慧食貓

营业中

休息中

聽聞呢間小食店幾好味好多人大推😌，一於去支持下先。小店有好多款手抓餅組合選擇，今次就揀左火腿雞蛋加肉鬆😆本身基本配料會有埋蕃茄同生菜，但係因為已經賣哂既關係就得返主配料啦🙈即叫即製，拎上手十分熱😝手抓餅好酥脆，中間夾左好多肉鬆，加埋煎蛋同火腿，仲有個沙律醬都好正，一啖咬落去就咬到滿滿既配料，好味吖😍而且食完一份都好飽，好足料

#火腿雞蛋煙肉手抓餅 $25講到手抓餅 一定會諗起葵廣😍雖然小編叫咗個好普通嘅火腿蛋煙肉但係越簡單越好味❤️而且份量好多 食一個已經夠曬飽👍🏻除咗你本身叫咗嘅配料 店主仲會加番茄同生菜咁就可以解咗份油膩感😚評分:10/10

If you don’t speak Cantonese, don’t worry! Boss is super nice and will help you out! The taiwanese omlettes are delicious and there are always many people queuing up. It’s closed on Mondays, but any other day working in full steam. Very very very recommended

今天跟朋友相約了在葵芳站附近的葵廣，相信咁多位對呢個地方都唔會陌生。尤其係住荃灣／葵芳嘅朋友仔，葵廣絕對係個熱門蒲點，事關入面嘅鋪頭包羅萬有。各式各樣嘅小食茶飲店、潮流服飾、格仔鋪等等，留待大家去慢慢發掘。😎今日嘅主打嘅係屹立葵廣多年嘅手抓餅店慧食貓，即使唔係熱愛食手抓餅，但每次嚟到呢到都會忍唔住嗌返一份過下口癮。😝鋪頭隱藏係幾間小食店中間，唔算顯眼。每次去都見到老闆熟悉嘅面孔，用熟練嘅手勢為客人炮制新鮮熱騰騰嘅手抓餅，親切感都不禁油然而生。呢種感覺到咗呢個世代好少會感受到，大家可以親身嚟感受下哈哈。🤣不負眾望，餅嘅外皮鬆軟，餡料份量剛剛好，口感豐富，非常推薦大家揀肉鬆做餡，相信大家都會喜愛。🥰

葵廣多小食店就大家都知，係咁多小食店入面又有邊啲值得一試呢？🤗其中一間好值得推介嘅係喺一樓嘅慧食貓👍🏼每次嚟我都係食火腿雞蛋肉鬆手抓餅🥰真係好好味🤤成個配撘絕對係💯除咗有火腿、雞蛋同肉鬆之外，仲有生菜🥬令到成個感覺變得更fresh😆由於非常足料嘅關係，如果想之後個肚仲有位食其他嘢，最好就同朋友share啦😂至於手抓餅係即叫叫整，所以可能需要等待一陣⌛️但係絕對值得㗎！手抓餅一啲都唔油，而且熱辣辣，帶點薄脆，諗起都流哂口水🤤

手抓餅比我嘅感覺係一咬就成嘴油，（雖然係咁但餵食嘅我都要食）但呢間嘅手抓餅又唔會油淋淋。即叫即整個皮好鬆化，叫左芝士加肉鬆$22，落單後5分鐘有得食。除左所揀嘅配料，仲會有埋生菜、番茄、醬汁，令個餅食落去fresh啲。整體口感味道一流，如果塊芝士可以溶埋就perfect喇！另外個櫃臺上面放左啲散銀，係比客人自己找錢，表達左老闆（我估係？）同客人間嘅信任。等食間會有人拎小食比老闆，老闆又會同啲熟客吹水，果然係街坊小店，獨特可貴嘅人情味。

雖然其實自己屋企都整到可以去去惠康 百佳 買酥皮一塊去煎pan煎煎完再擺d 料可以做到九成似不過呢間都做得好足料紫菜 + 芝士+ 生菜 + 煙肉好好食勁多學生哥幫襯食完一個都勁飽哥哥仔態度好好

每次諗唔到去邊葵廣都係一個好選擇，有得食又有得買。慧食貓係每次黎都必去既店，呢度有唔同款式既手抓餅，價錢亦都吾算貴，二十幾蚊有一大舊。試過佢唔同口味，印象中有肉鬆、火腿雞蛋、蟹柳等等。甘多樣入面始終覺得係最好食，再加上佢又係最平，所以每次都好想叫佢。每次都係揀完味就即叫即做轉頭再返去拿，所以每次拿上手個手抓餅都係熱辣辣！佢個皮煎得好想好好味，另外除左主材料之外仲有菜等等配料令食落去唔會覺得甘膩。另外令個手抓餅升華既係醬，甜甜地再配蟹柳真係好好食。佢既分量啱啱好，食完之後唔會太飽亦唔會太餓，同人share仲可以試多幾種唔同味，食完仲可以再戰其他美食，推薦大家下次黎葵廣都可以試下。

因為有D肚餓, 但又就黎食飯, 所以就食D小食先, 見到呢到有手抓餅, 就試下先啦, 有藍苺汁, 但D汁唔夠多, 可以再多返D, 手抓餅個餅身有小小硬, 但可以接受, 味道就不過不失!

大家好😊👋🏻繼續晴寶在葵廣的掃街篇，今次轉移試食陣地到一樓，請大家多多支持！第三站：慧食貓😺門口以貓咪🐱作為主題，滿佈😺😺😺相片，相信店主是愛❤️😺之人，因此，店名也用為食😺而命名！店內獨賣台式手抓餅，選擇多樣化，可點餐，也可自選配料，價錢大眾化。1）手抓餅-自選配料 $24 評分：⭐️⭐️⭐️⭐️今次想試招牌肉鬆火腿蛋手抓餅，但因為剛剛已吃了玉子燒，不想再吃蛋，於是店主主動地提醒我們可以自配走蛋，最後我們點了—肉鬆火腿蟹柳手抓餅。店主不消二分鐘已弄好，速度快得驚人，份量亦多得驚人，可兩位女生分享來吃👭，這店的手抓餅還配上菜和番茄，令整體口感提升，味道很配，而最抵讚是手抓餅熱辣辣十分薄脆，很好味又飽肚😋👍🏻店主豪邁不區小節，手腳快，值得欣賞。

慧食貓😼呢個又係每次去葵廣都會食嘅野真係份量十足之餘 就算食到最後都仲有餸最中意佢又有蔬菜(蕃茄 生菜)一解油膩重點係滑蛋 好少見 平時一般都係煎蛋真係好好味 成個口感唔會好乾 不過等候需時

葵芳嘅葵涌廣場出名多嘢食，有部份嘅小食店，做得好有心機，可以稱得上係高質添😊呢間都係一間用心嘅小店，店主一個人一腳踢，所以有時會著顧客自助找贖！點完食物，店主會指示客人幾分鐘或十數分鐘後回店取！因為手抓餅是逐塊煎至香脆！所以制作需時！店裏主打是手抓餅配以各種不同饀料！款式選擇多！就算是淨餅也會配上沙律醬，生菜和蕃茄！我點了手抓餅配吞拿魚沙律，餡料很足夠，沙律醬酸酸甜甜！配上熱辣辣的餅底！的確很開胃，但吃完這個餅也吃不下晚餐了！固這也能充當一頓晚餐！

係可遇不可求既慧食貓🤤 呢間小店我已經食左好多年！店主開工時間係不定時架 所以每次遇到店主有開鋪 我無論幾飽都要食返個手抓餅先走☺️基本上每次都係叫 B.火腿雞蛋肉鬆手抓餅($24)呢份手抓餅真係大份夾抵食😚每份都係即叫即製 大概等10mins反去就有得食🤤手抓餅煎得香脆 餡料大大份 加左蕃茄同生菜減少油膩感 貪心啲既仲可以加不同餡料 例如芝士煙肉豬柳等等☺️同場加映店主既貓貓-忌簾be 好得意呀~~~~~~😍🐱

葵涌廣場係小食集中地，每次都會去慧食貓食手抓餅，舖頭細細，得老闆一個打骰，落單，整餅所有野一腳踢，繁忙時間要等下，大部份客人都好好，唔會催單呢到有兩樣野好特別：1. 買野唔駛比錢住，落單後，老闆會同你講幾時返黎拎，到時先比錢，就算你想比錢先，老闆都會阻止你。櫃台有個盤，由客人自行付錢，自行找續，大家講個信字2. 絕對要頒個記憶獎比老闆，每位客人落單，無需紙筆，只靠人腦記住，邊個客人叫邊款都真係記到，勁！！今次叫左原味，老闆好精準地叫我12分鐘後拎，不過真係太多人，等左20分鐘。原味只有生菜及蕃茄，但拎上手熱辣辣，加埋醬汁都好好食，性價比高，值得支持！！！

手抓餅可以話係我人生中最喜愛食既野食之一，葵芳呢間手抓餅亦係我想推介既美食！相信唔少人都識得呢間慧食貓，因為店外門口貼左好多店主心愛貓貓相！老實講，係買之前睇下手抓餅menu既相，的確唔算好吸引，我就揀左B餐。B餐有火腰雞蛋肉鬆，其實都幾多料架啦，不過我仲加多左芝士！因為即叫即製，而且長期超多人買，所以預左要等。不過店主超好人，會話定你知大約幾時返黎拎就有，所以有可以周圍去行下先，差唔多時間先返黎拎就唔洗白等。今日比較多人，我都等左差唔多廿分鐘。手抓餅熱辣辣，個餅皮煎得好香，脆就一般，不過唔太油，岩晒女仔！至於ｄ料，真係超多，原來手抓餅入面仲有生菜，個口要mak到勁大先可以一啖食到全部材料。而且啖啖茄汁，唔會怕dry !熱辣辣芝士夠晒溶，正！自己食一個既話一定超飽!另外溫馨提示，如果鐘意食醬既話，食手抓餅一定會食得勁開心。但如果麻麻地醬既話，記住落單時叫定少醬啦！