成都小巷 (已結業)

2022-07-02同女朋友走過牛頭角☺️女朋友話想食雞煲🥘就入咗間叫成都小巷🐓餐廳係有雞煲同埋烤魚，兩款放題選擇🐟雞煲每位128蚊位，食90分鐘☺️烤魚每位138蚊位，都係食90分鐘😀我哋食晚市時段，7點鐘入場，全場爆了😋店員呀姐話要坐到最後，問我得唔得？🤣我無諗清楚咩都話得，原來係坐係廚房門口🥵餐廳內氣溫好熱吓，仲要坐係廚房門口一定熱到出晒汗💦之後我問個腦細，如果有位可唔可以調返外面？☺️腦細回覆，我外面有幾台客等緊，有吉位咪調囉🤘🏻我就出住汗食雞煲了😆講返雞煲先，等咗大約10分鐘後到，正常一大鍋雞，叫咗小辣，味道正常☺️食完雞煲可以加湯打邊爐，打邊爐有20款揀，數過唔止20款，多數係丸類，魚蛋，墨丸，龍蝦丸等等⋯菜類生菜同油墨菜🥬食到一半時段終於有吉位了🤪個吓心諗可以涼返少少打埋個邊爐😇執完枱，仲未叫我嘅，到我打完個邊爐，埋單腦細完全無再理過我😩整體環境坐得好唔舒服，滴汗食雞煲💦服務就一定無啦，應承咗個客，轉頭就無咗回事🤗食物方面正正常常，128蚊位，其實都可以😌不過我就唔會再幫襯了❌❌❌#成都小巷#招牌雞煲

肥仔想食米線，咁啱又見到openrice有9成都係舔舔脷，諗緊係咪打手，就決定黎試試佢~雖然晚市無得揀米線食，但我地都決定坐低試下!-▫️半自助雞煲($128/1位) 👍🏻有風味，醬汁食落應該加咗孜然，所以幾惹味；雞都幾嫩，同埋份量幾多; 食完加湯變邊爐，食到你飽▫️配料 比想像中好食，食咗丸類(牛丸、魚蛋、芝士腸、芝心丸...)、牛柏葉、金菇、生菜同豆腐等。丸類有驚喜，以為咁平比啲垃圾我地食，點知食落真係唔錯，唔會食粉漿咁! 唯獨種類唔係特別多，但咁平，質素又唔錯，仲想要求啲咩~▫️飲品放題 有各種汽水、楊協成飲品同罐裝啤酒(除咗藍妹要額外比錢)▪️環境都算乾淨，老闆好nice；$128/1位晚市有得食雞，又有得打邊爐，算係咁，所以下次決定試下佢既烤魚；只收現金，無加一👍🏻 - 代表小廢推薦- 味道值：7.5/10C P 值：8.5/10 環境值：6.5/10 - 📍成都小巷九龍灣牛頭角道33號宏光樓地下16號舖Shop 16, G/F, Wang Kwong Building, 33 Ngau Tau Kok Road, Kowloon Bay港鐵九龍灣站 B 出口

呢間野已經收藏咗好耐琴日係第一次去食 自己本身都鍾意食辣但係費事pat pat痛 所以就叫咗BB辣雞煲嘅味偏甜 但係又唔會遮蓋左其他香料辣度都OK 118仲要免+1呢個價錢好抵食所有嘢都不失水準 自助區除咗有丸蔬菜飲品竟然仲會有雞肉牛肉 牛肉係滑牛 肉質好嫩一坐低服務員嘅態度都超級好每檯仲會送一碟花膠 雞煲上咗先會幫你計時間 如果想打邊爐唔想洗碗嘅話就可以嚟呢間

突然想食烤魚，近近地，就喺附近外賣。見到係OpenRice上咁多好評，睇嚟應該都唔會好差， 6:30左右去到，店舖冇乜人，老闆好熱情。叫我坐低等一陣，仲叫我任選一罐嘢飲。等咗大概10分鐘左右，已經整好，包裝非常好，魚同湯係分開，叫咗一個「麻辣烤魚」全條$238，中辣🌶魚比想像中大條，分量足夠三至四個人食，魚全條已經炸到香脆，還有很多伴菜。魚的肉質新鮮，但是很多骨，食的時候要很小心。後悔叫了中辣，真係非常辣。總的來說，是值得推介的，但是奉勸一句，不是很吃得辣的，真係要小辣就好了。

疫情情況之下，好多人都叫外賣回家吃，今日行經喺牛頭角呢一帶我就搵到一間很不錯的成都菜餐廳，今日就諗住買返個雞煲拎返屋企食。等咗一陣外賣冇耐個雞煲就整好喇，而餐廳嘅侍應亦都好好禮貌好好服務添，呢度真係抵讚啦。返到屋企個雞煲都仲熱辣辣，呢個外賣盒質量都幾不錯。呢度係半隻雞嘅份量，感覺啲雞都大大嚿，咬落去口感仲好滑很有鮮雞味，而且雞煲嘅風味實在係太正宗啦，配料有洋蔥芫荽等等都係一個正宗嘅做法，真係食食到大家舔舔脷，我最鍾意就係呢個雞煲嘅醬汁，好友成都嘅風味，而且少少辣亦都不誇張食起上嚟送飯真係一流，下次如果疫情好轉多啲真係要親自喺餐廳裏面食多幾味唔同嘅風味小菜啊。

行過橫街窄巷 發現小巷裡面隱藏着一間雞煲店 只係$118就食到雞煲 仲要有火鍋放題，幾抵食👍🏻 雞煲汁調教得好好味 個汁夠哂濃👍🏻 啲雞仲入哂味添😋 雞既肉質尚可😋可能煲得耐左，雞肉有啲鞋口😔 但雞煲汁確實好加分！ 之後再用個汁黎打邊爐😋食菜、麵等等，完全索哂啲雞煲汁😍

招牌雞煲半自助火鍋放題🐔$118放工之後去到九龍灣搵食😂見到有位姐姐派宣傳單張😇見到有任食火鍋喎🤤價錢咁抵，當然要去試吓啦😉坐咗一陣，已經有一鍋熱辣辣嘅雞煲響面前😆所有嘢都自助形式✌️一個人食都有半隻雞🐔香噴噴熱辣辣，叫咗小辣😆出面有自助櫃，可以拎配菜👍有丸，有肉，有菜仲有麵𠻹😄飲品櫃款式亦夠多夠齊😌任飲任食仲要完全唔駛加一🙈真係好抵食💪成都小巷 (九龍灣)九龍灣牛頭角道33號宏光樓地下16號舖

同男朋友行開淘大，傍晚時份睇OpenRice諗住搵吓有咩好食，見到淘大隔離開咗一間新嘅打邊爐，而且價錢好抵，所以就同男朋友去咗嗰度食晚餐。舖頭裝修並唔係非常豪華，偏向街坊舖既感覺，而鋪入邊嘅職員亦都好好禮貌，非常熱情，會當你朋友咁同你講嘢，同你簡單而又詳細地介紹，加添左一份濃厚嘅人情味。佢哋主菜有雞煲、酸菜烤魚選擇，而打邊爐配料就係半自助形式，而價錢算係非常實惠。而我哋兩個就揀咗雞煲小辣，雞煲一上菜，就已經可以聞到好濃郁嘅香味，令人食指大動。而雞煲亦都冇令我哋失望，肉唔會太老太硬，而且非常之入味。但要注意火候，唔可以用太大火煲，如果唔係啲雞老咗就唔好味喇。而配料方面，有芫茜、洋蔥等等，煲咗一陣之後非常之入味，而且洋蔥好冧，對我呢一個平時好少食洋蔥嘅人來講，真係完全改變我對洋蔥味道嘅抗拒。食完雞煲，加上湯之後就可以開始打邊爐啦，打邊爐嘅配料方面，佢哋嘅選擇都幾足夠，有鮮牛肉、豬肉、豬紅，同埋各式各樣嘅肉丸同埋蔬菜，絕對足夠醫飽個肚。配料方面，佢哋嘅食材都算新鮮，肉類方面，鮮牛肉同流心芝士丸都特別好食，我哋都忍唔住夾完又夾，以呢一個價錢來講，質素算係超班。而蔬菜類方面，佢哋嘅選擇亦都非常多

最近二十幾日都已經冇再有新增個案，疫情反覆， 最後決定咗打包酸菜魚返屋企自己煮熱食， 喺成都小巷買咗一條酸菜魚，酸菜魚湯另上， 送咗兩罐馬蹄飲料。由入餐廳到點餐，等待打包等，速度非常之快，好快就可以返屋企，有效率。返屋企用咗不銹鋼鑊煮咗五分鐘就可以食得， 烤魚炸得非常干身， 食落口仲係脆卜卜， 啲魚嘅肉地都幾多，返屋企煮咗啲白飯，連埋酸菜魚食，味道剛剛好。 不過就要小心烤魚魚骨多，食落要留意下。 烤魚份量唔算非常多，兩個人食剛剛好。當然有得揀最好係餐廳到食，因為可以配搭埋唔同嘅蔬菜， 返到屋企食就需要自己加熱， 但係疫情期間拎返屋企食，就比較安心。

自己平時都係九龍灣呢邊食開車仔麵，但係呢度原來開咗間雞煲，都係而家先發現，自己本身都係附近返工，但一直都冇留意，行開嘅時候見到， $118 ，可以食到雞煲火鍋，加埋飲品任飲，都覺得幾唔錯。仲要冇+1。我哋一去到嘅時候，就有位坐。大概等咗10分鐘左右，餐廳店員就將炒好嘅雞煲送上來。雖然呢度嘅雞煲比出面平好多，但係我就食唔出有好大分別，雞煲用嘅將依然係炒得好香，雞肉亦都好好食。再加埋就係呢度亦都有唔同嘅火鍋配料，可以係食完雞煲之後去拎，然後店員會加水，再去打邊爐，推介佢嘅芝心丸，烚完之後咬落去，會有一炸芝士爆出黎，真係幾好食。呢度亦都有飲品任飲，餐廳其實都不惜工本，飲品選擇亦都多元化，我個人就鍾意飲烏龍茶，亦都飲咗幾罐。

放咗工喺淘大約咗朋友食嘢，原來呢度有間雞煲小店，於是我哋揀咗呢間試吓，見到個價錢真係嚇親， $118食90分鐘嘅火鍋放題，可以揀雞煲同埋烤魚煲，抵到爛呀由於原本我就諗住食雞煲嘅，諗都唔諗就揀咗啦，㨂咗微辣， 等咗一陣雞煲就上枱，雖然兩個人食，但係都幾大份，啲雞都好滑好鮮嫩，有少少重慶嘅麻辣味，仲有好多好多紫心洋蔥，師傅都幾有功架，炒得好夠火喉另外仲有唔同種類嘅食物可以㨂， 小店來講都算幾好，貢丸同豬皮都幾好味，對得住呢個價錢雖然店舖細細地，但係都仲有個大雪櫃有好多嘢食可以揀，又有忌廉溝鮮奶，仲有啤酒，都係任飲唔嬲原來佢晏晝仲有米線系列，仲有唔同嘅湯底，加餸只係$5 $8， 下次路過就試吓

九龍灣 成都小巷今日媽咪遲咗收工，話買唔到魚😩 於是我就黎咗呢間「成都小巷」買我最愛嘅酸菜烤魚😍😍 呢度嘅烤魚同雞煲都非常出色咖，而且可以外賣拎走食，足不出戶喺屋企都可以食到烤魚同雞煲😍🐡🐠🐟 家鄉酸菜烤魚 （$118）呢個家鄉酸菜烤魚，無論堂食外賣都係$118，仲唔洗加一。入面有1.5條烤鰂魚，烤過嘅鰂魚加埋酸菜湯底真係又香又正。個皮有少少脆，個汁又酸酸辣辣，太正啦🤤 湯入面有勁多酸菜、葱、金針菇、番茄、豆腐、生菜、芫荽同各種配料🤤 堂食嘅話啲配料仲係任食嘅添🤤呢個超級推薦👍🏻👍🏻P.s. 雖然烤魚已經係熟嘅，但煲住咁食會更正咖😽

之前已經有係佢地個到食雞煲任食，個日再經過，第一次見雞煲🍲🐓外賣，所以就試下，睇下外賣既水準有冇唔同叫左半隻招牌雞煲外賣🍲 $168 (包2罐飲品🥤🧃)如果中意食魚既，可以叫家鄉烤魚，都係一樣價錢雞既份量幾多，肉質滑，款料有洋蔥🧅，芫茜佢原本已經煮熟左，但係我中意好似打邊爐咁，所以再加熱我揀左bb辣，果然調得啱啱好，惹味之餘又唔會辣到食唔到雖然係半份，但係夠啱2個人食店員服務友善，驚瀉，用膠袋同紙袋入住

天氣咁熱，都唔係好想自己煮，所以今日決定外賣返屋企。平時外賣食黎食去都係茶餐廳，諗住搵下啲新野試下，就俾我搵到依間餐廳有外賣雞煲！餐廳位於淘大附近既一條巷仔入面，如果唔係專登搵，都唔知入面有野食。雖然屋企人同我都唔係食得好辣，但食雞煲無理由唔食辣，所以揀左小辣。落單後大約等15分鐘就有得攞，等候期間，店員仲好好咁俾左罐飲品我坐住等！外賣自取雞煲半隻只係$168，份量足夠2-3人食，店員仲俾左碗清湯我， 如果覺得太辣可以加少少落去再加熱。少辣係我接受到既辣度，岩岩好又唔會太辣，食落仲有少少麻既感覺，個汁好惹味，用黎送飯好正！雖然係半隻雞，但份量都唔少，幾多肉食，雞肉都幾嫩滑，而且好入味！煲入面仲有好多洋蔥同蒜頭做配料，索晒啲汁好正！用$168就可以係屋企舒舒服服食到雞煲，好抵食，用黎加餸一流！

雞煲黎講，係我食過都算幾實在，務實型既餐廳，即係唔會搞咩gimmick，唔會搞好好睇既裝修，架起幕，幾把風扇同冷氣，幾張枱就開舖，盡量壓低成本，將成本全部放係食材方面，咁先可以令個食客食到最靚既食材，又比最低既價錢，因為始終食客食的是食物，而唔係個裝修呀嘛，呢種business model真係抵讚！！呢個價錢黎講，唔單住係任食火鍋配料，仲任飲啤酒，真係好正，一大班舊同學黎慢慢飲酒食野，先係最prefect嫁嗎。任飲就有獅威，加錢可以買藍妹。雞煲方面，今次叫左中辣，惹味度真係好正，食到中段都已經流曬汗，個辣真係帶出左雞既鮮味，同埋佢d配菜都唔少，加埋洋蔥黎食，無得頂。配料方面，都幾多，仲有豬皮豬紅，唔錯！！