慶公宴

踏入十二月, 什麼樣的聚會都出籠, 其中就算酒友局都可食足半個月。就是這樣, 朋友專心的在一個多月前相約晚飯, 酒的題目是"新世界的高質酒", 給我們一個月的時間去張羅, 最後終於一砲過全開而飲光。食方面, 朋友一向手上都有不少私房餐廳, 也是常客。這次無意間聽到我說未來過這餐廳 (其實好多餐廳都未去過), 所以選了這裡。餐廳除菜式, 還以靚茶及其主典木器裝飾作為一大特色。未上菜, 先上菜。一道明前龍井, 清清青茶香, 乳香淡淡, 但入口不夠身又不夠回香, 茶杯留味不多。前菜四道, 由蕃茄開始順時針的吃。冰鎮荔枝蕃茄, 蕃茄內藏荔枝肉, 清爽中有甜味, 用第一味菜不錯。然而蔥油薑茸蟹肉伴鮮粉皮, 同樣清爽, 但次前的有甜香, 映得這個反而無味。四個之中這個醬油香雞樅煎帶子最好, 帶子用上刺身帶子, 半生熟香煎。外脆內腍之中, 加上如XO醬的花味及炸藕片的脆口, 平衡感最好。最後的那個汾酒牛脷感覺只是一般, 吃不到汾酒清香, 只是牛脷質感算不錯而已。生拆蟹肉釀蟹鉗, 製作認真, 蟹肉也有鮮爽彈性, 可是味道一般, 質感可以但味略淡。只是配合下面如龍蝦湯汁汁醬, 提升一點鮮味會好一點點。老火湯一道 - 日月魚桂圓燉湯, 湯頭夠味, 也覺稍甜, 但難以突出。中間還有一道薑米蛋白酥皮盒, 這個菜式是我極期待的一個。結果來了還是急不及待的吃了, 沒有留一張照片。雖然有點冒失, 但也還記得蛋白的香滑, 酥皮鬆化, 效果極好, 可說是全晚最好一道。旁邊的蕃茄凍湯, 清香帶甜。湯後, 中間二度茶。南岩鐵觀音, 老實說, 甘香味不足, 只覺味太淡, 一可能是剛初二三泡, 味不夠, 難如岩茶清怡礦物中帶回甘。原本餐牌寫是時令蔬菜, 結果來了竹笙香菇卷, 不過效果只是一般! 吃不出味道, 也帶不走質感。香草陳皮烤豬肋排, 幸好不如之前食友寫的太乾。不過陳東味道不明顯, 豬肋排脂肪也是奇怪地不夠香。牛肝菌黑松露炆雞, 雞肉炆淋, 質感有點煲湯肉感覺。汁茨稠, 但味不多, 黑松露味道不明顯, 而雞皮的脂香也不夠。也算木耳爽口, 有如叫化雞罷了!不過眾人異口同聲讚賞這個清清的黑松露飯, 淡香幽雅, 拌汁茨也許可以。甜品之前再來一道普洱紫茶, 相信是用傳聞1最好的頂部紫芽做成的普洱。不過茶色, 茶香及其熟香都不夠, 茶葉份量與泡茶數的影響吧!甜品輕描淡寫, 藍莓芝士。不特別, 也不算差, 以求速戰速決!餐廳打烊約十一時, 酒鬼死磨不果, 結果夾帶酒樽而逃! 不過整體食物於我來說, 只拍很一般, 亦看不出特色來。相信朋友心水之中, 一家有更好的選擇吧!…Read More

約埋幾位友人一同前來中環蘭桂坊的慶公宴共晉午膳慶祝一番...Honey與我比午市時間早了約十分鐘到達, 暫時未有任何客人, 可以盡情影相... 慶公宴地方面積不是很大, 只有數張枱, 擺滿了精緻古董傢俬及茗茶杯具, 濃厚古典中國風, 清幽雅致, 環境一流... Honey常約人來吃飯, 貪其適合傾密偈之餘又不失禮... 想再傾密D?!! 係有1間大房的...聽職員講, 木屏風是半古董, 有180年歷史, 是從北京拆卸中的四合院那兒買回來作裝飾, 但門身太高不太合身, 所以現在看到的其實是裁短了一截的... 店內除了茶, 竟然還有酒... 情理上都講得通的, 喜歡吟詩作對的古人, 不是經常飲酒嗎, 要不然跑到山野間以山澗水泡茶作樂, 才創作出眾多流傳千古的詩詞歌賦... 午市商務套餐2位起每位$260, 茗茶加$15, 另加10% Service Charge, Cash Only!!!Welcome Drink是原粒玫瑰桂花茶, 幽幽花香盤繞口腔內, 讓人心曠神怡, 餐前的一小杯花茶已經咁好飲, 大家都感到好雀躍, 更期待隨之而來的美食... 服務員奉上每一道菜時, 都很詳細地講解每一款菜式的用料及做法, 大家都乖乖地細心聆聽, 氣氛有點Back to School, 哈哈, 好有趣... 先來小巧精緻的頭盤... 冰鎮荔枝蕃茄-- 將荷蘭串串茄去皮, 刺孔後通宵浸在荔枝汁內, 非常清新, 甜蜜果香, 合上眼真係好似食緊荔枝, 難怪會十多年來一直維持Signature Dish地位... Yummy Yummy!!!醬油香雞樅煎帶子-- 好巨型的帶子呀!!! 將King Size帶子2面略煎至半熟, 味道鮮美, 鋪上風乾蓮藕脆片, 加一點微辣的香雞樅增添香氣, 帶子的柔軟質感與蓮藕片的酥脆碰個正著, 層次突出... 西班牙風乾火腿伴溏芯茶葉蛋-- 半熟茶葉溏芯蛋的茶味甘香, 已夠好吃, 再加上西班牙風乾火腿蓉及粒粒粟米, 味道更濃, 屬濃味前菜, 服務員叮囑要放在最後才吃...西瓜燉螺頭湯-- 預先教好上湯, 加入西瓜螺頭, 原盅燉6-7小時, 上桌前加2-3片鐵觀音茶葉, 將西瓜的甜度中和, 帶出湯頭的清甜... 服務員叮囑飲用前要攪勻令味道更平均... 個湯真係好飲到不得了, 好鮮甜, Yummy Yummy!!! 酥炸雞棒配熱情果乳酪醬-- 將雞翼的一邊骨起出, 食用時很方便不怕失儀, 脆醬加了麥皮減低油膩感, 熱情果乳酪醬才是亮點, 大家一食到此醬都即時瞳孔放大, 好好味呀... 又一妹仔大過主人婆案例... 時令蔬菜-- 上湯浸娃娃菜, 配火腿絲及杞子, 清清地, 味道唔錯... 濃湯烏冬-- 魚湯湯底用上大地魚及瑤柱來淆, 再配以上湯, 原汁原味, 味道香濃, 比豬骨湯更受歡迎... 澳洲牛肩肉薄切, 只煮熟1面, 另1面鋪在讚岐烏冬上, 因為牛肉快熟, 食用時熟度剛剛好, 不會煮過熟, 牛肩肉肉質軟滑, 牛味好重, 輕嚼2下已經接近溶化, 但因為太美味的關係, 含在口中良久亦不捨得吞下, 好好味唷~ Yummy Yummy Yummy!!! 手作甜品-- 西式奶凍Panna Cotta做法, 用上北海道3.6牛奶, 加上新鮮雲呢拿籽, 以Raspberry及Blueberry做醬, 味道酸酸的, 伴奶凍一起吃便不會太酸或奶味太重...紫茶-- 我是大鄉里系列... 未曾聽過紫茶, 服務員話紫茶係雲南普洱茶, 於茶樹上呈紫紅色, 比較稀有, 是餐廳老闆親自到雲南上山上的茶園採購... 茶色較清澈, 不像墨汁般的港式熟普洱茶, 香味獨特, 茶香隱約透出花香, 回甘良久, 每一泡的味道也在轉變, 極耐沖泡... 果然好茶!!! 餐後茗茶聊天, 足足逗留了3小時, 貫徹Fine Dining精神!!! 還與朋友們影了好多世紀合照, 看見大家都吃得歡天喜地, 荷包減了幾磅也算有價值吧...味道方面很好, Honey果然沒有誇大... 服務方面可能因為Honey是常客的關係, 非常欣勤... 環境寧靜, 令人完全忘記中環區的繁華...份量方面, 十分足夠, 起初擔心套餐主菜只得一道會不夠飽及不太體面, 始終宴請朋友慶功嘛, 打算除了點套餐外, 再多點2個菜, 唯店員再三提醒大家套餐份量已非常十分足夠, 所以最後無加菜... 真是萬幸, 吃罷濃湯烏冬已經飽得肚皮亦快要爆開...肚皮滿足的一天!!!聽說自選菜式牛肝菌黑松露炆雞(配黑松露飯)很受歡迎, 最近一推出就大賣, Honey話有機會可以再來試試... 真的嗎?!! (Blink Blink 眼-mode) …Read More

味道評分在括號內，1-5，5分最好。當晚點了每位$580的菜譜，第一碟上來已包含4道菜，每道菜一舊仔，有D覺得被揾笨，份量少得可憐，較喜歡冰鎮荔枝蕃茄的清甜味道。冰鎮荔枝蕃茄 (4)XO醬涼伴花螺 (3)西班牙風乾火腿伴溏芯茶葉蛋 (3)紋甲魷魚捲五香茄子 (4)接著的其他菜亦是一舊起兩舊止，稍為出色是荷香柚皮麒麟雞，但美中不足是隻雞有點肥。生拆蟹肉釀蟹鉗 (3)荷香柚皮麒麟雞 (4)猴頭菇鮮百合燉湯 (4)濃湯娃娃菜 (3)香焗芝士鮮魚柳 (3)黑蒜油帶子炒飯 (2)整體上，食材質量不是太高，味道普通，並不是傳聞中那般出色﹐，用這個價錢在香港有很多選擇。…Read More

今年水爺已一早預訂了在慶公宴吃晚飯這是一間中式私房菜餐廳，早前水爺和同事們到過這裡一直讚不絕口，水太太也很想試試這裡所有佈置都是中式的，有很多古董、花瓶、畫作等事實上，除了燈光比較暗一點和桌面上擺放著的小紅色爉燭盤外，一點也不算浪漫（哈哈﹗）但以水爺的水準來說，他精心地為水太太預備餐廳，已經很夠浪漫了﹗男人就是要這樣的包容和完全接納吧﹗先來明前龍井，小茶杯上畫上了小金魚，很雅緻龍井味道非常香，在喉嚨內帶點回甘這樣先清一清喉嚨來品嚐之後的美食，很不錯的開首前菜相當有驚喜，而且侍應介紹了品嚐前菜的適當次序冰鎮荔枝蕃茄（圖右）味道超清新呢﹗蕃茄的酸味都被甜甜的荔枝汁充滿了，很清甜，大愛﹗甜椒煙三文魚卷（圖左）煙三文魚很肥美，而甜椒帶點辣又帶點甜，豐富了煙三文魚的味道醬油香雞樅煎帶子（圖左二）香雞樅真的很香很香，與帶子可互相帶出味道西班牙白毛豬火腿燒烤菇卷（圖右二）很香很香的菇卷和火腿，帶點可接受的油膩感，卻充滿了宜人的香味京葱豉香炒蝦球這道菜又是很香很香的菜式，賣相很精緻，一上桌已聞到蝦和豆豉的香氣蝦球很新鮮很爽，但不會有種很咸的味道，而且啖啖肉，YUMMY!菜式的賣點仍是香味花雕蟹肉蒸蛋白超愛這蒸蛋白，蛋白超滑，配合花雕蟹肉芡汁，口感和味道都超讚﹗唯一美中不足的地方是蛋白帶有過多牛奶味，相信牛奶是令蛋白更滑的，但略嫌蓋了點蛋味花膠椰子燉濃湯看到大大片花膠，簡直是女士們恩物吧﹗很足料的濃湯，花膠又爽又彈牙，湯又不會太油膩唯水太太認為有點過咸了，應該太多調味料南岩鐵觀音這道茗茶與第一道外表幾乎一模一樣，所以沒有拍照但這個味道較甘，去了之前濃湯的咸味，清清喉嚨的佳品上湯腿蓉扒津白所謂「平凡中見真章」，這道菜就是表表者了上湯清甜沒味精沒油膩，腿蓉夠香夠咸，少許已令這上湯加了不少分而津白煮得剛剛好，不會太腍，而且非常入味很少可以吃到這麼出色的上湯腿蓉扒津白~~清湯慢煮牛肋條牛肋條很腍很入味，經慢煮調理，非常原汁原味黑蒜油帶子炒飯對比之前的精緻菜式，這炒飯確是比想像中大碟，但水爺絕對有能力將之一掃而清有點黑蒜油的香味，但帶子味道不算很突出，但欣賞這炒飯是味道較清的炒飯，很合心意普洱紫茶侍應介紹這茶是消化茶，可幫助消化，很見效的呢﹗士多啤梨慕思配橙果醬橙果醬有點過份酸味，下面的慕思味道就正剛剛好以這個甜品作結，真的有點失望，實在比下去若店方可加點心思在最後的甜品上，必定更能使食客留下更深刻印象是次晚飯約$650/位留意，只收現金…Read More

當晚我公司宴客，包了慶公宴一個房間，安排餐厅写了一个特色菜单（见下），餐厅以茶水伴菜有名，但几道茶的级数都是一般般，当中的“香草陳皮烤豬肋骨”更是失败之作，客人都只有礼貌地咬了一口就放弃了，因为实在太干，又没有陈皮味。食物倒是沒有驚喜，但吃完松露飯後，就給大家驚嚇。服務員在添茶是，把滾水灑在其一女貴賓的身上，我問餐廳索取燙傷膏、沒有，問要紗布，沒有，才發現他們連一個小小的救急救箱都沒有，更驚訝，沒想到做了那麼多年的餐廳，居然毫不注重安全，而慶公宴沒更沒有主動安排員工買紗布，最後是我要求公司同事跑到附近的便利店買救急用品，事後，又沒有經理出來道歉或跟進情況，就是“閃”了。我老闆很無奈歎了一句：以後不會再到這餐廳！超失望！冰鎮荔枝蕃茄三文魚凍湯伴豆腐元貝配鮮蜂蜜汁花椒焗海中蝦竹笙木耳釀生根球西瓜燉螺頭湯時令蔬菜香草山藥桂魚卷香草陳皮烤豬肋骨牛肝菌黑松露炆雞 (配黑松露飯)紅豆普洱茶奶凍…Read More

大魚大肉也不及茹素的野菌南瓜盅吸引，雞縱菌和幾味野菌也處理得很好，既富口感亦不見菌瀝味，而溫室南瓜的甜美也正好豐富味道，比較起早陣子在某大酒店吃過的高貴和牛南瓜盅，我更喜歡多不如少的簡樸味道。…Read More

當日同友人一起去慶公宴試試他們的商務午餐。我當天早上10:30左右打電話去訂位，接電話的女士說有位，並且想我們先選定我們當天中午要品嘗的套餐（注：不知為何他們要求所有人都訂同一個套餐，不能訂不同的套餐）。由於午市套餐有兩個選擇：1）午市商務套餐$260一位或2）每位$380起的套餐（當中你可以選擇搭配某些特定菜式）。我當時跟那位女士講我要先問我的朋友要什麽套餐再回覆。到了11點15分，那位慶公宴的女士用又來電，而且語氣不太友善又不太耐煩地追問到底我們要訂哪一組套餐，否則廚房來不及準備之云云。我的友人當時還沒來得及答覆，我就說我稍後會儘快答覆。但是當時心裡已經覺得這家私房菜的人不禮貌。15分鐘后，我和友人決定了菜式並且打回那個女士的電話想給她答覆，豈料電話竟然沒人接聽。我還要等十分鐘后打過去才有人接聽。我們到達慶公宴后，已經是差不多下午一點（應該是中環午餐最繁忙的時間），卻發現當時根本只有我們一桌客人。當時他們把燈光開的很暗，而且四面牆都是黑漆漆的。我個人認為這樣不太切合慶公宴這個名字的喜慶。餐廳的佈置既做不到中式的modern chic，也做不到喜慶的感覺，有點不倫不類。菜式方面：特色前菜兩款 （當天是黑芝麻汁+豆腐和烤紫番薯） - 豆腐加上黑芝麻汁算是清新，但不是驚喜之作，只能說不過不失。紫番薯很干，而且偏硬，也稍微缺乏它本身應有的甜，不好。無花果雪棗燉日月魚湯 - 火候剛剛好，很入味，而且清潤，水準不錯。蟹黃玉子燕豆漿蛋白 - 蟹黃很腥，玉子也不夠滑和香濃，豆味和蟹的味道無法融合。我不推薦這道菜。清炒時菜 - 很普通，火候不夠，我隨便找個飲茶的地方都可能比這個好吃。黑豚柳上湯讚崎烏冬 - 湯底有點油膩，烏冬口感不夠Q,黑豚煮的"林“。Ok。手做甜品 （蒟蒻粒加類似杏仁豆腐的物體） - 蒟蒻無味中帶點苦澀，豆腐不夠香，缺乏豆味，敗筆中的敗筆。總結：差不多三百塊吃這樣平平無奇的午餐絕對不值。另外，waitress的水準麻麻地。沒有再次光顧的價值。…Read More

FF表妹回港與家人慶祝生日，特地揀左間XO未幫襯過o既慶公宴食晚飯，比個機會小肥表哥寫食評，真係有心！慶公宴喺蘭桂坊入面一幢大廈內，好彩閒日去唔會咁逼人，不過對於我地膝頭脆弱，身材比較肥胖o既一家，行上條斜路真係有少少吃力。步入餐廳第一個感覺係非常之有古代feel，木門，枱櫈，擺設，甚至窗簾都富有中國色彩。單憑格調，大家預計食物會係經典o既中式佳餚，所以大家都頗為意外餐單咁有fusion味。　首道茗茶－明前龍井First Chinese Tea Serving – Long Jing Tea：龍井乃中國綠茶o既代表，所謂「明前」，其實係指清明節前所摘取；餐前一小杯，據說有開胃之效。依道龍井不禁令小肥想起友人M講過o既一個故仔，等我值此機會做下講故佬先：話說多年前有位將士經過一間茶亭，決定停下稍作休息，順道解解渴。坐低飲左啖龍井茶，即狠批「淡而無味」，掉頭就走。哈，點知上馬不久，將士口腔突然散發出陣陣甘香，方才驚嘆龍井原來如此「甘香撲鼻」，折返茶亭繼續用茶。故事其實係想講龍井茶要飲用後隔一陣，內藏o既茶味先會慢慢滲出。當晚慶公宴嗰杯龍井，茶香，色澤，同味道一樣淡，正好等同故事o既開頭；不過隔左好耐都未有「甘香撲鼻」之感，唔知係咪代表應該泡耐少少呢？小弟對茶認識唔深，所以唔敢肯定。可以講o既係微弱o既清香味雖然未必真係能夠幫XO開胃，不過就一定可以幫客人喺進饍前暗地裡啷一啷口。　冰鎮荔枝蕃茄Chilled Tomato in Lychee’s Sauce：師傅用心o既舖排令首道菜式好有台型！每人一粒去左皮o既蕃茄仔，均勻地加上適量o既荔枝蓉同荔枝汁，一人一羮，清脆利落。夏天黎個冰鎮頭盤，效果簡直係涼透心呀！蕃茄非常爽甜，一Ｄ都唔酸，而且成功地中和左荔枝o既「火份」，食完喉嚨一Ｄ都冇痕，掂呀！　薑汁白茭荀絲沙律Water Bamboo and Ginger Salad：單睇外表重以為每人先派一碗冷麵，查閱餐單先知原來係一碗菜。白茭荀絲味道好鮮甜，口感勁爽，薑味唔重，食完重想再食，明顯地係開胃菜餚！用「沙律」兩字做中菜餸名感覺洋味好重，難道大廚係受西方教育o既？既然荀絲係煮熟左，又冇沙律醬，係咪淨叫「薑汁白茭荀絲」比較恰當呢？賣相同味道都似係中式餐前小食多過沙律囉。　香燒鰻魚伴牛油果檸檬茸Grilled Eel with Avocado and Lemon Dip：怕骨o既小肥唔敢食，只係影左幅相同大家分享。　 玫瑰露酒醉海中蝦Roseate King Prawn：餐廳選擇即場火焰，好夠睇頭；提議餐廳可選用「玫瑰火焰醉中蝦」為餸名，氣勢會震撼D。師傅喺每隻蝦背界左刀，簡易地清除腸臟之餘，重可以起雙飛，令隻蝦望落去大隻Ｄ，加強視覺效果。入口有陣微微o既玫瑰露味同酒香，可能D蝦太醉啦，所以爽口同彈牙程度都爭咁DD，不過整體個蝦XO都覺得值80 分。另外，記得小肥細細個食親醉蝦都會有個伙計喺我地面前大力搖搖搖，喺個玻璃碗入面醉暈D蝦，show哂quali地証明D蝦重紮紮跳；慶公宴跳左依個步驟，所以XO唔敢肯定D蝦係咪新鮮。　酥炸芒果帶子卷Deep Fried Spring Roll with Mango Cream & Scallop：芒果同帶子味道香甜，卷物清脆，送酒佳選！從相都可以睇得出，帶子卷非常輕巧鬆化；秘訣應該在於皮層夠薄，炸得夠乾身，餡o既份量唔會過多。師傅好有諗頭，棄用芒果汁而選用芒果忌廉，不但可以減低食客咀嚼時產生「溜油」o既危機，更能加以調校味道，確保甜多於酸。　猴頭菇五指毛桃瑤柱燉湯Traditional Chinese Soup: Bearded Tooth Mushroom, Hairy Fig & Dried Scallop：一盅盅上，每盅入面都有齊哂煲湯豬肉，猴頭菇，五指毛桃，同瑤柱，新鮮滾熱辣，火候同用材都好十足！湯味香濃，重點應該係猴頭菇，腍得黎有「趙」頭，味道濃得黎又好清，好得意！豬肉雖然唔嚡唔乾，而且好腍，不過個人覺得肥膩左少少，hmmm… 煲湯好似多數用瘦肉架bor？！對煲湯料不太熟識，好自然地以為個盅入面乜都食得啦，點知有款咬極都咬唔爛，問問媽咪先知，原來貌似樹枝o既「五指毛桃」只係用黎調味，增添湯香，而並非食用，真係大鄉里啦！　二道茗茶－南岩鐡觀音Second Chinese Tea Serving –Iron Kwan-Yin Oolong Tea：睇倒餐牌上o既英文翻譯為「鐡觀音烏龍茶」，心諗究竟係鐡觀音定烏龍呀？上網求證過後先知原來鐡觀音係烏龍茶o既一種，據說有降膽固醇同燒脂之妙效，更可清除口腔雜味。唔咁肯定係之前嗰幾款餸味道較濃，亦或係茶葉唔夠o既原固，杯鐡觀音好似冇我自己沖嗰Ｄ咁香濃bor。　香草陳皮烤豬肋排Grilled Pork Ribs with Pesto & Fruit Peel：非常西化o既一味，好似同餐廳個清朝主題唔係好夾，個人覺得賣相唔多吸引。豬肋排煮o既時間唔會過長，肉汁都算夠，所以就算肉質唔嫩都唔會覺得佢嚡。如果唔點另上o既鹽，單靠香草，味道唔係好夠；唔睇餐牌真係唔知個豬係用左陳皮黎醃，完全食唔出嗰個味，應該係比香草味蓋過哂。　牛肝菌黑松露炆春雞（配黑松露飯）Braised Chicken with Porcini, Truffle & Dried Scallop (Served with Truffle Rice) ：炆春雞雖然有咁多汁浸住，不過肉質都係偏乾同嚡，估計係因為煮得太耐，熟到Ｄ肉老哂。隨雞送上一人一碗o既黑松露飯，除左熱辣辣，重好香噴噴；用香滑o既雞汁送飯，濕濕地又唔會滯住滯住，簡直係頂瓜瓜！聽倒姐姐仔話黑松露飯任添，小肥就好唔客氣地食左三大碗！　三道茗茶－蜜香單欉Third Chinese Tea Serving – Dan Cong Tea：個人感覺依道係三款茶中最有味o既。XO連「蜜香單欉茶」依個名聽都未聽過，唔想話自己見識少都唔得啦！據說可幫助消化，所以被安排飯後飲。　手作甜品Homemade Dessert：甜品每天不同，我地當晚所食o既係燕窩薑汁薏米桂花糕。一人一小杯，啱啱好，最重要係燕窩份量絕不吝嗇！桂花糕味道清香，不過個人覺得唔夠甜，建議可以用返傳統o既杞子，蜜桃或其他較甜o既生果黎代替味淡而嚡口o既薏米，效果應該會好Ｄ。其薑汁味唔濃，不過都足以幫助XO仔驅走滯風，Urr左啖氣。當晚我地有房坐，有伙計負責傳菜之外，另外重有位姐姐仔為我地講解每一道餸，好細心。寫食評時，諗起有問題，以電郵方式嘗試問下啦，居然真係有回音，感激感激！抵唔抵食就見仁見智啦！個人覺得私房菜要成$660一位其實算幾貴，不過見餐廳位於租金唔弱o既中環，當中又有海鮮，黑松露，雞，燕窩等做食材，而且睇得出師傅好用心去烹調食物，所以覺得雖不算抵，但至少可以話收費正常。…Read More

很早就听说庆公宴，可惜一直未能探访。近日从杭州回来，于当地酣享虎跑水烹龙井茶，勾起品茶的念头，终于去庆公宴寻幽。当日（非周末）预订仍有位，每位大概500元左右。位置不大好找。厅内有四张台，不算阔落，不过我们较早，所以还很静谧。古色古香的感觉，中堂的老式挂钟依稀便是年少时爷爷家中的那一款，时间也一样走不准了，又何妨；靠墙的红漆大柜被黄白色灯光渲染，衬着旁边一罐罐的茶叶更加有韵味。这里菜单大致3个月一换，套餐中的茗茶未必够，所以通常要另点一壶茶。LB点了普洱，我则一试福建白毫，不过这里的白毫不如洲际酒店的好，作为以品茶主打的私房菜还要努力。此次菜品如下：首道茗茶—明前龙井：却有明前的清香，不过烹的过淡了些，或许是从杭州回来对茶的期望过高了。一个小插曲—推销小包明前龙井时候，我问是今年明前的新茶么，服务生回答这是好茶，放了几年。当然，负责烹茶的经理还是懂的。前菜三款—冰镇荔枝番茄，凉拌莴笋面，西班牙白毛猪火腿烧烤菇卷：都算不错，尤其要赞的是荔枝番茄，实为番茄，却满是荔枝味道，身在曹营心在汉，冰镇来更出效果，五星。火腿菇卷估计是太小了些，所以没大吃出火腿的香气。主菜一—甘草陈皮海中虾：通常对 fushion菜都很戒心，不过这道菜味道出奇的好，略酸甜而又未过酸，虾亦算新鲜，没有煮老。四星。主菜二—酥炸桂花燕窝卷配鲜姜汁特饮：蛮有趣的做法，炸的不会碎掉，桂花味也足，姜汁有些刺激喉咙，不过解炸物的热气很好。三星。汤—莲子苹果炖螺头汤：莲子的鲜，苹果的清甜，中和了螺的海味，无一丝油腥。四星。二道茗茶—南岩铁观音：是三道茶中最出色的，也烹的正合适，可惜只一小盅，不够回味。四星。主菜三—秘制牛肋条配小馒头：肉炖的软烂入味，不过没尝出秘制在何方，LB觉得一般。在大陆北方吃过无数各色馒头，所以这里馒头还好，不觉得如何出色。主食—茴香鸡丝冷面：比较失望，面不够筋道，调味也清淡。就不推荐了。三道茗茶—蜜香单欉：单欉算是乌龙茶里的异类，采摘费事，而品者不多。这里的还算好，虽然不是贵族“凤凰单欉”。最后的手做甜品印象不深了。总体而言，倘若未去过，值得探访，Encore亦可，前半席多出色，后劲略有不足。…Read More

久聞大名, 這裡大廚出的食譜亦曾經拜讀, 剛啱同太座選這日外出用膳,意外地抽中了這裡, 之前一日打電話來訂位時, 接線的經理話本來是要有四個人先會開鋪的但因為那個星期六在我之前已經有四位客人預約咗,所以我們兩個人都可以照做咁話,當日12:35到達現場, 已經有一對日藉夫婦座在一枱開始品茶, 看來這裡蠻有人氣喎, 這裡雖說是會有3道茶在中間間下場但每道茶都只係一小杯功夫茶SIZE所以其實店方係會再推薦客人叫多一盅茶的,選最平易的45大洋一盅唔知叫貴定平呢, 飲唐茶真的唔知價喎, 兩個人兩盎無形中加咗90個大洋啦,我們要了”蜜香單欉”和”06紫茶”, 蜜香單欉茶味帶丁點苦而回甘, 而另一個06紫茶雖說是普洱茶但茶身很順滑就連我倆唔識飲茶嘅都感覺得到就真的是很滑溜囉, 這兩盅茶就等於在五星酒店餐廳叫支鑛泉水都要$7~80/支,但這種盅茶重要不停的給客人沖呀沖,因為一盅茶共只係幾啖就飲完,她又要去沖茶,講真呢D係手工錢囉,由於全場只有一個經理,沖茶係佢,聽電話係佢,傳菜係佢,講解又係佢, 好典型的香港人的做事方式, 先來頭一道茶- 明前龍井,好清淡嘅茶色及茶味,飲完似無飲過,個杯仔好清幽,這是一道看嘅茶?!前菜三弄- 一弄荔枝蕃茄,這個一定是荔枝行頭因為一啖食落去是感覺食緊個比較大粒的荔枝,到咬破蕃茄後飄過茄肉的清甜,再回來的也是荔枝汁,相當霸氣嘅荔枝啊, 一個玩弄味道轉移的把戲蠻有趣,二弄藍莓汁煙燻鴨胸, 上面加了些炸啤酒脆漿,用來增加口感,鴨胸煙燻得有點硬,如果留一點紅效果理應更好,這類野味配上水果醬汁等微酸味係西洋料理中的基本配搭,可惜未能將食材發揮至完美, 三弄蟹肉蒿筍冷麵, 將蒿筍刨成絲狀作沙律出菜,比較和式的表現手法, 上加點蟹肉, 但蟹肉份量少得驚人,想必不過15克, 食咗都感覺唔到啦, 沙律汁都係甜中帶點酸那種來得清淡嘅口味,其實我寧願佢將荔枝蕃茄同蒿筍絲搞埋一齊好過, 鴨胸或者蟹肉是但揀樣擺上去一碟過來得簡潔無華,價錢亦可以落番些少啦 海鮮係選咗紅酒糟香芹海中蝦- 酒糟汁的酒糟味濃,配上芹香,精華全付在蝦殼上,蝦肉雖也很爽但因為是連殼炒味道身怎麼也難以進入蝦肉內,所以這道菜以蝦殼為主,蝦肉只係配角而已,酥炸越南米紙卷美國生蠔- 炸功了得,外殼的米紙筒沒半點油膩,但內部的蠔肉偏小,食是食到有蠔味的,但手功比材料來得令人驚訝湯類是雪菊蓮子蘋果燉螺頭湯- 話說經過六小時的燉湯色澤只係稍稍微黃,一入口螺味的鮮甜突出,湯是無話可說的”鮮”,湯渣內有蘋果但已是味道孑然,口感似海綿,一口瘦肉還有些少殘餘肉味跟住就全是纖維了, 螺頭片都可以話重有少許螺味嘅,跟住來第二道茶- 南岩鐵觀音,未飲已經先聞到蘭花嘅香味令人心擴神怡, 正好為下一道菜喚醒一下味蕾,肉類係秘製牛肋條配小饅頭- 秘製牛肋條實質係南洋沙爹牛肋條, 牛肋條夠淋身口感剛剛好,而且吸盡汁料精華味道濃郁豐富, 但原來伴食嘅饅頭更厲害,質地細膩軟綿,個人認為饅頭比牛肋條更搶鏡,這饅頭可以說是食過的饅頭之中数一数二嘅精品囉,見識過這小饅頭令本人對饅頭的質感有更深層次的認識了,澱粉類是茴香雞絲米線(涼食)- 茴香份量小至感覺唔到,雞絲更免問了, 不過這米線又有些綽頭咁話, 據說是元朗某工場出產的糙米米線,口感彈牙而且因為經過浸冰水的程序咬落特別有趙口, 凍食糙米米線還是頭一次啊第三道茶即係我盅茶: 蜜香單欉, 她沖的同我那盅比較明顯顏色淡一些,味道亦如是, 都啱嘅無理由俾錢叩盅茶會淡荗荗嘅,手作甜品係台灣荔枝果凍跟一個檸檬薑汁: 汁可落可不落,原味夠甜而落汁則令整個甜品的味道清新起來,吃到這裡不知不覺之間已經吃了兩個鍾頭,最早來到的一對日本人夫婦已經走了, 另一枱講普通話的四個客人雖然遲來但亦食到尾聲了, 這裡環境令人很舒適,聽着中樂輕輕的伴吃,三道中國茶的間場亦頗新鮮,不過講到菜式本身整體效果欠理想, 好多時感覺妹仔大過主人婆,還有好大空間可以改善,但由於基本功夫底子深厚,尤其是中式菜式部份更特顯其出色之處,總算見識過這聞名已久的粵式私房菜了, 還有否機會再來真的要看大家的緣份了…Read More

炸物! 趁熱食! 香氣渾然口內! 正! 特別一提: 多士底亦做得好好!呢款係全晚最熱氣既野!此外哈密瓜湯亦幾好飲!全晚野食精緻,但係因為款多,最終係食唔哂最後上台既蝦湯米粉囉! (個湯都OK!夠味夠甜!)順帶一提: 我鍾意飲茶,個SET有3循茶,係唔錯既設計~ 建議在蝦多士後加多循上等普洱幫食客去油,會更貼心!裝潢: 中式的古式古香但有大量改善空間職員態度: 都OK架…Read More

很久很久之前曾在此吃過晚飯, 記憶中食物質素與環境都不錯。重臨這地是友人中環地膽推介。但這次是吃午飯。點了”午市商務套餐”前菜有兩款, 分別是, :-茘枝蕃茄 –感覺好清新。我本身很喜歡吃茘枝, 所以不自覺對此菜加分。西班牙火腿烤菇 - 火腿香。炸雞捧配熱情果乳酪汁–炸物一向都是我的摯愛, 據侍應講解, 此炸漿是師傅特意調製。 果然入口很鬆, 脆, 沾少少熱情果乳酪汁口感更佳。XO醬玉子豆腐配鮮豆漿蛋白- 滑。老黃瓜日月魚北寄貝燉湯 –據說是原盅燉六個小時, 味道很足。特上牛柳秘制上湯讚岐烏冬 – 我跟友人異口同聲的讚不絕口。 那上湯好喝得難以形容, 濃而不膩。友人與我起初以為是加了師傅(味精), 但食完整碗後並沒有超口渴, 証明真材實料。除上湯外, 要讚的還有白蘿蔔。因為白蘿蔔盡吸上湯精華, 很入味。手作甜品及花茶– 奶凍。此甜品給我反高潮的感覺, 因為每一道菜都很中式, 突然來個西式甜品, 感覺很有趣。老實說, 二百五十元一個午餐說不上便宜。但如你身處中環, 想找一處比較舒適的地方嘆午餐, 或約了客戶要一個安靜環境, 又或者吃厭了西餐, 點心, 這裡是一個不錯的選擇。…Read More

呢次係我第一次食私房菜, 感覺都幾好… 呢到好古色古香, de waiter 又 nice 又 active, 幾好 幾好~~首先,(係男友 在我不知情安排低下) 一上到去, 遲左20 mins˳ 不過 kennis (經理) & de waiter 好好… 見我地有de氣來氣喘, 即刻provide 水先, 再問飲唔飲其他野… 呢個 細心, very appreciate 等我地唞順條氣先上菜單第一度茶˳一道茶仔後… 前菜 :珍寶帶子 - I love it吞拿魚卷 - 唔特別蕃茄荔枝 - 超鍾意, 因為炎炎炎夏日下, 行上黎老蘭都幾係野…食完呢個菜, 成個人涼哂! 呢道透心涼之作, 有 5粒星星喇! Hehee!玫瑰蝦 - 正, 好大隻 同 有酒味, 香… 而最重要味道一流 tim~ 開胃 ~~燕窩卷 – 有心心架! 事源係週年慶祝 又係同 kennis傾開時, 她安排了這心心, 十分之 appreciate~~ 燕窩卷 唔油 好清甜, 比想像好好多, 唔多似炸野, 但佢真係炸˳湯 - 一般, 唔太特別好似係黑松露冬瓜 - 個味好濃, 因為冬瓜清而黑松露濃味..互補不足咁~隻雞 (唔記得咩名堂) - 好味, 好滑 個 汁好 match, 除左有雞味之外 個 size 都幾好 (我和男友都好like)牛肉讚其烏冬 - 其實一上枱, 心諗唔係卦… 成幾舊水 一位 (因男友安排, 我只係估), 俾牛肉蘿蔔烏冬… 一如慣常, 飲下湯先, e….. 又幾好飲喎… 唔似 “例水” wor… 跟住 食塊牛肉仔 先…. 一級wor… 唔係流野wor… 個牛好新鮮, 望上去 唔覺 咁堅, 但食左一口, 不得之了… 當然最後就跟住食蘿蔔&烏冬啦~~ 蘿蔔好淋, 吸晒個湯de味, 同牛肉仔 有相反平行之作用.. 正!!!! 而讚其烏冬 彈牙, 軟硬適中…即係一de 平平冇奇嘅菜式 但原來係最好味…. 想 encore tim~~其實都飽飽地, 自問唔係細食, 但真係有de 飽& 佢de 茶仔都幾好飲... 到呢個時候男朋友先講呢個係度身訂做既 menu, 佢驚原來既 menu 滿足唔到我地倆個大胃王, 所以同 kennis 相量之下整出黎˳ 其實之前以為私房菜係 set menu, 唔改得, 點知佢地咁有彈性, 都ok wor... 會配合客人既需要˳ 低贊! 傾傾下, 仲好似話會陸續有新菜上場tim, 絕對會考慮再去 encore, hehee~~ …Read More

由於今次是請外國客人吃晚飯，想找一個有特色之餘又要舒適有服務的餐廳。於是經朋友介紹，就來到中環酒吧街內的小店。（由於位置在97吧之上，吃過晚飯後還可以有餘興節目。）晚餐有三款不同選擇。分別為８道菜，１０道菜。（最後一款因為有魚翅之類，問都無問，因為唔食！）訂位時接待員也詳細解釋幾款菜單的分別。由於今次請客，而外藉客人居多，有兩位更是不吃紅肉的，接待員提議我選８道菜餐，再加１款前菜，１款白肉主菜，以便請客不失禮之餘又未至overbudget。私房菜的菜式雖然需一早預訂，但對於請客時怕各人過份客氣而難點菜的場合，的確減少很多麻煩。３小碟 ( 日本溫室青瓜蟹肉沙律　－　青瓜很爽脆清甜 ; 荔枝小蕃茄（套餐另加菜色）－　推介！好好味。 ; 西班牙火腿菇卷)花椒蟹皇海;中蝦　－　好味，如果可以多吃兩隻更好。酥炸鮮蠔沙律卷伴番石榴汁　－　番石榴汁很香，出色在於配搭了炸物，清新而不油膩。推推推！老黃王燉日月魚湯　－很清甜秘製牛肋條配小饅頭　牛肝菌黑松露炆春雞　（外加菜色）－　全晚最受歡迎菜色。有客人因為這個餸，吃了四碗飯，順帶一提，這個菜是配了一小碗黑松露味飯，加了牛肝菌和雞肉，真是絶配。甜品　北海道牛奶凍　－　想不到中菜館也有出色的甜品，好滑好香！套餐還配了三款不同的中國茶，由清到濃，的確有意思。品茗的只是一小杯，如果你是瘋狂灌水的一群，請另外再點。而我選擇了餐酒，價位也算合理，一支法國Pinot Noir 約$3xx。溫馨提示：不妨多問幾句，與接待員先溝通，例如款式選擇，又或者晚宴目的，大大減低出糗指數。…Read More

雖然之前試過類似的私房菜印象麻麻地,但有同事介紹話ok,於是打去訂了$330一位的套餐.結果又中招。前菜是’椰菜花蟹肉配魚子醬汁’,救命,蟹肉唔新鮮,椰菜花無味,魚子醬汁酸酸咸咸一陣怪味好難食。另一前菜’西班牙白毛豬火腿燒烤菇卷’,火腿得個咸字,質素差無香味。‘鮮檸法國芥末海中蝦’,唔凍又唔熱,見到放了很多檸檬葉和檸檬皮,但味道真的不太夾,我寧願食豉油王炒大蝦好過。’老黃瓜日月魚北寄貝燉湯’,北寄貝要生食才會鮮甜,用來煲湯實在是超級浪費,湯加入了日月魚後都幾腥。’香草陳皮烤豬肋排’;豬肋排醃得不夠入味,亦烤得不夠熟,近骨位有血水流出,豬肉煮唔熟確實令人很難受。話說回來,有幾道菜都不錯,’酥炸生蠔沙律卷配番石榴汁’,十分香口,與酸酸甜甜的石榴汁是一流的配搭。’讚岐烏冬伴櫻花蝦米配雙色醬汁’,讚岐烏冬好正好彈牙,配黑醋汁和芝麻汁讓我們自己調較口味。甜品是最正的,是北海牛奶布甸,又滑又香。其實餐廳環境和服務都不錯,除卻要俾訂金,找數又要俾cash之外。套餐三道茶各有特色真的不錯,但食物味道就見人見智,感覺像是將不同材料放在一起煮,結果味道無論有多古怪都照送上來給我們’品嚐’,也沒有理會過客人的感受,真的試一次就夠。…Read More