戀暖の初茶 (V Walk) (已結業)

有機會來到vwalk逛逛，行過戀暖之初茶，見到鋪面裝修得簡潔乾淨,而且好少分店。見到職員準備開門。於是盡管買杯來試吓。一向是芋泥迷既我見到芋泥飲品就緊係唔會放過。芋泥oreo鮮牛奶😚 味道尚可，不太甜。但oreo幾多同芋泥有點格格不入。下次再行過都會再試下其他睇吓會唔會有驚喜。

開頭試呢間鋪頭都係諗住飲返平時去其他飲品店飲到嘅嘢飲，點知去到竟然又有我頭十大最愛既食物原素之一既黑松露味。我試高黑松露朱古力沙冰（$38）同牛油果沙冰（$38），開頭我諗住黑松露都係一個噱頭，邊有可能會有好大陣嘅黑松露味，點知一飲落去充滿着黑松露嘅味道，完全係黑松露控不二之選，鍾意試飲特式飲品既朋友可以一試。✌🏻 服務：⭐️⭐️⭐️價錢：⭐️⭐️⭐️食物：⭐️⭐️⭐️⭐️⭐️性價比：⭐️⭐️⭐️⭐

這天男友不停說想飲台式飲品，但最近疫情實在令人難以在街上除下口罩。唯有去朋友家前買一杯~再慢慢在朋友家享用。行了一陣決定試這間~見到有三款新飲品推出，就點了這杯燕麥豆乳鮮奶茶。抗疫期間還打8折。這杯飲品沒有甜度選擇，但沒有很甜的感覺，因為甜是來自豆乳及奶蓋。此外即使選凍的也沒有冰，不會因冰溶掉而影響濃度，同時也不會太冰凍，挺適合女孩們飲用。整杯看上去層次分明，最頂的是奶蓋，味濃；中間是豆乳，滑溜；最底是燕麥，健康有𡁻頭。飲完感覺都幾舒服，又有果腹感

由深水埗走路到v walk, 都要15分鐘左右。走到熱辣辣，想在v walk買飲品喝。從遠處看到戀暖之初茶，就不想再找其他，決定要喝了。鹽燒岩芋奶蓋戀茶好繞口的名字😅，既然是招牌之一，而且我也喜歡芋頭奶，就要這個吧！一看顏色便心花怒放，少女心大爆發。沒有sample那般紫，實物反而較貼近粉紅色。很好喝！有點像芋頭味奶昔，不過是細滑版。不太甜，飲得舒服順喉。微微的鹹香，更是一大點綴，提升了清新度。沒有戀人在身旁，唯有靠它增加一點戀愛的感覺啦😅💓

香港也都开了这家店，这家店的包装就很软糯，很好看，很喜欢，以前最喜欢盐烧奶盖茶，不算甜，奶盖有一點薄了，每次都要double的，才能滿足，還會加一份白色乳酪，吃起來像果凍，这次试了牛油果很好喝，茶底很清新！喜欢，還嘗試了蔓越莓，覺得沒有牛油果好

今次脵男朋友行下V Walk, 喜歡手搖飲品嘅我地又唔放過呢間新嘢😋因為工作關係成日食嘢嘅時候都忍唔住留意佢設店面及餐牌設計，果然是十分少女風～～男朋友點的手作紫芋鮮牛乳，（我地係天仁茗茶嘅香芋奶祿嘅fans）賣相好靚！明顯見到係上面是牛面，而下面是芋泥。飲落嘅時候個牛乳同芋泥嘅口感好夾～芋泥口感好細滑，整體我地都覺得味道比天仁更好味！可惜個份量太少，☹️一人幾啖已經冇左，之後仲行埋落去下面果層再飲一次香芋奶祿哈哈！

今晚早收工，早左食晚飯，食完晚飯同男朋友都心思思想食d甜點😋但因為食完飯都飽就無乜胃口再食野，咁岩行過呢間店，見到店外既牛油果飲品好似好正咁，所以同男朋友share一杯試飲😛呢個叫樁之牛油果，見到店員整既過程係有半個牛油果、綠茶、水、奶、仲有好好味既輕芝士奶蓋😍😍😍一飲覺得真係好fresh，溝埋茶既味道真心好飲，又唔會太甜，又有芝士奶蓋溝埋啖啖牛油果肉，鍾意牛油果既你一定會鍾意呢杯野飲！睇完餐牌下次都會想試飲佢其他野👍🏻👍🏻

趁住Weekend 去逛下新開既V Walk 個到都有好多野食 有機會再同大家分享下不過今日行到攰攰地就去搵呢個商場既”初戀”可能係新開既關係 有7折優惠所以排隊既人特別多等候既時間其實已經去到20-30mins 不過如果你一早過黎買之後周圍行下其實時間好快過同一般飲品店唔同既係佢將成個製作過程公開俾你睇d生果係即攪即拌起碼你放心唔會見到有隻小昆蟲係杯底野飲方面比較日系 同埋有埋鮮奶系列本人真係好想試佢既牛乳系列但近期最愛係白桃🍑點都要試試佢白桃味唔會太濃 味道適中唔會太甜果肉唔會太多而影響口感相比綠茶味就無咁出不過飲耐左再同D冰互相溝淡d就愈飲愈好飲！下次會再支持佢既牛乳系列!

我自己平時就好少會買一杯杯既台式飲品，一來我覺得自己一個男人揸住杯茶一路行一路飲好似好奇怪，二來我覺得質素好參差，如果唔啱飲真係好浪費，但係同女朋友一齊飲又另一個講法😂話說今日經過開呢道，首先係我俾呢個鋪吸引先既，因為鋪名戀暖之初茶我覺得真係好有感覺，好想知道飲完係咪真係有初戀既溫暖感。咁啱前面有對後生仔女就買完，見到個制成品都幾靚，所以就試一試啦。叫左兩杯，首先係奶蓋蔓越莓莓，果肉好多好豐富，少少甜少少酸，加埋奶蓋滑滑地，認真好飲。另外杯滿杯葡萄都係勁多果肉，甜甜地夠哂透心涼，咁熱飲真係啱哂！

今日同屋企人去深水埗買手機用品同埋黐mon貼, 天氣十分酷熱同埋臨近颱風有一種侷促嘅感覺, 好想搵杯台式飲品飲下降下溫.見到依間飲品店，都有好多款唔同種類嘅飲品, 好多樣都想試, 例如手作紫薯鮮牛奶, 檸檬蜂蜜分子綠茶, 棉花糖比利時巧克力, 黑松露巧克力冰沙, 櫻花珍珠戀茶定係茉莉滿杯戀茶? 最後叫咗奶蓋蔓越莓莓, 因為出面唔係好多有蔓越果飲, 因為萬如果聽聞對女性都幾好嘅, 少少酸酸may may, 唔算好甜再加埋少少茶同埋冰塊打碎, 簡直係透心涼. 貪心咗少少要做個奶蓋, 奶蓋層都幾厚下, 奶味超香濃之餘有少少咸增添味感, 成杯嘢感覺有啲複雜但係係正面, 好飲嘅, 下次一定會試埋其他飲品!!

行街經過有啲口渴，夏日炎炎就叫咗杯嘢飲同朋友抖下涼~鹽燒巖芋奶蓋戀茶~奶蓋味道creamy，配合芋頭味道好夾，而且味道又唔會太甜，冰冰涼涼嘅感覺超級爽，喜歡芋頭嘅感覺比較綿密，飲落質感比較厚實~奶蓋蔓越莓莓~同樣奶蓋味道鹹鹹地比較有質感，配合甜甜嘅莓味比較夾，味道啱啱好唔會過甜或者過鹹~估唔到呢間新開嘅鋪頭雖然多人排，但係質素都一樣OK，而且店員做嘢都幾快手，唔駛等好耐已經有杯嘢飲，下次有機會可以再試吓其他味道~

好耐冇飲珍珠奶茶, 今日經過深水埗嘅新嘅台式奶茶舗，見佢好似好好飲就飲下啦！呢間新嘅台式奶茶舗奶味香濃，因為呢間新嘅台式奶茶舗用嘅係鮮奶，而唔係奶精珍珠都幾夠煙韌，成杯嘢飲落唔會太甜所以整體都OK比起其他台式奶茶舗專門店都更ok,而且新嘅台式奶茶舗嘅奶茶打卡一流而家剛開業既時候都經常大排長龍，雖然慢慢人龍減少，但都依然有一定既人係到等，好在店員手腳都好快，大約等10-15分鐘就可以新鮮到手！拎到手跟住店家指示，再飲都唔錯！飲落好香！

新嘅台式奶茶舗之前真係好熱爆，上年到而家都係周圍咁開，今日黎新場番工就緊係要試下呢個場新嘅台式奶茶舗得唔得先，睇下佢好唔好飲呢個場嘅台式奶茶舗一拎到杯野飲時飲品嘅溫度岩岩好夠晒冰涼，係呢個30幾度嘅天氣真係岩岩好，怪唔之得都咁多人係度排隊等住買黎飲至於飲品方面，飲品店嘅選擇有好多，有唔同嘅水果茶加各種嘅奶蓋或者黑糖奶茶呢間台式奶茶舗各種嘅奶蓋同黑糖奶茶好多都用左鮮奶，而且職員調到成杯飲品甜度都好適中，令人飲完覺得好舒服，絕對係鍾意台式飲品嘅人嘅恩物, 有時間都會再黎體驗下呢度嘅威力

琴日同朋友係深水埗行街行到攰見到新開的飲品店就去試吓，價錢亦不太貴。因為我哋都好喜歡去試飲不同的手搖飲品。我地叫咗兩杯飲品，奶蓋蔓越莓莓和巨峰原汁葡萄透心綠茶。我最喜歡奶蓋的又甜又鹹的香味，厚厚的一層，加上蔓越莓的酸味非常適合，值得一試。因為我本身都很喜歡吃蔓越莓。大大杯冰沙，非常適合夏天去飲。朋友點了巨峰原汁葡萄透心綠茶，葡萄味重，叫小甜會比較好，綠茶味也香。如果唔想飲啲咁飽肚的飲品，可以一試。

吃完飯後經過V Walk 這間茶飲店，就給它的淺綠色裝潢設計吸引了。店面頗大，有少量坐位可即時飲用，𣎴過我們還是選擇外賣，可以一邊飲一邊逛街。再認真看看它的店名，是一個很陌生的名字。既然一場來到，姑且試一次吧！我們點了鹽燒巖芋奶蓋戀茶及樁之牛油果。奶蓋最近真是很流行，今次選了比較特別的鹽燒巌芋奶蓋。奶蓋飲下去不膩，也有很香的芋頭香。樁之牛油果是一杯很健康的飲品，飲下去很順滑。不單是好味而且營養豐富。