成都小巷 (已結業)

香港最抵食麻辣烤魚上線啦！放工後去左九龍灣淘太食飯，自己突然心血來潮想食成都嘅烤魚，經過一番搜尋，發現九龍灣淘太旁邊剛好有間雞煲/烤魚店，去到門口見到大大隻字寫住「家鄉烤魚半自助放題$118」，價錢非常吸引。餐廳入面冇咩防疫措施，包括隔板、酒精搓手液都冇，不過枱之間既距離夠闊，衛生情況可以接受。麻辣烤魚好大條啖啖肉，不過比較麻煩嘅係好多纖柔嘅骨，雖然整體味道幾辣，但仍然嘗到魚既鮮甜。配料有豆腐、豆卜、金針菇、娃娃菜同蕃茄，所有食材都非常吸汁，越辣越過癮。餐廳有三個大雪櫃，雪櫃裝滿多款飲品，啤酒、汽水、涼茶一應俱全。自助櫃有超過二十款食物，食完成盤烤魚已經有八九成飽，所以我只攞左兩碟左右，包括粟米、蘿蔔、紅腸、香腸同牛丸。除咗雞煲同烤魚外，餐廳仲有米線提供，餐廳所有食物都幾抵。

今天去了九龍灣！我們去食雞煲半放題！"成都小巷"門口不大，門口寫$118/90分鐘半放題！坐下我們點了雞煲！台面上有酒精擦手液、紙巾供應。自己可以去自肋吧拿火鍋料和飲品！雞煲上台的時候已經是熟的，開細火可以慢慢食！飲完雞煲台面上有一瓶魚湯，可以自己加湯！食火鍋！火鍋料都有幾多不同選擇！飲品都有好多不同選擇！雞煲我們選有小辣！雞煲好野食！加湯食火鍋湯底好香好好味，是油多了一點！價錢真的抵食！😋👍🏻👍🏻

平時食雞煲要出旺角/銅鑼灣先食到，今次係九龍灣就食到叫個招牌麻辣雞煲$118一人（1.5小時半自助放題）中辣唔算好辣係咸左少少，食完雞之後加湯味道都正常返雞肉鮮嫩而且好有四川既味道，特別欣賞煲內洋蔥好入味兩人來說，呢個份量唔算少，應該有半隻多既份量食晒啲雞之後，檯上有壺清湯俾你加入雞煲，開始打邊爐材料算新鮮，而且都有好多款選擇，有丸有肉有菜特別讚好的是鮮牛肉，又滑又彈牙另外有好多種類既丸，全部都幾好質素👍🏻菜都好新鮮，種類都有幾種俾人任揀食到咁上下，就食埋麵，有公仔麵&烏冬揀，落入雞煲好入味最後仲有大大個雪櫃，有多款飲品揀，仲有可樂、獅威任飲

成都小巷九龍灣牛頭角道33號宏光樓地下16號舖Shop 16, G/F, Wang Kwong Building, 33 Ngau Tau Kok Road, Kowloon Bay$118一位一個半鐘嘅半自助火鍋放題好抵，不過媽媽未放工，買兩個米線食。一個係重慶酸辣湯米線，要了豬軟骨，雞肉，腐皮，一睇咁多肉就知係我本人架啦。夏天食酸辣出汗別有一番滋味架清湯跟了金菇 生菜 蘿蔔 豬腩肉，我其實有夾媽媽碗米線材料，交換吃。大大碗好抵食。而米線本身己有肉碎酸菜芽菜韮菜等架，所以每一口都食到餸料。加飲品$8幾抵飲，下一下火

喺淘大買完野，諗住去搭車回家之前喺附近行吓睇吓有冇外賣好食，行行吓見到呢間舖頭有雞煲或者烤魚可以外賣自取，好喎！好耐未食過呢啲嘢，又唔使自己煮，一於買返試吓啦。半隻雞$168 ，一隻雞$238 ，價錢都OK，就要半隻試吓先，落單之後坐低等一陣就已經有，膠盒裝好晒，排得整整齊齊又靚仔，而且都幾香，快啲返屋企食啦。份量其實都幾多，啲雞都幾滑，有好多洋蔥和芫茜等配料，BB辣嘅級數我都可以接受，入口嗰吓唔辣，係食落再慢慢辣出黎，非常惹味，好鍾意個汁，送飯一流！呢間鋪叫成都小巷，的確佢開喺細巷裏面，區外人應該就留意唔到，除咗好似我咁岩經過。從佢裝修格局來看，我估佢都係做街坊生意，就算唔係外賣自取，堂半自助雞煲/烤魚放題都只係$118（個半鐘頭），佢有個雪櫃放好晒配料，雖然唔係話好多款，但係以價錢來計都幾抵。一碗米線都係廿零蚊，仲要新張期內送罐裝飲品，真心平，如果住附近都不妨落嚟幫襯下。

今日星期日出左去九龍灣附近行街街,搵下附近有咩新餐廳試下先，就試吓呢間新開既雞煲烤魚，因為118任飲任食真係超平我地今次就揀左要唔辣既酸菜魚，不過我地都唔食酸所以走埋酸菜，個魚好大條，肉質爽口彈牙，新鮮冇腥味，唔算好多骨，正常都食到兩個都食完仔魚都已經會好飽配料就自己任攞，都有好多種蔬菜，什菇，丸類，腸仔，仲有公仔面同烏冬飲品櫃都有超多選擇，啤酒都係任飲，仲有道地解茶，同各種汽水，咁既價錢真係好抵食

三彩朋友話最近喺佢屋企附近開咗間食雞煲同烤魚嘅小店，仲話好抵食，於是乎今日就嚟見識吓！佢個名果然冇改錯，因為真係喺條小巷入面，不過都唔難搵嘅！呢間小店雖然冇乜裝修，而且都係用上最簡單嘅枱凳，不過都排列得好整齊，而且都乾淨。原來佢仲有做米線，而且價錢相當平，見到張海報就覺得好吸引，等我有機會嚟試吓先。呢度嘅堂食雞煲同烤魚原來係火鍋放題，每位只係$118就已經可以食個半鐘，不過食放題得1.5小時當然係唔夠喉啦，其實佢每加半小時都只係加$20/位，真係好抵！火鍋配料都係大路嘢，尚算繽紛吖！講番個雞煲，肉質非常鮮嫩，雞汁相當惹味，再加上洋蔥、薑片、芫荽，真係好香口，我仲忍唔住用佢嘅汁撈咗碗白飯嚟食呢間成都小巷簡直係隱世雞煲店，希望佢可以由小巷衝出大路啦！

疫情關係又想食雞煲，我就外賣半隻雞煲番去食🤣位於淘大附近，位置有啲隱蔽，係巷仔入面。堂食既話👇🏻🥰招牌雞煲$118 半自助火鍋放題（1.5hrs)/外賣雞煲，一開出嚟個陣，勁香麻味同芫荽味😍(如果唔識芫荽記得同佢講走芫荽）而且已經熟左食得，番去放落煲到滾熱多一陣就可以🥰先前都試過喺第二間分店堂食，個汁辣度岩岩好，愈食愈麻 ，外賣估唔到一樣都係越煲越濃，越入味！勁香辣惹味😳😳而重點係唔油❗️食落冇油淋淋既感覺❗️-環境：6/10服務：6/10好味指數：8/10回頭率：7/10

食雞煲唔洗出第二區食, 係屋企附近行兩步過去就有得食呢間成都小巷夜晚有做雞煲同烤魚半自助火鍋放題今晚同老豆兩個人落街食, 價錢都係$118 (食個半鐘)雞煲上枱時幾香幾吸引人, 有辣有唔辣我同老豆鐘意食辣就梗係揀左辣既雞煲啦不過佢地既調味都唔算好辣, 頂得住雞煲份量唔細, 兩個人食剛剛好雞肉幾嫩滑同埋幾入味, 雞脾肉更加係一流呀!!大部份雞件都啖啖肉, 唔會俾哂雞頸雞背你, 抵讚!!食完雞煲打埋邊爐, 放低錢鬆人~好過自己係屋企煮到身水身汗呀

原本一行三人唸住去食雞煲，點知行到半路，有個朋友話突然有事要早先，剩低我地兩個人。之前有睇過menu，如果三個人就會點個兩人餐食，咁就啱啱好夠食。兩人餐真係好豐富，包好多嘢食，但無奈我地兩個人實在食唔到咁多嘢，所以都只係點咗半隻雞煲，$158。配白飯。聞到雞煲陣味個人都醒神咗！果種麻辣香氣真係振奮人心， 先攪拌下以免癡底，微焦的雞肉更加香口，醬汁都好惹味，一碗飯真係唔夠食。老闆服務都好親切，笑笑口，環境係街坊小店嘅感覺。

之前收到傳單想試下，金拇指旗下食肆應該都唔會差得去邊，打去落order原來得手提，唔緊要照打啦，點知接聽個職員話自己唔嚮店舖落唔到單，比另一個電話我，因為佢接收得唔到，再三核對過電話後打去另外個電話到，點知電話未能接通，突然記起灣仔有分店咁打去灣仔店拎電話應該易啲，再打另一個電話先知唔係九龍灣呢邊，不過佢話可以幫我落單咁唔理啦照落，佢話十分鐘左右整好，就計返時間去拎，落到去先知唔知係漏單定點，要現場講多次食乜佢再落多次，再等多5-10分鐘，咁點解我要搞一大輪打電話落單呀？跟手就發覺價錢單傳單上有出入，新開將應該冇兩個月應該唔會咁快加價呱，先知原來傳單上印錯左價錢，所以我收到嘅傳單係唔岩價錢嘅，買左碗麻辣米線同雲南酸辣米線，米線同湯係分開放，唔怕浸到發漲，不過兩碗湯底都只係暖，唔熱嘅，呢點好失望，因為一碗好米線個湯底要夠熱先好味，麻辣米線有幾粒花生，不過花生唔合格，一啲都唔脆口，而且冇鹽嚮上面，似冇處理過，好似純粹將我嚮街市買黎煲湯嘅花生就咁放落去一樣，跟住到個湯底，我電話落單時睇住傳單落嘅，見到麻辣米線個湯底係冇芫茜嘅，點知返到黎發覺竟然有呀，除非新menu除左改價錢之外，仲嚮麻辣個湯

之前係灣仔分店食過雞煲嘅，點知係九龍灣又見到，雖然係小店，但都整齊嘅。今次我地就想食下烤魚，烤魚係一個半鐘嘅半自助火鍋放題，都有幾多配餸可以食，價錢都幾抵！$118一位。喱個價錢可以食到放題都真係難得，我地覺得味道都唔錯。主角烤魚煎香咗，食落滑嫩鮮美，配料雖然無咩特別，但都做到新鮮。湯底惹味，無咩伏位。環境細細間，服務都幾親切，有種街坊小店嘅人情味。而且位於九龍區，以後想食烤魚都方便啲，唔洗去到港島區。加上價錢又親民，會再去！