我杯茶 (永興樓)

营业中

休息中

今早的早餐揀選了沙爹牛肉滑蛋三文治 以及 經典原味奶茶，三文治的滑蛋都炒得很嫩滑，不過蛋香是淡淡的，蛋汁豐富得過度濕潤了麵包，是否因為它在外賣盒等候得太耐?牛肉的沙爹味輕輕透出，有沒有喧賓奪主就視乎那個才是主角了！而且沙嗲有一粒粒的小花生，有點咬口！奶茶也很好，茶身夠滑但不是以濃厚的奶去形造出來，茶味清新不苦澀。經好友提醒，奶茶亦可選「茶走」，嗜甜的可以一試。奶茶配三文治，我覺得味道都很好，價錢是見人見智了。

已經唔止一次途經春園街呢一間門口當面唔大嘅鋪頭，呢間奶茶專門店，擦身而過，通常我見門口都係好窄嘅走廊內企滿人，等外賣或者係甚至乎嘆緊杯茶。　直至上個禮拜，響2:00 經過呢度，只有半個時間係lunch嘅我哋.。唯有揀一間快靚正，咁岩有人少咗啲真好，冇乜裝修等感覺冇啲舊茶餐廳嗰種污糟邋遢咁，幾骨子，，但入到係招呼幾OK，因為聽得出問你哋「想食乜？呢度自己買飛喎！」都係好清楚指示，熱誠嘅招呼。之前外賣買個幾次，試杯奶茶，知OK, 今次食埋個「暗然銷魂」叉燒飯加個沙嗲牛蛋治，份量唔細我哋三人share，叉燒份量都好夠，同埋唔太肥，但係肉質幾香濃，蜜汁啱啱好，D飯亦都唔錯口感，不會太冧，幾好！另外個同事唔鍾意食麵包嘅，都覺得個沙嗲蛋牛治，外面個白方包，麵包好新鮮好鬆軟，雖然唔係焊底，但係鬆軟嘅感覺補救返，另外最重要係個唔會好似冇響深水埗夠茶餐廳的牛治好油膩，相反呢個係食落去唔會覺得一口油，有肉味，亦不太咸。外賣奶茶係次次口感，奶感，差不多一百%一樣。但建議都係現場飲，溫度口感爭好遠，始終現場嗰種熱力：係會將杯奶茶發揮淋漓盡致D！

尋日下午在灣仔食lunch，呢個時間所以走咗去呢間試吓，叫咗個暗然銷魂飯，即係叉燒煎蛋飯，沙嗲蛋牛治，兩個熱奶茶一個凍奶茶。先講個叉燒煎蛋飯，個叉燒小肥又淋OK好味，個汁加蛋黃汁撈飯好味。至於沙嗲蛋好治，個蛋好厚，好味既。至於杯茶就，都濃茶味，但我覺得凍奶茶略為甜，total $12x。呢間店適合外賣，因為得好少位同埋坐得唔舒服，所以適合快食或趕時間嘅人。至於服務，他們都非常有禮貌，又快手。👍🏻

我杯茶，聽個名就覺得好特別，好得意，我本身就好容易比好聽噶名吸引去幫襯滴餐廳噶啦，所以就霖住襯閒置時間去試試水。入去點左杯普通噶奶茶，真系好普通噶奶茶，同出面噶無咩區別，而且奶味偏淡，不是太喜歡，不過距地滴小食就唔錯噶。

我杯茶，听个名就觉得好特别，好得意，我本身就好容易比好听噶名吸引去帮衬滴餐厅噶啦，所以就霖住衬空闲时间去试试水。入去点左杯普通噶奶茶，真系好普通噶奶茶，同出面噶无咩区别，而且奶味偏淡，不是太喜欢，不过距地滴小食就唔错噶。

我好鍾意飲港式奶茶，聽到人哋話呢間「我杯茶」好正所以我就嚟試。我唔係好想咁講，但基於公眾利益，我都要講，呢度嘅職員態度真係唔係好好。講出嚟就嚇一跳，飲落就得啖笑。奶茶，真係普通嘅普通，茶底都係偏淡，一般茶記嘅水準。鴛鴦，平凡中嘅平凡，通街通巷都有嘅茶既味道，一啲獨特性都冇。沙爹牛肉蛋治，雞蛋係炒得幾滑，但係沙爹牛肉唔夠沙嗲味。舖頭名叫「我杯茶」但味道真係唔係我杯茶，really not my cup of tea真正冇料扮四條。

呢間收藏左好耐，一直都無機會嚟試，適逢今朝有個空檔，於是約朋友一齊嚟試食就係地鐵站附近相當易搵，一入門老闆十分熱情，裡面可以坐的位置唔多，所以等左一陣。選擇困難症既我地最後選左炒蛋菠蘿包，同黑鬆露炒蛋多士飲品就揀左奶茶同凍鴛鴦，相比飲品我更喜歡食物。多士同菠蘿包都好味，下次嚟可以再試下其他

The signature HK style iced milk tea and Ying Yang (50/50 coffee/tea) were both spot on. Good balance between black tea, coffee and evaporated milk. Not too strong but intense flavor. The pleasant surprise was the satay beef and egg sandwich. It was probably the best satay beef I have had in HK, and I have been to countless HK style cafe. It was quality beef, well seasoned and tender. The egg was perfectly runny. The bread was ultra soft. I never thought the beef and the egg would go so well tog

男朋友之前講過話好想試吓呢間鋪頭嘅奶茶，所以起咗身之後就過咗嚟食，本身以為淨係得吧枱或者企位，所以好抗拒，入到去先知原來係有間房仔可以坐嘅！即刻開心曬見到個餐牌，花多眼亂唔知食乜好，同台有兩位女士好熱情地介紹左個暗然銷魂包俾我哋，賣相好吸引，令我即刻決定咗要試吓！落左單之後冇幾耐杯奶茶就上咗枱，我哋帶咗一杯凍一杯熱，可能係因為今日天氣太熱啦，總係覺得凍個杯好飲啲味道幾好，係我鍾意嘅偏甜少少味道過咗冇幾耐個脆脆豬就嚟咗啦，奧賣葛!!!一咬落去脆卜卜，好正！個蛋黃唔知點解食落去仲有啲糖心蛋嘅感覺～成件事好正！好滿足！唯一要留意嘅係啲叉燒有少少偏肥，食完成個都幾膩，如果同朋友嚟，可以叫一個脆脆豬，在叫其他嘢食，大家share,咁就會中和返～值得一讚嘅係老闆好親切，有禮貌臨走嘅時候去咗個廁所，廁所好乾淨，睇得出好注重衛生！下次再去灣仔一定會再幫襯

因為要過海，所以我自稱好鍾意呢間小店但竟然只係黎過三次，實在慚愧！！第一次同朋友幫襯當然要飲熱奶茶，一杯預先落左糖一杯冇，覺得師父調得啱啱好，甜果杯好味d! 冇耐再去變左要自己落糖，個人飲開走甜，幾次去都保持高水準，即沖夠熱、奶同茶比例拿捏準確，好滿意！食物方面全部都係同奶茶好夾既茶餐廳小食，試過沙嗲牛蛋治，冇咩沙嗲味但都ok既。另外就係唔知邊個天才發明將咸既蛋同甜既菠蘿包放埋一齊，簡直係天作之合！(都唔係間間茶記有賣) 打開店員預先切開既兩瓣包，覺得個畫面好治癒。而且見佢不斷研發新口味，好似黯然銷魂脆豬、咸蛋黃口味甚至有仙草麵、又不時搞d工作坊請奶茶師傅黎表演、整左個app比客落單等等，覺得我杯茶真係好有heart! 講番點解鍾意，係因為創辦人做左自己想做既野！一直都諗奶茶作為港人既神枱級飲品，咁冇理由咖啡、手搖飲品店遍地開花，連涼茶鋪都周街係，竟然冇一間奶茶鋪！希望佢長做長有，最好o係新界開間分店啦～

話說今日因為工作嘅緣故，要過海去灣仔，大概一點幾要搵嘢食醫肚，但一個人又唔知食咩好，途經見到呢間—我杯茶既炒滑蛋菠蘿包吸引左入去，一個女孩子食個包飲杯野份量岩岩好。餐廳以外賣爲主，亦有少量吧枱坐位可供堂食。野食方便就叫左個炒滑蛋菠蘿包（$22）同一杯熱經典奶茶（$18），個人覺得奶茶要熱飲會更加香，奶茶入口幼滑，完全冇澀味，茶及奶香平衡帶回甘，即使已加糖都不覺過甜，令平時少飲咖啡奶茶既我都覺得好飲，一個字，正！炒滑蛋菠蘿包即叫即整，上碟時已細心切好左一半方便食，滑蛋香滑細嫩，配合菠蘿包的鬆脆，好夾，秒殺左個包好推介下午茶黎呢到買個包買杯野飲～除左滑蛋菠蘿包之外，其實都想試埋另一款暗然銷魂叉燒蛋脆脆豬，看起來都好特別，下次一定要試～

下午茶時間經過灣仔 想輕食或快食嘅話 【我杯茶】絕對係唔錯嘅選擇！店內裝修得幾靚牆身以灰色作主調 充滿現代感舖面面積較細估計主力做外賣選擇堂食的話 亦有少量吧枱位同1張6人圓枱必食推介有烘底蛋牛治牛肉肉質幾juicy蛋亦好香滑 個人偏好麵包烘底 令味道更香同埋店員會主動將三文治分成4份 方便進食樽裝凍奶茶冇冰粒唔會令奶茶味變淡保留原有奶茶風味奶茶茶底同奶嘅份量調校得啱啱好夠哂香滑 仲好夠凍添夏天飲真係一流👍記得飲完按樽可以退番兩蚊ga!

今日本來諗住食午餐心血來潮同女友過黎試想食好耐嘅黯然銷魂包除左叫左個招牌包 仲叫左沙嗲牛蛋治一杯凍央 一杯凍奶茶鴛央 咖啡濃過茶少少奶 茶味夠 滑度差d沙嗲蛋 蛋夠滑 份量足 可以多少少肉黯然銷魂包 皮脆 叉燒夠林 蜜汁夠甜上餐速度幾快 等左5分鐘就上曬坐係bar枱可以睇到廚房 兩個人埋單 104 依個地段正常價 份量作為午餐嘅個人黎講麻麻下午茶嘅話就唔錯 係奶茶咖啡控嘅人黎嘆個茶都可以餐廳氣氛唔錯 係bar枱空間有啲迫 推薦行街經過肚餓可以停一停嘆一嘆

行過灣仔，去咗我杯茶，不過唔係飲奶茶，而係食沙嗲牛肉滑蛋三文治佢嘅奶茶，熱同凍我之前都飲過，我覺得熱奶茶，茶味濃，又滑又香，但係凍嘅就普通今次個三文治，我冇切麵包皮，我覺得連皮食更加好食，$28一啲都唔貴，件三文治份量好大件，牛肉醃得好入味，但唔會咸，個蛋佢抄得唔似其他茶餐㕔嘅滑蛋，反而係抄得一粒粒咁，我反而覺得好有咬口，同個沙嗲牛肉好配合，個蛋好香蛋黃味，一睇啲顏色都知唔會令我失望，呢個三文治真係可以值得一試丶再試丶又再試

收工之後仲有少少時間先上堂，就去左灣仔搵食醫肚。因為唔想食得太飽飯氣攻心搞到上堂訓著覺，所以最後揀左哩間都算係出名嘅奶茶舖（其實開左好耐一直都想試但係又冇機會，今日終於試到喇😃）。舖頭細細竟然都幾多野食揀，主要以輕食為主，三文治/沙律之類，亦都有數量限定嘅麵食。經櫃檯姐姐推介叫左嘅黯然銷雲叉蛋包，同埋叫左個冒住夜晚會訓唔著覺都要叫嘅熱奶茶。熱奶茶首先就係夠曬熱（好似講緊廢話，但係我覺得奶茶要熱辣辣，先至有啱啱沖出黎，好‘新鮮’嘅感覺）。奶茶非常之夠茶味，仲可以話係超濃，但係濃得黎係完全唔澀嘅，奶味都OK嘅，中規中矩啦，杯奶茶未至於好滑，但係港式奶茶黎講都係出色嘅👍🏼 由於個人對咖啡因比較敏感，夜晚飲茶/咖啡都係會訓唔到覺，所以對於茶味太濃嘅奶茶係扣左少少分😅，個人係鍾意奶香重啲嘅😛哩個包係超好食！蛋黃流曬出黎已經好正啦，個包係外脆內軟㗎！！麵包層皮又唔會太厚/太乾，叉燒甜甜地，唔會太肥膩，如果唔係趕趕地時間我會想慢慢品嚐多一陣，同埋哩個配搭係完全夠飽，大滿足😋😋😇坐吧檯面壁食野嘅時候見到可以用QR code落單，都幾方便～總括哩講係食得幾開心，坐吧檯自己一個食野都好自在。期間聽到有人外