心咁唱happy birthday to you～又幫我地切同分好曬蛋糕，我仲留意到佢好勤力，周圍打點一切，希望貴店見到，佢真係一個好員工！

男朋友一向都好鍾意食任食打邊爐，最近行過依家間鋪頭，見到出左個新湯底🥘鍾意食酸辣既我地一於去食《酸辣開胃冬蔭功湯底火鍋》 🥰🥰🥰🥰🥰🥰店員先介紹步驟，跟住就自己DIY炒😂😂😂首先炒香和牛脂肪, 蝦, 魷魚, 香料,將湯底加入黑鍋最後按個人喜好放泰式子彈椒及青檸就可以打邊爐啦🍲😚😚😚😚今次叫既套餐，肉質不錯 牛味都濃既🤩🤩🤩🤩🤩哩個餐仲會有泰國象啤飲🍺🤪🤪🤪🤪

男朋友生日，佢個肥豬最鐘意打邊爐，所以我上網search定觀塘附近有咩任食火鍋，約埋幾個中學同學一齊幫佢慶生🥳🥳今次我揀左係亞太中心既扇火鍋平時去做gym經過見到好多人但一直都唔得閒去試下今次終於有機會啦😘😘😘扇火鍋本身係日式火鍋，但我地今次就揀左佢最近推出既一個泰式冬陰公套餐！🤩四個人share 一個香辣椰香冬蔭功湯底火鍋 首先店員教我地用日本和牛脂肪炒興個黑鍋再將蝦，魷魚同香料落鍋爆香，店員話咁做可以令個湯底更入味更香口最後先將湯底倒落鍋，再隨個人口味加入適量嘅青檸汁同泰式子彈椒咁個冬陰公湯底就完成啦！自己DIY特別好味又好玩🤣🤣至於肉類方面，主打澳洲上級長期穀飼牛 、牛舌、豚肉等等！牛肉油花好靚，肉味好濃，一食就知係靚牛！另外牛舌都好出色，厚薄適中，好爽口好好味！另有仲有泰國蔬菜盤同自助吧既任食火鍋配料，真係超抵食，當中最推介芝士豆腐同雞肉！芝士豆腐一咬開芝士爆出黎，啱晒我呢個芝士控，而呢度嘅雞肉都好嫩滑，令到我瘋狂encore！店員仲同地講冬陰公湯底配公仔麵就最夾最好味，我地梗係唔執輸啦，果然d面條吸晒湯底嘅精華好正啊仲有呢度嘅飲品都係任飲架，甜品方面有啫喱糖同乳酪雪糕，乳酪雪

呢間火鍋食過好多次，每次食都好多人排隊，不過今日預早攞咗飛，所以唔使等位就入得啦。估唔到日式火鍋店都有泰國嘅主題，咁就一於試吓呢個冬陰公湯底啦。佢俾咗一碟海鮮同一個蔬菜籃我哋，而且俾咗一個鍋，比我地自己炒香料。雖然係好新奇，不過我哋唔識整，好彩有個職員過嚟幫我地炒，炒炒下已經聞到好香啦。呢度嘅牛肉同豚肉嘅質素都十分高，我哋起碼食咗六七碟牛肉。佢嘅牛肉肥瘦適中，而且牛味好夠，切得夠薄， 碌十零秒就食得啦。冬陰公湯底嘅海鮮好足夠，入面有蝦同魷魚。而且食落唔會太辣，不過好香好開胃。黎呢度最緊要嘅就係甜品啦，因為佢有一個自助嘅乳酪雪糕機。乳酪雪糕又好味，食落感覺又冇咁肥，我次次都食三四杯先走㗎。呢間日式火鍋價錢又平，食物質素又高，而且仲成日有唔同嘅主題，所以我差唔多每個月都會同朋友來一次！